بسم الله والصلاة والسلام على سيدنا محمد رسول الله و على جميع انبياء و رسل الله الصلاة والسلام
فيصل عبد الواحد معاك
و النهارده تسجيل جديد من تفسير بعض الآيات من كتاب الله نقطه مهمه اوى بخصوص الآيه دى ان انت مهما كنت عابد ومهما كنت من اولياء اللهو مهما كنتبتصلى وبتقرأ ومتطلع و و و دى اذا ربنا مكنش معاك و حافظك سبحان الله هنا الغرور وحش فى نقطه فاصله كده يعنى ربنا بيشاء بعض من عباده يوصل للنقطه دى اذا ربنا مكنش معاك هتضل و هتروح لسكه بعيده خالص
ف الآيه بتاعة النهارده
بسم الله الرحمن الرحيم " و اعبد ربك حتى يأتيك اليقين" صدق الله العظيم
الآيه دى كتير استند ليها ان انت تفضل تعبد ربك لحدما يأتيك اليقين انانت خلاص تسقط عنك العباده او تعبد ربنا بشكل مختلف وهنا بقى ان ربنا لو مش حافظك و مشملكش برعايته وحفظه مش عايز اقول من مين او من ايه هتضل و فى ناس ضلوا فعلا و مش ده كمان المقصود بيها و زى ما قال مجتهدين كتير ان اليقين هو الموت لا المقصود بيها يا جماعه ان الدنيا هى دار الشك عمرك ما هتقدر تتأكد من اى حاجه فيها لان الدنيا نفسها مش ازلية و مش باقيه و حتى الموت الى الكل بيقول انه حقيقه الواحده لا الموت نفسه مش موت ده انت بتنتقل من مكان لمكان وحتى جسدك الى بيبلو ده ربنا هيعيده ليك تانى و متقدرش تقول ان ربنا هو الحقيقه الى فى الكون لان ربنا مش حقيقه فى الكون ربنا هو الى خلق الكون فكيف يكون فيه ف الفكره ان الدنيا دى كلها على بعضها اسمها دار الشك
ف تعبد ربك لحد ما تنتقل من دار الشك دى لدار اليقين الى هى الجنه بأذن الله
انما مش مقصود بيها ان انت تصلى صلاه بدون حركات زى ناس ضلو
ومش مقصود بيها الموت ...يعنى كان فى شخص على ما اذكر انه "عبد القادر الجيلانى" شاف فى منام نور كبير اوى ف قال من هذا فسمع صوت خارج من النور يا عبد القادر انا ربك ادنيتك منى و اسقط عنك بعض فرائضى فرد عبد القادر خسئت انما انت الشيطان فأنكشف النور وتبدل النور ظلام و جرى و قال نجوت يا عبد القادر وانماهى حيله اضللت بيها سبعين ولى من اولياء الله
ففى نقطه هنا اذا انت بترجع لنفسك وتقول انا الولى انا الكبير انا الى محدش زيى هتضل النفس دى كل مابتكبر بتضل و بتكون تربه خصبة للشيطان انما كل ما تقرب لربنا نفسك بتختفى و بتنتفى و بتعرف ان انت ضعيف و انا بقى هنا الاشاره تعرف ازاى ان انت ماشى صح بتشوف ضعفك اوفقرك لربنا بيزيد ازاى و انت من غيرة تضل يبقى ماشى صح اذا بتشوف ان انت وربنايعيذنا و بتشوف ان انت حد محصلتش و قادر ان انت اكتشفت حاجات قبل كده وقادر ان انت متضلش لوحدك هنا الشيطان بيقدر يضلك و الصحبة السوء ف هنا الآيه ان انت تعبد ربنا مش بالصلاة والصوم و زى ما قولنا قبل كده مش المقصود بالعباده الصلاةوالصوم انا خلقتك ليا متتعبش نفسك بحاجه تانيه ومتفكرش فى حاجه تانيه زى ما قولنا و ضمنت لك رزقك فلا تتعب متشتغلش نفسك بحاجه تانيه و انا هجبلك الى انت عايزه كله ده مفهوم العباده
فمفهوم الآيه النهارده هو الى قولناه و فهمناه ده الى ان تنتقل الى دار اليقين ف متخدش دى حجه وتقول فى ناس كتير قالو كده و بيصلو صلاة مختلفه و الكلام ده اما تيجى ربنا يحاسبك دى مش هتبقى حجه ثابته
فأرجو ان يكون ربنا وفقنى ان شاء الله و وصلتلك ده و اشوفك فى تسجيل جديد ان شاء الله
فيصل عبد الواحد