ازيك عامل ايه اهلا بيك مره تانيه معاك فيصل عبد الواحد و تسجيل جديد من تسجيلات أمير نفسك دوت كوم
بقالى فتره معملتش تسجيلات جديده و دى حقيقه لذلك حبيت انى اعملك النهارده حاجه تشوف أثرها فى
نفس اليوم بأذن الله
بدون ما ادخل فى تفاصيل مش عايز اضيع وقتك فى كلام نظرى كتير عايزك تبدأ تطبق على طول او قبل ما تدبا تطبق هاقولك الى احنا هنعمله
لو انت بصيت على نفسك بنظره موضوعيه كده هتلاقى ان نسبة كبيره اوى من الى بتفكر فيه ان ماكنش كله مرتبط بحاجات لسه ماجتش و مرتبط بأشخاص غيرك مرتبط بأهداف انت عايزها تتحقق او مرتبط بحاجات خايف انها تتكرر من الماضى المهم سواء ماضى او مستقبل او اشخاص حتى فى الوضع الحالى او حاجات حصلت او لسه محصلتش المهم هتلاقى نفسك رابط نفسك بحاجات كتير اوى مش هنا دلوقتى
لذلك خلينا ندخل على التطبيق على طول و هاسيبك انت تشوف النتيجه داخليا و خارجيا بأذن الله بشرط هاقولك عليه فى الآخر
عايزك تاخد نفس .. تمام .. و عايظك تفكر فى كل الأهداف الى انت رابط نفسك بيها و الحاجات الى عايزها تحصل اوى عايزك كمان تفكر فى كل الحاجات الى انت رابط نفسك بيها من الماضي سواء الى بتندم عليها و بتلوم نفسك عليها او خايف تتكر اى كان
عايزك بردو تفكر فى الأشخاص الى انت رابط نفسك بيهم هيعمل ايه ؟ عمل ايه ؟ معملش ايه ؟ بيفكر فيها ازاى ؟ اعمل ايه لما اشوفه ؟ سواء علاقات علاقه مع خطيبتك علاقه مع والدك اى كان
ممتاز
و عايزك دلوقتى تسيب كل ده و تبقى موجود هنا خلى تركيزك و تفكيرك على هنا اللحظه الى انت فيها دلوقتى فكر و ركز هنا على الوقت و المكان الى انت فيه ده هتحس و هتلاقى نفسك ان جزء كبير جدا من طاقتك انت رابطه و بتستنزفه فى الحاجات دى كلها
عايزك دلوقتى تسيب كل الحاجات دى و خليك هنا فى اللحظه دى
يا فيصل ماهو انا لازم افكر هاعمل ايه ؟
طيب انت بقالك اد ايه بتفكر و هل التفكير ده وصلك للى انت عايزه ؟ لو هتكلم معاطك بالمنطق وصلك للى انت عايزه ؟ ولا وصلك لتعب جسدى و نفسي فجرب بس و ده الشرط الى قولتلك هاقولك عليه فى الآخر ان النهارده اليوم كله بأذن الله تبقى هنا مالكش دعوه بأى حاجه من الحاجات الى كنت رابط نفسك بيها دى النهارده بس جرب انك تكون هنا و عيش اللحظه دى
عايزك و انت معايا دلوقتى خد دقيقه و عيش هنا
تمام
هتبدأ تحس ان شاء الله ان كل الهموم الى انت حاططها عليك دى او شايلها دى بتروح واحده واحده او حتى مره واحده بفضل الله عايزك ان شاء الله على اد ما تقدر طول اليوم خليك كده و طول اليوم ده مش وقت لو انت عيشت كل لحظه هنا هتعيش طول عمرك هنا فمتحسبهاش ان انت لسه قدامك 24 ساعه هتعمل كده هو مش واجب و مش تكنيك و مش طريقه و تمرين تحرر و مش اسلوب و مش كل العقد دى ده الطبيعى اصلا عيش هنا و خليك هنا شيل اى ربط كنت بتربط نفسك بيه للحاجات الى لسه محصلتش او خايف انها تحصل او الاشخاص
شيل تركيزك من على كل الحاجات دى و خليك هنا
اعملها مع نفسك و انا هاخليك تشوف النتيجه بأذن الله داخليا و خارجيا
اشوفك فى تسجيل جديد ان شاء الله
فيصل عبد الواحد
امير نفسك دوت كوم