بسم الله و الصلاة و السلام على سيدنا محمد رسول الله
السلام عليكم و رحمة الله و بركاته
النهارده يا جماعه تاريخ قانون الجذب اعتراضات قانون الجذب قانون الجذب ده موجود من امتى الناس بتتكلم عليه فى صالحه او ضده كل الحاجات دى هنتكلم عليها
انا عارف ان ناس كتير اوى لما بتيجى تحضر كورس قانون جذب او ندوة او امسيه او دورة اى كان المسمي اى بتدور على الحاجات دى لكن اذا انت جيت هنا او تسمع التسجيل ده عشان تعرف حاجات عن تاريخ قانون الجذب او موجود من امتى و مين اول حد اتكلم عليه او طريقه وجوده فى الثقافات او او الكلام ده موجود طبعا بس انا مش هتكلم عليه
انا النهارده هتكلم عن ان انت اكيد عارف ان فى قانون جذب و شافت فيلم السر يمكن ناس كتير بس مش بنفس الكتره طبعا بدأوا يتعمقوا اكتر و بدأو يبحثوا و يدرسو عن قانون الجذب و يبحثوا عن معادلات و خطوات و هكذا و لكن مافيش نتيجه مع ذلك
انا النهارده هبدأ بمشكله و هحاول النهارده ان شاء الله او مش هحاول بأذن الله هاقولك تعمل ايه عشان تقدر تحقق الى انت عايزه فى الوقت الى انت تحدده بأذن الله
المشكله يا جماعه ان احنا لما بناخد قانون الجذب من فيلم السر و تيجى تطبقه بتبقى عامل زى الى فى سباق و بيجرى بالعكس عكس الناس كلها الحاله الوحيد الى ممكن يوصل فيها هى اذا كان بيلف حوالين نفسه
المشكله ان فيلم السر اتكلم عن جزء صغير جدا و هى المعايشه و هى انك تجذب اى شيء ليك بأستخدام قانون الجذب انك تستريح و تتخيل الهدف معاك و مش قصدى انك تشتغل و هنتكلم عن دى بأذن الله انا بتكلم عن ان جزء المعايشه نفسه جزء صغير جدا من جزء تانى اسمه استخدام قانون الجذب لتحقيق الاهداف و ده بدوره اكبر بكتير جدا من قانون الجذب
قانون الجذب مش بس وسيله لتحقيق الأهداف الكلام ده هتعرفه اكتر بأذن الله اذا تعمقت فى علوم الطاقه و قوانين الجذب هتعرف ان فى حاجات تانيه كتير اكبر من بس انك تستخدم قانون الجذب فى تحقيق الأهداف
زى ما كنت بقول ان مشكلة الناس انها بتبدأ غلط
المعايشه دى مش أول خطوه عشان تجذب هدفك قانون الجذب ديما لما كنت بتسأل ايه هو بأختصار كنت ديما بجاوب فى كلمة واحده بس هى التطهير او الاطلاق او التحرر
يعنى ايه ؟
بأختصار جدا انت عشان تجذب حاجه الصوره الأوليه لأى حاجه انت عايز تجذبه الكرسي الى انت قاعد عليه او الكمبيوتر الى انت بتسمع عليه الأمسيه دى دلوقتى الصورة الأوليه له طاقه
ده على كل حاجه حواليك فى الكون سواء انت فى الى حواليك و مش بس كده الاهداف كمان الى انت عايزها ليها طاقه معينه اهتزاز الحاجه الى انت عايزها ليها تردد نيوتن اكتشف ان اى جسيمين فى بينهم قوة جذب
قوة الجذب دى تتناسب طرديا مع مقدار كتلتيهما يعنى ايه ؟
يعنى مثلا الشمس و الكره الأرضيه بينهم قوة جذب معينه و دى الى بتخلى الأرض بتدور فى مدار ثابت و الشمس فى مدار معين مبيخرجوش عنهم و ده عشان فى قوة جذب بينهم كبيره جدا عشان كتلة كل منهم كبيره جدا و اكتشف كمان ان قوة الجذب دى موجوده و قدر يقيسها بأجهزة معينه بين الأجسام الصغير الى هى ذات كتلة أقل المهم انها موجوده لكن بتكبر او تقل حسب مقدار كتلة كل جسم فيهم
الجديد بقى او مش جديد معروفه من زمان بس الى احنا بنتكلم عنه ان مش بس الاجسام ذات الكتله بينهم قوة جذب لأ حتى الحاجات المعنويه فى بينهم و بين بعضها قوة جذب و الحاجات المعنويه و الحاجات الماديه بين كل حاجه فيهم قوة جذب
مش عايزين نتكلم فى ابحاث علمية او جزئيات اينشتاين و اديسون اتكلموا فى الحاجات دى و اكتشفوا ان المخ بيصدر عنه ذبذبات بتتأثر بالتركيز و بالمده بس بلاش نتكلم فى الكلام ده عشان انا عارف ان انت جاى هنا عايز تطلع بحاجه تستخدمها على طول
هتكلم انتعشان تجذب حاجه زى ما قولت انت الهدف ده سواء كان مبلغ من المال او شريك حياه او او او له تردد معين من الطاقه انت عشان تجذبه لازم تمتلك جواك التردد المشابه ليه
يا شريك الحياه بالمواصفات المعينه هو موجود بالفعل انت مش هتعمله او مش هتخلقه لأنه الشخص ده موجود بالفعل بفضل الله له تردد معين هو طاقه بينتج عنه تردد معين انت عشان تقرب ده ليك او تجذبه ليك لازم الحاجه الى هتجذبه و هى الطاقه الى هتخليها جواك الى بتهتز او بتعمل حركه معينه فينتج عنها التردد المشابه يعنى بالبلدى كده لازم يكون جواك تردد مشابه للحاجه الى انت عايز تجذبها ازاى؟
عن طريق المعايشه ( الداخليه )
يعنى ايه معايشه داخليه ؟
يعنى بتشوف و انت معاك الهدف انت هتحس بأيه و نخلى تحت هتحس بأيه دى عدد خطوط زى ما انت عايز لأن مش بس بشوف الهدف ده معايا هشوف ايه حواليا او هسمع ايه او الكلام ده لو الهدف ده معايا هشوف انا هحس بأيه هحس مثلا بالسلام الداخلى هحس بالأطمئنان احس بالفرحه شوف انت هتحس بأيه و حسه و هنفرق بين ثلاث حاجات
فى فرق بين انك تحس لما تحققه
و فرق انك تحسه كأنك محققه
و فرق انك تحسه و انت محققه
يعنى ايه ؟؟
تحسه لما تحققه يعنى انت بتفصل دلوقتى بين تاريح اليوم و ليكن النهارده مثلا 30 /11/2012 مثلا بتفصل بين ده و بين تاريخ اليوم الى شايف انك هتحقق فيه هدفك و ليكن بعد شهر او سنه او سنتين انت بتفصل نفسك باليوم ده الى هو النهارده و اليوم الى هتحقق فى هدفك احنا مش عايزين دى
انك حققته دى اقوى نوعا ما بس بردو عقلك الباطن لما يسمع كلمة كأن بيعرف ان فى مسافه بينك و بين الحاجه الى انت عايز تعملها
الى احنا عايزينه انك تعمل معايشه تشوف انت هتحس بأيه و أنت محققه دلوقتى تمام ؟ و دى تحتها خطوط كتير جدا تحس انت هتحس بأيه و انت محقق الهدف دلوقتى حالا فى اليوم و الساعه و الدقيقه و الثانيه حالا و بركز على الجزئيه دى عشان مهمه جدا جدا و دى نقطه مهمه من ضمن النقاط الى قانون الجذب غايبه عن ناس كتير انك تحس و انت معاك الحاجه دلوقتى هتحس بأيه مش كأن و مش لما هتحققها هتحس بأيه لأ هتحس بيها و انت محققها دلوقتى
دى طريقة المعايشه الداخليه الى حتى اما انت تبدأ بيها انت بدأت غلط طيب انا اتكلم فيها ليه ؟
عشان افرق بين المعايشه الداخليه و الخارجيه
خلصنا من المعايشه الداخليه هنرجع ليها بعد شويه لكن ايه هى البدايه الصح يا فيصل ؟
البدايه الصح انك تبدأ كل هدف له تردد معين و انت لازم يكون جواك التردد الى يجذب الحاجه دى الجذب بيتم عن طريق ايه ؟ عن حاجه اسمها مسارات الطاقه اوالطاقه المحيطه بيك تمام ؟
انت و من و انت صغير يمكن حتى من قبل الولاده و انت عقلك الباطن بيتشكل و مافيش عقل معين فى اى حاجه بتسمعها و اى حاجه بتشوفها و اى حاجه بتجيلك او تشوفها حواليك بتتخزن جواك حتى عشان كده بره تلاقو الأب بيتكلم على بطن الأم الحامل يبدأ يقول والدك اسمه كذا و والدتك اسمها كذا انت عايش فى البيئه كذا عشان عارفين ان الطفل فى الوقت ده بيخزن كل حاجه تتقال له بدون ادنى صورة من صور المقاومه
فالمرحله دى من حتى قبل الولاده لغايه سن 6 سنين و انت بتخزن حواليك كل حاجه بتسمعها بدون اى مقاومه حتى يومنا هذا اه بقى عندك عقل واعى بس بردو كل حاجه بتشوفها حواليك كل ذكرى سلبيه حصلتلك كل موقف مش كويس حصل كل فشل فشلته كل حاجه مش كويسه بتتخزن جواك مش بس بتتخزن جواك لا طالما اتخزنت جواك بتجذب ليك حاجات مشابهه و من غير ما ندخل فى تفاصيل و ازاى الحاجات دى بتعيد نفسها الحاجات دى بتعمل مشكلتين
اول مشكله انها بتقفل مسارات الطاقه بين التردد الى جواك و بين الهدف الى انت عايز تجذبه
ثانى حاجه ان انت بتكون جواك حاجه اسمها البراديم و ده الى بيقاوم اى تغيير جواك و هو الى ديما يخليك تحس انك هتموت من الجوع لو مكلتش لما تيجى تعمل رجيم و الى بيخليك تحس بصداع لما تيجى تبطل تدخين و الى يخليك هتموت و تنام لما يكون عندك معاد مهم هو الحاجات دى كلها عشان ببساطه مش عايزك تغير الحاجات الى جواه عشان بالنسباله التغيير خطر
دلوقتى عرفنا ان فى حاجه اسمها معايشه داخليه و فى حاجه اسمها مسارات طاقه و فى حاجه واقفه فى مسارات الطاقه دى سداها تمام؟
ده الى بيحصل معانا لما بنيجى نستخدم قانون الجذب بالوضع الى احنا عليه يا اما نتايج عكسيه يا اما نتايج قليله جدا جدا مبترضيش طموحتنا تمام ؟
احنا دلوقتى عرفنا ان فى معايشه داخليه و ان فى براديم و عرفنا ان فى مسارات طاقه و عرفنا ان فى حاجات واقفه فى مسارات الطاقه دى هو الى بيسد علينا الجذب و هوالسبب فى الى احنا فيه دلوقتى طيب نعمل ايه ؟
اول حاجه لازم زى ما قولت قانون الجذب انك تشوف تقنيه تحرر كويسه تبدأ تستخدمها عشان تصفى الحاجات الى جواك دى و انا ارشحلك حاجه من الثلاثه دول :
حرق المعتقدات و هتلاقى ان شاء الله فى امير نفسك هتلاقى مكتوب عليها حاجات كتير او تقنيه الحريه النفسيه او الى انا برشحهالك و الافضل من الاثنين دول سيدونا و سيدونا فيها مشكله فى غايه الخطوره ان الناس بتحاول تفهمها و سيدونا مبتتفهمش سيدونا بتتحس
و هى اربع خطوات اول خطوه : بترحب بالحاجه الى انت حاسسها او الى بتهرب منها او الى كنت بقاومها قبل كده و بعد كده عن طريقه اسئله معينه بتوصل لمرحله ان الحكايه دى بالنسبالك كأنها محصلتش و انا شخصيا فى بعض المراحل بوصل لمرحله الشك ان الى اصلا الذكرى دى حصلت او محصلتش ان شاء الله مع الاستمرار هتوصل مع المرحله دى بأذن الله
اول مرحله تعمل تحرر بسيدونا او بحرق المعتقدات او تقنية الحريه النفسيه و ان شاء الله هتلاقى اذا انت سمعت التسجيل ده عن طريق الاشتراك فى النشره البريديه فى امير نفسك هتلاقى مواضيع اكتر هتجيلك تقولك ازاى تستخدم سيدونا بأحترافيه و ازاى تتحرر ان شاء الله زى ما انت عايز
يبقى اول خطوه التحرر
ثانى خطوه احدد الهدف و ياريت يا جماعه لو دى بدايتنا مع قانون الجذب و هنعتبر ان دى بدايتنا لأن كل الى احنا كنا عارفينه قبل كده اكيد كان فى معلومات ناقصه او خاطئه للأسف فياريت و انت فى الاول متحددش بالوقت و التاريخ عايزك تحدد بس الماوصفات الخارجيه للهدف مثلا فلوس اد ايه عربيه ايه مواصفات شريك حياه ايه يبقى بالتحديد
ثالث خطوه المعايشه الداخليه الى اتكلمنا عنها من شويه انك تشوف و انت محقق الهدف ده دلوقتى هتحس بأيه و تحسه دلوقتى تمام
المعايشه الداخليه دى يا جماعه عايزك و انت بتعملها متقلش عن 90 ثانيه او دقيقه و نصف جميل؟ ممكن تعملها قبل ما تنام او اول ما تصحى من النوم المهم انك تعملها ان شاء الله على ادما تقدر اظن دقيقه و نصف كل يوم معايشه هتحس فيها احساس جميل هتحس فيها انها محقق هدفك دلوقتى كل ده محسش انه خساره او ثمن كبير فى انك تحقق الى انت عايز تحققه دلوقتى ده
سيدونا بعد كده مش هتعمله الا اذا حسيت ان الشعور او الذكرى لسه مأثره عليك نوعا ما اكيد هتحس ان التأثير قل طبعا لكن ساعات بعض المشاعر بتبقى زى علبة مناديل مثلا كده لما تسحب منديل بيجى منديل تانى ياخد مكانه فأنت محتاج و مش معنى ان لسه فى ضيق بعد سيدونا انك متحررتش كويس بالعكس انت شيلت جزء كبير جدا من الشعور لدرجة ان فى طبقه كبيره جدا اتشالت منه و بدأت طبقه تانيه تظهر و تاخد مكانها تمام ؟
اول مره بس بتعمل فيها سيدونا و انصحك اول مره تعملها تبقى 3 جلسات و زى ما قولتلك انا مش عايز اتكلم معاك فى سيدونا بوجه مفصل جدا دلوقتى لكن بأختصار انت بتعرف و بتدرك انك عندك اختيار الحاجه الى جواك دى انت ماسكها الشعور الى جواك ده انت ماسكه مش هو الى ماسكك بالعكس
اهم حاجه انك تدرك الحقيقه و تسيب الشعور ده و تسيب الحاجه الى انت متمسك بيها ان شاء الله و بعد كده تبقى مضطر انك تسيبه ان شاء الله
ان شاء الله اتمنى ليك تستفيد على اد ما تقدر من امير نفسك بأذن الله و اتمنى اكون ساعدتك فى فهم المشاكل الى حواليك ايه عايز بس قبل ما اختم معاك اديك مثال بسيط و ليكن مثلا الهدف شريك حياه ارتباط بشريك حياه معين انتى مثلا هدفك ترتبطى او تتزوجى او حاجات زى كده اول حاجه بتبقى تعملى سيدونا على خمس حاجات على شعورك بوجه عام ناحية الزواج او شعورك انك متجوزتيش دلوقتى مثلا حاسه بالحزن او القلق او الأحباط او الكلام ده كله
ثانى حاجه سيدونا على رغبتك فى الهدف انك تتحررى من رغبتك دى و دى ناس كتير الناس تكلمنى عنها ازاى اتحرر عن رغبتى فى الهدف الى انا عايزه بأختصار شديد الحاجز بينك و بين تحقيق هدفك رغبتك فيه العقل الباطن بيشوف رغبه او عايز او محتاج يقارن ده بالوضع الحالى و ان ده مش موجودو هو عشان لغته مش نفس لغتك بيجذب مزيد من الرغبه و الظروف الى يخليها م موجوده عشان هو مش عايز تغيير فأنت الاحسن ليك تمتلك الحاجه ولا الاحسن انك تنولها انت لما تفضل تقول انا عايز الحاجه ده بيجذلك ظروف تخليك تعوزها اكتر كمان يا جماعه عايزين نبعد بعد تام نهائي لا رجعه فيه عن التوكيدات
التوكيدات خطيرة جدا جدا مش عايز اتكلم هى خطيره اد ايه بنصح نبعد عنها تماما تماما نبدأ نعمل الخطوات دى التوكيدات حتى لو جابت نتيجه بتبقى فى ناحيه واحده فى الحياه و تلاقى ناحية تانيه تدهورت لانها مش بتمسح الحاجه السلبيه الى جواك دى بتعيد الكتابه عليها و كمان لما انت حتى بتقول لنفسك الكلمات انا غنى جدا انا سعيد الآن العقل الباطن بيسمعه و يقارنه بالحقيقه ميلاقيهاش فبيجذبلك الوضع الى انت عليه يزداد اكتر
ثانى حاجه انه بيقول كأنه عايز يقولك بأختصار انت مجنون ازاى انت يائسه كده و بتقول انا غنى العقل الباطن بردو يا جماعه له طريقة جذب و مفاهيم خاصه بيه فأبعد تماما عن التوكيدات عشان تلاقى النتايج الى انت عايزها ان شاء الله و متلاقيش نتايج عكسيه
زى ما بقولك تانى التحرر اول خطوه و ثانى خطوه ان شاء الله التحديد و بعد كده المعايشه الداخليه ده فى اول مره و بعد كده ان شاء الله تبدأ تعمل معايشه داخليه كل يوم عشان اكمل معاك خطوات سيدونا اذا انت قررت تستخدمها و ان اول حاجه سيدونا على شعورك بوجه عام ناحية الهدف ثانى حاجه الشعور ناحية الهدف انك لسه متجوزتي لغايه دلوقتى ثالث حاجه سيدونا على رغبتك فى الزواج بعد كده سيدونا على اى مقاومه جواك كان فى بنت قبل كده جاتلى كانت عايزه تتجوز بس اكتشفت انها جواها مقاومه انها تسيب بيتها او تتشارك مع الأخرين دى مقاومه داخليه اكتشفتها هى ماكنتش عرفاها انت بردو دور على اى حاجه بتتقال جواك تعرف ازاى المقاومه دى ؟ انك لما بتقول هدف لنفسك تبدأ تقوله بالصيغه دى انا اسمح لنفسي ان اكون زوج انا اسمح لنفسي ان امتلك المال بتقولها لنفسك بصوت هادى و بتشوف نفسك بتحقق الهدف ده و تشوف الحاجات السلبيه الى بتتقال جواك ايه استحاله صعب انت مش هتحب الكلام ده كله دى رؤوس المعتقدات الىتقدر بعد كده تتحرر منها بسيدونا فى المراحل المتقدمه ان شاء الله
انا عاذرك و عارف ان ممكن الكلام ده يكون بالنسبه ليك لوغرتمات عشان كده مبحبش اتكلم عن سيدونا لما بتكلم عنها مبعرفش اوقف الكلام عن سيدونا فبعتذر جدا لكن زى ما قولتلك انا مش هاسيبك المقالات كلها عندك على امير نفسك
ثالث خطوه زى ما قولت سيدونا على المقاومه الداخليه لأى هدف انت عايزه انت هتحس بأيه لو محققتش الهدف
بعد كده سيدونا على الخوف الداخلى او اى خوف متعلق بالهدف
انا عارف ان سيدونا ممكن تكون دلوقتى مش فاهمها لكن ان شاء الله مع الأيام هتلاقينى ببعتلك مواضيع عن سيدونا ممكن خلال يوم او يومين هتلاقى كل مدارس السيدونا مبعوته ليك ان شاء الله وا ان بنصحك انت لو عايز تغير حياتك تبدأ انت تدخل على امير نفسك و تدور على كل حاجه متعلقه بالتحرر و سيدونا و قانون الجذب عشان اقول بأختصار استخدام قانون الجذب لتحقيق الاهداف 3 طرق اول طريقه فك الأرتباط و تنقسك لشقين
1: انك تنسي الهدف او تعمل معايشه عكسيه للهدف
2: مقاومه البراديم و هى مقاومه الظروف السلبيه لاى بتظهر حوالك او جواك
اول طريقيت دول الى هما فك الأرتباط و مقاومه البراديم منصحكش بيهم نهائي لأن اول طريقه صعبه جدا
ثانى طريقه مقوامه البراديم انت بتقاوم نفسك و دى نسبه نجاها 3 %
ثالث طريقه و دى افضلهم هى تغيير المقاومه نفسها تغيير الشيء الى بيقاومك و تخليه فى صفك الى هى عن طريق التحرر الى بنتكلم عنه و دى مشكلة 99 .9 من الناس زى ما قولنا اول التسجيل الناس بتبدأ بدايه غلط جواها معتقدات سلبيه تبدأ تعمل معايشه لحاجه هى عيزاها ايجابيه فده بيصطدم بده طبعا اى حرب مع العقل الباطن هى خسرانه انت بتحارب ما لا يقل 90 او 95% من نفسك طبيعى بتخسر قليل اوى اوى النجاح بيكون 3% و ده مش كلامى انا كلام الناس الى ديما يحطو هدف و العزيمه و الحاجات دى و العزيمه جويسه و كل حاجه بس ليه تحارب انت ممكن تكون الى بتحاربه ده يكون بيساعدك كمان
مش عايز اقول ان فيلم السر كان فى حاجات غامضه و فعلا هو فى حاجات ناقصه و ده مش كلامى ده كلام الجمهور الى اشاد فيه انا شخصيا معرفش هما نفسهم بيقولوا انه كان ناقص كتير جدا بل انه اختوى على معلومات غلط و ممكن بعد كده نتكلم ليه انه محتوى على معلومات غلط مش بمزاجهم كان فى ضغط عليهم
اتمنى تكون استفدت انا حاولت اتكلم بسرعه على اد ما اقدر عشان التسجيل ميطولش مع انه محتاج فعلا وقت كبير عشان كده ممكن تكون حسيت انى بتكلم بسرعه او بجرى فى الكلام عشان اقدر اديك اكبر فايده فى اقل وقت ممكن عشان انا عارف ان البراديم بتاعك ممكن يكون بيقولك متسمعش فعشان كخطوه تتغلب عليه ولو بشكل مؤقت عشان كده اتكلمت بسرعه و اتمنى اكون وصلتلك المعلومه بأذن الله
و معنى انك وقت للدقيقه دى فى التسجيل ده انك مصمم على تغيير حياتك و انك بأذن الله هتنجح ان شاء الله
تحياتى ليك و اشوفك فى امير نفسك بأذن الله
بالتوفيق
فيصل عبد الواحد
ما هوا سعر الكورس