ازيك عامل ايه اهلا بيك مره تانيه معاك فيصل عبد الواحد
امير نفسك دوت كوم
و بمناسبه امير نفسك دوت كوم فى ناس كتير جدا على الصفحه مش عارفه ان فى اصلا موقع رئيسى قبل الصفحه سنين اسمه امير نفسك دوت كوم
مش عارف انت عارف ولا لأ بس بقالى فتره بتكلم عن حاجه اسمها اسرع تحرر او اسرع تحرر ممكن تشوفه الحقيقه انا كنت ناوى و دى حقيقه ان اعمل كورس خاص اسمه اسرع تحرر و كان هيبقى كورس مدفوع و كنت هتكلم فيه عن كل الأجزاء الى اتكلمت عنها قبل كده بالأضافه للجزء النهارده بتاعنا كمان و فى حاجات كمان ان شاء الله قدام هتكلم عليها فكان هيبقى كورس مدفوع و متهيألى الناس لو انت بتتابع ردود الناس الى طبقت فعلا فى ناس جذبت الحمدلله فلوس و فى ناس جذبت زواج و فى ناس سددت ديون بفضل الله وحده الحمدلله
فالنهارده هنتكلم بشكل موسع شويه عن جزئيه اسرع تحرر ممكن تشوفه دى و هنخصصها على حاجه بشكل مختلف نوعا ما
فالأول عشان انا بردو عايز اعمل حساب ان ممكن حد لان التسجيل ده بالذات انا اتوقع انه هينتشر انتشار كبير و هتعرف ليه بأذن الله لما هتسمعه فعشان كده هتكلم عن اسرع تحرر لى لسه بيسمع التسجيل ده اول حاجه بيسمعه ليا او اول حاجه بيسمعها فى سلسله اسرع تحرر بوجه عام
بأختصار اسرع تحرر يعنى او الطريقه الى نسستخدمها فيه بتكتب الحاجه الخاصه بالهدف سواء الزواج او قصة حياتك او مقامه او تسديد الديون او اى كان الحاجه الخاصه بالمشكله بتكتب القصه دى الموضوع ده اوالمشكله دى ورقه و قلم يفضل و بعد ما بتخلص بتحط خط تحت كل صفحه او حال
مثال مثلا لتسديد الديون مثلا واحد بيوصف مشكلته انا مشكلتى ضخمه جدا هى ان انا عندى او عليا ديون متعبه و الموضوع ده عاملى مشاكل و بيسببلى حزن و حياتى واقفه الى اخر المشكله فالصفات هنا و الأحوال كتير مثلا كلمه ضخمه و كلمة حزن و كلمة متعبه و الكلام ده كله المهم بعد ما بتخلص و على فكره فى ناس بتكتب صفح مش مشكله طبيعى جدا انك تكتب حاجات كتير لان الحكايه دى متراكمه عندك بقالها سنين
المهم الأحوالاو الصفات الى انت بتحط تحتها خط دى هى المعتقدات الى اولا كونت المشكله دى
ثانيا هى الى بتخلى المشكله دى مع المقاومه هتلاقى فى مقاومه انت كتبتها طبعا هى الى بتخلى المشكله دى تزيد و تستمر فالطريقه بتاعة اسرع تحرر ممكن تشوفه ميزتها ان هى لما بتلم كل المعتقدات بفضل الله وحده المؤثره على الموضوع ده مره واحده و بتتحرر منها بفضل الله و بتخلص من الموضوع كله فى التقنيه نفسها فالتقنيه شامله ان هى بتطلع المعتقدات بأستخدام اى تقنيه للتحرر طبعا و مش بتحتاج انك تفكر كذا مره او تعمل اى خطوه بعد كده وكمان عشان لامه المعتقدات دى كلها مع بعضها فى وقت قليل بتشوف نتيجة قويه جدا بفضل الله
فدى كانت بأختصار و بردو هتلاقى تحت سواء انت بتسمع ده على الساوند كلاود او الفيس او على اليوتيوب هتلاقى ده للشرح الرئيسى للتقنيه دى فالمهم اسرع تحرر ممكن تشوفه تانى ميزتها ان هى بدون ما تدخل فى حالات الفا او سيتا او دلتا يعنى طبعا احترامى للجميع يعنى فى تكنيكس معينه بتستخدمها علشان تطلع المعتقدات لازم تدخل فى حاله عقليه معينه زى مقلا حاله الفا او سيتا و فى مثلا حاجات تانيه الحاجات دى كلها بتتضمن تأثيرات معينه عشان تقدر بس تحدد المعتقد و بعد كده تبقى تغيره
انما طريقة اسرع تغير ممكن تشوفه بتحددها فعلا و انت موجود و انت هنا يادوب بس بتحكى المشكله و بتحط خط تحت الصفات و الأحوال لان زى ما قولتك هى دى المعتقدات الى انت شايف منها المشكله
الى بعمله بعد كده الجزء الثانى ان انا بتحرر من المعتقدات و الاحوال دى بأى تقنية تحرر و انا بنصح ديما بسيدونا عشان اسهل و اسرع و بمناسبه سيدونا مش ترحيب و الثلاث اسئله سيدونا ترحيب او ثلاث اسئله او الاثنين مع بعض انت حر تعمل الأريح ليك
فبس و بتتحرر بغايه ما توصل لمرحلة ان انت تقدر تحكى القصه دى من غير ما تقول الصفات و الأحوال دى مش كل ما تتحرر تكتب عشان فى ناس لو كتبت خمسين صفحه يعنى كده هكتب خمسي مره على الأقل لأ
اتحرر لغايه ما تحس ان انت خلاص اتحررت من كل الصفات و الأحوال دى و احكى القصه مع نفسك او اقرأها حتى مع نفسك لغاية ما توصل انك مبتقولش الصفات او الاحوال دى بأذن الله
الى انا عايز اعمله النهارده احنا اتكلمنا عن اسرع تحرر ممكن تشوفه لتسديد الديون و اتكلمنا عن الزواج و عن المقاومه و عن قصه الحياة على ما اذكر و ان ماكنتش غلطان اتكلمنا كمان عن الوزن فالى هتكلم عنه النهارده متشابه شويه مع جزئيه الديون لكن هنفصل شويه او هنختلف بشكل مفيد
انا حابب ان الجزئيه دى او الطريقه دى اعلمها للناس عشان بفضل الله وحده لقيتها سهله على الناس كتير و انا اهم حاجه انى بحب اسهل لو انت متابعنى هتعرف ان انا بحب السهل ديما لان انا شخصيه بحب السهل فبحب اسهل على الناس فلقيت الطريقه دى بفضل الله الناس تقبلتها جدا جدا و جابت اسرع نتيجة بفضل الله فحبيت اسهلها اكتر
الى احنا هنعمله ان انا عايزك تتمكن من الطريقه دى لدرجة ان انت تقدر تستخدمها لأى حاجه محدده
تانى عايزك تتمكن من الطريقه دى بفضل الله وحده لدرجة ان انت تقدر تستخدمها لأى حاجه ( محدده ) يعنى ايه محدده يا فيصل يعنى و ليكن على سبيل المثال 10آلاف ريال .. 10 آلاف دولار.. اى كان ألف ألفين 100 ألف مليون المبدأ واحد و بعد كده ان شاء الله فى كورس عندى الى هو كيف تجذب 1000 دولار بدون تحديد المعتقدات ده موضوع تانى انا بتكلم عن طريقة اسرع تحرر ممكن تشوفه ازاى اخصصها يا فيصل ؟؟
لو انا عايز مثلا 10 آلاف ريال او 10 آلاف جنيه هنعمل حاجتين
اول حاجه تستخدم طريقة اسرع تحرر دى على الوضع المادى الى انت عايشه دلوقتى هتكتب الوضع الى انت عايشه و تحط تحت كل صفة او حال خط و تتحرر من الصفات و الاحوال دى بأذن الله طبعا هتلاقى نفسك كتبت رغبات و كتبت مقاومه و كتبت ان انت خايف ميحصلش كذا و كتبت انانت ...
كل الحاجات دى هتكتبها لوحدك لذلك بقولك التقنيه دى لامه وشامله حاجات كتير جدا تحتها بفضل الله رغم بساطتها بفضل الله وحده فأول خطوه ان انت بتكتب او بتبقى القصه الى بتعملها وضعك المادى الى انت عايشه حاليا تكتبه و خد وقتك و خد ايامك مش مشكله و حط خط تحت كل صفه او حال و اتحرر منهم بأذن الله لغاية ما توصل انك تقدر تقول القصه دى بدون الصفات و الاحوال الى انت كتبتها اتحرر بسيدونا و الهوبونوبونو والتقنيات كتير اوى استخدم الى انت عايزها
الناس بتقول انت عملت كده عشان تخصصها على سيدونا يا سيدى انت حر انا اديتك الحل و عايز تحط الى انت عايز تحطه عليه انت حر دى حاجه ترجعلك انت فدى اول حاجه
عشان نراجع مع بعض اول حاجه هتعلمها بتقنية اسرع تحرر ممكن تشوفه هى ان انت هتكتب الوضع المالى الى انت عايشه دلوقتى جميل وطبعا تحط خط تحت الصفات و الاحوال و اتحرر منها ان شاء الله
تانى حاجه هتكلم عن موضوع ال10 آلاف ريال ده ليك القصه بتاعته بالنسبالك انا ايز ال10آلاف ريال دول عشان كذا و هما بالنسبالى مثلا الحل الوحيد و (الحل الوحيد ) بردو فى حد ذاتها صفه و هتكتب الألف دولار دول بيمثلوا ليك ايه و ان انت متعلق بيهم الى آخر القصه دى و بردو هتتحرر من الصفات و الاحوال دى و انا بردو بنصحك و تانى انا بنصح بسيدونا لان هى افضل طريقة بفضل الله و اسهلهم و اسرعهم فى التأثير لغايه اما تخلص الخطوه التانيه ان شاء الله و تقدر الكلام الى انت كتبته ده بدون الصفات و الاحوال دى بس كده عملت الى عليك بالبساطه دى و بالسهوله دى
الحقيقه انا كنت عايز اوقف اسرع تحرر لغاية النهارده لان اتكلمت هو الكورس كان هيبقى شامل كده الشرح العام بتاعها و تخصصيها لتسديد الديون و الوزن و العلاقات الى هى الزواج يعنى و قصة الحياه و المقاومه وبفضل الله احنا فعلا عملنا الحكايه دى و زودنا كمان الحكايه دى الى هى جزئيه الهدف المخصص الى هو اى كان 10 آلاف ريال او دولار دى حاجه ترجعلك
بفضل الله كده الكورس خلص كورس اسرع تحرر ممكن تشوفه هو كان المفروض يبقى كورس مدفوع كان هيبقى ب497 بس لما انا حطيت المقدمه بتاعته و لقيتها مفيده للناس قررت بفضل الله و حطيته كله مجانا ببلاش فعايز اوقف لغايه هنا مش عشان حاجه تانيه الا انى عايزك انت تبدأ خلاص تمكنت من التقنيه دى ابدأ انت بقى وانا بقولك و اعنى كل كلمه بقولها استغنى عن فيصل عبد الواحد تانى استغنى عن فيصل عبد الواحد انا مش بعلمك و مش بدرلك و مش بديك تقنيات عشان متقدرش تعيش من غير فيصل و مش عشان تبقى فيصل عبد الواحد 2 او رقم 2 انا ده مش هدفى ولا انك تبقى مرتبط بيا و متعملش حاجه من غيرى
خلاص انت النهارده بفضل الله انا عملت النهارده التسجيل ده و طولت عشان تتمكن من الطريقه دى و تبدا تستخدمها على الى انت عايزه فى حياتك فتبدا من دلوقتى تستغنى عن فيصل عبد الواحد و التفت لحياتك و ابدأ طبق بقى معدش دلوقتى عندك أى حجه طبعا الناس الى لسه بتسمع التسجيل ده لاول مره و متعرفش يعنى ايه تحرر فى كورس اسمه العيديه اتكلمت عنه بالتفصيل و هتلاقى بردو على قانة بتاعتى على اليوتيوب حاجات كتير جدا عن التحرر و عن سيدونا و هحط لينكات ليها تحت و بردو صفحه امير نفسك مليانه و امير نفسك دوت كوم مليان
هتلاقى حاجات عن سيدونا من زمان اوى باللهجه العاميه من 2010 او 2011 كانت كل المقالات باللغه العاميه هتلاقى حاجات باللغه العربيه الفصحى هتلاقى حاجات كتير جدا بأذن الله عن سيدونا بس و عن eft
و عن التحرر بوجه عام و عن الجذب و الحاجات دى
كده الكورس بأذن الله الى هو اسرع تحرر ممكن تشوفه خلص عايزك تبدأ بقى خصص الى انت عايز تخصصله و تتمكن من التقنيه دى ومعدش ليك اى حجه و بأذن الله اشوفك قصة نجاح قادمه بأذن الله و ارجو ليكو التوفيق بأذن الله
فيصل عبد الواحد
امير نفسك دوت كوم