بسم الله والصلاة والسلام على رسول الله وعلى آله الصلاة والسلام وعلى جميع انبياء و رسل الله الصلاة والسلام
فيصل عبد الواحد معاك
النهارده مع آيه ناس كتير بتستند ليها للأسف و حاجه تدمى القلب بدون مبالغه لما الناس تستند على كتاب الله او على سنة رسول الله عشان يفسدو فى الارض او ينشروا حاجات ما انزل الله بها من سلطان و النهارده مع الايه الى كتير اوى من الرجاله بياخدوها حجه علشان يبغوا على النساء وهى بسم الله الرحمن الرحيم "الرجال قوامون على النساء بما فضل الله بعضهم على بعض وبما انفقو من اموالهم " ربنا عارف الرجاله بتفكر ازاى وعارف ان فى ناس هتيجى يعملو كده فحطلهم الجملة دى و بما انفقوا من اموالهم ...الآيه واضحه بما فضل يعنى ربنا فضل الرجال على النساء بميراث و اموال زياده نصيب زياده وحتى وضحها بعد كده و قال بما انفقو يعنى سيادتك انت المفروض قوام دى صيغة مبالغهمن قائم او يقوم يعنى حضرتك تقوم على امرها ومش بس تقوم على امرها لكن قوااااام يعنى ايه قوام يعنى حضرتك ليل نهار شغلةحضرتك كراجل تزوجت من واحده ان انت تقوم على امرها او شأنها وتعملها الى هى عيزاه وترعاهاو تصرف عليهاو تقوم على امرها بما يرضى الله لان ربنا اداك الامكانيات لكده و الفلوس لكده والحكايةدى انابختلف مع معظم الى فضلوها وقالو ان ده للصداق او للمهر ف الموضوع مستمر طول حياتك وطول عمرك تصرف و ترعى الست الى معاك و مقابل ده ربنا اداك سلطة انك تاخد القرار انت ربالبيت دى حقيقه محدش يقدر ينكرها بس بردو مش معنى كده ان انت تبغى او تظلم و هنا ربنا حط الشرط الى هو وبما انفقو
يعنى انا مش اديتك ميراث كتير و تسيبه عندك لا تنفق يبقى انت كده قوام او انت كده تاخد الدرجة الى ربنا ادهالك على النساء و تبقى انت قوام عليها مأنفقتش حضرتك يبقى ملكش قوامه عليها انا عارف ان ده هيضايق رجاله كتير اوى بس حضرتك مأنفقتش عليها ومقومتش بأمرها اصلا مينفعش تعيشو مع بعض
يعنى حضرتك مبتصرفش عليها و بتشتمها و بتهينها و بتضربها و بتعمل كل ده و تقول عشان بايته مزعلانى الملايكه هتفضل تلعنها لحد بكره الصبح ازاى يعنى انت بتعبد انهى رب و انهى آله بتعبده ازاى يا جماعه الكلام حتى اقل من ان احنا نتكلم فيه
احنا بنتكلم على كلام ربنا و الى مش محتاج تفسير و تقولى لا اصل الملايكه بيلعنو
الحديث واضح طالما مبتقومش على امرها ومبتصرفش عليها يبقى ملكش عليها سمعان كلام يبقى الانفصال احسن ... ف حبيت اوضح الآيه دى وهى مهمه انت اذا حابب ترضى ربنا اعمل و عيش بالقرآن سيدنا محمد وكان احسن منى ومنك كان خدام اهل بيته وكان يقوم فى خدمة اهل بيته ف حتة ان انت ليك فضل عليها مطلق لمجرد ان انت نزلت جيت الدنيا دى بشىء مش من اختيارك ان انت ذكر ف ليك فضل على الانثى لأ ... كان ربنا سابها مفسرهاش بما فضل الله بعضهم على بعض و بما انفقوا كان سابها مفتوحه لكن ربنا عارف ان فى ناس هتيجى تفكر كده ف قوم على أمر المرأه وقوم عليها وانفق عليها و وقتها يبقى ليك عليها سمعان كلام و لو مسمعتش كلامك تبقى ناشز انما احنا منسبش كل حاجه و نمسك فى انا ليا كلام عليكى و ليا قوامه عليكى ايه الكلام الفارغ ده ف اذا انتحد معقدمتلصقش عقدك بالدين و انا اسف اذا كنت بكلمك بشكل مش كويس انت حد كده بس صدقنى ده كلام ربنا و على فكرة كل ما ترضي مراتك وتحبها و تخليها تحبك انت مش بس حياتك هتبقى حلوه انت كمان ربنا هيديك ثواب اللقمه اللى بتأكلهلها هتاخد ثواب عليها ف ارجو ان انا مكونش زعلت ناس كتير النهارده واشوفكم فى تسجيل جديد ان شاء الله
فيصل عبد الواحد "