بسم الله و الصلاة و السلام على سيدنا محمد رسول الله عليه ة على آله الصلاة و السلام وعلى جميع انبياء و رسل الله نبيا نبيا و رسولا رسولا الصلاة منا و الصلاة
فيصل عبد الواحد معاك و النهارده عارف انى هتكلم عن حاجه هتزعل ناس كتير خاصة و ان هو علم منتشر و فى ناس كتير جدا بتتكلم فيه لكن يعنى انا زى ما اتعودت ديما مبحبش اغير فى آرائي عشان اما ربنا يعلمنى حاجه او اكتشف حاجه مبحبش اغير فيها عشان ارضي حد
يعنى ربنا اما بيكشف لحد حاجه و الحد ده بينكرها او بيخاف يطلعها عشان خوفا من الناس او عامل للناس حياب بيبقى عقابه عند ربنا كبير يعنى
فموضوع الأبراج قبل ما نتكلم صح ولا غلط انا بس حابب اقول حاجه عشان فى ناس كتير هتقولى انت متفهمش حاجه فى الموضوع و انت معندكش خبره
خلينى اقولك ان انا قضيت سنين طويله جدا فى موضوع الأبراج ده لما كنت لسه فى ثانوى عام و قرأت فيه كتير و عملت فيه حسابات كتير و الطالع و الصاعد و الدائره الفلكيه دخلت فيها فتره و كان فى فتره فى حياتى كنت مبشيش الا بتوقعات اليوم يعنى اعرف ايه الى هيحصل النهارده عشان اشوف اليوم بتاعى هيمشى ازاى و اخططله ازاى
حتى و انا صغير فاكر ان اول مره اسمع عن ابراج فى حد اعرفه كان مهتم و كده فكان بيجيب كتب كتير عن الأبراج كنت مهتم و كده و سألت انا برج ايه قالولى الجوزاء فخدت كتاب برج الجوزاء و انا فاكر الموقف كويس و الى كانو حواليا كانو بيقرأو فى الكتب و مهتمين اوى فأنا قرأت الكلام ده كان اول ذكرى بقى خالص كنت و انا فى ابتدائي صفات برج الجوزاء و انا بقرأ الى قرأته بقى انه مينفعش يكون قائد لكن بيعرف يوصل المعلومات و انه بيحب اللون الأسود و شخصيتين مختلفتين و الكلام ده
ف و أنا بقرأ الكلام فى حكايه انه مينفعش يبقى قائد و الحاجات دى كنت بصدقها عن نفسي انا كنت بصدق عن نفسي انى مينفعش اكون رقم 1 فأقنعت نفسي وقتها و انا فاكر ان انا اه الكلام المكتوب ده بيوصفنى فعلا ده مكنش صح بس كنت بعيش انه يبقى صح ده أدى الى ايه ادى الى فتره طويله جدا فى حياتى فى اى حاجه كنت ادخلها حتى لو بحبها و متميز فيها جدا مكنتش ابقى فيها رقم 1 مثلا و انا صغير كنت بحب الأنجليزى جدا فعشان انا مقتنع انى عمرى ما هبقى رقم 1 عشان انا خلاص اتولدت كده و دى حدودى و خلاص اتولدت كده و مينفعش ابقى رقم 1 رغم انى كنت متميز جدا جدا فى الانجليزى و انا صغير بس مهما تميزت و اجتهدت و ذاكرت كنت بوصل انى اكون اقصي حاجه الى هى رقم 2 مكنتش اجيب الدرجه النهائيه ابدا مثلا لو من 20 كنت اجيب 19 او 19 نصف و كان فى بنت معانا فى الدرس كانت هى الى تجيب 20 و قيس على ذلك كل حاجه فى حياتى
و لما كبرت شويه عرفت ان فى حاجه اسمه البرج الشمسي و البرج القمرى و الدائره الفلكيه و ان انت بتتأثر بكل الأبراج الى اخر هذا الكلام فأنا دخلت فيه و تعمقت فيه جدا جدا لكن الى اقدر اقوله لك من الى اتعلمته او اكتشفته انه اولا و اخيرا حد من الحدود الى احنا بنختار نعيشها و نفرضها على نفسنا
لما انا بقى ربنا شاء بيا خير و بفضل ربنا وجهنى للى انا فيه حاليا و عرفت ان كل الأفكار حتى فكرة انا برجى الجوازء دى فكره انت ممكن حتى تغير تعيش بصفات اى برج تانى حتى لو انت اكتشفت انك اول مره تسمع عنه
فلو هنتكلم عن حاجه منقجرش نشوفها دلوقتى الا بحاجات خاصه انت الفكره ان انت قبل ما تيجى الدنيا دى اختارت تعيش حياه معينه و لأنك اختارت تعيش حياه معينه اختارت تتولد فى يوم معين و بشكل معين تيجى الحياه من بوابه معينه بمواعيد و ازمنه محدده لكن عشان تلعب دور ان انت شخص محدود شخص محدد ان انت محدد بصفات معينه و بتواريخ معينه ان انت فى حاجات بتتحكم فيك ان انت اذا انت برج الجوزاء فمينفعش يمشي معاك برج كذا و الى يمشي معاك للزواج برج كذا الاصدقاء برج كذا و اكتر برج يبقى فيه مشاكل بينك و بينه هو برج كذا فهو حتى السؤال بسيط سؤال بسيط الحاجات دى موجوده فى وعى مين ؟ مين الى مدركها ؟ مين الى مدرك الحاجات دى ؟ هل زى ما ديما بقول هل المليون جنيه عارف ان هو مليون جنيه ؟ و انا عارف ان ناس كتير هتعارض و تقول لأ فى طاقات بتأثر فيك
الطاقات مش بتأثر فيك انت فاتح بالفعل باب ان انا ممكن اتأثر لكن الجقيقه السؤال المهم ايه هنا هل انا فعلا بيتحكم فيا كواكب و نجوم ؟ هل عشان برج دخل فى دايره معيه هيغير حاجات فى حياتى ؟
طيب سيبك من كلام فيصل هو انت جيت هنا و كل حاجه تشتغل عندك انت جيت الدنيا دى عشان كل حاجه تشتغل عندك خلينا نشوف كلام ربنا " و سخر لكم ما فى السماوات وما فى الأرض جميعا منه " و سخر الى مش عارفها يعنى نخليها تحت امرك مش العكس مش النجوم و الكواكب تتحكم فيا لأ ده هماكلهم تحت امرى و انا الى بتحكم فيهم
اذا الحاجات دى مش بتتحكم فيا ربنا بيقول اهو مش بس الى فى الأرض و مش بس الى فى السما الأولى و ما هنا تفيد الشمول يعنى الناس الى دارسه اللغه العربيه تقولى انه ربنا استخدم ما عشان تفيد الشمول و العموم
لكن عشان تكتشف ده عشان بقى نبدأ نشوف كلام فيصل صح ولا غلط محتاجين بقى نبدأ نفكر فى نفسنا و نشوف هل انا فعلا مجرد انسان محدود احنا اتعلمنا من استاذتنا و للأسف من شيوخنا ان انت انسانلا حول لك ولا قوة فده اسس جوانا فكرة و حط جوانا استعداد ان اه مش بس الدنيا بتتحكم فيا صحابى و حياتى و بيحصلى حاجات و انا ضحيه ده كمان الى فوق بقى ده كمان السما بلى فيها النجوم و الكواكب بتتحكم فيا
فأنت عشان عايش الدور ده بيتهيألك ان الحاجات د بتتحكم فيك لكن الحقيقه ان انت بتيش فى احاسيس معينه و الاحاسيس المعينه دى اداوات من ادوات الخلق انا مش عايز اعقد الدنيا و اقول ترددات و اهتزازات و الكلام ده بس المهم عشان انت بتعيش احاسيس معينه و افكار معينه انت الى بتأثر فى النجوم و الكواكب و انت الى بتحركها
مثلا انت عايش احساس الاكتئاب على طول الناس لما بتلاحظ الحاجات الى فى السما و الكواكب و كده لاحظت ان فى كوكب اتحرك فى مدار معين فكانت بتلاحظ اتحرك فى مدار معين و الشخص ده مكتئب او الأشخاص الى بينتموا لأيام معينه حصلهم اكتئاب فقالو اه عشان الحاجات دى اتحركت الاشخاص دى اتأثرت لكن الحقيقه العكس
الناس دى بردو الى مانت بتراقب و عايزه تفهم و تحط علم الابراج كانت محدوده و كانت عايشه فى فكرة او فى دور ان الكيان محدد و محدود يتأثر فراقبت من المنطلق ده فعمرها ما تفكر ابدا ان هى عشان مواليد وقت معين الى هما ربطوها بيها بقى عشان حسوا احساس معين مثلا اكتئاب او العكس او حسوا بالحماس فده خلى حركه معينه فى الكواكب تحصل هما فكرو العكس عشان حركه فى الكواكب حصلت ادى الى ان انت النهارده يا برج الثور انت يوم سعدك النهارده و سعاده عشان برج المشترى داخل فى مدار الشمس و تعامد على .... اذا الناس فهمت العكس خالص سبحان الله
عشان كده كان فى ناس ديما بتسألنى ايه اكتر كتاب بتحب تقرأه و بقول القرآن مش بجامل او عشان الناس تصقفلى انا واخده ككتاب علمى مس بس كتاب دينى او تشريعى
فى حاجات اذا انا قرأتها و مجادلتش بيها و متقيدتش بتفسير الى قبلى مع كامل احترامى لكامل الأسماء هتعلم حاجات عن الكون و حاجات مش باينه ليا دلوقتى هتعلم حاجات حتى لو متضاده مع الناس ماهو دلوقتى الناس بتقول حاجه و القرآن بيقول حاجه لأ يبقى هنسي كلام الناس ده خالص
هى دى الحقيقه ان انت بتحس احساس ما بيؤدى لتغيير فلكى مش التغيير الفلكى هو الى بيؤدى لأحساس ما عشان كده ناس كتير جدا فى توقعاتها انا فاكر ان كان ناس كنت شوفت فيديو قبل كده عن توقعات 2020 قالو هتبقى سنه جميله و سعيده جدا هما معذورين هما شافوا حركه معينه لكواكب و نجوم و قالو اه الحركه دى معناها ان فى خير جاى لقوا العكس و احنا كلنا عارفين 2020 فيها ايه طبعا
فأنت حر عايز تعيش بالحد الى انت عايزه عايز تعيش فى حد معين عشان انت برج معين بأسم معين بتاريخ ميلام معين عيش بده بس اعرف ان هو محدود و اعرف ان فى اى ثانيه ممكن تتحرر من اى صفه ممكن تتحرر من صفة مثلا فى برجك انك عصبى ممكن تتحرر من صفة مثلا ان انت بخيل مثلا او ممكن تتحرر من انك مثلا بتخاف كل دى صفات بحب اسميها مش قناعات اقتناعات عن نفسك انت عندك اقتناع ان انت بتخاف اذا اتعاملنا مع القناعه دى او الاقتناع دى ناس كتير جدا بتجيلى و تتحرر من الحاجات دى ما انت كده بتتحرر من الصفات الخاصه بالبرج ده اذا قيستها بقى و اتحررت من كل حاجه خاصه بالبرج ده هتكتشف ان كل دى صفات و انا كنت عايش بيها
يعنى لما توصل كده بأذن الله و تشوف و تدرك ذاتك و حريتك احساس رهيب جدا و جميل جدا انك تقدر تتحكم فى اى حاجه و هنا السؤال يعنى يا فيصل انا الى بتحكم فى الكواكب ؟
هنا هنرجع تانى للجمله الى قولناها اول ما بدأنا ان انت عندك يقين انك محدود اوى انت متعرفش قيمتك متعرفش ربنا خلقك ايه متعرفش حقيقتك انت عايش فى دور انك لا حول لك ولا قوة و انا اسف فى اللفظ غنمه من ضمن الأغنام ماشيه لكن لو عرفت قيمتك و عرفت ان ربنا عايزك انت فى العلاقه خاصه بينك و بينه هتعرف قدرك و تبدأ تشوف فعلا الحاجات دى بتتحرك الكواكب دى بتتحرك لأستجابه ليك مش انت الى بتتحرك استجابه ليها او حياتك بتتبدل استجابه ليها فوق من الوهم ان انت حد محدد و انا اتكلمت دلوقتى بس عن جزئيه الابراج لكن فى حاجات كتير اوى كمان مش حابب اتكلم عليها النهارده هتاخد وقت و ليها استعداد معين يعنى رغم انى قولت كلام بسيط اهو لكن ناس كتير متأكد انها هتعارضه و ده حقهم و دى حاجه ادركتها لما ادركت حريتى ان مافيش صح و مافيش غلط فى حاجه اسمها انا عايز اعيش حياتى ازاى ربنا ادى لفلان حريه انه يعيش حياته غلط انت مين يا فيصل عشان تعدله حياته انا خلقته و انا مديله الحريه اعرض على الناس و متجبرهمش يتبناو افكارك
اذا انا اقنعتك او صممت انى كلامى صح و لازم تصدقه يبقى انا كده بحط فيصل فيك عايز شخصيتى او الايجو و بالمناسبه كلمة ايجو مش كلمه وحشه ايجو يعنى شخصيه مش كبر و الغرور و الكلام الفارغ ده لا يبقى انا كده عايز الايجو بتاعى يبقى فى كذا اعمل ايجو كمان من فيصل لا انت حر تعيش بأى حد انت عايزه بس تبقى عارف ان هى حدود و مش مفروضه عليك و ان هى مجرد اختيار
يعنى يا فيصل البرج بتاعى بيقول انى حد مبحبش استمر فى علاقات لفتره طويله عشان كده مش عايز اتجوز لانى عارف و متأكد و جربت قبل كده يا فيصل دخلت فى علاقات و مكملتش دى ممكن تتحل اه طبعا ممكن لما نقعد مع بعض و تشوف بنفسك بمزاجك ان ده اقتناع و يقين انت حابب تعيش بيه وفتها بقى تختار تعيش بيه ولا لا تسيبه او تكمل تحتفظ بيه اى كان تلاقى نفسك ان انت حر و تدخل فى اى علاقه انت عايزه و زى ما قولت انا اتكلمت عن حاجات بسيطه عشان مطلعش مقاومه او رفض اكتر
لكن عايزك معاك مثال عملى كده
عايزك تشوف صفه انت شايفها او بتقول عليها من ضمن عيوب برجك مثلا صفه انك مبتبحش تستمر فى علاقات طويله مبتحبش تقعد فى البيت صفه ( مبذر ) صفة انك مينفعش تبقى رقم واحد زى تجربتى زمان اى كان هات الصفه دى انت عارف الاحساس ده اوك و انا مش بقولك ده عشان ترفض الصفات او تقاوم الابراج لا انا بقولك ده عشان تفتح عنيك و تختار بص كده على الصفه دى انت حاسس بيها صح مثلا ان انت مبذر او ان انت مينفعش تبقى رقم 1 او اى كان اختار الى انت عايزه
خد نفس و ركز عليها او ان انت مينفعش تكون غنى اى كان ..... حس بيها و خد وقتك مترفضهاش خالص و متضايقش خالص
انت حابب تعيش بالصفه دى ؟ حابب تكون انت ؟ تختارتحتفظ بيها ؟ مثلا انت اسمك محمد تختار تكون محمد بالصفه دى مبذر ؟ ولا تختار متفكرهاش ؟ ولا تختار تسيبها ترميها ؟ بالبساطه دى انت عايز تكون ايه ؟ تمام
ممكن تعمل ده كذا مره او على كل الصفات الى انت محدد نفسك بيها و كمان مفجأه عايز اقولها ان حتى الصفات الجميله ( الايجابيه ) كل دى محدوده و حتى لو انت اتحررت منها هتكتشف ان انت تكون اى حاجه انت عايز تكونها و انا عارف ان الجمله دى هتثير ضجه كبيره اوى حتى انا انسان دور انا عايش فيه انا بشر دور انت عايش فيه ممكن تترقى عنه اذا انت اختارت تشوف قبله ايه
ممكن كمان تتوسع بس مش حابب عشان الوقت ميطولش
بصوا يا جماعه ناس كاتبه الجن و الأرقام و تكرار الأرقام فى امسية الغيبيات هنتكلم عن كل ده بالتفصيل هنتكلم مثلا عن ان الجن ده مخلوق من مخلوقات ربنا و هنتكلم بيدخل لينا ازاى و بيتعامل معانا ازاى و الاشتراك من خلال فريق العمل او اللينك فريق العمل هيديكو اللينك من خلال الواتس اب
و هنتكلم عن تكرار الأرقام هل له معنى انا فى مرحله فى مراحل حياتى كنت فاكر ان تكرار الأرقام له معنى هل ده حقيقه ؟ هنشوف ده
هنتكلم كمان عن علم الأرقام ان كل حرف له قيمه عدديه زى أ و ب و الكلام ده و طلما تطرقنا للامسيه المدفوعه على الكلام عن الغيبات زى الجن اكيد هنتكلم عن الحسد و عن حاجات كتير
هنتكلم عن الأكواد و ما ادراك ما الاكواد الى بيسموها الاكواد الخاصه او الاكواد المقدسه فى كود للمال المفاجيء فى كود فعلا لعلاج سرطان فى كود للشعر الى بيقع اكواد عباره عن ارقام كده بتكبتها عشان بيقولو بيجيلك التأثير المفترض ليها
هنتكلم كمان عن التارو او التاروت و الى ميعروفش زى الكوتشينه كده كروت بتتسحب و كارت معين بيقولك ان انت هيحصل ليك حاجات معينه و هل دى صحيحه ولا لأ
و عن سلاسل الطاقه و اكيد كلنا نعرف الحاجات الى بتتلبس على الأيد خاصه بالطاقه و فى عناصر ليها خواص معينه هنتكلم عنها زى الفضه مثلا هنتكلم ايه علاقة الطاقه بالحاجات دى هنتكلم عن بأذن الله ممكن نتكلم عن التواصل مع الأموات هتبقى امسيه كبيره يعنى امسية حقيقه الغيبيات و مينفعش اتكلم عن الحاجات دى فى حاجه مجانى
هنكتشف فعلا هل الحاجات دى بتحد فعلا حياتى ولا فى باب ان انا قبل كل الحاجات دى ؟ هل فعلا السحر بيأثر فيا ؟ هل عشان مشيت عديت على سحر خلاص حياتى بقت معقده مقفوله عشان عديت على سحر ؟ مين اقوى انا ولا كل الكائنات دى ؟ طيب اذا انا غيرت اسمى الموضوع هيختلف و ايه حكايه ان كل حاجه مبنيه على ارقام و ان كل اسم له رقم معين هل فعلا انا خلاص كل حاجه محدده و يا تقبل الواقع ده يا تعانى
هنتكلم ان شاء الله عن كل ده فى امسيات خاصه باتفصيل الجميل الحاجات دى منتشره بقالها فتره و فى ناس بتدمر عشان حاجات زى دى اما حد يقوله فى التارو او التاروت او انه معموله سحر او لا الدنيا بتقفل فى وشه و يتخيل ان خلاص مافيش امل فأنا بفتح بالأمسيه الخاصه دى ان لا فى امل و و تكتشف بنفسك ان انا قادر
كمان اذا انت اشتكرت قبل العرض الخاص ما ينتهى اذا حابب تتحرر و تكتشف بنفسك مستنينك فى الامسيه
اما انك تكمل فى الحدود و تعيش فيها و تقول اه دى حياتى و مجبور على كده و اما انك تتحرر من كل الحاجات دى و تكتشفها لما انت هتكتشف حاجه و تعرف حقيتها هيبقى سهل اوى تتحرر منها هتتحرر من حاجاه ازاى انت شايفها اقوى منك لازم حد يخليك تشوف ان هى فعلا افكار او حدود انت الى حاطط نفسك فيه لازم حد يخليك تشوف و بعد كده تختار تتحرر او متتحررش او تختا رتعيش فى احدود دى او متعيش بيها
نشوفك فى الامسيه ان شاء الله و متاح الدفع اون لاين بكارت الدفع فيزا او ماستر او اى كان و كل الطرق الدفع متاحه بأذن الله اذا عندك صعوبه فى اللاين هتلاقى زر فى الصفحه هنا تقدر تضغط عليه و تتواصل مع فريق العمل بأذن الله