بسم الله
أمسية الحقيقه او زى ما قولت الحقيقه الكامله عايز بس انوه على حاجه النهارده يا جماعه ان شاء الله زى ما قولت قبل كده مش هاقولك انت كذا او دى حقيقتك جايز الله اعلم انا مش عايز احط شروط جايز اقول فى وقت من الأوقات ان انت كذا بس صدقنى يعنى انا لما قرأت عن حقيقتى او لما قرأت عن انا ايه و ايه الحاجات الى ممكن اعملها ده عطلنى كتير جدا فخلينا نبدأ الأول زى ما قولتلك انا هاسيب الكلام يجى لوحده
خلينا نبدأ السعاده بتحصل ازاى و دى نقطه يمكن النقطه الوحيده الى عايز اتكلم عنها النهارده
هتكلم عن السعاده بتحصل ازاى ببساطه يا جماعه هاقولكم على حاجه كل واحد دلوقتى شايف سعادته فى حاجه صح ؟ عايزك بتشوف اكتر حاجه شايف سعادتك فيها ..... متاخدش كلام منى و تصدقه عايزك دلوقتى تجرب معايا عشان كده قولت قبل مانبدأ انا عايز تفاعل اكتر حاجه شايف سعادتك فيها هى ايه سواء موجوده او مش موجوده ؟؟
عايزك تفتكر دلوقتى كده لما انت كنت عايش او الحاجه دى كانت معاك بالنسبه للناس الى الحاجه دى عندهم و وراحت او الناس الى لسه مش عندهم الحاجه دى تخيل كده لو الحاجه دى معاك الى انت شايفه ان ده سعادتك تمام؟ ايه الى بتلاحظو و انت بتعمل الحاجه دى ؟ الحاجه الى انت شايف فيها سعادتك دى اذا لاحظنا يا جماعه صح هتلاقى ان انت و انت بتعمل الحاجه دى او انت مع الحد ده الى شايف سعادتك فيه مبتبقاش بتفكر فى اى حاجه صح ؟؟ عقلك بيبقى ساكت ساكت تماما مش كده ؟ هنا السعاده يا جماعه
بتبقى مركز فى الحاجه اوى او مش مركز عايش فى الحاجه اوى او عايش فى الشخص اوى كل الاصوات و الافكار التانيه بتختفى مش كده ؟؟ هى دى السعاده السعاده بالظبط بعيش اللحظه السعاده هى ان عقلك بيصمت تماما
انت جيت فى يوم من الايام عيشت التجربه دى تجربة ما خلت عقلك يسكت فحسيت بالسعاده مثلا ناخد مثال بنت بتحب شخص اول ما شافته كده اول مره بدأت تتشدله بدأ عقلها يسكت بدأت تشوفه تانى او تتكلم معاه تانى عقلها بدأ يسكت خالص لما بدأت تحس بالفرحه و السعاده فبدأ تربط السعاده دى بالشخص ده تمام ؟ لأنها كل ما بتشوف الشخص ده او بتتكلم معاه بالتليفون حتى عقلها بيسكت فبتحس بالسعاده فأحنا غلطنا فى الجزئيه دى غلطنا ان احنا بصينا على الحاجه الى بره و مبصناش على الى جوه
السعاده الحقيقه بتحصل لما عقلك يسكت و دى اول حاجه
رقم 2 ان انت قايل لنفسك كده ان انت متحسش الأحساس ده او متسكتش عقلك سواء احساس بالفرحه او العكس او ان تانت تزعل الا لما تحصل حاجه معينه يعنى مثلا لو دلوقتى نور ديما سبحان الله نور هى الى بتقع معايا ديما فى المثال ده
" لو قولت لنور يا نور انتى غبيه هتحسي بأيه ؟؟ " هتحسي بالأهانه مش كده ؟ طيب لو قولتلك انت ذكيه جدا يا نور انتى عبقريه انتى ما شاء الله عليكى هتحسي بقيمة نفسك و كده صح ؟
المشكله مش فى الى قولته يا جماعه المشكله فى الى انت مشغله جواك و حاططله شرط كده انه يشتغل مع جمله معينه اذا حد شتمنى بحس بكذا و اذا حد ندهلى احس بكذا
فالمهم السعاده بتاعتك عمرها ما كانت بأى حاجه بره السعاده بتاعتك الحقيقيه هى ان عقلك يسكت
الحاجات الى بتسكت العقل كتير بس اذا انت دورت عليها فى الدنيا يعنى مثلا البنت الى كانت متعلقه بالشخص ده بتبقى عايزه تشوفه تانى و ثالث و رابع و تبدأ ( تتعلق ) بيه و تبدأ اذا سافر او بعد عنها تتعب مش كده تبدأ تغير عليه تبدأ عيزاه معاها على طول هى عايزه السعاده
الناس الى شايفه سعادتها فى الأكل اما باكل الأكل ده عقلى بيسكت بستمتع مش كده كل ما احس انى محبطه شويه او حاجه مزعلانى اكل عقلى بيسكت و بنسي المشكله و بحس بالسعاده ده الى بيخلى الناس تاكل كتير عايزه سعاده لذلك لو جيت تعمل رجيم للناس تحدد اكلها هتحس انك بتاخد منها سعادتها هيحس ان انا باخد منه سعاده الى بيحسها جواه من غير ما يقصد كأنى بقوله بطل تبقى فرحان تمام؟.
نفس الحكايه بقى مع الناس الى بتحب بعض نفس الحكايه فى الفلوس الناس الى شايفه سعادتها انها قادره تشترى الناس الى معاها 100 ألف جنيه ده انا قادر اشترى كذا و كذا طيب تخيل بقى لو انا بقى معايا مليون اكيد هحس بسعاده اكتر و لما المليون يجى السعاده زادت شويه عشان العقل سكت شويه و هكذا
لو لاحظت الاتفاق الى بيتم ان انت بتاخد كام لحظه من السعاده لحظات قليله اوى و بتدفع قدامهم لحظات كتير جدا من المعاناه يعنى البنت الى بتبقى قاعده مع حبيبها ساعه ساعتين ثلاثه اربعه بتبقى غايبه عنه باقى اليوم مش كده ؟؟ فكأنها بتدفع 20 ساعه من المعاناه الرهيبه عشان تاخد 4 ساعات ده لو كانت بتشوفه 4 ساعات كل يوم يعنى تمام؟
هنتكلم عن المخدرات دلوقتى بالتفصيل
اخطر حاجه يا جماعه انا بقول المقدمه دى ليه ؟ اخطر حاجه على الأنسان او اكتر حاجه تسكت العقل ايه هى ؟ الى هيقولها يعنى له جنيه تخيلى ... اكتر حاجه بتسكت العقل ايه هى ؟ اكتر حاجه بتسكت العقل و اخطر حاجه على الأنسان ؟؟
لا انا اقصد زى الحاجات الدنيويه يا جماعه زى الأكل و الناس تشوف حبايبها و الحاجات دى
هاقولكم يا جماعه حاجه
اكتر حاجه بتسكت العقل و على فكره الحاجات التانيه الى هى الأكل و انك تشوف حد بتحبه و السفر و الفلوس بتسكت العقل بتس بسعاده رهيبه اه لحد معين لكن اكتر حاجه بتسكت العقل تماما و بتخليه كأنه مش موجود الجنس يا جماعه
لذلك اذا حد لقا سعادته هنا بيبقى صعب جدا جدا يسيبها لذلك ربنا قال ايه على الزنا " إنه كان فاحشة و ساء سبيلا " صح مش بس فاحشه و ساء سبيلا لأنه اذا انت جربت السعاده الى فى الجنس ده عقلك بيسكت فيها تماما بتحس بسعاده رهيبه بشكل لا تتخيله لثوانى تمام و باقى اليوم او الفتره العاديه الى مبتعملش فيها الجنس بتحس بالمعاناه و عايز تانى فبتضطر انك تدور على حد تعمل معاه كده معايا ؟
مش عايز اتشعب فى الحكايه دى بس الى بيخون مراته - الى بيزنى - الى الى الى ماعه واحده و اثنين و ثلاثه و هكذا هو شخص بصراحه انا او عامة تشفق عليه شخص بيدور على سعادته و شايف ان سعادته هنا و اذا قولتله يا فلان سعادتك مش هنا عمره ما هيصدقك لانه هو جرب السعاده هنا جرب ان هو لما بيبقى فى اللحظه دى بيبعيش كام لحظه مثلا 4 او 5 او 6 او 7 ثوانى من الصمت التام للعقل بيحسسوه ان هو مش هنا حلو ؟
فلذلك الطريق ده اوعى تدخله لأنه هتحس بسعاده هتدمنها بعد كده
قصة المخدرات ايه بقى ؟
الى اتعلمناه انها (بتغيب العقل ) و الخمره مش كده فالأنسان لما عقله بيغيب بيدأ برده يحس بالمتعه دى و على فكره حقيقتك بردو ان مافيش عقل و حقيقتك بردو انك بدل ما تبقى فى المتعه دى 5 او 6 ثوانى طبيعى انك تبقى فيها على طول مش انك تدور تقعد فيها كام ثانيه و تبعد عنها و تدور ترجعلها ازاى و الحاجات دى فمابالك لو انت قدرت توصل للسعاده دى بدون اى حاجه من الوسائل دى !!؟
المخدرات بتغيب العقل و الشخص الى بياخد مخدرات كل ما كانت اقوى كل ما بيشوف ده اكبر و عقله بيغيب و بيبقى فى السعاده دى الى هو المفروض هو اصلا يبقى فيها عشان كده بيدمن المخدرات اذا جيت قولتله يا فلان بطل المخدرات دى او الخمره دى او او هيقولك لا دى سعادتى انت مش فاهم حاجه و فعلا انت مش فاهم الشعور الى هو بيقبقى حاسه وقتها بتبقى حاله منالسكر كده مش عايز يسيبها لذلك كل مره بيزود الجرعه عشان يقعد اكتر مش كده؟
و الى بيشرب بيشر ا اكتر و هكذا .... مش عايز اتشعب او ادخل فى جزئيه الدين دلوقتى لكن هلمح ليها كده لذلك يا جماعه السكر الى فى الجنه مش السكر الى احنا فاهمينه انك هتقعد بقى و آسف فى اللفظ سكران و بتتكلم مش هو السكر يا جماعه الى مقصود احنا خدنا شوفنا كلمة الخمرو انهار من الخمر و السكر شوفنا الحاجات دى و فسرناها بالمعنى القاصر بتاع الدنيا معايا ؟
لكن المقصود بيها ان انت هتبقى كده على طول على فكره الجنه مراحل و ده بقى الى هيدخلنا فى موضوعنا النهارده الجنه مراحل انت اتخلقت ليه ؟ و هنبدأ يا جماعه فى الكلام الى انا حذرتك من حكمك عليه متحكمش دلوقتى و اذا حكمت متحاولش تتصرف مع الحكم ده
ربنا خلقك طبعا كل حاجه متروكه لله اولا و اخيرا ربنا خلقك عشان حاجه واحده بس و انك تبقى سعيد و ربنا اما بيقول سعيد او فرحان تخيل كده اما انا اقولك انا هخليك فرحان يا فلان على قدر ما الشخص ده كان كبير او عنده سلطات او او على قدر ما انت تتوقع السعاده مش كده؟
يعنى مثلا لو الملك بتاع دولتك او الرئيس بتاع دولتك و قالك يا فلان انا تعهدت بسعادتك غير لما واحد مثلا صاحبك يقولك انا تعهدت بسعادتك انا الى هسعدك النهارده مش كده ؟
فما بالك ان ربنا عايزك تبقى سعيد !!!؟؟ حلو ؟
دى رقم 1
رقم 2 و زى ما قولت من أول رقم 1 دى هنبدأ بقى فى الحقيقه كل الى فات مقدمه للى هاقوله
رقم 2 : إن السعاده دى عمرها ما هتتوجد الا فى مكان واحد بس انا بتكلم عن السعاده يا جماعه الى مبتتغيرش السعاده الى مافيش حاجه تحصل تقدر تغيرها او تقللها السعاده دى مش هتلاقيها الا فى مكان واحد بس عمرك ما هتلاقيها بره و متصدقش كلامى دور عمرك ما هتلاقيها فى فلوس عمرك ما هتلاقيها فى جنس عمرك ما هتلاقيها فى زواج عمرك ما هتلاقيها فى اكل فى سفر فى نجاح فى اى حاجه
السعاده المطلقه الى ربنا عايزك تعيش فيها ربنا خلقك عشان تبقى سعيد السعاده المطلقه دى هى اما تشوف نفسك مجرد بس ما تقرب لنفسك من بعيد .. من بعيد هتبدأ تقع فى حالة السكر دى هتبدأ تقع فى حالة ان انت مش عايز تسيبها من بعيد كمان من بعيد بألآف الأميال عنها
العطر او الرائحه بتاعة الحاله دى بيشدك ليها .... و لما تشوف نفسك هتعرف ان مافيش حاجه اسمها نفس اصلا لما تشوف نفسك هتعرف ان انت ولا شيء و ان قمة السعاده هى انك تكون ولا شيء
فى ناس ديما تقولى يا فيصل انت حد جميل اوى و بتسمعنى و بتخلينى اتحرر و بتحللى مشاكلى و انت ماشاء الله كذا و كذا ... لأ مش الكلام ده لو انا صدقت الكلام ده هحاول احافظ عليه مش كده ؟ محاولتك للحفاظ على شيء او تصديقك للشيء تصديقك ان انت حاجه هتخليك ديما تحاول تحافظ عليها فالناس الى شيفانى كده لأ انا ماليش دعوه بالحاجات دى او انا مش كده يعنى فلو انا جيت و قولتلك يا فلان انت ولا حاجه انت ولا شيء هتبقى عايز تيجى تعمل معايا مشكله ... لكن اما انت .. اقولكم على حاجه جميله جدا هاعملها معاكم دلوقتى و دى حاجه بردو فى كورس طريق السعاده
اذا انت خدت نفس دلوقتى كده و بصيت و ركزت هتلاقى ان النظر بيحصل لوحده بدون ما تدخل صح ؟ و السمع بيحصل لوحده بدون ما تدخل و الاحساس بيحصل لوحده بدون ما تدخل و كل حاجه بتحصل بدون ما تدخل و العلم موجود بدون ما تدخل و انت بتتنفس بدون ما تدخل بص على الحقيقه دى دلوقتى بص على الحقيقه دى .. انت مالكش اى يد فى الحاجات دى صح ؟ تمام
طيب بص على اللحظه الى انت فيها دلوقتى دى اللحظه الى انت فيها حالا من غير ما ترجع ثانيه واحده لورا من غير ما تراجع لحظه واحده لورا انت مين ؟ اذا رجعت تجيب من الذاكره هتقول انا آلاء او انا آيه او انا ايمن كل دى ذكرى انت عايش فيها لكن اذا انت سبت الذكرى دى وب صيت على الثانيه او اللحظه الى انت فيها ... ولا شيء مش كده ؟ انت عايش فى ذكرى بقالك 20/30 /40 سنه و بتشدها ثانيه بثانيه انت ولا شيء صح ؟ بالظبط معرفش مش حاجه
اذا انت بصيت دلوقتى هتلاقى الا ان مافيش عقل العقل اصلا انت قاعد تشده معاك ثانيه بثانيه دى الحقيقه شوفنا الحقيقه دوقناها وعلى فكره دى من بعيد من بعيد جدا كمان
عايزك تشوف كده دلوقتى فى حاجه اذا انت دققت النظر شويه هتبدأ تحس او اول ما تدقق دلوقتى انت لا شيء عايزك تشوف دلوقتى بقى هل اصلا فى حاجه اسمها أنا ؟ هل اصلا فى حاجه اسمها أنا ؟ انت انضحك عليك و صدقت ان انت انا او انت كيان انا
بص كده فى اللحظه او الثانيه الى انت فيها دلوقتى فى أنا ؟ تمام مافيش حاجه خالص بالظبط .. اللحظه الى انت فيها دلوقتى دى فى مشاكل ؟ المشاكل بردو انت بتشدها معاك ثانيه بثانيه انما اللحظه الى انت فيها دلوقتى دى بدون ما ترجع للذاكره و للثانيه الى قبلها فى مشاكل ؟ حتى الى شايف ان فى أذى او اى كان ده كان فى الثانيه الى قبلها بص على الثانيه الى انت فيها دلوقتى فى مشاكل ؟ فى مشكله ؟ فاكرين يا جماعه لما قولت الحقيقه ان مافيش مشكله خالص و الناس كلها اضايقت و انت بتقول ايه و انت مش فاهم حاجه و انت عايش لوحدك .... فى اى مشكله يا جماعه ؟؟ تمام
لكن ساعات كنت بضطر اقولك اه رحب و اتحرر و بسايرك لغايه ما تشوف فعلا ان مافيش مشكله لكن لو شوفت فعلا دلوقتى ان مافيش حاجه هتتحرر اسرع مش كده ؟ حتى الخوف يا جماعه الخوف ده حصل فى ثانيه و بتشده معاك و عايز تحله لكن لو وقفت انك تشده و خليتك فى الثانيه الى انت فيها دلوقتى فى خوف ؟ فى رغبه ؟ فى عقل ؟ فى اى حاجه ؟ فى هدى ؟ فى دانا فى ايناس فى ليلى فى مروه فى ايمن فى عائشه ؟ فى اى حاجه ؟ فى أنا ؟ فى نقطه صغيره اوى دى اسمها أنا ؟ تمام
عرفنا حقيقتنا يا جماعه او على الأقل حطينا رجلنا على الطريق .. بص كده لو كنت عايش فى ذكرى ان انت فلان و الذكرى دى ساحبها معاك بقالك كذا سنه و الناس بتقولك كده طيب بص على الثانيه الى انت فيها دلوقتى انت مين ؟ و متردش على السؤال انك ترجع تجيب الحل من ذكرى ورا بص على الثانيه الى انت فيها دلوقتى دى فى اصلا فلان الفلانى الموجود فى الثانيه دى من غير ما تشده من الذكرى الموجوده معاك دى ؟ فى اصلا انا ؟
الناس الى بتسألنى اسئله دلوقتى و عايزه تفهم السئال ده حصل جواك فى ثانيه او ثانيتين فاتو و انت بتشده معاك بص على الثانيه الى انت فيها دلوقتى دى لسه فى سؤال ؟ لسه فى رغبه ان انت تفهم ؟ عرفنا يا جماعه ليه الناس الى وصلوا لحقيقتهم ديما ديما بيفضلوا الصمت ؟ عرفنا ليه حتة ان الصيام عن الكلام مفيد ولا لأ ؟ انى مكلمش حد و كانت اجابتى ان الصيام نفسه عن الكلام مش هو الغايه لازم تعرف انت بتصوم عن الكلام ده ليه و فايده ايه ... تمام ؟
بس مش عايز ادخل فى جزئيه ان الحاجات الى ممكن تعارضها او متصدقهاش دلوقتى و اقولك ان فى عمليه كده انت بتعدى بيها عشان توصل و تعيش فى ده على طول ان انت لازم و لابد و حتما هتوصل للمرحله دى
بالبساطه دى يا جماعه احنا دلوقتى عملنا اى تقنيات او اى حاجه او عملنا تحرر او اى شيء ؟ بس ديما الحل سهل اى حد بيعقد الحاجه يبقى مشافش الى بيتكلم من عن رؤيه غير الى بيتكلم و سمع مش كده الكلام ده يمكن قرأته كتير و عيش اللحظه و خليك فى اللحظه الى انت فيها و الحاجات دى لكن يمكن مكنش بيوصلك بالبساطه و السهوله دى مش كده ؟
مش قصدى بشكر فى نفسي بالعكس انت لو معايا من الأول هتعرف انى مش محضر حاجه خالص زى عندنا فى مصر بيقولك الى شاف غير الى سمع فالصلاة و الصيام و الحاجات دى حتى الصلاة ( مطلوب منك تعمل ايه فيها ) انك تخشع و (متفكرش ) فى حاجه صح ؟ مش كده ؟
الصلاة تدريب عملى 5 مرات فى اليوم ان انت تسكت عقلك لذلك الصحابه مكانوش بيقدروا يسيبوا الصلاة لأن الصلاة كانت بتسكت عقلهم لكن اذا انت خدت الصلاة ان انت تعيش الحاجه دى قبل ما تدخل الصلاه تقول انا اعيش حالة اللا شيء دى و اذا انت بقيت عايز تخرج منها ابقى قول عليا الى انت عايز تقوله و نفس الحكايه مع الصيام بس الصيام اعمق شويه
فالحكايه بالبساطه دى
بالمناسبه يا جماعه الى بيسأل عن كورس طريق السعاده انا قبل ما ابدأ الأمسيه دى عملت درس كده عن طريق السعاده وقولت ان الحكايه خطوات ... طريق السعاده 2016 غالبا هيبقى آخر طورس طريق السعاده الناس الى معايا بيعرفوا الحاجات دى بتاخد منى مجهود اد ايه و تحضير اد ايه و متابعه اد ايه فغالبا نسبة 98% هيبقى اخر كورس طريق السعاده و هرفعها ان شاء الله بعد كده بقى هيبقى يمكن هتبقى كورسات خاصه بس او كده عشان بس اكون صريح هيبقى فى كمان حاجه عن الوزت دى هتبقى ان شاء الله ... بس ملهاش علاقه بطريق السعاده خالص ... انما طريق السعاده .. والله مش شايف انى هاقدر اكون فى المكان الى عايز اكون فيه و فى نفس الوقت اعمل الكورسات دى على طول يعنى هبقى مش قادر اوازن بين الأثنين او بمعنى أصح بتاخد منى وقت كبير جدا و تحضير كبير جدا الكورس الى بيتعمل يا جماعه احنا فى اكاديميه التغيير قعدنا 5 شهور و دى حاجه كبيره جدا .. انا مش بحب اعمل حاجه و اسيبها و نمشي يعنى
الكورس بتاع السنه دى مش هيبقى 5 او 6 اشهر بأذن الله مش هيزيد بأى حال من الأحوال عن شهرين و جايز اقل من كده بكتير كمان ... كورس طريق السعاده كمان هنعمل فيه الى احنا عملناه ده هنبدأ من الى احنا عملناه ده هنبدأ .. طيب ازاى يا فيصل اعمل الى انا عايزه ؟ ازاى اجيب الهدف ده ؟
فى حاجه يا جماعه لقيتها مهمه اوى ... انى مينفعش اقولك استغنى عن العربيه عشان سعادتك مش فيها .. مينفعش اقولك يا نور مثلا سيبى الهدف ده عشان سعادتك مش فيه سعادتك جوه ... لازم تشوفى انتى بنفسك ان سعادتك مش فيه فديما ليستر كان يقول حاجه مهمه اوى و دى نصيحه مهمه يا جماعه
" اذا انت عايز هدف يا أما تحققه يا أما تسيبه " فأقولك على حاجه جميله اوى اذا انت فى هدف و حاسس انك مش قادر توصله حتى بالتحرر سيبه خالص دعه يذهب تمام ؟ انا بقول كده عشان فى طريق السعاده الناس فاكره انه بس هيبقى حاجات حلوه روحانيه و كده اه طبعا ده فى آخر مرحله بس فى مرحله هتكلم بالتفصيل ازاى تعمل الى انت عايزه بالطلب لكن مش دى آخر طريق .. و مش ده الى عايز اوصلك له الى عايز اوصلك له انك تبقى فى حالتك الحقيقه 24 ساعه على طول
بعد الموت و أثناء الصمت ما حسيت بالسعاده ؟
اه بصوا يا جماعه هاقولكم على حاجه جميله اوى الأمسيه لسه مخلصتش يا جماعه عايزك تشوف حد مش بتكرهه يعنى مش بتقبله اوى او مش بتحب تقعد معاه
سالى بتقول ممكن توصل للهدف بسرعه ؟
يا جماعه اذا قولت لكم الحقيقه مش هتصدقوها اصلا مش عارف خدت بالك ولا لأ بس على اد ما اقدر بحاول اتكلم بمصطلحات تتقبلها عشان انا مش عايز اقولك حاجه و حقيقيه اقولها لك دلوقتى تتقفل من موضوع الحقيقه ده خالص اى كان الى انت عملته شايفه اعجاز فهو لا شيء بردو لازم تتقيد بالكون بردو لسه شايف ان فى قوانين بتحكمك بردو لسه شايف ان فى حاجه اسمها الجذبيه مثلا بردو لسه شايف انك عايش فى الحقيقه يا جماعه الحقيقه ان انت موجود فى مكان تانى خالص خالص و نايم و بتحلم بلى انت شايفه حقيقه ده تمام ؟
فلى كنت بقوله المشكله يا جماعه لما باخد كذا سؤال بتهوه لأن مش محضر الكلام فببقى ماسك كده فكره بتكلم معاها فبتوه منها اكيد هنساها يعنى
و عايزك فى نفس الوقت بص كده على حد بتعشقه حد بتحبه جدا تمام شوف الأحساس ده احساس الحب و السعاده الجميل ده شوفت الاحساس ده بيبقى ممتع ازاى و بيديك طاقه ازاى ؟ عايزك تجيب بقى الشخص الى انت مش بتحبه اوى ده و الشخص الى بتتجنبه او مش عايز تقعد معاه اسأل نفسك حس شعورك ناحيته الاول او شعورك ان انت مش بتحبه او بتتجنبه اسأل نفسك و خليك صادق فى السؤال متخليش عقلك يجاوبك شعورى ناحية الشخص ده الى هو مش بحبه اوى او مش بحب اقعد معاه هل الشعور ده اقدر ابدله و اخلى شعور الحب الرهيب الى انا بحطه للشخص التانى ده ؟؟ ماليش دعوه بالشخص التانى يستحق او ميستحقش انا بتكلم انا اقدر احط شعور المتعه الرهيبه ده ؟ انا استاهله ولا مستاهلوش بص كده ؟؟ لأ ليه ؟ هتلاقى لأ عشان فى حاجه بعدها بتقولك لأ ماهو مبيتحقش ميستاهلش و معملش حاجه تخلينى أحس كده صح ؟ مش كده ؟ جميل ؟ لكن انت لسه بتبص عليه انا عايزك تبص عليك انت انت تقدر ولا لأ ؟ انا مش بقولك هو عمل ايه او معملش ايه انت تقدر ولا لأ ؟ بغض النظر عن الشرط الى انت حطه ان هو ميستاهلش او ان هو عمل فيك او او او احنا بنتكلم انت تقدر ولا متقدرش ؟ ناس قالت لأ تقدر ولا متقدرش ؟
الناس بدأت تقول اه اقدر الناس الى لسه بتقول لأ بص انت مركز على ايه نركز على ان الشخص ميستاهلش و انت عايز تعاقبه بأحساسك ده صح ؟ عايز كل ما تشوفه تكشر فى وشه .. لكن بص عليك انت شوف احساس الطاقه الممتعه الى انت كنت حاسه من شويه ده تستحق تحسه هنا ولا لأ ؟؟ انت تستحق تحسه ولا لأ ؟ شوف تقدر تحطه هنا ولا لأ؟ احساس الطاقه الرهيب تقدر تحطه ناحية الشخص الى انت مش بتحبه جميل؟ جرب تحطه بقى دلوقتى اكتر و اكتر كمان ... كمان .. كمان املى نفسك بالشعور ده ....
الناس يا جماعه الى مش قادره لسه شوف شخص احساسك ناحيته عادى و اعمل ماهعه الى بنقوله ده شعور الطاقه و المتعه الرهيبه ده حطه بالظبط احنا بنشوف اننا لما بنحب حد اننا بنكافأه و احنا مش عايزين نكافيء الشخص ده يا جماعه انت الكسبان بص شوف دلوقتى كمان شخص تانى بردو ممكن تكون احساسك ناحيته عادى و جرب تحط جواك ناحيته احساس المتعه الرهيبه و استمتع جدا و حط الأحساس ده جواك جميل املى نفسك على اد ما انت عايز من غير حدود
شوف شخص ثالث و بردو املى نفسك بالاحساس الى انت عايز تملاه المتعه بالحد الى انت عايزه
انا فى مرحله يا جماعه كنت بحسها ببقى مش قادر انام من المتعه الى انا حاسسها جسمى بيرتعش و بيتهز و مش قادر اخد متعه كمان أكتر من ثلاث أو اربع اشخاص لما بعمل كده ما بالك لو انت عملت كده مع كل الأشخاص الى تعرفهم فى حياتك تمام ؟
انا مش بقول كده عشان تعمل زيي انا بقولك على ال..... الحاجه الى انت ممكن توصلها من بعيد تبقى عايش فيها ازاى من شخصين او ثلاثه اذا انت فعلا عملت كده هتحس بالطاقه دى ما بالك بقى عملتها مع الناس الى انت بتكرههم كره العما هتحس بأيه ؟
لذلك سيدنا محمد عليه الصلاة و السلام ماكنش بيكره حد و انا آسف بس هاقول الحكايه دى و الناس كتير جدا هتعرض عليا فيها بس دى بقى مش هنتقى فيها ألفاظ اى حديث بيقول ان سيدنا محمد كان يكره او يقتل او |أمر بقتل فلان او قتل فلان انا لا أخذ به على الأطلاق اذا عرفت محمد و اذا شوفت محمد يعنى .. اصل هتصدق حاجه شايفها و حاجه كده حاسسها اوى و شايفها ولا هتصدق كلام سمعته حديث قاله فلان عن فلان عن فلان تصدق ايه ؟ عليه الصلاة و السلام انا مش بتبع والله يا جماعه كلام حد ولا رأى حد انا بتبع الى انا شوفته و ده يمكن الحاجه الى يمكن تخليك تقتنع اكتر ان انا مش بتكلم عن الحاجه قرأتها انا بتكلم عن الى انا بشوفه و الى بجربه فسيدنا محمد عليه الصلاة و السلام فى غزوة أحد أما جرحت رأسه و نزف دم و الدم غرق رأسه قال كيف أفلح قوما فعلوا ذلك بنبيهم ده كل الى قاله كيف أفلح قوما او كيف يفلح قوما فعلوا ذلك فى نبيهم فى غزوة أحد على ما أذكر او فى غزوة الأحزاب
ربنا نزل الآيه الى هى بتقول " اويغفر لهم ما لك من الأمر شيء " أول م الآيه دى نزلت على سيدنا محمد قال اللهم اغفر لقومى فأنهم لا يعلمون و هو ب فى حرب و بينزف دم من الناس دى فمتجيش تقولى ان سيدنا محمد كان بعت يقتل حد علشان شتمه او ان هو كان قاعد مع ناس و كان نفسه واحد من الصحابه يقتل واحد جاى يزورة ازاى ؟ سبحان الله انا مش عايز اتكلم عن الجزئيه الدينيه و على فكره اذا انت شوفت و تتبعت هتعرف مين الى حطها و حطها ليه و دسها ازاى بس يعنى ازاى واحد زى ده و ما أرسلناك الا رحمة للعالمين تقولى ان هو يعنى أمر بقطع لسان واحده او ان هو بيقول إن شئت قم بالذبح
لذلك نرجع لجزئيه الحب و السعاده دى سيدنا محمد عليه الصلاة و السلام احنا كلامنا دلوقتى انن انحب واحد و اثنين و اكتشفنا حسينا بأيه ما بالك هو محملش اصلا جواه غير الحب
فنرجع للجزئيه الحب و سؤال هدى بتقول انها فى الصمت ده محستش بالسعاده ؟؟ شوفنا يا جماعه مهما كان السعاده دلوقتى و الناس الى وصلت معاي للطاقه الكبيره الى عملناها دلوقتى دى بس بردو فى حاجه شيلاها صح ؟ فى وعاء شايل السعاده او المتعه دى مهما كانت السعاده او وقت مش عارف انام او جسمى بيترعش من فرط المتعه او السعاده الى فيا بس بردو فى حاجه لسه اعمق يعنى شوف الطاقه دى كبيره جدا اد ايه و مبتنيمنيش فى حاجه اكبر منها بتسوعبها ايه الأكبر الوعاء مش كده فمهما كانت السعاده و المتعه دى كان فى حاجه كبيره اكبر منها انا عايز اوصلك للحاجه دى
انا ممكن اوصلك لمرحله دلوقتى انك من السعاده تمشي تحضن الناس تمام ؟ بس فى حاجه اعمق فى حاجه أكبر تمام ؟ فبس عرفنا يا جماعه الحقيقه بتاعتنا ايه ؟ و عرفنا ان حقيقتنا اننا ولا حاجه ؟ الحكايه بالبساطه دى هى دى الحقيقه بتاعتك الحقيقه
طيب انا لما اشوف نفسي عايز اقول النقطه دى لما انت هتوصل لنفسك بس و اى حاجه تانى او افكار و مشاعر تروح هتشوف ربنا مش هتشوف الى هو النظر الى احنا شايفينه ده . مش سيدنا محمد بيقول أن تعبد الله كأنك تراه بالظبط مجبتش حاجه من عندى يا جماعه والله و هنا بقى لما بتوصل للمرحله دى يعنى خلاص شوفت ربنا و اما تعوز حاجه يارب انا عايز كذا تيدى فى نفس الثانيه بغض النظر عن انك تعوز مش عايز اتكلم انك تعوز او تمتلك مجرد انك معاه بس هو ده الى ميتوصفش هو ده معنى السعاده المطلقه تمام ؟ انت ربنا خلقك علشان توصل لدى الجنه مراحل يا جماعه الى عايز يدخل الجنه عشان الحور العين و على فكره الحور العين قرأت لها تفسيرات كتير جدا و فى ناس خرجت عن المألوف و احترم دماغهم ان هى بتخرج عن المألوف و بتفكر خارج الأطار بتقول ان حور العين مثلا مقصود بيهات كذا او دى كلمه سريانيه او مافيش جنس فى الجنه او او فى حور عين فى الجنه و فى نساء فى الجنه تمام بس الى داخل الجنه عشان الحور العين الى داخل الجنه عشان انهار العسل و انهار اللبن المصفى و الى داخل الجنه عشان الفواكهه و الدهب و الؤلؤ و الى داخل عشان كل الحاجات دى هيشوف اكبر من الحاجات دى بمراحل حلو ؟ هيوصل لدى بس مش دى نهاية الطريق حتى و انت فى الجنه الجنه مراحل
فطيب يا فيصل هل لو انا دخلت الجنه و الله اعلم يا جماعه عشان اريح الناس هل يا فيصل لو انا دخلت الجنه و لقيت ان مع كل السعاده والمتعه دى النساء و الأولاد و قاعد مع الى بحبهم و كل الى عايزه يجاب و الحاجات دى كلها لقيت فى ناس أعلى منى فى المكانه الى هى اعلى منى مكانه و انا عايز اوصلها كده خلاص مش هوصل للمرحله دى ؟؟ لا هتوصلها ان شاء الله اذا انت قرأت القرآن صح هتفهم الى انا بقولك عليه ده انا مش عايز افتح المووضع اكتر من كده بحب ديما ادى اشارات و استفزك عشان تدور انت
ازاى نقرأ القرآن صح ؟ اسمع تسجيل من الله الى انا عملته و ابدأ اقرأ القرآن بالمعنى الى قولت عليه دلوقتى ده ان ربنا خلقك عشان توصله على فكره اذا اتكلمت عن الجزئيه دى مش هنخلص النهارده خالص فربنا خلقك علشان توصله و تبقى سعيد جدا و تبقى سعيد بدون اى حاجه تغير السعاده دى و ده مش هتوصله الا اذا بلى قولنا عليه
بس هى دى حقيقتك .. هى دى حقيقتك ..
فيصل فى كورس طريق السعاده مثلا الأسئله الخاصه بطريق السعاده الى بيسألونى عليها ببساطه علشان متشعبش او مش هتكلم عن ده هنعمل ده اذا ربنا آراد
ايه الى معملهوش عشان لا اتراجع ؟؟
بصى يا رانيا فى اللحظه الى انتى فيها دلوقتى شوفى الشخص الى بيتراجع ده فعلا موجود ؟ اللحظه الى انتى فيها حالا ؟ مش بقولك كده عشان تتعلقوا فى الكورس بالظبط انا بقول عن الى هنعمله فى الكورس اه هنتكلم عن ده و هنطور ده احنا لسه يا جماعه قدامنا جبل كده و بنلعب فيه
الكورس بقى عشان هبقى مع ناس و مواعيد منظمه هبدأ اغوص فى الجبل بأذن الله
بالظبط يا رانيا مافيش حد
يا جماعه مبقتش اركز على كيف اجذب دى لان فعلا سبت قانون الجذب من زمان مافيش حاجه اسمها اصلا بالمفهوم ده اسمها قانون جذب فى حاجه اسمها الكريشين انت بتعمل .. فبس يعنى و كمان لقيت ان الكريشين ده حتى انك تعمل الى انت عايزه حاجه تفاهه جدا جدا انك تعمل حاجه انت عايزها حاجه كلمة سهله حتى الأربع حروف دى كتير عليها !!! سهله أربع حروف مش كده ؟ المهم كلمة سهله دى كبيرة عليها
الله يخليكى ياسالى
المخلص يا أنور الى انا قولته اصلا ميتقالش الى قولته يتعمل مينفعش الخصه لو جيت الخصه خهبقى زى الناس الى بتتكلم عنه و التسجيل هيترفع كمان شويه ان شاء الله
يا جماعه فى غموض هنا ؟ فين الغموض فى كلامى ؟
بصراحه انا مش ببسطت انا النهارده عملت الكلام ده ممكن اكتبه فى بوست بس مكنتش هتعمله زى ما انا عايزك تعمله فين الغموض ؟
ممتاز .. ممتاز جدا
طيب يا جماعه احنا ماشاء االله داخلين على 70 واحد مش هاقدر اخد اسئله كلها هاخد اسئله بشكل عشوائي اكتبوا اسألتكم و ان شاء الله الى هاشوفه هجاوب عليه
انا قولت الحقيقه من شويه و عملناها مع بعض
اقولكم على حاجه يا جماعه الناس الى معايا فى كورس الحقيقه تقول الكلام ده كان معنا متدربه فى كورس الحقيقه مجرد ما بدأت المح ... للحقيقه ياااااه على الشتائم و الحرب و اه فى اكاديميه السعاده فاكرين يا جماعه ؟؟ مجرد بس ما بدأت ألمح .. انت مشرك و انت بتقول ان انت آله و انت و انت و شيطان و انت بتضل الناس و كان متدرب معانا و سبحان الله كانت شافت نتايج كويسه جدا بس عند النقطه دى و خلاص العقل خلاص بقى هو الى بقى يقوم و بقى يدى بقى الكلام و بقى يقول لأ الكلام ده كذا تمام ؟؟
سالى بتقول ان ماما بتقولها انك هتلحدى قريب ؟؟ متحاولوش يا جماعه تغيروا كلام الناس او عقلية الناس على اد لما تقربوا من حقيقتكم على اد ما تسيبوا الناس احرار
يعنى السعاده انك تتكلم مع حد النهارده اقولو يعنى سواء بتكرهنى او بتحبنى ده مش هيغير من مشاعرى ناحيتك حاجه كل واحد حر انت حر انك تكرهنى و ده حقك حقك اذا تخالفنى اذا بتخالفنى انا ماليش دعوه و بالعكس انا ممكن ادافع معاك عن حقك انك تكرهنى لأنك تحبنى او تكرهنى انت المستفيد مش انا
ناخد كده سؤال يا جماعه من الأسئله الى بتتكتب
اه السؤال ده كويس
انت بتقول ان مافيش سعاده محدده بشيء معين بس القرآن مذكور فيه ان المال و البنون زينة الحياة الدنيا ؟ زينة ايه يا جماعه ؟ الحياة الدنيا صح بس آيه كامله منقطعش الآيه زينة الحياة الدنيا اذا انتى عايشه يا رانيا تفضلى عايشه فى الدنيا و المنطق و الواقع و الحياة الدنيا خلاص هى دى الزينه بتاعتك روحى للزينه دى بس زى ما قولت فى حاجه اعمق المال ممكن يروح البنون ممكن يروح سعادتك راحت هتعملى ايه ؟ تمام
ايه الأسئله التانيه ؟
النهارده يا جماعه حتى اتكلمنا عن الصلاة شويه صح ؟ نعتبر ان الجزئيه الى قولناها النهارده دى هى الجزء الثانى من الصلاة
زوجى لا يصلى ؟
بصوا يا جماعه الى احنا عملناه دلوقتى ده احنا ممكن يكون معانا ناس مسملين و ممكن يكون معانا ناس مسيحين و ممكن يكون معانا ناس مش شايفين ان فى آله الى انا عملته ده فرق معاك انت مسلم او غير مسلم يا جماعه لما قولت فى طريق السعاده انك غبى و مش فاهم حاجه فى الدين انا عنيت كل كلمه قولتها الدين مش زى ما انت متخيل خالص بس المهم الى عملناه دلوقتى ده مالوش علاقه بالدين بس اذا اعتقد انك كمسلم عندك ميزه عن حد يبقى انت بتقول ان ربنا ظالم يا جماعه ربنا موجود للمسلم و غير المسلم و الا ماكنش غير المسلم اهتدى سواء بيصلى او مبيصليش بالعكس ممكن تكون دى بوابته انه يحب الصلاة
و من يبتغى غير الأسلام دينا فلن يقبل منه
حلو جميل يا جماعه لكن انت شايف الاسلام .. ليه الاسلام اسمه اسلام ؟ الى احنا عملناه يعنى ايه اسلام يا جماعه ؟ اسلام يعنى ايه ؟ كامل معنى الأسلام انك تسلم و تفضل تسلم تسلم لغايه انك تكون ولا شيء
يا فيصل قصدك الى يعمل الى احنا عملناه دلوقتى يبقى مسلم ؟
مش بقول كده قصدى ان الاسلام شرع كدين و غيره من الاسلام عشان يوصلك للنتيجه دى و انك تسلم لربنا ربنا بعت سيدنا محمد عشان يسهل علينا الطريق و ينورلنا الطريق و نبدأ اننا فعلا نشهد ان لا اله الا الله و مافيش اصنام و لا حاجه زى كده و ان محمد رسول الله و نسلم لربنا و نعمل الى ربنا بيقوله نسيب الخمره و نلتزم بكلام ربنا و نسيب الأكل و نبدأ نصوم خطوه خطوه بنسلم
الى يبدأ يشوف انه عنده ميزة كمسلم بيعمل يا جماعه زى و دى مش بزم اليهود بس بقول على الغلط الى غلطوه لما قالو نحن أبناء الله و أحباءه تمام ؟
الحكايه مش حكاية ان انا خلاص شهدت ان لا اله الا الله و محمد رسول الله يبقى خلاص ان افتحولى باب الجنه بقى لأ ربنا مش هيخلق الدنيا دى كلها عشان يعمل كده عشان واحد يجى يقول اشهد ان لا اله الا الله و محمد رسول الله و يجى فى الآخره بقى يقول انا عايز ادخل الج
نه انت متعرفش حاجه عن الدين هاقولك على حاجه نصيحه اثبت على لا اله الا الله محمد رسول الله و أثبت على الى انت مستقر عليه الصوم و الصلاة و الحاجات دى و اطرح كل ما دناها و ابدأ اعرف دينك لوحدك اثبت على الثابت و المشترك الشهاده و الصلاة و الصوم و الفرائض و الحاجات دى أثبت عليها و ابدأ ارمى كل حاجه تانيه نهائي اذا هى صحيحه هتشوفها تانى و اذا هى غلط فأنت كسبان عشان سبتها تمام ؟
آخر سؤال يا جماعه ناخده
سؤال بيقول " كنتم خير أمة اخرجت للناس " كمل الآيه يا أنور الشرط الى اتحط بعدها ايه ؟ تأمرون بالمعروف و تنهون على المنكر صح يا جماعه احنا عايزين نعيش حتة اننا عندنا الأفضليه فعقلنا بيخلينا نقتطع دى الشروط الى خلتك خير أمه اعملها بقى تمام ؟
آخر سؤال .... آخر سؤال
انا مش حافظ القرآن يا جماعه على فكرة بس هى الحكايه ان انت لما بتقرب من حقيقتك بيبقى القرآن ليك كتاب أسرار و الشر الى اكتشتفته منه بيثبت عندك مبيروحش فاهمينى ؟ يعنى فى حد كان عايزنى أحفظ القرآن و كده و سبحان الله طول السنين الى فاتت كل ما اجى احفظ القرآن الأمر مبيمشيش فسبحان الله كأن كان ربنا رايد بيا انى اقرأ القرآن كده يعنى لما انت بتقرأ القرآن بالمكان ده و ان انت لا شيء و تيجى تشوف السر الى يسمع معاك عمرك ما بتنساه لو ايه خلاص بقى انت شوفت سر ربنا كشفلك سر هيروح منك ازاى الحكايه مش حكاية حفظ
آخر سؤال يا جماعه ناخد اخر سؤال الى مش عايز يجى ده يا جماعه هاااا
خلقنا الأنسان فى كبد فى ناس كتير فسرتها و تكلفت بيها و تكلمت عنها كتير بس كبد مش معناها مشقه خالص يعنى
النهارده متكلمناش على الأسراء و المعراج ماكنش فى وقت
عايز سؤال حلو كده ؟؟؟
هل يوجد كائنات أخرى ؟ كائنات بمعنى ايه يا سالم ؟؟
و السؤال ده بردو مش عايز اسيبه هل ممكن الحصول على المال دون عمل ؟ اه يا جماعه بدون عمل خالص العمل وا لحاجات الى بره دى شكليات
ازاى !!؟؟ يعنى مش هينفع أقولها كده مش هينفع انما السؤال اه اذا انت شايف ان انت لازم تشتغل علشان تعمل فلوس ده قيد متشوفش ده تقدر تشيل القناعه دى من جواك تقدر تسيبها ... ؟ بس
اه يا جماعه هنعلمها فى كورس طريق السعاده
طيب كائنات مقصود بيها ايه ؟
السؤال ده جميل جدا .... هل الكورس الحصول على 1000 دولار ممكن بكان % ؟؟ صفر % الله اعلم يا جماعه انا كنت بقول للناس انا ضامن الى بقوله لكن مش ضامن الناس بتعمل ايه لذلك بقول صفر % انا شوفت ناس بتقولى يا فيصل انا بعمل الى انت بتقوله بالظبط و مشوفتش نتايج لما قعدت معاهم لقيتهم بيعلموا بالظبط ضد الى بقوله يعنى لو انا قولت 1 2 3 4 هما بيعملوا ضده بالظبط و هما مش قاصدين بس هو الأيجو بيفهم كده فمش بضمن حاجه صفر % و انا مش خايف انى اقول كده فى ناس كتير جدا اشتركت معايا فى كورس الأفكار و جابت بدون مبالغه والله الآف و فى ناس جابت ملايين والله و فى ناس اشتركت و مجابتش حاجه انت بشر و انت الأيجو بتاعك انا معرفوش معرفش بتاخد كلامى فعلا هتعمله ولا لأ فصفر %
كائنات خارج نطاق الكره الأرضيه ده اخر سؤال هجاوب عليه يا جماعه
انا عايز أجاوب الإجابه الى تخليك متقولش الراجل ده مجنون اه يا جماعه فى كائنات كتير جدا كمان
اعمل كورس على الأيجو ازاى يا جماعه اصلا اذا انت كملت الى احنا قولناه النهارده هتعرف ان مافيش حاجه اسمها ايجو انا بس بساريك و بمشى معاك
فى نسخه منك كمان ؟
مافيش نسخه منك يا جماعه انتواحد مافيش نسخ زى ما قولت يا جماعه العوالم المتوازيه دى ده الى سمع و الى قرأ مش الى شاف و الى قرب الى بيقرأ فى التناسخ او العوالم المتوازيه كلام جميل جدا بيقرأ فيه بس مقربش فبيتكلم من الى سمع عنه او من الى قرأه لذلك الكلام بيبقى كله داخل فى بعضه و مش بسيط و مش سهل لكن الحكايه مش حكاية نسخ انت واحد بس تمام ؟
فى اى حاجه بخصوص آخر سؤال ده الكائنات ؟؟
آخر جزئيه بخصوص الكائنات فى كائنات و حاجات لا تتخيلها طيب هل هما شكلنا يا فيصل ؟ اه يشبهونا و الأختلافات بسيطه فى أقصر شويه فى أطول شويه ... انا مش عايز اتكلم عن الجزئيه دى يا جماعه الناس هتبدأ تقول ده كلام فارغ و مش هسمع بقى انا بفكر اشيل الجزئيه دى من الأمسية اصلا
بس كده خلاص خلصنا النهارده شوفنا احنا مين و شوفنا الحقيقه بعد كده محدش يجى يسألنى فيصل ايه حقيقتى
بالمناسبه الاشتراك لكورس الحقيقه المفروض ان آخره 7/1 هيتمد أسبوع ان شاء الله اول اسبوع فى شهر 7 ان شاء الله فى ناس بعتتلى قريباها بيحاولو يحولو من بره بأذن الله الأشتراك ممتد لغايه اول اسبوع من شهر 7 بأذن الله تمام ؟
ان شاء الله اشوفكم مره تانيه اذا ربنا آراد
شكرا ليكم كلكم و ان شاء الله تكون استفادت النهارده و ربنا يقدرنى و اكون سبب توصلوا للى انتو عايزينه و اشوفكم مره تانيه ان شاء الله
يومك جميل ان شاء الله السلام عليكم