ازيك عامل ايه اهلا بيك مره تانيه معاك فيصل عبد الواحد أمير نفسك دوت كوم و بمناسبة امير نفسك دوت كوم فى ناس كتير جدا على الصفحه مش عارفه ان فى اصلا موقع رئيسى قبل الصفحه بسنين اسمه امير نفسك دوت كوم
مش عارف انت عارف ولا لأ بس بقالى فتره بتكلم عن حاجه اسمها اسرع تحرر او اسرع تحرر ممكن تشوفه الحقيقه انى كنت ناوى و دى حقيقه انى اعمل كورس خاص اسمه اسرع تحرر و كان هيبقى كورس مدفوع كنت هتكلم فيه عن كل الأجزاء الى اتكلمت عنها قبل كده بالأضافه للجزء الخاص النهارده كمان فى حاجات ان شاء الله قدام هتكلم عليها
فكان هيبقى كورس مدفوع و متهيألى الناس لو انت بتتابع ردود الناس الى طبقت فعلا فى ناس جذبت الحمدلله فلوس و فى ناس جذبت زواج و فى ناس سدتت ديون بفضل الله وحده الحمدلله
النهارده هنتكلم بشكل موسع شويه عن جزئيه أسرع تحرر ممكن تشوفه و هنخصصها على حاجه بشكل مختلف نوعا ما
الأول عشان انا بردو عايز اعمل حساب ان ممكن حد لان التسجيل ده بالذات انا عارف و متوقع ان شاء الله انه هينتشر انتشار كبير و هتعرف ليه بأذن الله لما تسمعه عشان كده هتكلم عن اسرع تحرر للى بيسمع التسجيل ده لو أول حاجه بيسمعها ليا او اول حاجه يسمعها فى سلسلة اسرع تحرر بوجه عام
بأختصار بتكتب الحاجه الخاصه بالهدف سواء الزواج او قصة حياتك او مقاومه او تسديد الديون او اى كان حاجه خاصة بالمشكله يعنى بتكتب القصه دى الموضوع ده المشكله دى ورقه و قلم يفضل و بعد ما بتخلص بتحط خط تحت كل صفه او حال
مثال مثلا " تسديد الديون مثلا واحد بيوصف مشكلته انا مشكلتى ضخمه جدا و هى ان انا عندى او عليا ديون متعبه و الموضوع ده عاملى مشاكل و بيسببلى حزن و حياتى واقفه لأخر المشكله " الصفات هنا و الأحوال كتير مثلا كلمة ضخمه و متعبه و الكلام ده كله على فكره فى ناس لتكتب صفح مش مشكله طبيعى انك تكتب حاجات كتير دى حاجات متراكمه عندك بقالها سنين
المهم الاحوال او الصفات الى انت بتحط تحتها خط دى هى المعتقدات الى اولا كونت المشكله دى
ثانيا هى الى بتخلى المشكله دى مع المقاومه هتلاقى فى مقاومه انت كتبتها طبعا هى الى بتخلى المقاومه تزيد و تستمر
الطريقه دى طريقة اسرع تحرر ممكن تشوفه ميزتها انها لما بتلم كل المعتقدات المؤثره على الموضوع ده مره واحده و بتتحرر منها بفضل الله و بتخلص من الموضوع كله فى التقنيه نفسها فالتقنيه شامله ان هى بتطلع المعتقدات و ان انت بتتحرر بأستخدام اى تقنيه تحرر طبعا و مش محتاج تعمل اى خطوه بعد كده و كمان عشان لامه الحاجات دى كلها مع بعضها فى وقت قليل بتشوف نتيجه قويه جدا بفضل الله
و دى كانت بأختصار و هتلاقى تحت سواء انت بتسمع ده على الفيس بوك او اليوتيوب هتلاقى الشرح الرئيسي للتقنيه دى
المهم اسرع تحرر ممكن تشوفه تانى ميزتها ان هى بدون ما تدخل فى حالات الفا او دلتا يعنى طبعا احترامى للجميع فى ناس معينه بتستخدمها عشان تطلع المعتقدات لازم تكون فى حاله عقليه معينه زى حالة الفا او فيتا
فى حالات تانيه خاصه بتضمن تأثيرات معينه عشان تقدر بس تحدد المعتقد و بعد كده تبقى تغيره
انما طريقه اسرع تحرر ممكن تشوفه بتحددها فعلا و انت موجود و انت هنا يادوب بس بتحكى المشكله و بتحط خط تحت الصفات و الأحوال لأن زى ما قولتك هى دى المعتقدات الى انت شايف منها المشكله
الى بعمله بعد كده الجزء الثانى انى بتحر رمن المعتقدات و الأحوال دى بأى تقنية تحرر واان بنصح ديما بسيدونا عشان أسهل و اسرع و بالمناسبه سيدونا شم ترحيب و 3 اسئله سيدونا ترحيب و 3 اسئله او الأتنين مع بعض بتعمل الأريح ليك
و بتوصل لمرحله انك تقدر تحكى القصه دى من غير ما تقول الصفات والأحوال دى
مش كل ما تتحرر تكتب عشان فى ناس كل ما تكتب صفه تقول انا كده هاكتب 50 صفة على الأقل لأ اتحرر لغاية ما تحس انك خلاص اتحررت من كل الصفات و الأحوال دى و احكى القصه مع نفسك او اقرأها حتى مع نفسك لغايه لما توصل انك مبتقولش الصفات او الأحوال دى بأذن الله
الى عايز اعمله النهارده احنا اتكلمنا عن اسرع تحرر ممكن تشوفه لتسديد الديون و اتكلمنا عن الزواج وا تكلمنا عن المقاومه و عن قصة الحياه على ما اذكر و ان ماكنتش غلطان اتكلمنا كمان على الوزن
الى هتكلم فيه النهارده متشابه شويه مع جزئيه الديون لكن هنفصل شويه او هنختلف بشكل مفيد انا حابب ان الجزئيه دى او الطريقه دى اعلمها للناس عشان بفضل الله وحده لقيتها سهله على الناس كتير و اهم حاجه انى بحب أسهل لو متابعنى هتعرف انى بحب السهل ديما لأنى انا شخصيا بحب السهل فبحب السهل على الناس فلقيت الطريقه دى بفضل الله الناس تقبلتها جدا و جابت معاها اسرع نتيجه ممكن بفضل الله فحبيت اسهلها اكتر
الى احنا هنعملها انى عايزك تتمكن من الطريقه دى لدرجة انك تستخدمها لأى حاجه ( محدده ) يعنى ايه محدده يا فيصل يعنى وليكن على سبيل المثال 10000 دولار اى كان 1000 2000 100000 1000000 المبدأ واحد
فى كورس عندى كيف تجذب 1000 دولار بدون تحديد المعتقدات ده موضوع تانى لكن انا بتكلم عن طريقة اسرع تحرر ممكن تشوفه ازاى اخصصه انا عايز مثلا 10000 ريال او 10000 جنيه
اول حاجه طريقتين اول طريقه هستخدم طريقة اسرع تحرر دى الى اتكلمنا عنها على الموضع المادى او الوضع ما الى انت عايشه دلوقتى هتكتب الوضع الى انت عايشه و تحط تحت كل صفه او حال خط و تتحرر من الصفات و الأحوال دى بأذن الله
طبعا هتلاقى نفسك كتبت ان انت عايز و كتبت رغبات و كتبت مقاومه و كتبت ان انت خايف ميحصلش كذا و كتبت ان انت .. كل الحاجات دى هتكتبها لوحدك لذلك بقولك التقنيه دى لامه و شامله حاجات كتير جدا تحتها بفضل الله رغم بساطتها بفضل الله وحده
اول خطوه ان انت بتكتب او بتبقى القصه الى بتعملها وضعك المادى الى انت عايشه حاليا تكتبه و خد وقتك و ايامك مش مشكله و حط خط تحت كل صفه او حال و اتحرر منهم بأذن الله لغايه ما توصل انك تقدر تقول القصه دى بدون الصفات و الأحوال الى انت كتبتها
اتحرر بأيه يا فيصل ؟؟ بسيدونا بالهوبونوبونو اى كان التقنيات كتير اوى استخدم الى انت عايزو الناس بتقول انت عملت كده عشان تخصصها على سيدونا انت حر انا اديتك الحل و عايز تحط الى انت عايز تحطه عليه انت حر دى حاجه ترجعلك انت دى اول حاجه
ثانى حاجه هتبدأ بقى تتكلم عن موضوع ال10000 ريال ده ليك بالنسبالك انا عايز ال10000 دول علشان كذا و هما بالنسبه لى الحل الوحيد و الحل الوحيد دى فى حد ذاتها صفه و هتبدأ تكتب بقى 1000 دولار دول بيمثلوا ليك ايه و متعلق بيهم والى آخر القصه و بردو هتتحرر من الصفات و الأحوال دى بأى طريقة تحرر و انا بنصح بسيدونا لأن هى اكتر طريقه بفضل الله و اسهلهم و اسرعهم فى التنفيذ
لما تخلص الخطوه الثانيه دى ان شاء الله و تقدر تقول الكلام الى انت كتبته ده بدون الصفات و الأحوال دى بس كده عملت الى عليك بالبساطه و السهوله دى
الحقيقه انا كنت عايز اوقف اسرع تحرر لغاية النهارده لأنى اتكلمت هو الكورس كان هيبقى شامل الشرح العام بتاعها و تخصيصها لتسديد الديون و الوزن و العلاقات الى هى الزواج يعنى و قصة الحياه و المقاومه وبفضل الله احنا عملنا الحكايه دى و زودنا الهدف المخصص اى كان 10000 دولار او ريال او اى كان دى حاجه ترجعلك
بفضل الله كده الكورس خلص الى كان المفروض يكون كورس مدفوع كان هيبقى ب 497 بس لما حطيت المقدمه بتاعته و لقيتها مفيده للناس قررت بفضل الله اخليه مجانا ببلاش
عايز اوقف لغايه هنا مش عشان لحاجه تانيه علشان لما انت تمكنت من التقنيه بقى تبدأ انت بقى تستغنى عن فيصل عبد الواحد انا مش بعلمك و مش بدربك و مش بديك تقنيات عشان متقدرش تعيش من غير فيصل و مش عشان تبقى فيصل عبد الواحد رقم 2 انا مش ده هدفى ولا أنك تبقى مرتبط بيا و متعملش حاجه من غيرى خلاص انت النهارده بفضل الله انا عملت النهارده التسجيل ده و اتكلمت بشرح شويه و طولت عشان تتمكن من الطريقه دى و تبدأ تستخدمها على الى انت عايزه فى حياتك
ابدأ من دلوقتى استغنى عن فيصل عبد الواحد وا لتفت لحياتك و طبق بقى معدش دلوقتى عندك اى حجه
طبعا الناس الى لسه بتسمع التسجيل ده لاول مره و متعرفش يعنى ايه تحرر فى كورس اسمه العيديه و اتكلمت عن التحرر ده بالتفصيل و هتلاقى بردو على القناه على اليوتيوب بتاعتى حاجات كتير جدا عن التحرر و عن سيدونا
و صفحه أمير نفسك مليانه و أمير نفسم دوت كوم مليان هتلاقى حاجات عن سيدونا من زمان اوى من 2010 و 2011 كانت كل المقالات باللغه العاميه و هتلاقى حاجات باللغه العربيه الفصحى هتلاقى حاجات كتير جدا عن سيدونا و التحرر بوجه عام و عن قانون الجذب
كده الكورس بفضل الله اسرع تحرر ممكن تشوفه خلص عايزك تبدأ للى انت عايظك تخصلله و تتمكن من التقنيه دى و معدش ليك اى حجه و بأذن الله اشوفك قصة نجاح قادمه بأذن الله ارجو لكم التوفيق بأذن الله
فيصل عبد الواحد أمير نفسك دوت كوم