كيف أجذب ما أريد 2013

ازيكم عاملين ايه معاكم فيصل عبد الواحد امير نفسك دوت كوم

من فتره عملنا حاجه زى استفتاء على الصفحه بتاعتنا على الفيس عشان نشوف اكتر المشاكل الى بتواجه الناس فى قانون الجذب حوالى 25% من الناس كان عندهم مشكله فى كيفيه جذب الأشياء

اولا بعتذر مش هاقدر اتكلم باللغه العربيه و طبعا هى افضل لغات العالم فى رأيى بس عايز اتكلم معاك و احس انى على طبيعتى

كنا بنقول ان حوالى 25% من الناس عندهم مشكله فى قانون الجذب معنى كده ممكن يكونو درسوا قانون الجذب انهم ممكن يكونو خدو كورسات و قرأو حاجات او كتب عن قانون الحذب لكن لسه فى مشكله ازاى اجذب انا دلوقتى عارف الحاجات الكتير دى اتعلمت انى اسوق اتعملت انى اعمل كذا و كذا لكن اتعلمت بشكل نظرى ابدأ اطبقه على الواقع ازاى تمام ؟

دلوقتى انت لازم تحدد الطريقه الى بتستخدم بيها قانون الجذب انا بس عايز أكد على نقطه مهم جدا ان اى تمرين تانى فى تمرين منتشر جدا 14 فى 21 و تمرين 15 فى 15 انا مع كامل احترامى للأشخاص الى عملواالتمارين دى بس انا مش هتكلم عليها خالص و بدون ذكر اسباب بس انا عايز أكد ان ده مش هيبقى موضوعنا النهارده نهائي ان شاء الله

دلوقتى كنت بقول تبدأ ازاى او عفوا انت فعلا عارف انت المعلومات بس كيفيه الجذب

عايز لازم تعرف ان قانون الجذب او استخدام قانون الجذب له ثلاث طرق

اول طريقه : اسمها فك الأرتباط و دى اتكلمنا عنها فى التسجيل الى قبل كده الى هو حقق احلامك فى 20 دقيقه فك الأرتباط ده بينقسم او بيعمل حاجتين اول حاجه المعايشه العكسيه يعنى مثلا لو انا هدفى مثلا 1000 جنيه او ريال او درهم او دينار اى كان العمله بتاعتك ايه انا هدفى 1000 جنيه مثلا ان انا اعمل معايشه لدين بألف جنيه تمام ؟ انا الكلام ده مش بقولك تعمله انا بشرحلك شرح نظرى بكرر الكلام ده متعملوش اطلاقا لأنه معقد جدا جدا المعايشه العمسيه انى بعمل معايشه لعكس الهدف ده بس اذا اكيد زى ما انت بتقول جواك بالظبط طريقه صعبه و معقده بنصحك انك تبعد عنها تماما

ثانى حاجه لفك الأرتباط انك بتعمل معايشه للحاجه الى انت عايزها و بتنساها تماما و فى تقنيات للنسيان بالفعل و اتكلمت عن التقنيات قبل كده فى مقاله عندى فى امير نفسك الخاصه بال17 ثانيه كلام معقد نوعا ما لكن انا شرحته للى محتاجه او الى عايزه يبقى دى كده ثانى حاجه من فك الأرتباط زى ما قولنا نوعين المعايشه العكسيه و فك الأرتباط العادى النوعين دول او الطريقه الأولى دى الى هى فك الأرتباط بوجه عام بكرر و عايزك تحط تحتها 100 خط ابعد عنها تماما لأنها معقده جدا و هتكرهك اصلا فى قانون الجذب

ثانى طريقة الى هى اسمها مقاومه البراديم ... ايه هو البراديم اصلا ؟؟

بأختصار جدا عشان انا عايز التسجيل مياخدش وقت كبير هو الجزء الموجود جوا عقلك الباطن المتخزن فيه الطريقه الى انت قاعد بيها دلوقتى متخزن فيه انت بتستقبل معلومات ازاى متخزن انت بتكلم الناس الى حواليك ازاى و اسمك و تاريخ عائلتك و كل حاجه خاصه بيك و خاصة قبل 6 سنين كل حاجه شوفتها قبل 6 سنين عفوا لغايه 6 سنين سلوم الأب ناحية الفلوس الأم ناحية الأطفال سلوم الأب ناحية القرايب سلوك الأخ ناحيتك ممكن مثلا تشوف ان والدك كان بيتعصب اما بتيجى الفواتير الشهريه بتيجى وقت دفع الفلوس يبدأ الى يحصل جواك البراديم ده الى هو ربط الفلوس تساوى مشاكل او زعل فى البيت فيبدأ جواك معتقد انك تبعد عن الفلوس عشان تبعد عن المشاكل

ممكن حد تانى يكون جواه او سمع كلمة من والده او والدته قالتله عن عمد او غير عمد ان كل الناس الى فى البلد الى معاها فلوس حراميه او نصابين عفوا فى اللفظ فبدأ ان هو الشخص ده اتربى اصلا على الخير فبدأ يحط جواه معتقد ان الفلوس تساوى حرام او استغلال الناس فبدأ البراديم يبعد عنه الفلوس دى

على عكس لو شخص تانى اتربى على انه يكون شخص استغلالى و هو جواه نفس المعتقد هيبدأ يجذب الفلوس بغض النظر ده البراديم

مقاومه البراديم انك انا دلوقتى هدفى مثلا 1000 دنيه بس انا جوايا معتقدات عكس الهدف ده بدليل ان ال1000 جنيه مش معايا دلوقتى لو كان المعتقدات الى جوايا مع الهدف ده كان الهدف ده بقى معايا

فكون ان الهدف ده حاولت اوصله قبل كده او بتحصل صعوبات معنى كده ان فى معتقد جوايا بيقاومها الطريقه دى يا جماعه نسبة نجاحها 3% بس ليه ؟ لأنك بتقاوم نفسك انت ببساطه كده مش بس بتقاوم نفسك انت بتقاوم 90% من نفسك و انت 10% الباقيين كمان اقل من 10 % يعنى فى رأى بيقول ان العقل الباطن يمثل 90 % من الشخص و فى رأي بيقول انه يمثل 95% و رأى بيقول انه 99% من قوة الشخص جميل .؟؟ على اى مكان خلينا ناخد بأفضل الفروض انت بتقاوم 90% من قدراتك يعنى انت بتحارب زى بالظبط انت واقف قدام مرايا و فى شخص او واقف قدام نفسك بس الشخص التانى ده او انت التانى اقوى منك 90 مره تمام ؟

فنسبة نجاح الطريقه دى 3 % و زى طريقة فك الأرتباط بنصح انك تبعد عنها عشان صدقنى صعب جدا جدا تكسب فى حرب قدام نفسك خصوصا ان الطرف التانى قواه مش عندك انه هيبقى متحكم فى كل حاجه جواك انه يجذبلك ايه و ميجذبلكش ايه مثال بسيط لو انت حاولت مثلا تعمل ريجيم قولت خلاص انا هاخد قرار مع نفسي انى مهما حصل مش هاكل الأكل ده تانى و هلتزم انى اكل فى مواعيد و الوجبات الى فى الرجيم او الدايت ده .. اول ما تبدأ تحس بالجوع يبدأ البراديم ده عشان متعود انه معتقد انك لازم تاكل الأكل ده او المعاد ده يبدأ يحس الغدد الى جواك انها تفرز هرمونات معينه تبدأ تحس انك جعان تبدأ تقاوم نفسك اكتر هنا الى بتكلم عليه بدأ يحصل انك بتقاوم نفسك يبدأ البراديم يفرز الهرمونات دى اكتر تبدأ تزيد تبدأ تحس بالجوع اكتر واحده واحده تبدأ تحس فعلا انك اذا ماكلتش دلوقتى هتموت و هيغمى عليك و فى بعض الناس من قوة مقاومتهم لنفسهم فعلا بيقعم من انهم مبياكلوش ليه ؟ عشان انت خدت الطريق الصعب انت بتقاوم نفسك فأكيد اكيد حرب خسرانه حاجه من الأتنين و هى حاجه واحده بس مش حاجه حتى من الأثنين انك اكيد اكيد هتروح تفتح الثلاجه و هتاكل اول حاجه هتشوفها قدامك تمام ؟

زى ما قولت نسبة نجاح الحاجه دى 3% بس ممكن مثال ثانى بردو لو انت عندك ميعاد عمل مع حد او فى فرصه هتغير حياتك تبدأ مثلا ميعاد الصبح الساعه 7 و انت متعود تقوم 7 ونصف اذا حاولت بس تقوم نصف ساعه بدرى ممكن تكون نايم كويس و كل حاجه بس تبدأ تحس انك مش قادر تقوم من السرير يبدأ الكلام الى جواك البراديم بقى يقولك مش مشكله نام ممكن تظبط ميعاد تانى او فرصه تانيه كده كده اصلا انت ماكنتش هتروح تبدأ تلاقى نفسك بتكلم نفسك بالطريقه دى

حاجه كمان بالنسبه للبراديم قبل ما ادخل على الطريقه الأخيره بنسمع كتير جدا عن الناس الى بتعمل عمليات تدبيس المعده او للسمنه و الحاجات دى كلها بنسبة 98 % بتجيب امراض و مشاكل كتير جدا فى الجسك ليه ؟ لأن جوه البراديم ده صورتك بشكل او وزن معين و جسم معين اما اختلال لساعات بسيطه يبص للبراديم ده يلاقى الجسم بدأ يتغير و يبقى جسم تانى خالص هو شاف جواه صورة الجسم الى فيه السمنه و انت جسمك بدأ يتغير كنوع اجبارى او كسبب اجبارى للعمليه الى انت عملتها فبيبدأ يحصل تعارض بين الجسم و بين الصورة الى فى البراديم تبدأ تحصل مشاكل و تيجى الأمراض بعد كده تمام ؟ زى ما قولت الطريقه دى زى الطريقه الأولى مش بنصحك خالص انك تعملها انا شخصيا كل الطرق دى جربتها لغايه ما عرفت قانون الجذب و يمكن حصلتلى مشاكل جامده جدا مقاومه البراديم فى ناس بيحصلها حوادث و فى ناس بيحصلها حاجات كتير جدا لأن البراديم مصمم انه ينفذ المعتقد الى جواه ده و بيصمم عليه اكتر لما انت بتصم على عكسه اكتر

الحل ايه ؟؟ الحل فى الطريقه الثالثه الى هو البراديم ده او ال90% من قوتك الى انت بتحاربهم مش بس تلغيهم فى اكبر و اجمل و احسن من كده انك تبدأ ال90% دول تاخدهم لصالحك يبدأو هما يساعدوك و يجذبولك الوسائل او الطرق الى تقربك لهدفك ده ازاى ؟

بحاجه بسيطه جدا اسمها التحرر الى خلاك تجذب نتايج عكسيه او الى خلاك متحققش هدفك لغايه دلوقتى زى ما قولنا البراديم الى جواك و حاجه كمان أخرتها عشان اقولها دلوقتى اسمها مسارات الطاقه

و مسارات الطاقه دى لما بتكون مقفوله جواك الحاجه الى انت عايزها او لما انت بتعمل معايشه و بتتخيل نفسك مثلا معاك الهدف جواك فى طاقه جواك بتتكون تبع تردد معين بتتحرك تبع لتردد معين الطاقه دى المفروض انها تطلع من حاجه اسمها مسارات الطاقه عشان تجذبلك الحاجه الى شبهها لذلك بيقولو قانون الجذب الأشباه تجذب اشباهها و هو ده معناها بدون ما ادخل فى تفاصيل طاقه لأنها كبيره جدا و عليها كورسات خاصه و يمكن بتكلم عليها يويمن فى كورس طاقة الجذب

المهم اما انت بيطلع منك طاقه معينه عشان تجذب الهدف الى انت عايزه تبدأ تمر بمسارات الطاقه الى هى اصلا مسدوده و ياريت بس كده لا مسدوده بطاقة سلبيه فلى بيحصل حاجه من الأثنين ان الطاقه متطلعش او تطلع بس تطلع بشوائب مسارات الطاقه دى الى هو مليانه بالطاقه السلبيه هبتدأ تجذبلك نتايج عكسيه الحل ايه ؟ ان انت تتحرر و تصفى مسارات الطاقه دى و اما انت تصفى مسارات الطاقه دى هيبدأ البراديم يتصفى و يتحرر لصالحك ان شاء الله صدقونى يا جماعه التحرر او طريقة التحرر لما تستخدمها بتشوف نتايج فعلا فعلا ممكن تحط جنبها كده ( معجزة ) انا جربتها بنفسي و الناس جربوها سواء الى جربوها من كورسات او مقالات بتشوف حاجات انت ماكنتش تتخيل بأى شكل من الاشكال انها تحصلك لأن ببساطه جدا فى مثال بحب اقوله لما انت بتيجى تعمل عصير المصفى الى انت بتصفى فيها العصير ده ممكن تكون من كتر الشوائب الى فيها او استخدميتها فى التصفيه بقى فيها شوائب كتير جدا فلما تيبجى تحطى عليها عصير تانى ممكن العصير مينزلش نفس الحكايه مع مسارات الطاقه ممكن تكون شوفت مواقف سلبيه او من كتر ما انت تكون مخزن جواك سلبيات ممكن تكون مسارات الطاقه دى متعديش اصلا الطاقه دى و الحاله الوحيده الى ممكن يعدى فيها العصير حاجه بسيطه جدا تعدى منه بس بيكون محمل بشوائب المصفى دى زى ما قولنا من شويه ان الطاقه ممكن تطلع لكن بتكون محمله شوائب من مسارات الطاقه دى

الحل ؟ انك تبدأ تشوف انت عايز اى طريقه من الثلاثه و انا انصحك تستخدم التحرر تبدأ تشوف اى تقنيه تحرر بتتقنها او بتفضلها زى فى تقنيات تحرر لا حصر لها فى حرق المعتقدات فى سيدونا فى الهوبونوبونو فى التحرر بسرعه فى حاجات كتير جدا و على امير نفسك هتلاقينى شارح كذا تقنيه تقينات لا حصر لها هيساعدوك ان شاء الله لكن كتوصيه منى انا بنصحك بسيدونا هى اقوى تقنيه تحرر و هتفيدك ان شاء الله

انا ازاى اجذب؟

زى ما قولت انك تبدأ تستخدم التحرر ده تبدأ تشوف انت عايز ايه الهدف الى انت عايزه التسجيل ده معمول عشان يجاوب سؤال كيف استخدم قانون الجذب لجذب ما اريد الأجابه ببساطه زى ما قولت قبل كده خطوات بسيطه جدا هختصرها عليك فى خطوه واحده بس حاجه اسمها يمكن تقنيه خاصه بالمتدربين فى كورس طاقة الجذب و هكلمك عنها عشان تفيدك ان شاء الله اسمها المعايشه التحرريه

تبدأ تشوف المشهد النهائي لهدفك دى و على فكره الثلاث خطوات افضل من الطريقه دى لكن لو انت من النوع المستعجل ممكن تستخدم المعايشه التحرريه تبدأ تشوف المشهد النهائي للحاجه الى انت عايزها مثلا الهدف 1000 ريال تبدأ تشوف الهدف المشهد النهائي انك معاك الفلوس دى و تحس انك معاك الفلوس دى دلوقتى و تشوف الكلام السلبى الى هيطلع من جواك ايه ( مش هاقدر مستجيل استحاله هياخد وقت محتاج سنين مجهود خبرات محتاج اتعلم ) تكتبه فى ورقه و تتحرر منه ان شاءالله بتقنيه التحرر الى اتكلمنا عنه من شويه

اتمنى انى اكون مطولتش عليك و يكون التسجيل فادك ان شاء الله و جاوبتك على سؤال كيف تستخدم قانون الجذب لجذب ما تريد ان شاء الله

تحياتى ليك فيصل عبد الواحد موقع امير نفسك دوت كوم

4 thoughts on “كيف أجذب ما أريد 2013”

  1. السلام عليكم والله نفسي اعرف
    قلت الطريقة الاولى خطره والثانيه خطره والثالثه خطره وما نعملها ، جيت لآخر طريقة قلت هاي للمستعجل ، بعدها قلت انا انصح بالثلاث طرق افضل من الطريقة الاخيره ، وكلام كتير مبهم ، ياريت ياريت يكون من خلال نقاط وندخل على المفيد .
    شكرا لك

    Reply
  2. how much is doxycycline Slowing the reuptake of these neurotransmitters increases their concentration in the synaptic cleft, producing knock- on effects in protein kinase signalling which is thought to contribute to changes in neurotransmission and brain physiology which relieves symptoms of depression 9.

    Reply

Leave a Comment

error: Content is protected !!