اهلا بيك مره تانيه معاك فيصل عبد الواحد و تسجيل جديد من تسجيلات امير نفسك
النهارده هكمل نفس الطريقه الى قولتها التسجيل الى فات حاجه جديده من سلسلة اسرع تحرر يعنى حاجه بسيطه كده ليه انا عملت السلسله دى ؟ لأن اتكلمت عن التحرر كتير جدا و عن سيدونا كتير جدا و مع كتر الكلام الى قولته و الكورسات الى عملتها لكن بردو بلاحظ ان الاسئله بتتكرر بلاحظ ان الناس بتكرر الحاجات و عايزه السهل رغم ان التحرر سهل جدا بس ديما على اد ما اقدر ببقى عايز اسهل الحكايه اكتر فعملت طريقه اسرع تحرر دى و طريقه بسيطه جدا هتلاقى اللينك عندك تحت ازاى تتحرر و بسرعه و تشوف نتايج داخليا و خارجيا و متهيألى من الرسائل الى جاتلى حوالى كلها بفضل الله انا مش عارف كام واحد جرب الحكايه و بفضل الله كل الرسائل الى جاتلى بلا استثناء شافوا نتايج الحمدلله داخليا و خارجيا
فالنهارده هتكلم عن اسرع تحرر مع التحكم فى الوزن او بشكل محدد هو سواء انك عايز تزيد فى الوزن او تقل فى الوزن اى كان
نفترض مثال هنتكلم عنه النهارده بنت مثلا عندها مشكله فى الوزن او مشكله فى الجسم عايزه تخس مثلا فالقصه بتاعتك هى ان لما بفكر فى نفسي بحس ان انا وزنى زياده او تخينه او سمينه او اى كان اللهجه بتاعتك كده او كده بحس ان انا شكلى مش عاجبنى بضايق من شكلى بضايق من نفسي بضايق من اللبس الى انا بلبسه بحس ان الناس بتبصلى بصه مش كويسه و ديما يقولوا عليا تخينه و بكره نفسي كده و نفسي " ندخل فى تفاصيل الحاجات الى عملتيها قبل كده زى الدايت "
عملت دايت كتير و رياضه كتير لكن ماكنش فى فايده و بتعب على الفاضي و مكنتش بشوف نتيجه و انا كرهت نفسي و ننفسي اوصل لحل و الحياه كده ممله و انا خايفه افضل كده يجيلى امراض و نفسي اغير فى نفسي عشان كده الحياه متعبه الى اخر القصه دى
و القصه دى طبعا كلها احوال و صفات طبعا احنا هنعمل طريقه اسرع تحرر مع حاجات بسيطه هنقولها فى الآخر
مع طريقه اسرع تحرر اتعلمنا اننا بنكتب القصه و نحط خطوط تحت الصفات و الاحوال فهنا الصفات كتير جدا مثلا ان انا مش حابه نفسي و انها شايفه نفسها تخينه و دى هنا حتى صفه طيب يا فيصل ماهو انا عندى وزن زياده ماهو انتى عندك وزن زياده عشان حصل من فتره كده شهر او شهرين سنه او سنتين بدأ يحصل حاجه صغيره زياده فى الوزن كيلو او اثنين فركزتى على ده و ممكن تكونى وقتها مكنتيش تخينه فعلا فبدأتى تقولى لنفسك انا تخينه و تحسي انك تخينه فده بدأ يحصل
فالمهم تخينه دى فى حد ذاتها بردو صفه هنحط خط بردو تحت دى و تحت مثلا انك بتكرهى نفسك و ان الناس بتبصلك بصه مش كويسه تحت كلمه مش كويسه و انك مش طايقه جسمك و انك مضايقه تحت كلمة مضايقه من اللبس الى انتى بتلبسيه و شكلك مش كويس تحت كلمه مش كويس هتلاقى القصه دى مليانه احوال و صفات و نفس الحكايه بردو ان انتى الدايت الى عملتيه قبل كده مش مفيد او مش نافع كل دى صفات و احوال الى اخر القصه بقى وان الحياه ممله او متعبه اوز كلمة عندى اكتئاب كل دى صفات و احوال هنشد تحتها خط و زى ما قولنا قبل كده هى دى المعتقدات الى هى السبب فى الى انا فيه اولا
ثانيا ان الحكايه تستمر
فهتحرر من الصفات و الاحوال دى بأى تقنيه تحرر و انا بفضل سيدونا طبعا زى ما بقول فى كل فيديو فهستخدم سيدونا سواء الترحيب او الثلاث اسئله او الاثنين مع بعض مش هتفرق كتير و اعمل كده لغايه ما اقول قصتى و انا مبحطش اى صفه او حال من الى انا حطيت تحتهم خط قبل كده لو انا حطيت مثلا خط تحت 30 صفه لغايه ما اوصل لدرجة انى اكتب القصه دى و مش لازم كل مره تكتب على فكره احكى القصه فى صورتها الحقيقه بدون ما احط عليها الصبغه دى او الصفات او الاحوال دى و هنا بأذن الله هبقى وصلت لمرحلة انى اتحررت من المعتقدات دى تماما
طيب انا عايز اديك هديه بسيطه كده مع الحكايه دى تبدأ تعملها كمان تفيدك فى الوزن و تخليك تنزلى بشكل اسرع فى حاجه اسمها نقطه الشبع و دى كلنا نسيناها يعنى ايه ؟؟
نسبه كبيره جدا من الى عندهم مشاكل فى السمنه او الوزن الزائد بياكلو و هما مش عايزين ياكلوا مثلا عايزك تبدأى تراقبى نفسك و انتى بتاكلى هتلاقى فى نقطه معينه بتيجى عندها و بتشبعى و كل الأكل من بعد النقطه دى روتين معتقد شغال عايزك تاكل سواء عشان عايزه تاكلى عشان متسبيش حاجه قدامك او تخلصى الاكل كله عشان محدش يزعل منك او عشان طعم الاكل حلو و فى ناس بتحب تاكل على فكره عشان متتعبش انها تغسل الاطباق بعدين
المهم شوفى نقطه الشبه بتاعتك فين و على اد ما تقدرى اما تيجى عند النقطه دى مش هاقولك احرمى نفسك من انك تاكلى اسألى نفسك السؤال ده هل انا اقدر اقف دلوقتى ولا انا كمان عايزه اكل ؟؟؟؟ انا دلوقتى شبعت اقدر اوقف عند النقطه دى سواء كان نصف الطبق او ثلاث اربع الطبق او ربع الطبق اى كان
هل انا اقدر اوقف عند النقطه دى ولا حابه اكمل كمان ؟؟ لو انت حاسس او انتى حاسه انك عايزه تكملى اتحررى من الرغبه دى لأن بنسبه كبيره جدا بتبقى رغبه مش حقيقه فتحررى من رغبتك ان انتى تكملى اكل حتى بعد الشبع و بعد ما تتحررى اذا عايزه تاكلى كلى انا الى بقولك مافيش مشكله خالص ليه ؟؟
لان هنا هبقى خلاص شيلت الرغبه و الدافع ورا انى اكل الى بتخلينى اكل فواحده واحده كده كده الرغبه هتنعدم اولا
ثانيا احساس الذنب الى هيجى بعد كده مش هيجى اذا اتحررى فعلا من الرغبه دى
فنعمل اسرع تحرر الى عملناه من شويه و هنبدأ نعمل الخطوه دى بتاعه نقطه الشبع دى بأذن الله شوف النقطه الى بتقف عندها و اسأل نفسك السؤال ده انا كده شبعت و اكتفيت ولا عايزه اكمل كمان ؟ واذا لقيت انك عايز تكمل اتحرر من الرغبه دى و شوف لو لسه بعدها عايز تكمل كمل اكل مافيش مشكله
طبعا فى حاجات كتير ممكن اديهالك فى التخسيس و كلها بالتحرر بأذن الله بس مش عايز اشتتك انا ديما بحب اديلك الختصر المفيد الى يجيب اسرع نتيجه بأقل حاجه بتعملها لذلك لو عددتلك الاجراءات او الطرق الى تعملها هتحس ان انت فى حاجات كتير اوى و مش عارف تعمل منها ايه فببساطه الحاجتين دول بس اسرع تحرر و نقطه الشبع الى قولتلك عليها
ارجو ان شاء الله مكنتش طولت عليك فى التسجيل ده و اشوفك فى تسجيل جديد ان شاء الله
فيصل عبد الواحد
امير نفسك دوت كوم