بسم الله و الصلاة و السلام على سيدنا رسول الله نبدأ ان شاء الله الامسيه الخاصه بعنوان قانون الجذب كما لم نعرفه من قبل
قبل ما ابدأ كده على الموضوع النهارده عايز اتكلم عن حاجه بسيطه
اول ما بنقول كلمة قانون الجذب للأسف بيجى فى دماغنا كتير ايه يا جماعه ؟؟ اول ما بنقول كلمة قانون الجذب بيجى فى دماغنا ايه ؟ بالظبط كتاب السر - الفلوس - التخيلات مظبوط - المعايشه - التوكيدات
عايز الناس تشارك كده و تقول ايه الى قانون الجذب بيمثله ليها ؟ عايزين نصحى يا شباب مش عايز الحكايه تبقى محاضر و متلقى
معايشه بالظبط تدريبات تقنيات مش كده ؟ الحقيقه يا جماعه ان كل ده مع احترامى الكبير ليه و للى قاله لا علاقه له بقانون الجذب لا من بعيد ولا من قريب ببساطه جدا عشان منضيعش وقت فى تعريف قانون الجذب او التعريفات الأكاديميه
يا جماعه انا شغال بالمايك بتاع الشغل الخاص بتاعى و الكوالتى عندى كويسه جدا لو فى حد عنده مشكله يبقى المشكله من عنده عشان مقطعش الكلام تانى نتاكد من بعض ان المشكله مش عامه او شائعه لان طبيعى انا فى الاستوديو بتاعى و البعد كويس و الكوالتى كويسه
نكمل يا جماعه ؟ تمام
الى كنت بقوله ان المعايشات و التوكيدات و التمارين و التقنيات و ان انا اشوف نفسي معايا هدفى و بعمل ايه بيه كل دى ده الى بيجى فى دماغنا لما بنتكلم عن قانون الجذب مش كده؟ لكن ده مالوش اى علاقه بقانون الجذب لا من قريب ولا من بعيد بالعكس انت كده بتخلى قانون الجذب بيشتغل ضدك
يعنى معنى كده يا فيصل هو شغال طبيعى ؟ اه يعنى بالظبط كده لو حد سأل هل ينفع استخدم قانون الجذب عشان اجذب هدفى زى كانه بالظبط سأل ازاى اتحكم فى قانون الجذب او ازاى اتحكم فى قانون الضغط
المقدمه البسيطه دى بس عشان على اد ما تقدر النهارده انسي كل الى انت عارفه عن قانون الجذب ان هو توكيدات و ان هو معايشات و تمارين او حاجات تقولها لنفسك لمده معينه او عدد ايام معين كل ده مالوش علاقه بقانون الجذب مش هاقولك صدق الى بقوله و مش هاقولك كذبه مش هاقولك خد كل الى فيصل عبد الواحد بيقوله و حط عليه ختم انه صح 100% و مش هاقولك خده و حط عليه ختم انه غلط
هاقولك على الأقل الكلام الى انت هتعرفه النهارده خده و جربه و اعرضه على التجربه و شوف النتيجه معاك ايه
الى عايز ابدأ بيه النهارده بعد المقدمه الممله دى ان انا ببساطه اوى ايه هو قانون الجذب الى شغال معانا طول اليوم و طول حياتنا ده ؟
ان الى انت بتحسه او بتفكر فيه او ( بتعتقده ) و دى موال طويل اوى لازم بشكل او بأخر او بصورة او اخرى هيلاقى طريقه فى حياتك
ايه ده يا فيصل ؟ يعنى ايه ؟
كل حاجه فكرت فيها هتبقى موجوده فى حياتى ؟ اه و دى مشكله نبدأ نصحصح كده يا جماعه عشان هبدأ اتكلم عن المشكله دى متكلمتش عنها قبل كده فى كورساتى مشكله الأفكار متعدده و متشعبه ان احنا اذا نستخدم عقلنا الباطن بنفكر الأفكار الى احنا مثلا احصائيه اتعملت مؤخرا كده انت بتفكر فى اليوم 60 ألف فكره جميل ؟ شوف كده الأفكار الى انت بتاخدها معاك كل يوم و بتكملها ايه هى ؟ هتلاقى حوالى تقريبا 95% من الأفكار الى بتكمل معاك الايام الى بعد كده كلها افكار سلبيه غير كده كمان ان كل الأفكار مهياش افكار كامله كلها ارباع اهداف و انصاف اهداف و اعشار اهداف تحس ان حياتك كده انها ماشيه بشكل عشوائي مش كده يا جماعه ؟
طيب الحل للعشوائيه دى ايه انى مش عارف اعيش الحياه الى انا عايزها و مش عارف اجذب الى انا عايزه ؟
زى ما قولنا قانون الجذب ان الى انت بتحسه بطريقه ما هيلاقى طريقه يجى بيها فى حياتك مش عايز بس نتكلم على الثلاث ابعاد و حكايه التخاطر و الأفكار و الطاقه هنتكلم عليها فى وقتها اذا ربنا آراد ان شاء الله و انا قاصد ان الأمسيه النهارده تكون مركزه جدا مش عايز اتكلم فى حاجات كتير ملهاش لازمه و عايز ادخل فى الموضوع على طول
من فتره خمس سنين تقريبا سبت قانون الجذب خالص و بدأت اتكلم عن حاجه اسمها التحرر ليه ؟ لأن قانون الجذب كده كده شغال العربيه كده كده ماشيه مش هيفيد العربيه فى حاجه لو انا نزلت منها و حاولت ازقها من ورا و هى كده كده ماشيه فسبت قانون الجذب طالما كده كده قانون الجذب شغال و بدأ ت اشوف ازاى استغل قانون الجذب ليا او لمصلحتى فلقيت ان كده كده قانون الجذب شغال و الافكار و الاحاسيس الى بحسها بتجيلى طيب ليه ميبقاش فى علم ان الحاجات الى انا عايزها تجيلى فعلا فبدأت ادور على حاجه و تقنيات و اقرأ و اخد كورسات عن ناس لغايه ما بقى فى حاجه بفضل الله اسمها التحرر
يعنى ايه التحرر يا جماعه ؟
فاكرين لما قولنا من شويه اننا بنفكر 60 الف فكرة فى اليوم ؟ الأفكار الكتيره و المشاعر الكتيره و المعتقدات الكتير دى كلها بتتخزن فى مسارات الطاقه بتاعتك جميل فمبيحصلش او الى بيحصل ان انت بتجذب الحاجات الى انت مش حاببها او مش عايزها طيب الحل ايه ؟ ان انا انقى او اصفى مسارات الطاقه دى ازاااى ؟؟
الى هنتكلم عليه النهارده اسمه التحرر زى ما قولت مش هتكلم كتير كلان نظرى هنبدأ نشتغل ان شاء الله بشكل عملى على طول
حاجه من الأتنين يا جماعه
يا جماعه انا مش هاقدر اتكلم و فى مشكله فى الصوت عند ناس كتير فى ناس سمعانى كويس و فى ناس سمعانى مش كويس المشكله من عند مين ؟ يا جماعه الى الصوت عنده واضح لو فى حد بس الصوت عنده كويس يبقى المشكله من الشخص التانى تمام ؟ فى ناس الصوت عندها كويس يا جماعه ؟ ممتاز الناس يا جماعه الى بتقول الصوت فى مشكله ياريت تشوف الناس التانيه الى كاتبه ان الصوت عندها كويس عشان تعرف ان الصوت من عندها هى و فى ناس كمان على الموبايل بتقول ان الصوت عندها واضح
اوك نرجع تانى للنقطه المهمه الى كنت عايز اقولها و النقطه دى ممكن تصدم ناس كتير حاجه من الأتين مينفعش يبقى الأتنين موجودين تمام ؟ اما الشيء اما الهدف يبقى موجود يا جماعه او الرغبه فيه معايا ؟ اما الشيء او الرغبه فيه
الى بيقول يا جماعه تخيل انك تسمع صوت واضح عشان تجذب صوت واضح لأ ده الى لسه بحذر منه قانون الجذب مالوش علاقه بالتخيلات يا جماعه و ممكن تجربو ده دلوقتى تخيلو ان صوتى واضح هتلاقو ان بيحصل العكس قانون الجذب يا جماعه مالوش علاقه بالتخيلات
ليه الخيال بيجيب نتيجة عكسية ؟ خلينا يا جماعه اسألك سؤال انا عايزك توصل للأجابه بنفسك انت طبيعى عندك تحت البيت عربيه فيرارى اوك ؟ موديل الى انت عايزه بالظبط مودي السنه هل بتتخيل ان انت سايقها او سايقها ازاى او بتتخيل الناس جنبك ؟ مبتتخيلش مشك كده ؟ لأن هى طبيعى موجوده فأصلا لما بتبدأ تخيل ده معناه ان فى نقص فى الحاجه دى اصلا اما بتبدأ تخيل الهدف ده معناه ان فى نقص فى احساس بالنقص فكل الى هتجذبه احساس بالنقص اكتر
نرجع للموضوع المهم خلينى نسأل السؤال ده و كلنا نجاوب عليه زى ما قولت من شويه يا اما الهدف يا اما الرغبه فيه ناخد مثال مثلا الفلوس انتو تفضلوا ا لفلوس ولا الرغبه فيها ؟ الزواج ولا الرغبه فى الزواج ؟ ايه الأفضل جميل طيب السؤال الثانى و الأهم و الى انا شخصيا مش فاهمه طيب لما احنا بنفضل الفلوس ليه كلنا متمسكين بالرغبه فيها ؟؟ طالما عرفنا ان يا اما الهدف يا اما الرغبه فيه و دلوقتى كلنا جاوبنا لما قولنا الفلوس ولا الرغبه فيها قولنا الفلوس طيب ليه متمسكين فى الرغبه فيها ؟ حاجه مش منطقيه تمام
قد يكون فعلا زى ما سهر بتقول عدم او وعى او قلة وعى او ناتج لسبيين اول سبب التربيه انت لازم تتمسك بالحاجه و لازم تحارب عشان توصلها وا لكلام الفارغ ده تمام
ثانى شيء الوعى التدريبى المنتشر ان انت لازم تبقى عايز الحاجه برغبه قويه تخليك تهد الجبال و الرغبه دى هى المحرك بتاعك و هى الوقود الى بيحركك لقدام و الكلام الفارغ ده
الرغبه فى حاجه يا جماعه ليه الرغبه فى الحاجه بتجذب ان الحاجه تبعد عنك ؟ لان الرغبه دى معناها ان الحاجه مش موجوده العقل الباطن بيجذب بالظبط الى انت بتديهله طالما انت بتديله احساس بالنقص و الرغبه كل الى هيجذبه مواقف تخليك تحس بالرغبه دى اكتر الرغبه فى الزواج هتجذبلك مواقف تحسسك بالرغبه فى الزواج دى اكتر يعنى مثلا لو انتى عايزه تتجوزى عشان عندك مشاكل فى البيت الى هيحصل ان المشاكل فى البيت هتزيد و الى هيحصل ان الرغبه دى هتزيد اكتر عشان تحسي بعد كده نفس الى بتحسيه
فى حاجه مهمه مكتوبه اخر حاجه الى هى تغيير اكبر مشكله و قبل ما ادخل على جزئيه علاقه الداخل بالخارج او مفهوم التحرر عايز كل واحد يبدأ يكتب اكبر مشكله عنده ايه هى ايه اكبر مشكله عندنا يا جماعه احنا جينا النهارده عايزين نغير ايه احنا وعدناك النهارده ان شاء الله ان اكبر مشكلة فى حياتك هتغيرها مش كده ؟
اكبر مشكله فى حياتك هى ايه احنا ماشاء الله 80 عايز 80 مشكله و ان شاء الله قبل ما نخلص نكون مغيرينها كله يشارك يا جماعه ممتاز ( البيت - الفلوس - الحياه الماديه ) كل واحد يا جماعه يفضل فاكر مشكلته عشان اما اطلبها منك نشتغل عليها بأذن الله
طيب التحرر ده يا فيصل انت بتتكلم من زمان عن حاجه اسمها سيدونا المشكله يا جماعه ان احنا اتعودنا و اتبرمجنا من صغرنا ان اى احساس يجيلى ابدأ ادوله على حل مش كده ؟ يعنى مثلا لما اقول لحد ابدأ حس بشعور الرغبه فى الهدف او ابدأ حس بتمسكك بالهدف او ابدأ حس بالغضب الى جواك ناحية الشخص ده او فى رغبتك فى الأنتقام من الشخص ده جميل ؟ يقولى يا فيصل انا بقالى 10 سنين طبيعى بحس الاحساس ده ايه الى انت عايزنى اعمله جديد لأ انا طبيعى بقالى 10 سنين بقاوم الاحساس ده طبيعى بقالى 10 سنين بقاوم الغضب و عايز اشوف حل للغضب ده سواء حل داخلى او خارجى طبيعى بقالى 10 سنين عايز اشوف حل للأحساس بالفقر و لكذا و لكذا و كذا
طيب الى هاعمله مختلف دلوقتى ايه ؟؟ ان انا الأحساس ده هاحسه زى ما هو نجرب كده يا جماعه نعمل حاجه بسيطه دلوقتى كلنا ناخد نفس يا جماعه و عايزك تبدأ اى كان الى انت حاسه دلوقتى سواء له علاقه بالأمسيه او مالوش سواء له علاقه بيك او مالوش سواء له علاقه بأى شيء او مالوش علاقه بأى شيء و عايزك تاخد نفس و تسمح لكل الى انت حاسه دلوقتى ان هو يكون حتى لو انت مش حاسس اى حاجه اسمح للحاله دى حالة اللا احساس دى انها تكون زى ما هى نبدأ كده و احنا فى الحاله دى نفكر مثلا فى الفلوس مثلا و اى كان الى يجى على بالك دلوقتى اى احساس يجى عايزك تحسه زى ما هو بالظبط عايزك تحس الأحساس ده زى ما هو بالظبط هتلاقى ديما ان الى بيطلع كلام جواك زى انت بتضحك على نفسك ؟ او عمر الى انت عايزه ما هيجى - ماكنش حد غلب - اى حاجات بتتقال من جاوك اعرف انها نزاعات حتى الحاجات دى متحاولش تطردها او تقاومها حتى لو حاسس بخوف او اى احساس حسه زى ما هو الطريق طويل لبلوغ الهدف حس الكلام ده
حس كل حاجه كل حاجه ناخد نفس حسينا بأيه دلوقتى يا جماعه ؟ حسينا بأيه دلوقتى ؟ الى احنا عملناه دلوقتى حاجه اسمها الترحيب دى طريقه من طرق حاجه اكبر شويه اسمها سيدونا و دى تقنية تحرر بتكلم عليها بردو من زمان بس مش موضوعنا النهارده
شوفنا يا جماعه الحكايه بسيطه ازاى ؟ شوفنا التحرر سهل ازاى ؟ الى انا كنت بعمله طول حياتى الى فاتت كان بالظبط عكس التحرر كان مقاومه كان بحث عن حل كان رفض كان عكس الى عملته دلوقتى انما لو عيشت بعمل كده على اد ما اقدر هنشوف بأذن الله الدنيا بتتغير و ده هيدخلنا للنقطه التانيه علاقة الداخل بالخارج ركزوا معايا فى النقطه دى جدا
اى حاجه بره بالشكل الى هى عليه ده عشان حاجتين
اول حاجه : معتقد او قناعه جواك جذبت الشكل ده او الوضع الى بره ده او كمية معتقدات طبعا
ثانى حاجه : و يمكن دى الأهم هى مقاومه للوضع
طيب المقاومه بتزود الواقع ليه ؟ بشكل او بأخر لما انت بتقاوم الحاجه الحاجه دى بتزيد عشان بشكل او بأخر اما انت بتقاوم حاجه تركيزك عليها بيزيد عشان بشكل او بأخر اولا و اخيرا انت انسان ربنا خلقك مصنع للطاقه فى نظريات كتير جدا عن ايه هى موارد الطاقه و ايه هى الطاقه و الطاقه الموجوده دى جايه منين و الحقيقه الى انا شوفتها ان الانسان هو الى بيعمل الطاقه دى
فلما انت بتقاوم حاجه انت بتحط طاقة فى الشيء ده فبتستمر زى بنزين العربيه بالظبط زى عربيه و البنزين بتاعها الحاجه الى فى الواقع دى معتقدات و مقاومه بتخليها بتستمر
عرفنا يا جماعه الحاجات بتتخلق ازاى او بعملها ازاى حواليا و بتستمر ازاى و عرفنا ان التحرر سهل ؟ اما احنا اتحررنا دلوقتى ولا عملنا معايشه ولاتخيلات مقولتلكش مثلا تخيل الهدف ده معاك ساعات بستخدم كده فى حدود قليله جدا عشان اطلع المعتقدات من الشخص بس ملهاش اى علاقه غير كده ولا عملنا توكيدات صح ؟ ولا عملنا اى تمارين ببساطه الأحساس و تحسه شوفنا يا جماعه الحكايه بسيطه ازاى ؟ بالبساطه دى
اى حاجه تانيه تشوفها اعرف ان هى من عند الشخص طبعا فى حاجات تانيه لسيدونا اسمها الثلاث اسئله و الذكريات و الأحساس المضاد فى حاجات تانيه بس المهم دى ابسط و اسهل ومن طرق سيدونا الجميله جدا
دى سيدونا و التحرر ابحث عنها فى جوجل هتلاقى كل حاجه عنها بالتفصيل مش عايز اتكلم عنها دلوقتى
وهم الطاقات و الترددات
المشكله دى هتزعل منى ناس كتير ...... ليه ؟
عشان فى علوم مبنيه على الجزئيه دى فى كورسات مبنيه على الجزئيه دى ان انت لازم توصل للتردد الخاص بالهدف و لازم كل تركيزك يبقى منصب على انك توصل للتردد ده و عايز اقول على حاجه مهمه بردو يا جماعه انا فتره من الفترات كنت بتكلم عن المعايشه و فتره من الفترات كنت بتكلم عن الترددات بس قولت حتى بعدها ان انا اتكلمت على الى عايز يعنى مثلا تمرين زى الصنودق الأحمر مش عارف انت سمعته منى ولا لأ و فى ناس كتير جدا جذبته بفضل الله استخدمت فيه المعايشه و بعد كده قولت المعايشه استخدمتها ليه عشان اثبت نقطه معينه
لكن الى بيحصل ايه ؟
الى بيحصل انا كعقليه مدرب و انسان عربى المشكله جت من ايه ؟
ان شوفنا حد ناجح جميل ؟ و نركز فى الجزئيه دى عشان يمكن هى اهم جزئيه النهارده عقليه الأنسان العربى ان شوفنا انسان ناجح و الانسان ده لما نجح بدأ يعلى و وعيه يعلى تمام ؟ كنتيجه طبيعيه بدأ يبعد عن الصداقات و العلاقات القديمه بشكل غير مقصود طبعا وعيه على و هما وعيهم لسه زى ما هما فبدأ يبعد عنهم فجيت انا كأنسان عربى كواحد كده من بره بعقلية المدرب لاحظت و بصيت على الحكايه دى قولت اه ده هو اول ما قطع او اول ما بعد عن الناس الى كانو حواليه فجأه بقى غنى اذا السر فى انك تقتطع علاقاتك بالناس السلبيه و عملت كورس عن الحكايه دى مخصوص
انما احنا مسكنا العرض مسكنا حاجه النتيجه الى بره و قولنا هى السبب و مش هى السبب هى نتيجه خدنا نتيجة من الى حصلت و عملناها سبب و قولنا ان هو ده السبب و ان هو عشان بعد عن الأشخاص السلبيه لذلك منتشر جدا فى كورسات كتير جدا من ضمن الأسس بتاعتها ان انت تشوف الناس السلبين فى حياتك و تقطع علاقاتك بيهم مش كده يا جماعه ؟ دى حاجه
تانى حاجه بردو عقلية المدرب العربى يشوف مثلا حد ناجح اذا انت نجحت ازاى يقول انا من صغرى شايف نفسي ان حد ناجح و معايا فلوس كتير و كذا و كذا فيقول بس يبقى اكيد الشخص ده نجح عشان كان بيتخيل نفسه ناجح و بقى يتعمل عليها فعلا تدريبات على الخيال و الحاجات دى لكن الحقيقه ان الحاجات دى ملهاش علاقه خالص كل الحاجات دى نتايج اعراض جانبيه زىما بيقولو مش هى السبب الحقيقي لذلك اذا عملتها ممكن تشوف نتيجة جزئيه انما مش النتيجه الى انت متخيلها
كل نتيجه ليها تردد طبعا بس انا اذا شغلت نفسي بأن انا ازاى اوصل لتردد الهدف ده و على فكره اتكلمت على الجزئيه دى كتير جدا فى كورس طاقة الجذب عندى و رغم انى شرحتها بس بردو لسه فى ناس متمسكه بيها و هى حريات فى الاول و فى الأخر
المهم كون انى اشغل نفسي انى اوصل لتردد الخاص بالهدف فكده عمرى ما هوصل للتردد الخاص بالهدف ليه يا جماعه لأن زى ما قولت من شويه طول انا عندى رغبه فى حاجه كل الى هجذبه هو رغبه فيها
عرفين زى ايه ؟ زى واحد سايق عربيته و ماشى على الطريق و شايف قدامه سراب تمام ؟ كل ما بيقرب و كل ما بيمشي اسرع او بيجرى اسرع بيحس احساس مزيف ان هو بيوصل لكن مبيوصلش السراب ده بيبعد اكتر فهى نفس الحكايه مع الرغبه طول ما انت حاسس بالرغبه فى حاجه حتى لو كانت الرغبه انك توصل لتردد الهدف عمرك ما هتوصل لتردد الهدف
طيب ايه الى اعمله و ايه المعادله الى اقدر اخرج بيها النهارده عشان احقق اى حاجه انا عايزها ان شاء الله هتكلم عليها بس بعد ما اتكلم عن نقطة التمسك و دى نقطه مهمه جدا و هى سبب مشاكل كتير من مشاكل الناس خاصة فى قانون الجذب اتمسك بهدفك و متسبهوش انت كده بتتخلى عن هدفك لو انت بطلت تفكر فيه و الكلام الغير صحيح تماما
التمسك يا جماعه بيبقى بنسبه كبيره جدا جدا نابع من ايه ؟ التمسك يا جماعه بيبقى بنسبة كبيرة جدا نابع من الأيجو بأختصار عشان الايجو ده يتعمل عليه محاضرات لوحده
الايجو ان انا عايز الحاجه دى او تعريفها فى السياق بتاعنا النهارده طبعا تعريفها غي ركده خالص على الاطلاق بس تعريفها فى السياق بتاعنا النهاده انى عايز الحاجه دى و مش عايز غيرها تما ؟ عيازه اتجوز الشخض ده و مش عايزه غيره عياز العربيه دى و مش عايز غيرها عايز الشغل ده و مش عايز غيره تمام لذلك انا مش بشتغل على جذب الأشخاص عشان بنسبة 99% بيبقى نابع من الأيجو
المهم التمسك بالهدف شوف انت اد ايه متمسك بالهده يعنى نعمل كده اختبار و احنا بنتكلم دلوقتى شوف اكتر هدف انت عايزه فى حياتك و شوف انت عايزه اد ايه و متمسك بيه اد ايه تمام ؟ شوف كده على اد ما انت متمسك و عايز كل واحد يبقى رقيب نفسه على اد ما انت متمسك على اد ما انت هتلاقى الهدف ده فى الواقع بعيد عنك و فى الواقغ بينه و بينه صعوبات و مشاكل
انا يا جماعه النهارده بتكلم بالطريقه دى ليه ؟ عشان انا ممكن افضل نصف ساعه اتكلم عن الابداع فى التحرر و ممكن اقعد نصف ساعه اتكلم عن علاقه الداخل بالخارج و اتكلم عن القوانين و ان كل حاجه مبنيه على الى جواه و انك تبدأ بجوه و الطاقه و الكلام ده و اتكلمت عن ده لسنوات مش ساعات و اضيع نصف ساعه انى اتكلم عن وهم الطاقات و الترددات لكن انا بجرى كل ده عشان اوصل لأخر نقطه الى هى تغيير اكبر مشكلة فى دقايق ليه ؟ عشان عايز اوصلك رساله انى بدل ما اخلص الأمسيه بتاعة النهارده فى ساعتين او 3 ساعات ربنا يقدرنى و اخلصها فى نصف ساعه عشان اعرفك حاجه مهمه انى اعرفك ان التحرر مش محتاج وقت و ان التحرر حتى عشان اعرفك ايه هو انا مخدتش وقت فأنت مش محتاج وقت عشان تعمله
الى عايز يتعمق فى التحرر و يعرف الجذور بتاعته الى عايز يتعلم و يفهم اوك لكن عشان تنجح مش محتاج حاجات معقده عشان تنجح مش محتاج تقضي سنين تتعلم عندى كورسات مجانيه كتير بفضل الله يمكن فى ناس معانا النهارده من الى خدوا الكورسات المجانيه بس و بفضل الله عملوا نجاحات كويسه جدا جدا الى عملوا مشاريع و الى اتجوزوا و الى سافروا بفضل الله وحده
فمتحطش فى دماغك المعتقد السائد الكارثه السائد عند كل العرب ان انا لازم اتعب عشان اوصل و عايز اقولك حاجه بردو الى بيكلمك دلوقتى ده مش متدلع او طلع لقى نفسه غنى بالعكس الشخص ده تعب و تعب جدا و كان فى اوقات عليه مش لاقى مكان يبات فيه و كان فى اوقات عليه بينام سورى فى اللفظ بينام جنب ( القمامه ) او لو فى حد المفروض يقولك لازم تتعب هو انا تمام لكن صدقنى من واحد جرب التعب و واحد جرب الراحه مافيش مقارنه اصلا بين الاتنين تمام ؟
انا عندى رساله ان انا النهارده اخلص بسرعه و عندى رساله انى النهارده مضيعش وقت فى الكلام النظرى على اد ما انا اخد الوقت المخصص لينا النهارده فى التحرر العملى قولنا قبل كده ان احنا هنوصل لحاجه ان احنا هنغير اكبر مشكله تمام؟
دلوقتى يا جماعه عرفنا ايه هو التحرر و ازاى نتحرر من حاجه ؟
جربنا من شويه التحرر و كل واحد سمح لأحساسه انه يكون موجود و رحب بيه مش كده ؟
ايه رأيكم ناخد دلوقتى معادله عشان نحقق بيها كل الى احنا عايزينه تمام ؟ شوف الحاجه الى انت عايزها دى فلوس - جواز - سفر - اى كان معايا ؟ و فكر فى الحاجه دى عارف ان كلنا عندنا حاجات كتير بس خلينا نحدد على حاجه واحده الاول عشان منتشتتش فحس الحاجه دى و حس انت اد ايه عايزها و متعلق و متمسك بيها لغايه ما الاحساس ده يخف كرر الأحساس و ان انت تحس الشعور ده كذا مره لغايه ما الشعور ده يخف لغايه ما تحس ان انت دلوقتى احساسك ناجية الهدف ده بقى محايد بقى مش فارق يجى او ميجيش تمام
تانى مثلا عايزه اكون مدرسه قرآن تشوفى الهدف ده جميل تفكرى فيه و تحسي برغبتك فى الحكايه دى تحسي برغبتك انك عايزه تكونى مدرسه قرآن و اى صور و اى احاسيس و اى صور تيجى حسيها زى ما هى و اى كلام يجى جواكى بردو حسيه زى ما هو و الكلمه دى ذهبيه والله ( استهلك الشعور ) حس الشعور لأخرة لغايه ما تحس ان انتى الموضوع ده بقى بالنسبالك عادى وخلاص بعد كده سيب الموضوع يروح جه فى بالك تانى زى مجاش فى بالك تانى فكلمة استهلك الشعور كلمة مهمه لغايه ما تحس ان الهدف مش فارق معاه و سيبه يروح
الى بيحصل ايه يا جماعه ؟
ان احنا كنا بنحاول نشيله من تفكيرنا من غير ما نرحب او نحس بالشعور و ده كطان بيخلى الهدف يجى فى دماغى اكتر عايز حد واحد بس يقف و يقول انا كنت بقاوم الهدف و الهدف راح بالمقاومه استحاله طالما بتنحاول تبعد الهدف عن تفيكرك هتلاقيه بيجى تانى عقلنا ديما بيلعب معانا فببساطه استهلك الشعور و هتلاقى التفكير فى الهدف بيروح لوحده تمام؟ مفهوم يا جماعه
ندخل على اهم حاجه بقى النهارده بأذن الله اضمن لكم ان ان شاء الله اهم مشكلة عند كل حد فينا هينغيرها النهارده ان شاء الله مش بس داخليا داخليا و خارجيا ان شاء الله اتفقنا يا جماعه "؟
ايه ده يا فيصل انت خلصت كلام عن التحرر ؟ هو التحرر بالبساطه دى ممكن اتكلم معاك عن الحالات الشعوريه التسعه من اليأس لغايه السلام او التسليم و ممكن اتكلم معاك عن الرغبع فى التحكم و الرغبه فى الأمان و الحريه الجسديه و حاجات كتير جدا بس مش عايز اكون بقى بعمل دعايا لحاجه تانيه بس صدقونى بتاخد وقت اكتر من 20 يوم بس انا عايز ابسط الحكايه على اد ما اقدر شوفتو يا جماعه التحرر سهل ازاى منحطش فيه اى حاجه مش فيه لأن للأسف لما انا اتكلمت عن سيدونا و انتشرت الايجو بتاع المدربين بقى عنده ايجو كده انه يتكلم عن التنقيه دى زى ما فيصل عبد الواحد نشرها فبقى يحط فيها حاجات مش فيها زى تعملها مع معايشه و تعملها مع اغانى ولا اى حاجه من الحاجات دى و للأسف الناس دى بتجيلى و تقولى انا عملت سيدونا و كذا كذا فبلاقى ان فى حاجات كتير جدا اتحطت مش منها فلى احنا عملناه دلوقتى هو ده التحرر بدون اى ارتاجالات
نبدأ يا جماعه كلنا نغير كلنا مستعدين ؟ الى مستعد يا جماعه يغير اكبر مشكله عنده فى حياته يكتب مستعد
تمام ممتاز الناس كلها مستعده ممتاز هايل مستعدون الناس عندها حماس رهيب ما شاء الله
نبدأ يا جماعه ولا تحبوانضيع وقت على الكلام التانى انا مستعد اتكلم معاكو للصبح على الحاجات التانيه نبدأ نحل ولا نرغى ؟؟ تمام ممتاز
كلنا يا جماعه كده ناخد نفس .... ممتاز و نفكر فى الى احنا حاسين بيه دلوقتى اى كان هو ايه حتى لو كان احساس مالوش اى علاقه خد نفس و اسمحله زى ما هو و عايزك دلوقتى تفكر فى المشكله دى اكبر مشكله فى حياتك سواء شخص مضايقك سواء مشكلة ماديه سواء سفر سواء زواج عايزك تفكر فيها و عايزك دلوقتى تحس اى احاسيس تيجى اى احساس يجى سواء رغبه سواء احساس انك مش قادر تعيش من غير الحاجه دى سواء احساس انك عايزها اوى سواء احساس ان مافيش فايده سواء احساس ان انا جربت و فشلت سواء احساس ان كل الناس بتقولى عمرك ما هتوصل سواء تعلق سواء تمسك سواء معاناه داخليه اى كان الاحساس الاحاسيس كلها واحد مافيش حاجه اسمها يا جماعه طاقه سلبيه و طاقه ايجابيه احنا الى بنحكم ان دى طاقه سلبيه لذلك بنقاومها اكتر مافيش حاجه اسمها طاقة سلبيه و ايجابيه اى كان الاحساس من حقه يتحس الاحساس طالما اتخلق من حقه يتحس عشان يتحس مش عشان يتكتم طول ما انت بتكتم فى الاحساس طول ما بيتراكم و هيكتر و هيجذب احاسيس زيو اكتر اكسر الدايره دلوقتى و اى احساس يجى حسه زى ما هو و خد كل وقتك حس الاحساس لأخره و اديله وقته
خد كل وقتك
حس الاحساس ده على اد ما تقدر ...خد كل وقتك مش مشكله
يا جماعه انا الى قافل الصوت عشان نركز
تمام .. ناخد نفس خف الاحساس يا جماعه شويه ؟؟ تمام ؟ ناخد نفس يا جماعه معايا يا جماعه كلكم سامعنى ؟ تمام ؟ فى ناس يا جماعه كانت سمعانى و انا كنت قافل الصوت عشان نركز والله جميل ؟
مره تانيه يا جماعه كلنا ناخد نفس و انا بقول هاقفل الصوت عشان نركز محدش بس يكتب راح الصوت ناخد نفس يا جماعه تانى و عايزك تحس الاحساس ده مره تانيه على اد ما تقدر حسه على اد ما تقدر كل بكل حاجه مع الاحساس ده على اد ما انت عايز تحسه اذا حتى يا جماعه الاحساس ده مقاومه و حاسس بمقاومه لشيء معين او لشخص او كره لهدف او مقاومه لهدف او لشيء احسه يا فيصل و اقاومه ؟ اه قاومه على اد ما انت عايز خد كل وقتك و كل حريتك انك تحس الاحساس زى ما انت عايز
حتى اذا كانت مقاومه حس المقاومه دى مشكلة بعض الناس ان هى لما كانت تقرأ و تعرف انها بتقاوم كانت بتقاوم المقاومه اكتر و دى كانت بتعمل طبقات متعدده من المقاومه لذلك اذا مشكلتك المقاومه حس المقاومه دى على اد ما انت عايز خد وقتك كله
تمام ناخد نفس كلنا ... احسن دلوقتى يا جماعه ؟ الناس الى اشتغلت معايا احسن دلوقتى ؟ احساسنا خف ؟ تمام يا جماعه والله انا الى بقفل الصوت والله العظيم انا الى بقفل الصوت
تمام
مره اخيره يا جماعه ناخد نفس ... و نحس بكل حاجه بكل الاحاسيس اديلها حقها و رحب بيها و اسمحلها تكون زى ما هى عايزه بكل انسيابيه و سهوله حس اى حاجه زى ما هى هاقفل الصوت يا جماعه عشان كلنا نركز
تمام كلنا ناخد نفس .... الناس يا جماعه الى شغاله معايا ايه الاخبار دلوقتى ؟ احسن مش كده ؟ تمام
خلاص دلوقتى الحمدلله بعد ما الاحساس اختفى اسمح للمشكله دى ان هى تكون زى ما هى و تكون بالصوره الى هى عليها اى كان سواء شخص او هدف او اى شيء و الى عايز يبكى يا جماعه ميمسكش نفسه الناس بفضل الله ارتاحت فخلاص سيب كل حاجه تكون زى ما هى سهله يا جماعه ؟ فى اى حاجات معقده ؟ فى اى حاجات صعبه ؟ لأن بيجيلى يعنى اطنان من الرسايل تقولى انا مش فاهمه سيدونا مش فاهمه التحرر انا سمعت كورس العيديه و مش عارفه اطبقه الحكايه بالبساطه و السهوله دى شوفنا يا جماعه سهله و بسيطه ازاى
سها بتقول حسيت ان الاحاسيس بتتخلى عنى بالظبط و هى دى الحكايه انا الى كنت بمسكها عشان اشوفلها حل و عمرى ما هاسيبها حل الاحساس ان انا احسه زى ما هو استهلك الاحساس و حسه لغايه اخره حسه لغايه ما تحس ان هو اختفى تمام ؟ ممتاز يا مى ممتاز
الى حابب يا جماعه يتعمق اكتر فى سيدونا يكتب بس فى جوجل فيصل عبد الواحد سيدونا و هتلاقو فى كورسات كتير جدا جدا عليها للى حابب يتعمق انما الحكايه بالبساطه دى سهله يا جماعه ؟
الحمدلله كده اكبر مشكله اضمن لك بفضل الله و بأنن الله طبعا انها تتغير
حاجات بقى قليل لما بتحصل بس حابب اتكلم عليها بردو ساعات فى بعض الاحيان و دى حاجات نادره جدا و مش معنى انها محصلتليش يبقى انا بتحرر غلط ساعات و الواحد بيتحرر بيحس بألم فى الصدر او فى القلب او اماكن معينه فى الجسم ده طبيعى طيب معناه ايه يا فيصل معناه ان انت كشخص كنت بتخزن الحاجات دى كلها جوا جسمك بتخزن الحاجات دى الخاصه بالمشكله دى بالذات فى المكان ده فأذا ده حصل متفتكرش ان انت كده بتعمل حاجه غلط بالعكس انت كده الحمدلله جسمك بدأ يتحرر معاك هو كمان
طيب فيصل لو انا محسش بكده يبقى انا بتحرر غلط ؟ لأ ملهاش اى علاقه
نقطه مهمه ايه يا فيصل علاقه التحرر بالشكرات اوفتح الشكرى ؟
التحرر يا جماعه الى حببنى فيه انه بيفتح التشكرات السبعه بشكل تلقائي مش محتاج تعمل تمارين عشان تفتح التشكرات مع التحرر التحرر الى عملناه دلوقتى بيفتح التشكرات بتاعتك بشكل تلقائي
ايه العلاقه بينهم ؟
بصوا يا جماعه التحرر التشكرات
فتح التشكرات : خلينا نتخيل كده ان فى دائره مقفوله او فى حاجه كده و الحاجه دى مقفوله فتح التشكرات او تمرين فتح التشكرات بتنقى الدائره دى عشان تقدر الطاقه تعدى منها جميل ؟ لكن مبتحلش المشكله الى اصلا سدت الدائره دى جميل ؟
التحرر بقى بيشيل المشكله من تحت فبالتالى كده كده بشكل طبيعى بينقى التشكرات معاها تمام ؟ فهمنا الجزئيه دى يا جماعه فبس بالبساطه الى احنا عملناها دى
مش عايز اقول حاجه اسمها تلوث طاقى بردو ده مصطلح هو منتشر بس مافيش حاجه اسمها طاقه ملوثه مافيش حاجه اسمها طاقه ايجابيه و سلبيه فى حاجه اسمها طاقه انا الى بحكم عليها انها سلبيه او ايجابيه زى بالظبط الطفل ناس حكمت عليه من شكله ان هو طفل مشاغب و بدأت تعامله على انه مشاغب و بدأ الطفل ده يكرههم و يكره الناس بدأ يعاملهم بنفس الطريقه كبر بدأ يعاملهم بنقسوه اكتر بدأ هو كمان يعاملهم بقسوه اكتر و هكذا كل ده عشان حكموا عليه ان هو شخص مشاغب انما مافيش حاجه اسمها طاقه ايجابيه و سلبيه
و كلمة استحقاق دى منتشره اوى و مش عايز اقول سبب انتشارها عشان مزعلش ناس كتير منى بس بتستخدم كتير جدا فى غير مواضعها مش لازم يكون السبب ان انت محققتش هدفك هو عدم استحقاقه بالعكس من الى انا شوفته بفضل الله كمدرب ان مشاكل عدم الاستحقاق دى كانت اقل من 1% من مجموع الى انا شوفته انما فى مش عايز اهاجم حد احترامى لكل المدربين طبعا مش عايز اخد وقت انى اتكلم عن مشكله او اهاجم حد بس المهم استخدام كلمة عدم استحقاق دى كتير جدا فى غير موضعها
طيب اعمل ايه دلوقتى يا فيصل بقى الى عايز اخرج منه من الامسيه دى ؟
عايز تشوف بقى الحاجات الى عايز تغيرها فى حياتك وابدأ اعمل معاها الى احنا عملناه النهارده فكر فيها و حس احاسيسك ناحيتها لغايه ما تستهلك الاحاسيس و سيب الموضوع ده يروح من دماغك و عيش و كمل حياتك سهله يا جماعه الطريقه دى و عرفنا انا كنت عايز و صممت العنوان قانون الجذب كما لم تعرفه من قبل ليه ؟
لانك مش محتاج تدرس اصلا او تتعامل مع قانون الجذب انت محتاج تتعامل مع التحرر كده كده قانون الجذب شغال و القطر ماشي فليه اضيع من حياتى عمر و وقت انى ادرس ازاى ازق القطر او ادرس ازاى ازق العربيه الى طبيعى ماشيه لأ اعرف ازاى اسوق العربيه او اعرف ازاى مثلا اتحكم او مش بحب كلمة اتحكم دى ان انا استخدم العربيه لمصلحتى اعرف ازاى استغل القطر ده انه رايح لمكان معين و استقل القطر ده عشان اروح للمكان الى انا عايزه مش كده بس هو ده التحرر و بفضل الله عملته عشان الناس كانت فعلا محتاجاه حتى لما ماكنتش عملته الناس كانت حاسه ان فى حاجه نقصه و حلقة مفقوده التحرر الى هيخليك تجذب الى انت عايزه ان شاء الله
هو الى كمل الحلقه الناقصه انا شخصيا بحب سيدونا عشان وصلتنى لحاجات تانيه كتير جدا بفضل الله عن اى تقنيات تانيه فالحكايه بالبساطه دى مفهومه يا جماعه فى اى حاجه النهارده مش واضحه فى الى احنا عملناه ؟ نقدر الحمدلله نطلع النهارده و نكتب انا اقدر احقق الى انا عايزه ؟ عايز اشوف الكلمه دى على التيكست يا جماعه كلنا نكتبها
ممتاز يا مى ممتاز يا ميرفت ممتاز يا اسماء ممتاز يا زينب فين الرجاله يا جماعه كله بنات !!!؟
ممتاز يا جنى ممتاز يا نجوى لا كده فى نقص فى الشباب يا جماعه انا شايف اسماء شباب فين الشباب ؟ ممتاز يا هدى ممتاز يا جوليا ممتاز يا نيفين الشباب مكسوفين يا جماعه ولا ايه ؟ السؤال مهم جدا يا حسان
لو الاحاسيس رجعت مره تانيه ؟
ترجع اهلا وسهلا متعملش مشكله مع الاحساس جميل ؟ مش معنى ان الاحساس رجع ان انا اتحررت غلط بالعكس احساس يرجع زى مرجعش معايا يا جماعه السؤال ده مهم بردو
فهمنا الحكايه يا جماعه بالبساطه دى ممتاز جدا ممتاز
فى وقت يا سها ناخد سؤال ؟ اجاوب بس على سؤال واحد
طيب السؤال ده كويس جدا هل انا محتاج اعمل اى حاجه بعد الى عملته النهارده ؟؟ لأ بالبساطه دى ولا تخيلات ولا معايشات ولا توكيدات ولا اى حاجه خالص
طيب هاخد سؤال كده من سها
شوفى كده اكتر سؤال الناس عيزاه و قوليلى عشان اجاوب عليه
رأيى فى التوكيدات انها كارثه و مصيبه قنبله موقوته
شوفى سؤال يا سها سها يا جماعه هتحدد السؤال اكتبى السؤال يا سها و هجاوب عليه ان شاء الله
الى عنده
سؤال مهم يا جماعه يبعته لسها ؟
عايز بردو اجاوب على الجزئيه دى ليه التوكيدات مصيبه و هى غيرتنى للأحسن ؟
شوف يا جماعه شخص الى استخدم التوكيدات ده مافيش اى تدهور حصل فى مجال تانى ؟؟ حتى لو حصل نجاح فى الهدف لما استخدمت التوكيد ده مافيش اى تدهور حصل فى مجال تانى فى حياتك اصل هى الحكايه عامله ازاى زى سطر مكتوب فى ورقه الى انت شايف ان انت فقير ده المعتقد التوكيد ان انا باجى فوق السطر و اكتب انا غنى انا غنى انا غنى تكتب تكتب لغايه مع تكرار الكتابه الى هو تكرار التوكيد بتلاقى فى الاخر انك طلعت بسطر او خربشه على الصفحه مش قادر تقرأ منها اى حاجه مع المحاوله اكتر الورقه نفسها الى بتكتب عليها بتتقطع لذلك التوكيدات مع الاستمرار عليها ممكن تعمل ضرر جسدى فهمتوا يا جماعه انا ضد التوكيدات ليه
محدش يسألنى يا جماعه لتمارين خاصه لأى مدرب تانى مع احترامى لكل المدربين دى التمارين خاصه بيهم و الى عنده اى سؤال فى اى تمرين اكيد صاحبه هيكون ادرى بيه تمام ؟
ارجو ان انا اكون سهلت عليكو الجزئيه النهارده و الحكايه ابسط مما كنا متخيلين ابدأو ابعدوا عن المعايشه و التخيلات و التوكيدات و كل الحاجات دى و ابدأوا اعملوا الى اتعلمتوه النهارده و بأذن الله جذب ممتع و ارجو ان شاء الله نكون استفادنا و ممكن نجذب اهداف الغير بس ده موضوع طويل جدا حتى فى كورس سيدونا الى هو 3 مستويات اتكلمت فيه على ما اذكر اليوم ال 15
فبس أرجو ان انا اكون وفقت و ربنا وقفنى النهارده و لو فى اى تقصير فهو منى و اذا كنت كلمت اى حد بشكل مش كويس بعتذر منه و ان شاء الله اشوفكم الايام الجايه كتير و ليلتكم سعيده ان شاء الله
سلام عليكم