امبارح يوم الخميس 22/10 /2015 كنت عملت بوست على الصفحه على الفيس بوك سألتك لو انت هتقعد معايا عشان تسألنى على حاجه مش فاهمه قانون الجذب و الطاقه و التحرر و كده ايه هى هتبقى الحاجه دى و الحقيقه ماشاء الله كومنتات الناس كتير اوى فما شاء الله فى اكتر من 80 كومنت لو هتكلم عن كل واحد 3 دقايق مش هنخلص النهارده خالص فأنا مثلا هختار الأسئله الى هاشوف انها كويسه و مفيده للناس و هى الى هتكلم عليها ان شاء الله
فانا دلوقتى مشغل التسجيل مافيش حاجه فى دماغى معينه لسه بقرأ الأسئله ناخد مثلا سؤال
سبحان الله السؤال الى عينى جت عليه استاذ فيصل اريد ان اعرف من أنا ؟ سبحان الله عشان انا الحكايه دى حاليا مهتم بيها فحتى جذبتها أول حاجه
حكايه من أنا دى حكايه طويله جدا و فى نفس الوقت قصيرة جدا جدا
طويله جدا ليه ؟ لأن الناس كلها عشان تعرف من أنا بتدور بره بتدور عند وسيله او حاجه عشان توصل لحاجه و الطريقتين غلط سواء وسيله او انك توصل لأن هى مش حاجه توصلها و مش حاجه استخدم ليها وسيله
فالمهم لو هاقول مين أنا فزى ما قولت قبل كده انا لا الأسم ولا الجسم ولا اى حاجه من الحاجات دى ولا الأفكار و لا المشاعر ولا الحاجات دى انا الكيان الى بيستقبل كل ده ازاى بقى اوصل لكده هى مش حاجه توصلها هى طبيعى موجوده المووضع طويل مش هينفع نعمله فى تسجيل او حتى عدة تسجيلات لكن بأختصار
إنتى مش الكلام الى بيتردد جواكى ده و انتى مش المعاناه و انتى مش العالم الى حواليكى و كل الحاجات دى
سؤال تانى نعمل ايه لما من كتر تطبيق التحرر أشعر بلا مبالاه إن كان الهدف هيتحقق ولا مش هيتحقق ؟
ماهو هنا فى مشكلة ان الناس كلها بتطبق التحرر بشكل مش الى انا بقول عليه يعنى فى حاجاه كتير اوى لاحظتها دخلت فى التحرر ناس بتقول تخيل و بتحط حاجات فى التحرر مش منه فأنا معرفش بصراحه والله انتى طبقتى التحرر ازاى لذلك يعنى السؤال مش ماشي مع بعضه غير لو احنا فعلا بنتحرر هتحس فعلا انك مرتاحه و هتوصلى فعلا لجزئيه انك مش مهتمه الهدف يجى ولا لأ معندكيش رغبه فيه و دى حاجه كويسه مش حاجه وحشه الناس فاكره ان التحرر او سيدونا او اى كان التقنيه الى انت بتستخدمها ان هى تكنيك او تقنيه تستخدمها عشان تكرر حاجه معينه او تعمل حاجه معينه
لكن الحقيقه ان انت بتعمل الطرق دى كلها عشان توصل للطبيعه ان انت متتعلقش بحاجه حتى لو الرغبه فيه
ناخد سؤال تانى و ننزل تحت شويه عشان مبقاش بظلم ناس بردو
شكرا استاذ فيصل ... إلى آخر الكلام ... مافيش سؤال واضح اظن ان فى تقريبا فى مشكلة بس عند ابنك تقريبا بس السؤال مش واضح بصراحه لو السؤال كان اوضح هاقدر اجاوب عليه
ناخد سؤال تانى
كيف او ازاى اتغلب على معتقداتى و ازاى اتعلم الصبر ؟؟
بصي الحكايه مش انك السؤال ده من حد اسمه محمد الحكايه مش يا محمد انك تتغلب على معتقداتك طالما بدأت الحكايه كده و ان انت تقاوم هتلاقى مقاومه فمتبدأش ان انت تقاوم الحكايه اسمها ازاى اتحرر من معتقداتى و لو الحكايه بالبساطه دى شوف المعتقد الى انت حابب تتحرر منه و اتحرر منه بأى طريقة تحرر بالبساطه و السهوله دى
ناخد سؤال تانى
اه السؤال ده مهم جدا
ازاى اتوافق مع الطاقه الأيجابيه و ذبذباتى تكون ايجابيه ؟
انا مش بحب اتكلم فى الجزئيه دى لأن اذا انت اهتميت ان انت ترفع ذبذباتك و طاقتك هتفضل تطارد الحكايه دى ببساطه السؤال ده و سؤال تانى هربطهم ببعض ان بعد التحرر احط برمجه ايه او احط معتقدات ايه الأيجابيه يا جماعه التحرر مش تقنيه
تانى الكلمه دى بقولها من أربع سنين و لسه بقولها و التحرر مش تقنيه و مش تكنيك و مش طريقه التحرر ان انت طبيعى عارف ان انت مش محتاج اى حاجه زياده و طبيعى كامل من جوه و بتشيل الحاجات الى مخبيه ده فأنت مش محتاج ده انت مش محتاج تحط حاجه جديده بدل الى بتشيله و ترفع من ذبذباتك انت طبيعى جواك كل الى انت محتاجه انت كنت مخبى كل الحاجات دى فبتشيلها بس
ناخد سؤال مثلا المعتقدات دى اتكلمنا عنه دلوقتى
السلام عليكم استاذنا الفاضل نحن بحاجه لخطوات عمليه لهدف معين ؟
والله اتكلمت عنها كتير و فى امسيات و فى كورسات مجانيه او مدفوعه لكن الحكايه ان احنا هجاوب عن السؤال ده بصيغه او طريقه تانيه ان انت لما بتكون فى المشكله ديما بتدور على المشكله مش بتدور على الحل لذلك بقول الجمله دى و ممكن تاخد وقت شويه و مش هشرحها كاملة
اذا انت نزلت تدور على مشكله هتلاقيها مش عشان هى موجوده عشان العقل هيعملهالك و هيأكدهالك و هيزوهالك فالناس الى بتدور على خطوات معينه عمرها ما هتلاقيها و اذا لاقيتها عمرها ما هتستفيد و هتستفسد لحاجه معينه و حد معين
فأنا طبيعى بينت خطوات سوء فى تسجيل او فيديو انا محتاس ان جذب المال انا بينت خطوات كتير جدا و ببساطه اتحرر شوف الواقع بتاعك استخلص منه المعتقدات و هتلاقى تسجيل اسمه اخيرا استخراج المعتقدات على القناه بتاعتى حدد المعتقدات الى جايه من حياتك و اتحرر منها بالبساطه دى
الفرق بين الرغبه ى الهدف ؟
زى الفرق بين السما و الأرض بالظبط
يعنى السؤال حتى مش عارف أجاوب عليه يعنى الرغبه فى الحاجه و الحاجه نفسها الرغبه فى الفلوس ولا الفلوس بالبساطه دى
هل الأنسان يقدر يجذب الموت لنفسه ؟
انا مبحبش اتكلم عن جزئيه الموت دى مبحبش اتكلم عنها بتحفظ عليها لأن فيها كلام كتير و السؤال بيقول هل الأنسان يقدر يجذب الموت لنفسه او لأحد افراد اسرته لمجرد الخيال ؟؟ لأ
ازاى اتحرر من كل شيء كل الواقع ازاى اعيش الحياه التى احلم بها ؟
دى مشكله تانيه بيبقى الأنسان عنده مشكله و ديما حتى ناس بيجيلى السؤال ده ازاى اجذب السلام لدولتى فبسأله هل انت قادر تجذب لنفسك حاجه اصلا هل قادر تعيش الحياه الى انت عايزها فبيقول لأ؟
فأزاى انت تبقى مش عارف تمشي و تسأل تجرى ازاى فأبدأ الحكايه واحده واحده حدد هدف معين و ابدأ شوف انت عايز ايه و نفس الطريقه الى قولتها قبل كده حدد المعتقدات و اتحرر منها
انا أقولك كل ما نشرته على الصفحه فيما يخص قانون الجذب و التحرر طبقته لغرض تحقيق هدف و لكن لم يتحقق ؟
كويس جدا السؤال ده و الأجابه فى السؤال طبقته لغرض تحقيق هدف و هى هنا المشكله المشكله انك لما بتحرر عشان هدف بيبقى الهدف فى دماغك بتسأل نفسك لسه الهدف مجاش ليه و ده مش تحرر اصلا ده ضغط فعمرك ما هتحقق هدف و الكلام ده قولته قبل كده
ناخد سؤال كمان
مش عايز سؤال مقارب زى الأسئله الى فاتت
المعتقدات اتكلمنا عنها سيدونا اتكلمنا عنها
كيف اتقنها و استخدمها فىتغيي رافكارى السلبيه ؟
بالتحرر تحرر كل يوم و هتلاقى الحكايه بقت أسهل معاك إن شاء الله
اذا كان هناك شخصان الأول يرى الثانى بخيل مثلا و الثانى قرر انه يتغير و يصبح كريم ما الذى جذب فكرة تغيير الأول ام الثانى ؟
مافيش حد بيجذب حاجه لحد هو مفتحش الباب ليها و ده نفس مفهوم الحسد و السحر و المس و الحاجات دى فمافيش حد ضرك الا اذا كنت انت فتحت الباب
ناخد كمان تخلص من خيانة الحبيب ؟
عملت كذا فيديو على الحكايه دى هتلاقيها عندى على القناه على اليوتيوب
الأسئله كتير اوى مش عارف حتى أخد ايه بالظبط
ناخد ازاى ابرمج عقلى ليجذب الأشياء الى انا عيزاها مش العكس ؟
ببساطه اتحررى منالعمس ده هى المشكله العكس احنا بنروح للهدف عشان نهرب من حاجه تانيه اتحررى من مقاومتك للحياه الى انتى فيها فعلا
ناخد سؤال ...... لماذا قانون الجذب لا يشجع على جذب اشخاص معيين و هو مبدأه يمكن فعل أى شيء نريده ولا يوجود مستجيل للوصول لأهدافنا ؟
انا مبقولش يا جماعه ان جذب الأشخاص مش ممكن بالعكس ممكن لكن انا مبحبش اشتغل فيه فى ناس بتشتغل فيه لكن انا مش بحب اتكلم عنه
ناخد سؤال كمان .....
ما هى الحقيقه المطلقه التى تتجنب الحديث عنها ؟ اما لقلة الوعى او عدم مهاجمتك او لأى سبب آخر ؟
هو سؤال من حد اسمه ديكروس ؟
انا مش بتجنب عشان خايف من الهجوم يعنى من اول ما طلعت حتى اما كنت لسه فى بدايتى بتهاجم و لحد دلوقتى بتهاجم و الى بيهاجم مش هيبطل يهاجم حتى لو أيه يعنى سيدنا محمد عليه الصلاة و السلام لحد دلوقتى بيتهاجم بس الهجوم ده مش هو السبب ان انا مش عايز أقول او بمتنع عن ذكر الحقيقه كلها لكن الحقيقه المطلقه لو انا اتكلمت عنها خلينى نقول ان الهدف النهائي ان انت تستفيد معايا ؟ هدفى النهائي ان انت تستفيد
فإذا انا اديتلك الحقيقه كاملة فى الأول ممكن تكرهنى انا شخصيا و الحكايه تقفل معاك و معدش تعمل اى حاجه يعنى حتى فى تحريم الخمر فى الإسلام و لله المثل الأعلى ربنا محرمس الخمر مره واحده على مراحل و كذلك الصيام و كذلك الصلاه
سيدنا بن عباس حتى بيقول ان انت حدثت الناس بما لم يفهموا فتنتهم كذلك قال عبد الله بن مسعود
فالى متابعنى فعلا هيلاقى ان انا كل شويه بطلع حاجه كل شويه بقول حاجه بيفهمها الى بيفهمها و بيعيها الى بيعيها و يتجاهلها الى بيتجاهلها بس الشخص الى بيدور عليها هتوصله
ناخد كمان آخر سؤال عشان ماشا ءالله التسجيل كده هيطول أوى
ليه برحب بالاحساس و مبيروحش او مش بتحرر منه ؟
هو حتى سبحان الله الأجابه فى نفس السؤال انتى هنا محتاجه انك قبل ما ترحبى بالأحساس ترحبى فى رغبتك فى التخلص منه اما تتحررى من الرغبه دى ان شاء الله هتلاقى التحرر اسهل
لقيت الحكايه دى مفيده الحمدلله هبدأ اعمل كل فتره كده بوست زى ده و هختار مثلا اكتر خمسة اسئله هيتعملها لايك هى الى الخمس اسئله الى هجاوبها ان شاء الله هنبدأ من الأسبوع الجاى هاعمل بوست زى ده و شاركو بالأسئله بتاعتكم و اوعدكم ان شاء الله ان مهما كان السؤال و طالما هنحددها على خمس اسئله اوعدكم ان شاء الله ان انا هجاوب بالتفصيل الجميل زى ما انا بحب أقول و انا مش بخبى معلومات والله هجاوب على السؤال على اد ما اقدر و حتى لو كان هياخد وقت بردو هجاوب عليه بس الحد الأقصى خمس اسئله و اكتر اسئله خدت لايكات هى الى هنبدأ نجاوب عليها ان شاء الله
فمعلش انا بعتذر لأن فى اسئله كتير ماشاء الله و مش هاقدر اجاوب على كل الأسئله مره واحده
فأرجو ان الأسئله تكون افادتك و هنبدأ الاسبوع الجاى زى ما قولتلك
فيصل عبد الواحد
امير نفسك دوت كوم