بسم الله و الصلاة و السلام على سيدنا رسول الله نبدأ ان ش اء الله الأمسية الخاصه بالخروج من الجسد عايز بس اقول حاجه مهمه اوى اى كلام دلوقتى انا مش هاقدر اشوفه عشان حتى اقدر اركز فى الأمسية بأذن الله
المفروض ان الماده بتاعة الأمسية النهارده او الحاجه الى هتخليك تقدر فعلا تعمل خروج من الجسد مش اسقاط نجمى لأنى بعترض جدا على الترجمه دى و ممكن لو فى وقت اقول بالتفصيل ليه بأذن الله بس المهم الماده بتاعة الحكايه دى أصلا متاخدش وقت ممكن فى ثلث ساعه او حتى 10 دقائق تعمل ده ازاى بس انا محتاج الأول قبل الطريقة و ازاى من تخرج فعلا من الجدس و حاجات يمكن نفس الأهميه
نبدأ بأذن الله نتوكل على الله
الأول آمين للى ميعرفنيش او اول مره يحضر لى أمسية انا اسمى فيصل عبد الواحد مدرب قانون جذب و معالج بالطاقه يمكن سمعتنى قبل كده اى حاجه خاصه بقانون الجذب او التحرر و الطاقه
حكايتى مع الخروج من الجسد بدأت يمكن من أربع سنين او ثلاث سنين ونصف وقتها مكنتش اعرف ان فى اصلا حاجه اسمها خروج من الجسد اى كان المسمى بتاعها ايه .... جه فى بالى كده ان ممكن حد يخرج من جسمه زى ما كنا فى مره بنشوف فى الأفلام زمان المهم جت الفكره خلاص فى بالى و خلاص يعنى بعدها بحوالى 3 او 4 دقائق كنت لسه بتدرب عند حد اسمه د/ ستيف جى جونز لقيت رساله منه بعنوان الخروج من الجسد فالعنوان استغربته عشان كان اول مره اسمع عن حاجه اسمها الخروج من الجسد فلما قرأت المحتوى لقيتة بالظبط الفكرة الى جتلى و لقيته بيقدم كورس عنه و ان هو كورس جميل و خدت الكورس فخدت الكورس و للأسف مكنش على مستوى لكن على الأقل الى استفادته من الكورس انى عرفت ان فى حاجه اسمها الخروج من الجسد
بعد ما بحثت و دورت و قرأت لناس كتير جدا فيه كلهم أجانب مافيش حد عربى خالص لقيت بقى ان الحكايه بتزيد تعقيد و لازم ان انت تقنيات معينه و لازم توصل لمرحله ألفا او سيتا و لازم تستمتع لتونز معينه او او او
ايه الخروج من الجسد اصلا يا فيصل ؟؟ ببساطه يا جماعه و نركز فى الى جاى جدا جدا عشان دى هتشيل اى شبهات من الى كنا فاكرينها قبل كده
الجسد او بالنسبه للموضوع ده بالذات الجسد قسمين الجسم المادى الى انت قاعد بيه دلوقتى الى انت بتسمعنى بيه دلوقتى و حاجه تانيه اسمها الجسد الأثيرى او الجسد الغير المادى
الى بيحصل فى الخروج من الجسد قبل ما اتكلم فى نقطتين عايز اقول ان فى حاجه اسمها اللوسيد دريمنج ان انت بتطلع فى حتة بتخرج من جسمك زى الى احنا هنتعلمه النهارده بس بتطلع فى بعد فعلا مش موجود فى الحقيقه عقلك الى هو عامله يعنى الحكايه دى قريبه للحلم العادى تمام ده اسمه اللوسينج دريم و كمان السيطره بتاعتك مبتكونش كبيره على الأحداث ده اسمه اللوسينج دريم و ده حاجه مش مهمه مش شايف ان ليها أهميه نتكلم عليها
و حاجه تانيه اسمها مستويات الخروج من الجسد سواء فى بعد موجود فعلا فى الحقيقه او فى بعد عقلك بيكونه بس انت الى بتبقى متحكم متحكم تمشي يمين او تمشي شمال متحكم تطلع قدام او ترجع ورا متحكم فى اى حاجه تعملها بالظبط من كأنك بالظبط انت صاحى كأنك بتتكلم دلوقتى
الخطوات الخاصه بشغلنا النهارده الى هنتكلم عليها ازاى تخرج من جسمك و تتحكم عشان كده اللوسينج دريم دى متهمناش اوى
هنتكلم النهارده كمان عن ان المستويات الخروج من الجسد دى بتنقسم لمستويات كتير جدا مستويات بعدد التردد الى انت بتخرجله و الحكايه دى عايز اتكلم عليها عشان اطمن الناس بتقول انا ممكن اشوف حاجات مش كويسه ؟ او اشوف كائنات هنتكلم بالتفصيل عن الحته دى بس فى حاجه اسمها اللفينز او بلينز فى مستوى مش بشرى أصلا و ده متقلقش انت اصلا متقدرش تروحله فالنسبه للخروج من الجسد انك تروح لبعد فيه كائنات مش كويسه او حاجات تضرك متقلقش دى حاجه اسمها المستويات الدنيا دى متقدرش أصلا تروحلها الا اذا انت فى حاله اسثنائيه انك متمكن من الخروج أصلا و ممكن لو عايز تروحله يعنى انت بقى أصلا قبل ما تعمل التجربه نفسها و حتى كمان اذا روحت الاماكن دى بقولك تحصن نفسك ازاى و بالعكس انت الى بتضر الكائنات التانيه كمان مش هما الى بيضروك فالحكايه بسيطه جدا و مافيش اى داعى للخوف
طيب فى حاجه مهمه اوى الخروج من الجسد ده كلنا بنعمله كل يوم لأن كلنا بنحلم الحلم الى احنا بنحلم بجسمنا ده يعنى انت مثلا لو حلمت ان انت فى أنجلترا مثلا هل انت فعلا حد خد جسمك و راح وداه أنجلترا ؟ لأ طبعا انت بتحلم بجسد تانى او كيان تانى غير جسدك ده فهل معنى كده ان كلنا الناس الى قالت ان الخروج من الجسد حرام ان كلنا كده بنخرج مجرد ما بننام ؟؟ سبحان الله دى حاجه و دى حاجه
اصلا عايز اقول على حاجه مهمه ان الخروج من الجسد مش الروح الى بتخرج ربنا بيقول فى سورة الكهف على ما أذكر " يسألونك عن الروح قل الروح من أمر ربى " يعنى ربنا أختص الروح بالذات بعلمه و الى يوم الدني بأذن الله مافيش اى علم او اى شخص هيقدر يفسر ظاهرة الروح او يتعامل معاها او يشوفها او اى حاجه خاصه بيها ربنا قفل الحكايه دى و اليهود سالو سيدنا محمد عليه الصلاة و السلام على أهل الكهف و على ذى القرنين و ربنا أتلى عليه منه ذكرى زى سورة الكهف ما بتقول عند الروح بالذات ربنا اختصها بالله سبحانه و تعالى يسألونك عن الروح قل الروح من أمر ربى و بعدها كمل الآيه و ما أوتيتم من العلم الا قليلا فمهما عملنا و مهما اتكلمنا مافيش حد يقدر يخرج الروح من الجسد و اى حد يقول الكلام ده فهعو شخص كاذب او فاهم غلط
فكونك انك تقول ان الخروج من الجسد حرام لأن الروح بتخرج و الروح اصلا مبتخرجش لو ده باب التحريم يبقى مالكش حجه انك تسيب الفتوى دى و دى مشكلة ناس كتير للأسف ناس كتير بتشوفنا للأسف بيحرموا على طول من غير ما يسألو بيحرمو قانون الجذب بيحرمو الخروج من الجسد مش كل الشيوخ طبعا بس فى بعض الشيوخ اى حاجه مش فاهيمنها تبقى حرام و دى مشكله يعنى ليه بنضيق على الناس سبحان الله الى اعرفه فى الدين بتاعنا ان الى بيحرم حلال ذنبه أكبر من الى بيحلل حرام
بالنسبه لأختصاصنا و مجالنا مافيش اى حاجه حرام او اى شبه حرمه فى الموضوع ده طيب يا فيصل فايده الخروج من الجسد ايه ؟
رقم 1 : للترفيه .!!!..بس يا فيصل ؟؟ اه للترفيه الكلمه ممكن تستهين بيها لكن اول تجربه خروج من الجسد ليك هتنسي كل حاجه كنت بتفكر فيها قبل كده انت مش عارف متعة ان انت تخرج و تشوف نفسك نايم قدامك متعه جميله جدا جدا غير طبعا الحاجات التانيه متعه جميله جدا بأذن الله
2: خليها فى الأسئله عشان اتكلم عليها بالتفصيل
عشان تعمل خروج من الجسد مش محتاج تعمل تمارين مرهقه مش محتاج تعمل ترددات اول ما قرأت فى الخروج من الجسد بدون استثناء بيقول لازم توصل لمرحلة الأهتزازات او الترددات يعنى ايه يا فيصل ؟ مرحله كده بتوصل ليها جسمك بيتهز بسرعه و بعدها على طول الخروج من الجسد على كلامهم يعنى
مافيش مره وصلت لمرحة الأهتزازت دى و عرفت اخرج من جسمى ابدا مرحلة الأهتزازت دى الرابط الى بين الجسدين المادى و الغير مادى لسه الرابط ده قوى فالأهتزازات دى لسه فى مقاومه من جسمى فسبحان الله هخرج ازاى و جسمى ماسك فيا !!! فسبحان الله يعنى الناس لو متاخدش الكلام نسخ و لصق بس هتبقى اسهل بكتير
كمان مش هتحتاج تمرين كنت قرأت حاجه اسمها تمرين السلم او تمرين الحبل بتتخيل حبل نازل من السقف و تمسك فيه عشان تطلع من جسمك كل الحاجات دى لا ليها اى علاقه بلى هنعمله النهارده اضمن لك ان انت هتقوم تلاقى نفسك بره ان شاء الله
عشان اشرح الحكايه النهارده يا جماعه ازاى لازم اشرح حاجه مهمه اوى اوى بالنسبه لجسمك انت لما بتيجى تنام الى بينام الأول او الى المفروض ينام الاول جسمك قبل العقل او المخ تمام ؟ ساعات حتى الجسم مبينامش فتلاقى مثلا انك بتشوف مشهد ان انت بتجرى او بتعمل حاجهتلاقى ايدك اتحركت او رجلك اتحركت مش كده ؟ بيحصل كتير معانا نبقى لسه داخلين فى النوم و نشوف مثلا مشهد ان احنا بنجرى او حاجه زى كده نلاقى رجلنا اتحركت او ايدينا فنفوق تانى الجسم بيعمل الاول ايه عشان المشهد الى بتشوفه او الحلم لو جسمك منمش جسمك بيتصرف عليه لو شوفت ان انت بتجرى جسمك هيحرك عضلاته كأنه بيجرى
الى بيحصل ان جسمك بينام يعنى ايه ؟؟
ببساطه جدا العقل او المخ بيدر إشارات عشان يحصل حاجه اسمها شلل للجسم كله او شلل جزئي معادا عضلتين عضلة القلب و الصدر للتنفس جسمك كله بيتشل لذلك فى ناس ساعات بتحصل معاهم انهم يقومو من النوم فجأه يلاقو نفسهم مش قادرين يتحركو او جسمهم تقيل اوى مش قادرين حتى يحركو رجلهم او ايدهم الحكايه دى بتحصل عشان الى بتكلم عليه المفروض الأول ان الجسم بينام و بعد كده العقل لما بيطمئن ان الجسم نام بينام هو كمان سبحان الله عشان تعرف تنام و جسمك مياخدش فعل على الى انت بتشوفه فى احلامك
فساعات بنصحى من النوم و عقلنا بيصحى قبل جسمنا فلى يحصل ان احنا نبقى فايقين و كل حاجه بس مش قادرين نحرك جسمنا و دى الحاله الى اسمها الجاثوم هى اصلا كلمة انجليزى
بصوا يا جماعه انا قولت النقطه دى ليه فى نقطه بس قولتها بالعكس عايز اصحهها ان كلمة جاثوم دى مش كلمة انجليزى سبحان الله مش عارف قولتها بالعكس ازاى هى كلمة عربى مش كلمة انجليزى
المهم نخرج من جسمنا ازاى ؟
الكلام الى قولته ده عشان اوصلك لحاجه مهمه جدا فى الوقت الى جسمك مش قادر يتحرك كده عملت 90% من الخروج من الجسد يعنى يا يا فيصل ؟ كده كده طبيعى جسمك مش هيقدر يقاومك دلوقتى فأنت اذا وصلت للمرحله دى هتقدر تطلع جسمك الغير المادى من جسمك العادى بكل سهوله فى المرحله دى تبدأ ترفع أيد كده كده ايدك الماديه مش هتتحرك تبدأ ترفع ايدك اليمين الأول و تشوفها بتترفع و ايدك الماديه ثابته قدامك و باقى جسمك كده ان شاء الله
ازاى نعمل الحكايه دى هثبتلكم فعلا ان الحكايه او الشرح مش محتاج دقايق ببساطه جدا يا جماعه لما نوصل للمرحله دى لا محتاجين نوصل لمرحلة اهتزازات ولا نسمع تونز ولا تقنيه الحبل الفضي ولا السلم ولا اى حاجه من الحاجات دى ببساطه جدا جدا عايزين نصحى عقلنا قبل جسمنا ازاى ؟
فى كذا طريقة اسهلهم ان انت اظبط المنبه بتاعك و الطريقه دى يا جماعه رغم بساطتها لكن فعاله جدا اظبط المنبه بتاعك يحصيك بعد ساعه من النوم او نصف ساعه تختلف من اشخاص للتانيه و اما المنبه فعلا يصحيك و تصحى متحركش جسمك تماما دقيقه او دقيقتين متحركش جسمك تماما ثبات تام متحركش حتى اى صباع تفضل زى ما انت مغمض عنيك و زى ما انت بالظبط وقتها الجسم شم هيصحى مش هياخد أمر انه يصحى فيفضل نايم ابدأ اعمل اتشك بسيط بعد دقيقة او دقيقتين او ثلاث دقايق و ابدأ حرك اى جزء من جسمك حرك ايدك او رجلك او كده هتحس وقتها فعلا اذا انت وصلت للمرحله دى هى مرحله سهله مش محتاجه تعقيدات يعنى هتشوف فعلا ان فى ايدك بتطلع و ايدك الماديه ثابته واحده واحده و بعد كده ايدك الشمال و ابدأ اطلع من جسمك واحده واحده هتبدأ تلاقى جسمك فعلا نايم و انت واقف تبصله
الحكايه سهله جدا يا جماعه مش محتاجه اى تعقيدات انا شخصيا اخر مره عملتها كانو خمس مرات فى أقل من 60 دقيقيه
حاجه مهمه و دى حصلتلى كتير جدا ساعات بتطلع فى أبعاد تفتكر انها حقيقه و بتطلع فعلا فى نفس المكان الى انت عاييش فيه بس بتشوف حاجات مش موجوده يعنى مثلا ممكن تطلع فى البيت بتاعك و بتشوف حاجات مش موجود اصلا يعنى مثلا تشوف اخوك مثلا بس فى وضع تانى او لابس لابس عمره ما لبسه او تشوف مثلا اخوك و هو أكبر او اصغر اى كان ده مش معناه اننا بنشوف المستقبل او الكلام ده معناه فى حاجه تانيه بس أظن ان احنا ممكن منتقبلهاش اوى
فى حاجه اسمها الاكوان المتوازيه اذا انت مبتعقدش فى الحكايه دى فالكلام الى هاقوله دلوقتى ده كله خده و ارميه فى البحر لأن صدقنى اذا انت مبتعقدش فى الحكايه دى يبقى الكلام ده كله مالوش لازمه
على فكره مش فيصل الى بيقول ان فى اكوان متوازيه ... موجود فى دينا .. اه سيدنا عباس رضي الله عنه حابر الأمه سيدنا محمد عليه الصلاة و السلام دعا انه يرزقه من العلم و فعلا الرجل ده كان سابق زمنه بالآف السنين مش عشرات الأف السنين راح له رجل سأله عن تفسير آيه الله الذى خلق سبع سموات و من الأرض مثلهن فسيدنا أبن عباس قال لو قولت لك عن تفسيرها او لو أخبرتكم بتفسيرها لكفرتم سبحان الله
تمام على فكره يا جماعه الى بقوله لكم عليه ده أثر لسيدنا العباس انا تتبعته لقيته صحيح جدا جدا الناس الى ضعفوه و قالو مش حقيقى ناس مقدروش يعوا الفكره دى لكن فى ناس محترمين جدا و قالو ان الأثر ده صحيح جدا و صدر عن سيدنا عباس
الناس لما أصرو ان سيدنا عباس يفسر الآيه فسر الجزء الثانى بس قال سبع أرضون فى كل أرض نبى كنبيكم و موسي كموسي و عيسي كعيسي و ابراهيم كأبراهيم و نوح كنوح وفى روايه و بن عباس كابن عباس يعنى سبحان الله يعنى سبع أراضى فى كل أرض على كلامه و سبحان الله عشان كده سيدنا بن عباس قال لو اخبرتكم بتفسيرها لكفرتهم نجى احنا بعد 1400 سنه نقول العلماء بتقول ان فى حاجه اسمها اكوان متوازيه العلم أثبت ان فى حاجه اسمها كده فعلا و فى يا فيصل تانى ممكن يكون فيصل فى الوقت ده فى السجن مثلا ممكن يكون فيصل عالم كيمياء او اى كان المهم ان فى اكوان تانيه متوازيه مرتبطه أرتباط نوعا ما بالخروج من الجسد مش أرتباط كلى الجزئيه دى مفهومه يا جماعه ممكن تعيد التسجيل لو هتسمع التسجيل و لو انت مش مؤمن بالحكايه دى اعمل خروج من الجسد و جربها تمام ؟
فى كمان مخاوف منتشره بالنسبه للخروج من الجسد هل لو انا خرجت من جسمى مش هعرف أرجع تانى ؟ بصراحه يا جماعه السؤال ده مضحك اكتر من ما هعو سؤال لا يا جماعه انت مجرد بس سبحان الله هيبقى ليك وعيين متصلين ببعض مجرد يعنى مش حتى ما مجرد قبل حتى ما تفتح عنيك هتلاقى نفسك بجسمك الحقيقي
طيب فيصل ممكن حد ياخد جسمى منى ؟ نفس اجابه السؤال الى فات سؤال مضحك اكتر منه سؤال لا طبعا و على فكره يا جماعه احنا مبندخلش باننا نرجع تانى ندخل فى جسمنا رغم انك ممكن تعمل كده كنوع من التسليه مثلا انت مثلا ماشي فى البعد الخاص بالخروج من الجسد انت مثلا عايز ترجع فى نفس الوضع الى جسمك قاعد فيه جميل؟ لكن عشان تصحى من النوم و تخرج من الحكايه دى مش مطلوب منك انك ترجع لجسمك تانى كده كده اول ما هتعوز انك تفتح عينك خلاص هتلاقى نفسك مفتح و صاحى على السرير
الخروج من الجسد حقيقي ام وهم ؟
بصراحه السؤال ده لا تعليق عليه بعد كل الكلام ده مالوش لازمه الاجابه اصلا
هل ممكن اسافر بالخروج من الجسد ؟ اه ممكن و ممكن جدا كمان و انا هسيب يا جماعه التفسير بتاع السؤال ده ليكم لما تيجو تخرجو من الجسد بأذن الله لأن فى ابعاد هتلاقيها زى ما هى فى الحقيقه بالظبط و فى حاجات انت كمان الى هتكونها بأرادتك سبحان الله البعد ده هتبقى متحكم فى كل حاجه فيه
ممكن اشوف المستقبل ؟ لا طبعا لا يعلم الغيب الا الله
ممكن اشوف كائنات تانيه ؟
بصو يا جماعه ممكن تشوف فى بيتك اماكن فيها حاجات سوداء او اماكن فيها كائنات شكلها مش حلو مش مخيف هى متقدرش تضرك فى حاجه بس شكلها مقزز او شكلها قبيح زى ما بيقولوا يعنى الكائنات دى بتبقى طاقه مبحبش اقول كلمة سلبيه او ايجابيه بس طاقه بتوصفك بشكل معين و فى بعض الأحيان بتبقى عين او حسد او او ببساطه جدا جدا و دى فايده قولتلك عليها من شويه انى هاقولها ليك بالتفصيل الى هى تانى فايده من فوائد الخروج من الجسد انك تقدر بأيدك وا نت فى البعد ده تمسك الحاجات دى و تخرجها من بيتك بكل البساطه و السهوله دى
هل الخروج من الجسد يفيد فى التحرر؟
مش بيفيد فى التحرر بالشكل الى انت متخيله بس بيخليك أكثر وعى ناحية المستويات الطاقيه و الحاجات دى و يخليك تشوف الحاجات الموجوده فى بيتك اكتر يعنى
دى اهم اسئله جاتلى و هجاوب عليها
اقدر اتعلم حاجه جديده او خبره جديده؟
مش تتعلم خبره جديده بالخروج من الجسد انت طبيعى هتلاقى بتعلمها
جالى سؤال من شخص فى الجيش هل أقدر اسوق مثلا طائره اف 16 ؟ اه هتبقى قادر تقودها فى البعد لكن مش هتبقى قادر تكتسب الخبرات عشان تطبقها فى الواقع بس اما تيجى تطبقها فى الواقع بأذن الله هتحس ان انت كنت هنا قبل كده و هتلاقى التعلم بقى أسهل لكن انك تتعلم حاجه و تنقل خبرات فجأه ليك و تروح تطبقها فى الواقع لا مش بالشكل ده
هل ممكن استخدم الخروج من الجسد لتوصيل رساله عن طريق التخاطر ؟
السؤال ده مهم جدا و هجاوبه ان شاء الله هو محتاج تفصيل كتير و ممكن كمان يحتوى على صدمات اكتر
بصوا يا جماعه التخاطر مش ما احنا قرأنا او فاكرين نهائي التخاطر ده بيحصل معانا فى كل يوم و كل وقت ممكن جدا الفكره بتجيلك عامة ليها 3 أبعاد زى ما قولت و بقول ديما البعد الروحانى و البعد العقلى و البعد المادى البعد بتجيلك عشان تنقلها من البعد العقى للبعد المادى تمام ؟ بتجيلك عشان انت التردد بتاعك قريب للتردد بتاعها بتجيلك عشان ممكن انت قاعد مع حد بتشوف فيلم او مسلسل او او و تبقى هتقول حاجه تعليقا على مشهد شوفته بس تقرر فى ثانيه او ثانيين متقولهاش تلاقى الى قاعد جنبك و انت بتشوف الفيلم بعدك بثانيه او ثانيتين قال الفكره الى انت كنت هتقولها دى تلاقى نفسك بتقول سبحان الله لسه كنت بقول الحكايه دى ده التخاطر يا جماعه فكره جاتلك عشان تعبر عنها او تنقلها للبعد المادى انك تتكلم عنها و انت مخدتش الاكشن ده بتسيبك و تروح لأقرب شخص تردده مقارب منها الى هو الشخص الموجود معاك فى نفس الموقف و قيس ده على كل حاجه فى الحياه مش بس لما بتشوف فيلم حاجات كتير جدا بتحصل بالطريقه دى
اذا قدرت تعرف ان انت ازاى تسيب الفكره عشان تروح لغيرك هتقدر تتمكن من التخاطر بس ده مش الرد على السؤال انا بس بدى الفكره دى عشان اعرف الناس ان التخاطر مش زى ما انت قرأت خالص و لا اى كلام من الكلام السورى ده اى كلام من الكلام الفارغ ده لا يمت للتخاطر بصله و مش عارف أصلا الى عمل الحاجات دى عملها ازاى سبحان الله يعنى
ردى على السؤا هل ممكن اعمل تخاطر بالخروج من الجسد ؟
الى انت تقدر تعمله فى مرحله قبل الخروج من الجسد مش بتبقى تخاطر بتبقى حاجه أقوى من التخاطر انك تروح فعلا للشخص و تتكلم معاه دى مرحله قويه جدا جدا بس محتاجه بس الأول تمكن من الخروج من الجسد
هل أقدر اتحكم فى احلام شخص ؟
سؤال يعنى ..... مش تتحكم اما انت بتروح لشخص و كده كده الشخص ده لو كان فعلا فى البعد ده سواء نايم مش بتتحكم فيه بس الى انت بتعمله بيبقى بالنسباله حلم انما انك تفرض حلم على شخص لا طبعا مش ممكن
معرفة حقيقة مشاعر شخص ؟
لا ملهاش اى علاقه
معرفة غرضنا فى الحياه ؟
لا ملهاش اى علاقه
اتعلم شيء جديد .؟ ده جاوبنا عليه
التواصل مع العقل الباطن ؟
انت طبيعى اصلا كل الأبعاد الى بتبقى فى الخروج من الجسد او الأبعاد الى العقل بيكونها هى من العقل الباطن فأنت طبيعى فى ابعاد بتبقى جوه العقل الباطن اصلا
ممكن اشوف الأموات ؟
بصوا يا جماعه عشان الحكايه دى شائكه جدا جدا مبدأيا لأ لكن بيبقى فى حاجات جواك من الشخص المتوفى ده انا اعرف ناس عملوا خروج من الجسد و شافو ناس اموات مشافوش ارواحهم الى هما شافوه بتبقى حاجات من طاقة الشخص ده جواك و بتشوفها معايا ؟
عشان بس اشيل الغموض عن الجزئيه دى ارواح الأموات لا عند ربنا و مبيجوش ليك الا اذا ربنا أذنلهم و على فكره رؤيه الأموات فى الرؤي و الاحلام ثابته و صحيحه و تتبعتها كتير جدا فى السنه و الى مش مصدق يقرأ كتاب الروح لأبن القيم كتاب جميل جدا جدا بيتكلم عن الحكايه دى بالتفصيل و فعلا الأرواح بتتلاقى بأذن ربها بل ان فى ناس فى اثنين من أهل الخير اتفقوا قالو كل واحد قال للثانى الى يموت فينا الاول يجى للتانى و يقوله شاف ايه و فعلا حصل و الشخص راح لصديقه و سأله ايه الى انت شوفته او ايه الى حصلك ؟ قاله والله اعطونى مثل ما عملت حتى ان هره .. يعنى الشخص ده ربنا فى الجزاء بتاعه انه كان عنده قطه من يويمن اكرمها و اكلها فخد عليها أجر الرجل قام من النوم مصدقش انه هو شافه راح فعلا لبيت صديقه المتوفى ده و سأل و قال اه فعلا من يومين قبل ما يموت جاب قطه من طريق و اكرمها فعلا فالحكايه دى ثابته يا جماعه ان الأرواح تتلاقى فى الرؤي ثابته بس مش ده الى بقول عليه اننا نستخدم الخروج من الجسد اننا نشوف حد متوفى لأ بأكد انها لأ بس الى ممكن تشوفه فى الخروج من الجسد فى الحلات دى بيبقى جزء من طاقة الشخص ده موجود جواك
متهيألى كده الأسئله انا غطتها كلها هعيد تانى على خطوات الخروج من الجسد
نام و يفضل على فكره انك متعملش الحكايه دى بالليل و انت تعبان يعنى تعملها الاصبح او فى منتصف اليوم نام عادى جدا و اظبط المنبه بتاعك او الموبايل بتاعك انه يصحيك كمان ساعه اول ما المنبه يرن و لو فى ابلكيشين معين مثلا يخلى المبنه يقفل بعد عدد معين من الدقايق يكون أفضل و اما تصجى متحركش جسمك اطلاقا اى حاجه من جسمك و جسمك دقيقتين او ثلاثه اذا كان جسمك صحى هينام تانى بسرعه و ابدأ بعد خمس دقايق اعمل اتشيك بسيط انك تحرك ايدك اليمين مثلا او الشمال و شوف هل جسمك بيتحرك معاها ولا لأ ممكن استخدم حاجه على كده استخدم اكتر من منبه الفرق بينهم كلهم 30 او 45 دقيقه لأن فى المره الأول و ده أقل من 1% لو انا معرفتش اخرج من جسمى أنام و اصحى كمان 45 دقيقه جسمى هيكون نام فعلا ده رقم 2
رقم 3 اخرج فعلا من جسمك و انت اعمل الى انت عايزه ان شاء الله
سؤال مهم هل اقدر اتجحسس على الناس ؟ للأسف اه بس ليها خطوات معينه ان انت لازم تروح للبعد او تطلع للواقع الى حواليك فعلا و دى بفضل الله مش اى حد بيعرف يعملها يعنى فمتقلقش من الحكايه دى محتاجه تمرس و مش بس تمرس فى الخروج من الجسد لكن محتاحه خطوات خاصه كمان
كده الوقت الحمدلله مخدش مننا نص ساعه بالطريقه بالأسئله بالمقدمه بكل حاجه زى ما كنت بقولكم يا جماعه الخروج من الجسد بسيط جدا جدا عايز بس اسألكم سؤال و كلكم تجاوبو عليا
الخروج من الجسد يا جماعه فعلا بسيط ؟ فعلا سهل ؟ ممتاز ممتاز جدا
عايز النهارده كلنا يا جماعه بأذن الله نعمل خروج من الجسد لما نجربه يعنى
اه منفحتش عنينا يا جماعه بعد الخروج من الجسد و هنبقى شايفين حتى فى الضلمه ازاى الله اعلم دى انا شخصيا مش لاقيلها تفسير سبحان الله لان الحكايه كلها طاقه
الى عنجه صعوبه انه يفصل جسمه كله افصل جزء جزء و ابدأ طلع ايدك و بعد كده ايدك التانيه و بعد كده باقى جسمك و رأسك
الى ماكنتش عايز اقوله دلوقتى هاقوله و انت بتخرج من جسمك هتلاقى نفسك قادر انك تنط و انك تطير و تطلع بره المكان اصلا و انك تعدى بره الحاجات دى بأذن الله
النهارده كلنا ان شاء الله نعمل خروج من الجسد و بأذن الله تردو عليا و تبشرونى بأذن الله ان كلكم خرجتو من جسمكم بأذن الله
ارجو مكنش طولت عليكم صدقونى الحكايه بسيطه بشكل متتخيلهوش مش عارف ليه حاجات ناس بتحب تصعبها هل بتتكلم بدون علم ولا قاصده انها تصعبها و مش محتاجه تدريب ولا كورسات فى 10 دقايق خلصت
على فكره يا جماعه اذا اتعلمنا الخروج من الجسد و علمناه لشخص ممكن فعلا احنا الأتنين او الشخصيت يتلاقو لما يخرجو من الجسم و هاسيب الأمكانيات الغير محدوده لخيالكم ان شاء الله
المده زى ما احنا عايزين يا عاطف ممكن تقعد اد ما انت عايز بس على فكره يا جماعه الوقت فى البعد الى بتبقى فيه مختلف عن الوقت الى احنا فيه تماما بيبقى فى اختلافات فى البعد الى انت فيه يعنى ممكن تقعد يوم كامل و تصحى تلاقى نفسك نمت 3 ساعات الحكايه ملهاش مقياس ثابت يعنى و مفى مستويات بيقى الوقت هو هواه
ارجو ربنا يكون وفقنى فى انى اوصلك المعلومه ببساطه و تقدر النهارده بأذن الله انك تخرج من جسمك و ان شاء الله اشوفك مره تانيه و يومك جميل و ان شاء الله صيام مقبول و قيام مقبول و افطار شهى
سلام عليكم فيصل عبد الواحد