ايه الأخبار ؟ الصوت عندنا كلنا كويس؟
ايه اخبارنا كلنا ؟؟
و عليكم السلام و رحمة الله و بركاته يا اسماء و كلكم
طيب تمام الصوت تمام حلو
و عليكم السلام و رحمة الله و بركاته يا منى
تحبوا النهارده انا كنت كبت منشور و على طول بيجيلى يعنى انا فاكره حتى كان فى مدربه كانت جاتلى الشركه مره و قالتلى ازاى اتحكم فى الناس ؟؟ فقولت لها كلمة تتحكم دى مبحبهاش لكن الصح ان الأمور تمشي لوحدها و الى انت عايزه يحصل عن طريق الناس و عن طريق غيرهم
فكتبت منشور النهارده ان اذا انت عايز الناس تعملك الى انت عايزه حبهم
فنبدأ كلام عن الموضوع ده النهارده ولا عن حاجه تانيه او سؤال تانى اجاوبه الأول ؟
ربنا يحبك يا نوف
جلال الدغماني اقدر اناقشك د فيصل
هو اللايف مش للمناقشه مش للمناظره مش نقاش اللايف علشان افيد الناس و الموضوع مينفعش فيه نقاش الموضوع ينفع فيه تاخد الحاجه و تجربها انما انا مش هناقش علشان انا عايز اقنع حد انا مش عايز اقنع حد بأى حاجه
انا الحمدلله تمام يا كوين شاهد
طيب انا شايف اننا نتكلم الأول عن الموضوع بتاع المنشور و بعد كده ناخد اسئله
قولت فيه اذا حابب الناس تعملك الى انت عايزه حبهم بغض النظر هما بيعملولك ايه او عملولك ايه فى ناس فهمت المنشور مش الى انا قصدى منه فهمت ان هما حب الناس اذا انت عايز الناس تعملك الى انت عايزه حبهم سواء عملولك الحاجه دى او معملوهاش لا مش ده قصدى
انا قصدى حب الناس مهما كان الى بيعملوه فيك
بصوا يا جماعه انا مبقولش و اولا و اخيرا المستفيد من المنشور هو انت مش الى انت بتكرهه خلينا ناخد مثال مثلا واحد فى عيلتك مضايقك او فى شغلك مثلا مضايقك تمام ؟ المستفيد من المنشور ده لما يطبقه مش الى مضايقك فى الشغل الناس فاهمه الموضوع غلط مش هو الى هيستفيد الى هيستفيد ان انت عايز الشخص ده يعملك حاجه انت عايزها و حتى كمان هو ممكن يعملحاجه تضره و تنفعك ازاى ان انت تحبه ازاى يا فيصل الكلام ده ؟
انت لما بتفضل تخلق احساس ان انت مش طايق الأنسان ده و عشان هو عملك كذا و كذا او عشان خد مكانك فى الشغل او فتن عليك للمدير او علشان هى فتنت عليكى لوالدتك لما بتفضل كاره الشخص ده حتى لو عمل حاجه من وجه نظر الناس كلها اى حد هيكرهه لما بتفضل تكره و تضايق منه انت بتضر نفسيا ده اولا ثانيا الموضوع مبيتحلش ابدا ابدا و انا شوفوا اى حاجه كده و اى حد يجاوبنى على السؤال ده دلوقتى شوفوا اى حد بتكرهوه خلال احساس الكره و الضيق و احساس ان انت مظلوم الوضع بيسوء ولا بيتحسن ؟
بيسوء
فلما انت بتبقى الناس بقى الى بتحب موضوع الترددات هتحب اوى الجزء الجاى ده اما انت بتحب الشخص ده و الى طالع منك ناحيته حب خلاص الطاقه الى انت كنت بتخلقها الى هى الرفض او الكره او الغضب او الضيق انت مبقتش بتخلقها فالواقع المبنى عليها بينهار بيختفى فالحاجه الى عملها فى الشغل بتضايقك هتختفى و هتتبدل بحاجه تانيه بطاقه تانيه انك بدأت طاقه تانيه طاقه مش محتاجه مجهود احساس مش محتاج مجهود خالص امتى الحب يكون محتاج مجهود لما اكون عايز احب واحد وا كره فى نفس الوقت
انما لما انا ابدأ احب الشخص ده انت الى هتحس كده ان انت خفيف و مرتاح و جميل هتحس الأحساس ده هو ميستحقش انه يتحب اوك انا مقولتش يستحق او ميستحقش بس حتى جزئيه يستحق او ميستحقش دى حتى متفكرش فيها فكر اه انا عايز احبه علشان انا الى اتبسط و ابقى مبسوط هتلاقى نفسك بتعلى كده و احساسك ( ترددك ) بيعلى و بتعلى كده و لازم هتلاقى الوضع بره اتغير ماهو خلاص الطاقه اتغيرت انا عايز الناس تشوف ازاى لما طاقتها بتتغير بتخلق
لو عايز الناس تعملك الى انت عايزه حبهم و شوف ايه الى هيحصل
جربوا كده يا جماعه جرب تشوف حد عملك حاجه زعلتك حاجه بسيطه و جرب احساس الزعل و الضيق منه ده تشيله و تحبه و شوف نفسك كده شوف انت بترتفع كده فوق و بتبقى مبسوط و خفيف ولا لأ و شوف الى هيحصل بره ايه
لما تشوف الى هيحصل بره بخصوص الشخص ده الى عمل الحاجه البسيطه الى زعلتك دى او ضايقتك دى اما تلاقيه اتغير هتتشجع و هتجيب شخص تانى تطبق عليه و ثالث و رابع و هكذا و هتشوف ان انت كان فى ايدك تغير الموضوع الخارجى كله بأن انت تغير الأأحساس الى جوه وصلت ؟؟
دعاء بتقول احبه ازاى و انا مش طيقاه ؟
ما ده الى احنا قولناه من شويه يا دعاء الحب هيبقى مجهود و متعب لما هبقى عايزه اعمل حاجتين فى نفس الوقت انى اكره و بحبه لا انا بقول انى بحاول اغريكم و اديلكم اغراء انكم تحبوا الشخص ده مهما عمل و النهارده فى حد رد على المنشوره و كتبت انا بنت و فى حد اتكلم على سمعتى و احبه ازاى ؟؟
هو انتو يا جماعه متخيلين ان الحاجات دى معتشتهاش لا انا عشتها بدون دخول فى تفاصيل و اكتر منها بس الحمدلله انا الى كسبان و كان فى حد سأل سؤال من شويه بس محبتش اقاطع الكلام قال ازاى حقى يجيلى و الناس بتظلمنى علشان المنشور يعنى انا يا جماعه والله لما حد بيظلمنى والله ما بعمل حاجه نادرا عشان اكون صادق علشان حلفت نادرا لما بتدخل و بعمل لما بحس بقى ان الشخص ده فعلا أذى ناس كتير و ناس مثلا خايفه تقفله فبتدخل مش بتدخل بعمل حاجه خارجيه مش لازم اعمل حاجه خارجيه بتدخل بحاجه داخليه بس ده نادرا جدا جدا و بعملها علشان ربنا لما يجى يسالنى يا فيصل انت كان معاك تعرف تعمل معملتش ليه ؟ نادرا بقى اما بتدخل بس افضل حاجه و افضل حاجه ان انا مبعملش حاجه ودى اسرع بكتير على فكره مبعملش حاجه حقى بيجيلى لغايه عندى والله و اسألو فريق العمل والله ياما جاتله رسائل قولو لفيصل يسامحنا احنا آسفين احنا مش هنعمل كده تانى و ربنا الى عمل مش انا الى عملت بس المنشور بتاع النهارده وضح ؟ فهمناه ؟؟ وصلنا كلنا ؟ انا مش حابب بس نكتفى بالفهم و ان كلامك جميل يا فيصل و كل حاجه انا مش حابب نكتفى بده انا حابب نجرب و نطبق
Mero ooانا.اعرف شخص بيتلذلذ ف ازيه الطيبين دا ببقي عوزه يموت عشان ميديقش حد
فى ناس كده فعلا و بالمناسبه لما انت هتحب شخص زى ده مش لازم حياته هو هتبقى جنه مش لازم يعنى متفتكروش اما انتو هتحبو حد ان حياته هتبقى حلوه يعنى لازم هيشوف الى هو عمله
حصلت معايا .... تمام
aila naataسامحني يا فيصل بليييز
على ايه يا ليلى ؟؟
ناخد اسئله ؟؟
و عليكم السلام و رحمة الله
الناس بس مش فاضيه بتكتب اسئله فبعتذر بالنيابه عنهم انهم مردوش السلام يعنى
ارجوك ارجو ان تسامحنى لأنى استفادت منك مجان و اشكرك على كل شيء و اشكرك على كل شيء يا بطل
يعنى ايه استفادتى منى مجانا يا ..... يعنى خدتى كورس مدفوع بس بشكل مش رسمى ولا استفادتى من الفيديوهات الموجوده على اليوتيوب مجانا ؟
ناخد اسئله يا جماعه ؟؟
نشوف سؤال حلو كده ؟؟
abdulmajeed alenziسؤال هل لازم نخلق بنفسنا او نسلم الخلق لله لاني مشوش احنا عبيد لله ممكن توضيح
اوك بص انا فى رأيي جرب الخلق الأول و بعد كده اما تشوف ان انت مش محتاج تخلق أصلا شوف ربنا هيمشيلك الحياه ازاى ؟؟ احسن مما انت كنت بتخلق بكتير
الموجوده مجانا ؟؟
بصي الحاجات الموجوده على قناتى معنديش مشكله هى اصلا معموله بتفيد الناس لكن لو حاجه مسربه و حد رافعها على اليوتيوب او رافعها بشكل مجانى لا طبعا دى حاجه مش مسموحه و مش مسامح فيها و مش معنى كده يا جماعه الناس الى بتضرنى مش معنى كده انى بكرهم لما انا اكره حد انا الى هتأذى فلما حد بيأذينى فى ناس بتختار تأذينى ممكن حد الى يومنا هذا ربنا يشاء ان حد يختار يأذينى مش معىن انى كده محبهوش انا لسه متكلم عن الحب من شويه ليه اكرهه انا عارف الى هيحصل فحتى الناس الى أذتنى دى اه احبها محبهاش ليه ؟
سامحنى لأنى استمعت لأمسية مسربه ؟
لا انا الحاجات دى مبسامحش فيها انا مبسامحش فيها احنا عارفين المدفوع و عارفين المجانى ده مش معناه ان انا بكرهك يا ليلى لأ بالعكس لو انا كرهتك انا الى هخسر لكن الى انتى عملتيه هتشوفى رد فعله فى حياتك ربنا اللى هيعملك مش أنا
فيما يخص الحب ده تجربته على وضع مادى لهدف التغيير ؟
اه انا ديما بقول حب وضعك الحالى بدون ما تحاول تغيره
ناخد اسئله تانيه ؟
Shaimaa Rabeaانا بخاف اخلق عشان مااشوفش نفسي علي ربنا
لا يبقى انتى عندك كده ضعف ايمان بالله يا شيماء ده ضعف ايمان دى هديه ربنا مديهالنا منستخدمهاش ليه !!؟
بتعرفوا منين المجانى من المسرب ؟
شكلكم عايزين تتكلموا عن الموضوع ده
بصوا يا جماعه الحاجات الى على قناتى انا هى الى انا اوك الى عاملها برغبتى المسرب بقى ان واحد خد كورس و اداه لحد تانى مدفعش تمنه و حد خد كورس رفعه على اليوتيوب او موقع تانى و الى بسمعه عارف و بعد ما يسمعه يقولى سامحنى لا انا مبسامحش الشخص ده و انا كلامى دقيق انا قولت حب يبقى احب ان انا اسامح فى الحاجه الغلط الى حصل انا احب اه لكن عارف ان ربنا زى ما قولت من شويه حقى هيجيلى دى حاجه عارفها و مش محتاج حد يقولى انا حصل فيا كذا و كذا
نتكلم بقى فى حاجه تانيه ؟
تواصلى مع فريق العمل يا ليلى
النت وحش ؟؟ النت وحش عندنا كلنا يا جماعه ؟ فريق العمل الصوت عندك تمام ولا ايه ؟
لماذا بطلت تنشر فى صفحة محمد و تفسر القرآن ؟
بص بصراحه بالنسبه لصفحة محمد انشغلت جدا عنها ربنا شاء ان انا يعنى انشغل عنها موضوع بقى تفسير القرآن هى الكلمه الأدق كنت بستخدم كلمة تفسير اه بس كنت بقولها خواطر لاحظت زى ما ربنا بيريد و بيرتب لان فى حاجات تفسيرتها مش كل حاجه تتقال مره واحده بفسر الى ربنا بيريده وبيشاؤه
بالمناسبه صفحة محمد انا كنت كاتبها Momoat
فالناس فكرت انى كاتب محمد غلط هى مش مقصود بيها محمد هو الصفحه اه مكتوب جنيها محمد بالعربى بس مو مات معناها ماستر اوف ماستر اوف اول تايم
ليه يا فيصل انت بتمدح فى سيدنا محمد عليه و على آله الصلاة و السلامو الحكايه دى الناس لامتنى عليها و بعتتلى برايفيت و قالتلى انت ازاى وصلت للمكان الى انت فيه ده و شايفين فعلا انك حاجه كبيره اوى و لسه لحد دلوقتى متمسك بالوعى الدينى و الكلام ده
انا بينى و بين سيدنا محمد الى قولته وقتها هاقوله دلوقتى او يعنى فى حاجات انت بتشوفها مينفعش تنكرها ربنا بيفتحها عليك مينفعش تنكرها و بمناسبه سيدنا محمد نفس الموضوع اتقالى بردو الوعى و الكلام ده لما بفكر الناس يقاطعوا المنتجات الفرنسيه انا لسه لغايه دلوقتى مقاطع المنتجات الفرنسيه و بدعوا الناس كلها كمان انها تقاطع اى حاجه ليها علاقه بالصناعه الفرنسيه
طيب واضح ان فى حاجه فى الصوت فعلا ؟؟؟
لطوف عبداللهفيصل وش ممكن يكون السبب اننا ناخذ كوسات وننسى نطبقها ولو رجعنا لها كاننا اول مره نسمعها
لأننا بنسمع الكورس علشان أنا آسف علشان نقضى وقت حلو و مبنحبش نطبق فبنكتفى بالأحساس الحلو الى بنحسه مع فيصل انا اعرف ناس بتاخد معايا كورسات خاصه بتجدد معايا مش عشان هدف عشان بس اكون معاها فأنتى يا لطوف اكتفتيى بالأحساس الجميل الى انتى حستيه فنطبق ليه انا مبسوطه و بتيجى تسمعيها كأنك بتسمعى اول مره عشان عايزه تطبقى
الصوت ممتاز .... اوك
ربنا يسدد عنك ديونك يا ليث
انا هجرب حاجه كده يمكن تظبط الصوت لأن تقريبا الصوره الثابته دى هى الى مخليه اليوتيوب ان النت عندى بيقطع فبيقطع عليكم انما النت عندى مش بيطقع ولا حاجه الصوره بس هى الى ثابته نجرب ؟؟؟؟
هل الحياوانات والنباتات لها وعي مثل الانسان
لها وعى اه مثل الأنسان لأ
طيب ناخد سؤال حلو كده يا جماعه نتكلم عليه شويه بعد ما اتكلمنا عن موضوع الحب
فريق العمل بيقول يعنى القطه معندهاش وعى ؟لا انا قولت عندها وعى بس مش زى الأنسان يمكن كمان الحيوانات عندها وعى اوسع فى فرق لما اقول وعى اعلى و وعى اوسع عندها وعى اوسع علشان كده بتعرف تشوف كائنات الأنسان مبيعرفش يشوفها الأنسان وعيه اعلى و كده بقى هندخل فى تفاصيل يعنى ايه اعلى و يعنى ايه اوسع و يعنى ايه اكبر
يعنى انا عايز اقوله انسان عقله اكبر بس مضيق نفسه على انه شخص بشرى و جسد بشرى عشان كده مبيشوفوش الا البشر فقط الى هو مضيق وعيه عليهم يعنى علشان كده طبيعى لما قولت الكلام ده فى كورس حقيقى قانون الجذب 2019 قولت طبيعى يا جماعه لما تعلموا الى احنا قولناه النهارده وتشيلو الحاجات الى اكتشفناها مع بعض دى طبيعى تشوفا كائنات تانيه مكنتوش بتشوفها قبل كده لأننا كنا قافلين نفسنا على اننا جسد انما لما بنبدأ نفتح الموضوع شويه بنبدأ نشوف كائنات تانيه انا انصح انكم متقفوش عند القدرات الخاصه متقفوش عندها لأن اذا وقفت عندها هتقف عندها مش هتكمل
ناخد ايه تانى ؟
ربنا يا عسل يرزقك الثراء من غير ما تضرى او تأذى نفسك انتى او غيرك آمين
هل نحن فى آخر الزمن ؟
لا مظنش اننا فى آخر الزمان خالص
ادعيلى يا استاذ فيصل افهم كل شيء بتشرحه ؟
للدرجة دى الموضوع محتاج دعوه
اعتقد استاذ فيصل احنا نظن اننا اذا احببنا شخص اذانا اننا نفعه اكثر ولا نجعل قيمة لأنفسنا ؟
ما ده الى قولته من شويه مش معنى انك تحب حد ان انت تخلى حياته جنه لأ بالعكس خالص فى حالات كتير على فكره لما هتحب حد آذاك هتلاقى انا مش عايز أقول توقعات علشان مضيقش خلقكم او مضيقش جذبكم او خلقكم على الأمثله الى هاقولها فمش حابب اقول حاجه يعنى فلأا مش معنى كده ان انت تحب حد ان حياته هتبقى جنه يعنى
هل الحب له علاقه بسعة الرزق ؟
لو انا حبيت الوضع الى انا فيه و مكرهتوش و ركزت ده على الرزق او على الفلوس او على العمل اه
طيب ناخد سؤال كمان
لماذا اشعر بالأجهاد بعد التحرر من مشاعر قديمه لسنين ؟
لأانك يا ساره ديما بتركزى على جسمك و صححيلى لو انا غلط لما بتتحررى بتركزى اوى اه منطقة القلب مش عارف فيها قلبى بينبض بسرعه اوى منطقه الصدر فيها نفس رجلى اليمين بيحصلها ... انتى ملتفته بتركزى زياده شويه على جسمك
الناس الى كانت بتشتغل معايا و مازلت حتى لحد الآن بتقولى انا حاسه ايدى او رجلى بقولهم متلفتوش لده خالص فى ناس بقى تحب تزود من عندها تقولى انا حسه بشكل الحلق بقولهم بلاش منهتمش بالحكايه دى خالص
Khadidja Kesdiانا جربت الحالتين حبيت شخصين اذوني بفضلهما تحصلت على منصب عمل و التاني تلوثت سمعتو
تمام
ربنا يا ياسين يقدرك انك تشترى بيت لأامك عشان تفرحها قريب
ناخد سؤال و نختم ...
ربنا يوفقك يا عبدالله بدون أذيه لنفسك او لغيرك
ادعيلى بالثراء الفاحش ؟؟
انا استوقفتنى بس كلمة ثراء فاحش ليه فاحش احنا عارفين فاحش يعنى ايه يا جماعه ؟ فاحش جايه من الفحش حاجه مش كويسه حاجه وحشه االثراء الكبير الثراء الضخم الثراء اللا محدود
كلمنا عن حب الذات ؟
انا ممكن اتكلم عن الحكايه دىو اختم بيها بصوا يا جماعه حب الذات لو محتاج مجهود علشان تحب نفسك اعرف ان فى حاجات انت محتاج تتحرر منها ممكن تبقى محتاج تتحرر من ان انت مضايق من صفه فيك مضايق من حرف مش عارف تقوله مصايق من حاجه فى شكلك مضايق من حاجه فى شغلك مضايق من حاجه فى جسمك من حاجه فى طبعك حب النفس مش محتاج مجهود حب النفس تلقائي مش محتاج ان انت تقول انا هبدأ احب نفسي دلوقتى طالما الموضوع محتاج معاك كده يبقى فى حاجت محتاج تتحرر منها يعنى ايه ؟ يعنى فى حاجات محتاج تبص عليها وتطلقها و الكلمه دى بحبها اوى لأن دى اصح كلمه
الجميع عايز دعواتك و بس من بعد ماتش الأهلى
مالو ماتش الاهلى يا جماعه على فكره يا جماعه انا نادرا لما بتدخل فى ماتشات الكوره مبقولش مبيحصلش بس نادرا
و انا عايز اقول حاجه بردو فى اى حاجه بقى فى الكوره او غير الكوره الشخص الى شايف ان الدنيا هى الى ظلماه و ان فى ناس بتيجى عليه يعنى لو هنطبق مثال فى الكوره النادى الى شايف ان الحكام بيظلموه و ان الدوله ضده و ان النادى الخصم ده ديما بيجامل و ان الاتحاد القارى بيجامل النادى ده على حسابى و النادى ده مش عارف بياخد كل اللاعيبه الحلوه منى او اى كان طول ما انت النادى الى بيلوم الحاجه الخارجيه ماهو لازم مش هيبقى رقم 1 على الناحيه التانيه لما تشوف النادى ديما شغال على نفسه و مبيتهمش فى لوم الغير الا فى حالات خاصه هتلاقيه هو ناجح و رقم 1
اريد اشترك فى كورس الاهداف يا استاذ ؟
حاضر بيانات فريق العمل
Creative Onlineرقم فريق العمل واتس آب 00201008959584
نظرية المؤامره ؟
اه بالظبط
هل السحر يمنع الرزق ؟
احنا قولنا نختم صحيح مش هينفع نفتح الموضوع ده ببساطه يا جماعه الى بتخافو منه هيحصل
سؤال بسيط نختم بيه
ملاك استاذ فيصل ادعيلي قلبي يصير مثل قلبك
ليه يا ملاك انا مش حابب حد يكون زيى مش عشان حاجه ولا عشان انا شايف ان كل واحد حر ان مش عايزك تبقى فيصل 2 و مش عايز حد يبقى فيصل 3 انا عايز اديكم حريه من فيصل هاقول لكم على حاجه انا كنت بحب حد اسمه ليستر ليفنسن الى انا اتعلمت منه و ممكن اتعلم منه لغايه النهارده بس هتبقى عايز تبقى زى حد هيتجى فى مرحله و تقف و مش عارف هتبقى صعبه عليك تتخطاها لان اما انا جيت وقفت عن الحد بتاع ليستر يعنى هتحس كده ان انت طيب ما انا لو عديت المكان ده كأنى بخونه و كانى مش وفى لأستاذى لا مش حابب احط عليك الحد ده انا الحد ده مش كويس
ربنا يخليكى أقرب له هدعيلك ربنا يقربك له و تشوفى ان انتى و فيصل واحد و تبقى حتى من وجهة نظرك احسن من فيصل
نختم بكده دعينا جعوة كلام و فى حاجه مهمه كمان طالما الموضوع جه على فيصل انا عديت بحاجات و معاناه و مراحل مش مهمه خالص عشان تدرك حريتك انا مش حابب حد يعدى بيها و بدعى ربنا محدش يعدى بيها مرضهاش حتى لأكتر ناس بتكرهنى فأنا مش حابب حد يعدى فى الحاجات دى
طيب نختم بده و حاضر بيانات فريق العمل تانى للأشتراك فى أمسية الاهداف
لو حد عايز يسأل عن وسائل الدفع كل وسائل الدفع متاحه يا جماعه اون لان و اوف لابن و تحويلات و فى فودافون كاش و مثيلتها و بفضل الله فى وكلاء فى بعض الدول و التواصل واتس اب على الرقم المكتوب
Creative Onlineرقم فريق العمل التواصل واتس آب 00201008959584
اشوفكم ان شاء الله قريب
السلام عليكم و رحمة الله و بركاته