بسم الله و الصلاة والسلام على سيدنا محمد و على جميع انبياء و رسل الله الصلاة والسلام
فيصل عبد الواحد معاك النهارده بنكمل لكن مش هنتكلم عن تفسير آيه من القرآن النهارده هنتكلم عن الصلاة عن حبيبى وحبيبك رسول الله
فى ناس بتسأل اصلى واسلم على سيدنا محمد ازاى او مش ده هتكلم عن حديث يا رسول الله كم اجعل من صلاتى عليك اللى هو الربع و بعد كده النصف وبعد كده الثلثين و بعد كده الصلاة كلها علشان نفهم الحته دى لان فى ناس كتير مش فهماها يعنى اي صلانتى ليك او صلاتى عليك يعنى هى حاجات بسيطه اوى و ان شاء الله مش هنطول النهارده كل ما تيجى تدعى لنفسك تصلى وتدعلى لسيدنا محمد وعلى آله يعنى كل ما تدعى لنفسك يارب ارزقنى كذا تدعى لسيدنا محمد و تصلى عليه و تسلم عليه و على آله
كل ما تيجى تدعى لحد بتحبه تدعى لسيدنا محمد و تصلى عليه وعلى آله كل ما افتكرت حاجه عايزها اوى تسيبها كده وتصلى على سيدنا محمد ده المقصود بانك تستبدل دعائك لنفسك بالصلاة على سيدنا محمد و على آله و
بالنسبه لصيغ الصلاة انا مش عايز اتشعب صيغ الصلاة على سيدنامحمد
افضل صيغه ربنا علمهانى للصلاة على سيدنا محمد اللهم آت سيدنا محمد الوسيله كل الصيغ طبعا كلها حلوه و ننوع بينهم متفضلش على صيغه واحده
و الوسيله دى اعلى درجة قى الجنه و سيدنا محمد قال ان اللى يدعيله بالوسيلة بعد كل صلاة هينال شفاعته و دى منزله لواحد بس فى الجنه سيدنامحمد حابب و بيرجو ان هى تكون له ف دى اعلى الدرجات فى الدنيا و الاخرة ف لما تيجى تصلى على سيدنا محمد زودها على الصيغه الى انت بتصلى و تسلم فيها على سيدنا محمد و قول آت سيدنا محمد الوسيله و متنساش الى قولنا عليه فى الحديث و ده مش اجبارى طبعا اذا حابب تخلى كم صلاتك على سيدنا محمد كل ما تيجى تدعى لنفسك بحاجه تستبدلها و تصلى على سيدنا محمد وعلى آله اجمعين
اللهم صل و سلم على سيدنا محمد و على آله اجمعين صلاة و سلاما يرضوك عنهاو يرضو سيدنامحمد عنها
اللهم اجمعنا بهم فى الجنه جميعا و كل من قال آمين
آمين
السلام عليكم و رحمة الله وبركاته
فيصل عبد الواحد