ازيك عامل ايه او ازيك عامله ايه مره تانيه معاك فيصل عبد الواحد
ملحوظة هامة: لا تستخدم هذه التقنية إلا عندما تكون متأكد 100% أنك تريد التحرر
من علاقة سابقة وتريد انهاءها تماما لأن بعد استخدامها ستحدث أحداث
تؤدي لابتعاد الشخص عنك بشكل تصعب عودته مرة أخرى
امير نفسك دوت كوم
النهارده ان شاء الله او قبل ما اتكلم النهارده هنعمل ايه انت فعلا النهارده عارف احنا هنعمل ايه فى الفيديو
من فتره اتكلمنا عن و قولنا على الصفحه على الفيس ايه اكتر فيديو انت عايزو و يمكن لقيت ان فى ناس كتير طلبت نتايج متفرقه فلقيت ان فيديو واحد مش هيرضى القطاع الاكبر من المتابعين او الفانز الناس المهتمه حتى
لذلك قررت ان انا اعمل الفيديوهات على الاربع حاجات الى اتكلمنا عنهم الى هما ( تسويف او الكسل و هتلاقى الفيديو اكيد معمول و انت اكيد شوفته ) و اتفقنا كمان ان انا هاعمل على (الفراق ) مشكلة فراق الحبي و ده الى هنتكلم عليه النهارده ان شاء الله
عايزك تهدا معايا تماما النهارده مش هاقولك مجرد حاجه تعملها انا هاعملها معاك بأذن الله هناخد الوقت الكافى مع بعض و نعمل التقنيه دى بعض بأذن الله
ممكن اقولك خطوات تعملها مع نفسك لكن ان اعايزك انك تحصل على افضل نتيجة لذلك عايز مجرد ما تخلص الفيديو بأذن الله تكون حصلت على النتيجة الى انت عايزها فعايزك بأذن الله تهدا معايا تماما
انا هوجه الفيديو ده و التسجيل ده كأنى بوجهه لبنت علشان المشكله دى ممكن تكون اكتر عند البنات
عايزك تبدأى تهدى تمام و تركزى معايا ممكن تعملى الى احنا هنعمله النهارده ده و انتى عينك مغمضه او مفتحه عايزك تشوفى نفسك قاعده وسط سينما قاعده بالظبط فى وسط السينما و قدامك على الشاشه فى السينما دى صورة ابيض و اسود ليكى عايزك تشوفى نفسك قاعده فى السينما لوحدك تماما فاضيه مافيش فيها الا انتى و قدامك فى الشاشه الكبيره اوى صورة ليكى بالابيض و الاسود
اطلعى من جسمك ده الى قاعد فى نفس السينما ابدأى تطلعى واحده واحده و ترجعى لورا للأوضه او للمكان الى محطوط فيه بروجيكتور الى بيعرض الفيلم ده عايزك تشوفى نفسك واحد واحده رايحه المكان ده و لسه جسمك موجود فى مكان عايزك تشوفى نفسك بس بتطلعى منه و تسبيه موجود واحده واحده ترجعى للمكان الى فى البروجيكتور الى بيعرض صورك الابيض و الاسود على شاشة السينما
اذا حاسه انك عايزه تبعدى نفسك اكتر و تحسي بالأمان اكتر ممكن تحطى عدسات فى المكان الى بيطلع منه النور بتاع البروجيكتور عايزك تشوفى نفسك قاعده فى المكان ده و شايفه نفسك تحت او جسمك تانى شيفاه قاعد لسه فى نصف السينما و هو دلوقتى بيشوف فيلم بردو ابيض و اسود لنفسك و انتى صغيره شويه و انتى فى العلاقه دى عايزك تشوفيها من الاول للأخر عايزك تشوفى كل حاجه حلوه حصلت فيها كل حاجه مش حلوه كل حاجه مش كويسه حصلت فى العلاقه دى سواء كنتى بتركزى عليها او بتقنعى نفسك انها اساسيه لتطور العلاقه عايزك تشوفى كل حاجه وحشه حصلت فى العلاقه دى عايزك تشوفى العلاقه فيلم ابيض و اسود و تشوفى نفسك فيها من البدايه للنهايه من اول مره شوفتى فيها الشخص ده لأخر موقف سبتو بعض فيه
شوفى الفيلم من اوله لأخره لغايه ما تخلصيه كله و تحسى ان كل حاجه تمام لو انتى لسه حاسه ان فى تاتش مينت او لسه فى ارتباط بينك و بين العلاقه فعايزك تخلى الشاشه اصغر عايزك تشوفى شاشاه السينما بتبدأ تصغر و تصغر تشوفى نفسك و بترجعى عايزك تسحيى اللون الابيض و الاسود واحده واحده من الفيلم لغاية ما يبقى باهت وقفى الفيلم و شغله تانى لغايه ما توصلى للنهايه و تبقى فعلا حاسه بعدم الارتباط خدى وقتك لغايه اما توصلى لأخر فريم او اخر صورة فى العلاقه دى عايزك توقفيها
عايزك دلوقتى تسيبى البروجيكتور اريا الى انتى قاعده فيها فوق و ترجعى مره تانيه للكرسي الى فى نص السينما و تقومى من مكانك و تمشى واحده واحده لاخر الشاشه و عايزك تشوفى نفسك بتدخلى جوه شاشه السينما دى ممتاز تدخلى جوه الفيلم ده فى المشهد الاخير للعلاقه دى
عايزك دلوقتى تركزى معايا و تشغلى الفيلم من الاخر للأول فى ضوء او التكنيك او الشكل السينمائي القديم الى فيه الون الاصفر الباهت تشغليه من الاول فى ثانيتين
فى ثانيتين بس عايزك تشوفى نفسك و تشغلى الفيلم ده بالتقنيه الى قولتلك عليها الى هو لون اصفر الباهت السينمائي المعروف من الخلف للأمام فى ثانيتين بس لغايه ما ترجعى لما قبل البدايه لقبل حتى ما تعرفى الشخص ده
عايزك تشوفى و تسمعى و تحسى بكل حاجه الثانيتين دول على اد ما تقدر بأذن الله و اذا تقدرى تخليهم اكتر مكن ثانيتين يكون افضل و تحسى انك دلوقتى بقيتى افضل ممكن تحطى موسيقى مع الفيلم موسيقى تفرحك اصوات زى الى بتتعمل فى السيرك تخيلىالى انتى عيزاه و اعملى الى انتى عيزاه ممكن تحطى للشخص التانى الى كان فى العلاقه ممكن تحطى اى حاجه عليه و ممكن فعلا ده يساعدك انك تغيرى من شكل انفه مثلا تخليه اكبر تغيرى من شكل عينه من شكل شعره شكل جسمه اعملى الى انتى عيزاه فى الشخص ده دلوقتى
عايزك العمليه دى من اول ما انتى بتشوفى الفيلم ممن الاخر للاول فى اللون الاصفر الباهت ده ثانيتين او اقل كرريها مرتين او تلاته و ضيفى التفاصيل الى انتى عيزها بأذن الله
عايزك دلوقتى تفتكرى و تجمعى كل حاجه سلبيه و كل وقت سلبى و كل صفه سلبيه شوفتيها فى الشخص ده عايزك تجبيها و تحسيها دلوقتى و عايزك تاخدى قرار بأذن الله انك تسيبى كل ده و تتحررى من كل ده بأذن الله
خلاص دى حاجه حصلت و عدت بفضل الله عايزك دلوقتى اخر خطوه تشوفى صورة الشخص ده الحقيقيه و عايزك تشوفي هل لسه فى اى ارتباط من ناحيك ليه
اذا ركزتى ممكن تلاقى خيوط كده من نور فى صلات بينكم فى خيوط هتلاقيها بينكم عايزك تركزى عليها جدا و عايزك دلوقتى تختارى بأذن الله انك تقطعى الخيوط دى ممكن تستخدمى شكل سيف ممكن مقص ممكن تستخدمى اى حاجه انتى عيزاها عشان تقطعى الخيوط دى و ترجعى توصلى خيوطك لنفسك و تخلى خيوط الشخص ده ترجعيها له ارجعى وصلى طاقتك لنفسك و خلى طاقة الشخص ده ترجعله
و اعرفى ان الشخص ده لو سيء جدا ليكى فهو جيد لحد غيرك تحررى من الشخص ده عشان تحررى نفسك بأذن الله عايزك تفتكرى ان الشخص المستفيد من الى احنا عملناه ده هو انتى مش هو
عايزك تاخدى نفس و عايزك تلاحظى دلوقتى احساسك اختلف ناحية العلاقه دى اد ايه بفضل الله
ممكن التقنيه دى او التكنيك ده او التمرين ده تعمليه مره و اتنين و تلاته زى ما تحبى بأذن الله
اتمنى ان شاء الله ان تكون التقنيه فادتك او افادتك و بأذن الله اشوفك فى الفيديو الجاى ان شاء الله
فيصل عبد الواحد
امير نفسك دوت كوم