سيدونا 2013

السلام عليكم

بسم الله و الصلاة و السلام على رسول الله

التسجيل ده يا جماعه اتأخر كتير انا عارف انا وعدت بيه من زمان و وعدت ان ديما او عفوا انا ديما بتكلم عن سيدونا وانها كنز اذا عرفت تستغلها ازاى و اذا قدرت تتجنب مشكلة محاوله الفهم لان ديما بتعمل مشاكل فى صعوبه سيدونا فكان نتيجة انا كتبت كتير عن سيدونا و هى بتحتاج لوعى معين عشان تبدأ تفهمها لذلك بيتعملها كورسات خاصه بيها عشان اقدر اوصل المتدرب للوعى ده

لكن انا حبيت اشارك المعلومات دى بشكل مجانى مع الناس لذلك اتكلمت عنها كذا مره قبل كده و قررت انى افيد الناس بيها  لكن بردو حصل ان الناس مستفادتش بالشكل الى كنت متخيل انها تستفيد بيه ان شاء الله

لذلك الناس طلبت ان انا ابدأ اعمل تسجيل صوتى لشرح السيدونا

الى احنا هنقوله النهارده يا جماعه جزء من كورس مسجل بالفعل و فى ناس فعلا بتدفع و ناس ادتهم فرصه عشان تحصل عليه ان شاء اله لكن طالما ده هيساعدك فأنا معنديش مشالكل انى احطهولك مجانى

بعتذر بس عن الضوضاء الى حواليا عشان انا حاليا فى بيئه لا تسمح بالتسجيل تماما لكن حبيت ان انا لقيت عندى وقت فاضى فحبيت ان انا اسجلك المعلومات عن سيدونا او تبسيط لسيدونا على اد ما اقدر بأذن الله

ببساطه ندخل فى الموضوع على طول بأذن الله  اذا انت بصيت لمشاعرك هتلاقى انك بتعمل حاجه من الاثنين  يا اما بتكتم مشاعرك دى جواك يا اما بتعبر عنها بشكل مش مناسب يعنى ايه ؟

يعنى مثلا لو انت حصل موقف  حسيت فيه بالغضب او العصبيه  حاجه من الاثنين : يا اما هتكتم الغضب ده جواك و هنتكلم عن آيه قرآنيه دلوقتى و هنتكلم عن ايه حكمه ربنا و مفهمناش الآيه كلها و ديما من و احنا صغيرين  يتقال لينا اتحكم فى غضبك و اكتم غضبك  الكلام ده نصف الحقيقه لذلك الآيه القرآنيه واضحه جدا و التعبير واضح جدا الآيه بتقول" و الكاظمين الغيظ و العافين عن الناس"  يعنى مش بس تكتم غيظك اوك  لو انت مش هتعبر عن غضبك ده متعملوش او متطلعوش على حد بس بردو تحرر منه او تخلص منه بأنك تعفو عن الناس  احنا للأسف اتربينا على اننا نكتم الغيظ بس او نكتم العصبيه بس لذلك ده عمل عندنا مشاكل كتير ادت ان مسارات الطاقه بتتسد ان  احنا منقدرش نجذب اللى احنا عايزينه

بأختصار مسارات الطاقه دى انت لما بتعوز تجذب حاجه معينه الى هو قانون الجذب الحاجه دى بيكون ليها تردد معين لازم عشان تجذب الحاجه دى ليك يكون جواك التردد مشابه للحاجه دى  تمام  و متفقين

دلوقتى انت جواك التردد المشابه للحاجه دى و عملت تقنيه معينه و قدرت بفضل الله توصل للتردد المشابه للحاجه الى انت عايزها دى لكن مع ذلك مقدرتش تجذبها ليه عشان مسارات الطاقه بتاعتك الى هى بتمر فيها الطاقه او الترددات دى عشان تجذب الهدف الخارجى المسارات دى مقفوله  .. مقفوله بأيه  بكل الحاجات و المشاعر الى احنا معبرناش عنها قبل كده فزى ما كنت بقولك يا اما بتكتم الشعور او مبتعبرش عنه بالشكل المناسب فكتم الشعور ده بالظبط زى ما " هيلد ادسون " قال ان كتم الشعور ده زى بالظبط السوسته  لما بتيجى عربيه تدخل على مطب فى حاجه كده بتخلى الكواتش او العجله بتاع العربيه تطلع لفوق فالمهم الكتم ده بالظبط عامل زى السوسته جواك كل ما انت بتخزن كل ما انت بتضغط على السوسته دى الكورس ده او طريقة سيدونا دى الىبتعمله انها بتخفف الضغط على السوسته دى

طيب اذا محصلش و خفناش الضغط ده ايه الى ممكن يحصل ؟؟

ممكن يحصل اكتئاب  مرض  احباط   فوبيا   فقر  افلاس  ديون  و ممكن يحصل موت  طيب ايه الطرق الى احنا بنتعامل بيها مع المشاعر الى جوانا

الطرق التقليديه الى بنتعامل بيها او عن طريقها مع المشاعر دى ان احنا ممكن فى ناس بتحب تتفرج على التليفزيون لما تكون مضايقه و فى ناس بتحب تخرج  و فى ناس لما تضايق بتنام  او بتاكل  دى حاجه اسمها الإزاحه  تمام

عايزك تفكر فى مره كده واحد قالك حاجه فرحتك جدا  و حسيت بأحساس جميل  تمام  اكيد لما انت حد قالك حاجه فرحتك حسيت بأحساس جميل انك خفيف و الدنيا جميله و فرحان اوى  مش كده  ممتاز

عشان كده المثلين الكوميدين محبوبين  عشان ديما الضحك محبوب و ديما انت حتى لما بيكون فى واحد صاحبك فى مشكله او مضايق او كده بتحاول تخفف عنه بالضحك مش كده ؟؟

لكن ايه هو شعور التحرر  ندخل فى الكلام الجد بقى ايه هو شعور التحرر ؟؟ عارف مثلا اما تكون  عايز تدخل البيت بتاعك و المفتاح بتاع الشقه ضايع و تدور على المفتاح و مش لاقيه و مش عارف تدخل البيت و ممكن تكون حاجه فى البيت كمان سايب البيبى بتاعك جوه او حاجه مهمه او او  و لازم تلاقى المفتاح دلوقتى عارف الشعور لما تحط ايدك على جيبك و تلاقى المفتاح ده  .. الحمدلله .. ارتحت   سبت القلق   نفس الشعور بدرو لما تحس ان فى ضوء كده بيدخل فى اوضه ضلمه و الضوء ده بيملى المكان واحده واحده و نفس الشعور لما يكون فى جنبك فرح مثلا فى مكان قريب منك و فجأه الفرح الى كان عاملك ازعاج ده يبقى الصوه بتاعه متناغم بتحس ان فى تناغم فى الصوت فى حاجه الاحساس الى انت بتحسه ان كل حاجه تمام و كويسه هو ده شعور التحرر  تمام

اذا انت عندك مشكله تجيب الشعور عشان تستخدم سيدونا مش مشكله  انت لسه بادىء و على اد ما تقدر ان شاء الله هات الشعور مش مشكله لو معرفتش تجيبه كله او جزء صغير منه هاته بأذن الله

عايزك دلوقتى تجيب قلم و تمسكه على اد ما تقدر تمام  ممتاز .. القلم بيوجعك مش كده ؟؟ تمام  عايزك دلوقتى تبدأ تفتح ايدك  القلم ده مش مرتبط بيك مش كده  القلم ده انت متولدش بيه زى بالزبط الشعور السلبى ده انت كمان متولدش بيه يعنى زى ما انتاختارت انك تفتح ايدك و تسيب القلم  تقدر كمان تختار انك تسيب الشعور و تتحرر منه بأذن الله  .. ممتاز

دلوقتى عايزك ترفع ايدك قدامك و القلم لسه فيها  عايزك دلوقتى تسيب القلم  اتحرر منه  ممتاز

مره تانيه عايزك تمسك القلم تانى  لكن المره دى خلى كف ايدك مفتوح  لو انت مش ضاغط على الشعور بمعنى اصح مش ضاغط على القلم هيتحرك جواك بحريه  هيتحرك فى ايدك بشكل اكتر حريه من انك تكون ماسك عليه  لكن لما تكون بمعنى اصح ايدك مرتاحه  و لما انت تكون جواك مرتاح و مرحب بالشعور مش ماسك عليه زى ما انت بالظبط كنت كاتم على القلم بأيدك  التعامل مع الشعور هيكون اسهل زى ما التعامل مع القلم اسهل زى ما انت فاتح ايدك بتخلى القلم يتحرك بأى طريقه انت عايزها

لما انت تسمح لنفسك انك تشعر بالشعور الى انت بتشعره او تسمح لنفسك انك تفكر بالطريقه الى انت بتفكر فيها الحكايه بتكون اسهل او لما انت ترحب بالشعور زى ما هو بدون ادنى محاوله و الحكم عليه انه سلبى او ايجابى او تغيير الشعور ده بترحب بيه بالظبط  العامل مع الشعور بيكون اسهل

دلوقتى عايزك تبص للقلم ده   صلب و متماسك مش كده ؟؟ لكن اذا انت كبرت القلم ده يعنى اتخيل انك جبت ميكروسكوب و كبرنا القلم ده المسافه الى بين الجزئيات هتزيد مش كده هتبدأ تشوف الجزئيات الخاصه بالقلم ده  نفس الحكايه المشاعر لما تتعمق فى اصلها لاحظ ان فى عمقها و اعمق جزء تقدر توصله زى ما اعمق جزء تقدر توصله فى تحليل القلم ده هتلاقى ان اعمق نقطه قدرت توصلها هى اللا شيء  ان ما بين الجزئيات و الذرة و الذرة  هوا  طاقه متقدرش تشوفها  فراغ

فنوع من انواع التحرر و طريقه من طرق استخدام سيدونا اذا انت مقدرتش ترحب و تسيب الشعور انك تكبر الشعور ده انك تدخل فى المكان الفاضى بين جزئيات الشعور لو تسمح لنفسك انك تكون مرتاح و على فكره اما انت بتوصل للمرحله دى بتقدر بعدها ترحب و تسيب الشعور عادى انا شخصيا فى سيدونا بستخدم طريقة الترحيب و التحرر  و فى ناس تانيه بتستخدم طريقه التكبير و بعد كده الترحيب و التحرر اى كان كلها صح بأذن الله

عايزك تسمح لنفسك انك تكون مرتاح دلوقتى و تدخل جواك نبدأ نعمل سيدونا بشكل شبه عملى دلوقتى و عايز اقولك قبل ما نعلمها ان المشكله الى ادت  لتراكم المشاعر دى جوانا ان احنا لما يجى شعور ايجابى مثلا ضحك او فرحه بنحسه على اد ما نقدر لكن مثلا لما يجى شعور حزن او احباط او خوف مبنحسوش و مبنديلوش حقه او الطريقه الى لازم يتحس بيها فبالتالى بيحصل حاجتين  الشعور ده بيتخزن جواك و انت لسه معبرتش عنه فلسه مستنى انك تديله مساحته انه يتعبر عن الشعور ده

تانى حاجه عشان الشعور بقى جواك بيبدأ يجذب حاجات زيو  يا فيصل خلى بالك انت لسه محستش الطاقه  و الشعور ده  و مش هدخل فى تفاصيل كتير مافيش حاجه اسمها طاقه ايجابيه و طاقه سلبيه لكن ده بنتكلم عنه فى شكل اعمق فى الكورسات التانيه بأذن الله زى كورس طاقة الجذب او كورس سيدونا المكثف بأذن الله

هنبدأ نعمل سيدونا دلوقتى بشكل عملى بأذن الله

عايز تسمح لنفسك انك تكون مرتاح و تركز على نفسك داخليا  سواء انت دلوقتى عينك مفتحه او اختارت انك تغمض عينك و ركز انت حاسس ايه دلوقتى  اى كان الى انت حاسه سواء احساس قوى او عادى او ضعيف  سواء احساس له علاقه بلى احنا بنعمله او مالوش اى علاقه

ممكن يكون احساسك بالنسبه للتسجيل ده  ممكن يكون احساسك بالنسبه للمدرب  ممتاز عايزك تسمح للأحساس ده انه يكون جواك  موجود  يكون موجود  ايه ... بالصورة و الشكل الى هو عليه و رحب بأى حاجه انت حاسسها دلوقتى ... عايزك تعمل الحكايه دى بمشاعرك مش بدماغك  مش بتفكيرك

بعد ما سمحت للأحساس ده بالتواجد ... ممتاز  ... بعد ما انت رحبت بالأحساس ده و سمحت له انه يكون موجود  ترحيب يا جماعه انك تسمح للأحساس ده انه يكون جواك بالصوره الى هو عليها   ممتاز

تقدر تتحرر من الاحساس ده ؟؟ تقدر تسيب الاحساس ده ؟؟ المسأله مسألة اختيار و زى ما احنا عرفنا من شويه يعنى ايه تتحرر  يعنى ترتاح  تقدر تريح نفسك من الشعور ده  اما ترحب بالشكل الكافى هتكتشف ان اصلا ان الشعور ده او الطاقه دى عايزه  تسيبك هى طاقه من طبيعتها انه متكونش فى مكان معين فتره كبيره الطاقه بطبيعتها عايزه تسيبك تتحس و تروح لحد غيرك فأنت  هتلاقى التحرر بشكل تلقائي ان شاء الله مجرد ما ترحب بالشكل الكافى و تحس بالشكل الكافى تقدر تتحرر من الشعور ده ان شاء الله ؟ .. ممتاز  انت هتتحرر من الشعور ده ان شاء الله ؟؟ .....انت هتتحرر من الشعور ده ان شاء الله  ؟؟ لو لاحظنا ان السؤال الى كان قبله و الى هو هل تقدر تخلص بالقدره مش عايز اقول تقدر او متقدرش انت كده كده  تقدر لكن بفكرك ان المسأله مسأله اختيار

مسأله انك تختار انك تتحرر

السؤال الثانى هل انت هتتحرر  ؟؟  يخلص بأنك عايز تتحرر عايزك تمسك  الشعور ده اكتر  انت عايز تتحرر من الشعور ده ولا عايز يفضل جواك ؟؟  انت هتتحرر الشعور ده ؟؟  انت هتسيب الشعور ؟؟  ممتاز  امتى ؟؟ افضل اجابه تجاوب بيها هى دلوقتى  الأن  الحين  اى كان اللهجه الى بتستخدمها بيها

يبقى الخطوات الى عملناها دلوقتى  الترحيب الى بيساوى الاحساس بالشعور ده زى ما هو على اد ما تقدر بدون ادنى محاوله للتغيير او للزعل من الشعور ده  رحب بيه

بعض المشاعر  بتتطلب مظاهر معينه ممكن ترحيب بالشعور تحس انك  عايز تبكى  متحاولش تمسك نفسك بالعكس سيب نفسك على الآخر

و بعد كده الخطوه التانيه  امتى ؟ تقدر تتحرر من الشعور ده ؟؟  و بعد ما توصل لنعم  بتروح لأنت و تسأل امتى؟ و افضل اجابه هى الآن ان شاء الله

عايز اقولك انك الأسئله دى ملهاش اجوبه صحيحه  سواء نعم او لا و دى مش غلط او دى صح دى بس طريقه كده بتقولك تمشى فين و عايزو اقولك كمان انك كون انك تحس انك مش حاسس بحاجه او ان مافيش حاجه جواك معينه ده نفسه احساس اسمه احساس اللا احساس او احساس انك اصلا مش حاسس بحاجه فده نفسه كمان تقدر ترحب بيه  تمام

مره تانيه افكرك بالخطوات   الترحيب  انا اقدر اتحرر من الشعور ده ؟  انا  هتحرر من الشعور ده ؟ امتى ؟ دلوقتى ان شاء الله

اذا انت  سمعت لا جواك او لقيت نفسك ماسك فى الشعور اوى اسأل نفسك انا احسن ليا ان انا اتحرر من الشعور ده و اعمل الى انا عايزه بأذن الله و ابقى حر و لا افضل متمسك بالشعور ده و افضل زى ما انا و محققش اى حاجه شوف انت ايه الى تفضله انك تتحرر و تعمل كل الى انت عايزه و تحقق هدفك بأذن الله ولا انك تفضل ماسك فى الشعور الى جواك انك متحققش اى حاجه و تفضل زى ما انت مافيش حاجه صح و حاجه غلط فى مسأله اختيار  شوف انت ايه الى تفضله و اختاره بأذن الله

ممتاز

اتمنى انى اكون قدرت قدرت اوصلك سيدونا بشكل مبسط و قدرت انى اوصلك سيدونا بشكل عملى بأذن الله و يكون التسجيل افادك اشوفك مره تانيه بأذن الله

فيصل عبد الواحد

Leave a Comment