بسم الله و الصلاة والسلام على سيدنا محمد رسول الله و على جميع انبياء و رسل الله الصلاة و السلام
ازيك عامل ايه.... فيصل عبدالواحد معاك والنهارده معانا تفسير بعض من آيات القرآن الكريم بما فتح الله على
انا ان شاء الله مش هاعمل حلقات بعدد الايام انا هاعمل حلقات للآيات الى سائد عنها تفسير غلط ومش بس كده ده بيسبب الفهم الغلط او تفسير غلط بيسبب حاجات فى الدنيامش الى ربنا عايزها اوسبب حاجات كتير فى الدنيا احنا بتستند على اسبابها دينا
احنا قولنا ان انت فى رمضان احسن ليك انك بدل ما تقعد تقرأ كل يوم ان انت تحفظ اخرج من رمضان حافظ احسن ما تخرج مجرد قارئ اذا انت حفظت فى الشهر كل يوم 10 ايات فى الشهر تقريبا 30 آيه ف ممكن سورة زى سورة البقرة الى هى اكبر سورة تحلصها قبل النهايه كمان ف دى نصيحتى ليك خصوصا السنه دى يعنى ف شوف اى سورة قريبه لقلبك اوسهله عليك و اختار تحفظها وانوى النيه لله و متحفظهاش عشان تتباهى بيها او عشان تبقى اسمك انا حافظ قرآن كريم لا احفظها و اخلص النيه لله انك حافظها علشان ربنا عشان تاخد الثواب و متتفاجئش انك حاجه متطلع لثوابها تتفاجىء ان ملهاش ثواب
اتكلمنا فى الحلقة الى فاتت عن لقد خلقنا الانسان فى كبد الآيه النهارده مختلفة
بسم الله الرحمن الرحيم " و لو ان اهل القرى امنوا و اتقو لفتحنا عليهم بركات من السماء و الارض " صدق الله العظيم
انا اخترت الآيه دى ليه ؟؟؟
احنا منتشر بينا جدا انك لو قربت من ربنا ان العذاب هيزيد و لازم البلاء هيزيد .... لا ده تفسير خاطىء جدا جدا لدين ربنا وكلام ربنا الكلام واضح لكلام ربنا الشرطين واضحين امنوا وتقوى الله و تبعد عن الى ربنا مش عايزو المسأله بسيطه مجرد تعمل الشرطين دول ربنا رد عليك لفتحنا عليهم بركات من السماء والارض
ف قصه ان انت كل ما تقرب من ربنا و انا للاسف ائمه على منبر رسول الله بتقول الكلام ده و ده كلام ما انزل الله به من سلطان ده فهم غلط حرام على الناس الى بتقول كده ازاى واحد حابب يقرب من ربنا يسمعك بتقول كده و المشاكل و الابتلاء هيزيد هيحب يقرب من ربنا ازاى و ايه الآله الى يعذب الناس القريبه منه الآيه الى بيستندوا عليها :و لنبلونكم بشيء من الخوف و الجوع و نقص من الاموال و الانفس و الثمرات..... الى اخر الايه.... الآيه حتى واضحه جدا ربنا قال بشيء ... بشيء يعنى جزء بسيط اوى وده فى حالات بسيطه اوى الى هو اذا انت مؤمن و موحد بالله الى هو اذا تماديت فى طريق البعد عن ربنا ربنا هيبدأ يؤاخذك ببعض ما عملت
ليذيقهم بعض الذى عملوا لعلهم يرجعون ف العله اهى... لعلهم يرجعون
ف حته انك كل ما تقرب من ربنا الابتلاء يزيد و المشاكل هتزيد انا والله كنت فى يوم فى خطبة و قال لا يمكن و لازم المشاكل هتزيد كل ماتقرب من ربنا ..ازااااى .... احنا مناخدش حديث ونقطعته من سياق المناسبه الى سيدنا محمد قاله فيها و نمشيه على القرآن لا المفروض لو هتمشى حاجه على حاجه يبقى العكس الآيه واضحه
ف دى حاجه حبيت اوضحها حتى فى ايات تانيه هتلاقى ربنا بيقول ولكن كذبوا فأخذناهم بما كانو يكسبون ف ديما هتلاقى ان الابتلاء او العقاب عشان حاجه انت عملتها و مش اول ما بتغلط ربنا بيعاقبك و مش بيعاقبك بكل الى انت عملته الفكره هى اذا انت حد مؤمن و بعدت عن ربنا و تماديت فى الغلط و مش عايز ترجع ربنا عايز يرجعك ف يبدأ يدوقك من الى انت عملته لكن مش قصة انك لما بتقرب من ربنا البلاء بيزيد دى تجربتى والقرآن اما انت ربنا بيفتح عليك انت بتشوف تفسيره فى كون ربنا
تجربتى مع ربنا انى كل ما بتقرب منه بيطهرك وبيرفعك درجات و الدنيا بتبقى حلوه ف دى حاجه حبيت اوضحها و اشوفكم فى تسجيل جديد ان شاء الله
فيصل عبد الواحد ....