بسم الله و الصلاة و السلام على سيدنا رسول الله
النهارده ان شاء الله هنتكلم او قبل ما نقول هتكلم عن ايه من فتره و انا بدأت اعلم الناس او مش انا الى بعلم الناس كلام بيتقال عن طريقي عشان الفت نظرهم لحاجه اهم حاجه من الفلوس و يمكن اهم من الجواز يمكن اهم من اى حاجه لكن لو انا جيت قولت لحد مثلا معانا
رامى صح : رامى مثلا اهدافه فى الحياه ايه مثلا؟ عربيه و فلوس على المدى الطويل يعنى لو انا جيت قولتلك لا سيب الحاجات دى كلها و ده كله كلام فارغ و ركز معايا و انا هخليك سعيد و هديك السعاده الى انت عايزها مهما كنت مصدقنى ممكن متقتنعش بالكلام ده صح ؟
اتكلمت عن المووضع ده من حوالى سنه ونصف او سنتين بس اولا و اخيرا مش هابقى اقوى منك عليك مش هابقى اقوى من اى حد على نفسه فمهما قولتلك ان فى طريق تانى غير الى انت شايفه هو الموضوع بالظبط كأنك قدامك طريق على الشمال مثلا و شايف فيه السعاده و الراحه و المتعه و كل ده و انا جيت قولتلك لا الطريق ده كداب و بيضحك عليك تعالى هاخدك لطريق تانى و شاروتلك كده و انت اصلا مشوفتش حاجه و قولتلك ان فى هنا طريق رغم ان انت شايف ان مافيش هنا طريق فبيبقى صعب شويه على الناس انها تصدق حاجه زى دى
فمن خلال تعاملى تقريبا من سنتين فى ان انا اقول للناس اهم حاجه ان انت تعرف انت مين و جيت هنا ليه احسن طريقه ان انت تحقق كل حاجه م انت عايزها من الدنيا لغايه ما تزهق منها
فى حاجه عندى اسمها الكريشين تكنيك دى يمكن كانت لمتدربين اكاديمه التغيير و طريق السعاده بس يمكن كمان ماكنتش كورس منفصل وا نا شايف ناس حاضره معانا من كورس طريق السعاده
اللهم صل على سيدنا محمد
فى حاجه مهمه بردو احنا فى كورس طريق السعاده هافتح الشات بس عشان اشوف الناس الى بتتكلم فى كورس طريق الساعده يا جماعخ جربنا حاجه كده الكريشين تكنيك جربناه على حاجه الأول فاكرينها ؟؟ المتدربين الى كانو معانا قولنا اننا هنجرب الكريشين تكنيك على هدف موحد كانت ايه يا جماعه ؟ كنتى معانا يا جودى موبايل بالظبط يا زينب بالظبط يا ليلى
الموبايل جه يا جماعه ولا لأ ها يا جودى ؟ جه اه ليلى ؟ زينب ؟ تمام فنسبه كبيره لحد دلوقتى بيحلنا رسايل ان ناس جابته الحمدلله
كنا كام يا جودى كنا 50 متدرب تقريبا فى تقريبا 4 او 5 مجابوش الموبايل صح ؟ اه
العنصر المشترك الوحيد بين الناس الى ماجبتش الموبايل كان ايه ؟؟ ان هما مسابوش الموضوع ؟ و الناس الباقيه الى جابت الموبايل ده زى ما هى حددته مش كلهم جابوه على طول فى ناس يعنى مثلا اول 3 او 4 صدقونى فى الجزئيه الى انا قولتها و هاقولها دلوقتى الباقى الموضوع اتعرقل معاهم شويه و كانو بيقولو يا فيصل احنا بنعمل الى بتقوله بالظبط و مافيش حاجه لكن بعد شويه اما اتغصبوا ان هما يسيبوا الموضوع الموبايل جه هنشرح دلوقتى و نفسر كل ده لكن قبل ما اشرح لازم اتكلم على الاساس بتاع الكريشين تكنينك
تقريبا كل واحد معايا هنا دلوقتى بيتعامل مع الدنيا على اساس واحد بس ان الدنيا بتحلصه او ان هو مفعول به صح ؟ اعمل ايه يا فيصل عشان اغير و اصلح ده مظبوط ؟ كلنا يا جماعه كده شايفين الموضوع ده ؟ تمام تقريبا حتى كلنا كده فى ناس مش عايزه تقول اه
بس معظم الناس بتتعامل مع الدنيا على الاساس ده ان هى مغصوبه او مجبره على الدنيا فمهما قعدت اعلمك و مهما قعدت اقولك تعمل و اقولك على اى تكنيك او اى طرق انا مش بعترف بحاجه اسمها تكنيك بردو هتاخدها و تسميها حاجه عشان تتعامل بيها مع الدنيا الى انت مغصوب عليها
الكريشين تكنيك كلمه واحده لكن انت دلوقتى روحت لواحد و محتاج منه ارشاد فى حياتك كلنا متفقين على كده يا جماعه ؟ مش هسميها مساعده سميها محتاج لأرشاد يقولى اعمل ايه او اعيش حياتى ازاى مظبوط يا جماعه حلو
فأنت محتاج تصدقنى على الأقل فى الأول الحاجات الى هاقولك عليها حتى لو أنت شايفها مستحيله او غلط تصدقنى لغايه ما انت تبدأ تشوفها بنفسك ولما تبدأ تشوفها بنفسك ثقتك فى نفسك هتزيد
فعايزك تبدأ كده تبص على حياتك و شوف دلوقتى هل فى فعلا فكرة ان انت الحياه بتحصلك ؟ هل فى فعلا فكرة او احساس او يقين ان انت مغصوب على الحياه دى ؟ و عايزك تبدأ تشوف الحاجات الى بتحصلك فى حياتك الحاجات الى بتحصلك دلوقتى فى حياتك صدقنى بس دقيقه واحده جرب تفكر تحط معتقد مؤقتا ان انت الى بتعمل حياتك يعنى صدقنى دلوقتى دقيقه واحده ان انت الى بتعمل حياتك و بص على كل حاجه فى حياتك و قول انا عملت ده ازاى !!؟ بص على مش لازم كل حاجه عشان حاجات كتير بص على الى انت جايلى عشان تغيره و اسأل نفسك انا عملت ده ازاى خد وقتك انا عملت ده ازاى !!؟
اذا ملقتش الاجابه يبقى انت مش مصدق ان انت عملت كده صدق لدقيقه واحده بس ان انت الى عملت ده و اسأل نفسك انا عملت ده ازاى !؟
عايزه تقولى حاجه يا جودى ؟ فكرت فيها
كل حاجه حصلتلك فى حياتك فى وقت او فى آخر انت فكرت فيها لازم ؟
محمد بيقول ان هو متأكد من كده عايزك انت كمان تشوف ده عايزك تصدقنى بص على باقى الحاجات فى حياتك و بكل يقين انت الى عملتها و اسأل نفسك انا عملت ده ازاى !؟
بصي يا ولاء مثلا على اى موضوع عايزه تشوفيه فى حياتك و صدقينى دقيقه واحده بس ان انتى الى عملتيه و ركزى على الموضوع ده و اسألى نفسك انا عملت الموضوع ده ازاى ؟
اذا مافيش اجابه يبقى انت مش مصدقنى
محمد بيقول فكرت فيه و خوفت منه فحصل
حد عايز يقول حاجه ؟ بلا استثناء اى حاجه حصلت فى حياتك انت فكرت فيها فى مرحلة ما سبحان الله يعنى هى اترتبت كده عشان الكلام يتقال لوحده لو انا كنت مخطط ماكنتش هاقولها كده
هل الحاجات الى حصلتلك فى حياتك دى اتحررت من حاجه عشان تحصل ؟
الدين الى عليك او المشاكل الماديه الى عندك او مشكلتك مع الشغل او مع اخوك هل انت قعدت قولت يلا بقى انا هبدأ دلوقتى اجذب مشكله مع اخويا و ابدأ اعملها معايشه و ابدأ اتحرر منها ؟ حصلت ازاى يا جماعه ؟ فكرة صح و لسبب او لأخر صدقناها حتى لو جزء من الثانيه و سبناها انت طبيعى بتعمل كريشين تكنيك انا مش بعلمك حاجه جديده
النهارده مش هاقولك اتحرر او تعمل اى حاجه
طيب سيدونا قصتها ايه ؟
زى ما ديما بقول الى شاف غير الى سمع اول ما بدأت من يمكن 7 سنين بدأت اعرف ان فى حاجه اسمها معايشات و توكيدات و جربتها لقيت الموضوع معقد ليه اقعد كل يوم اقول انا غنى الآن او اقول لنفسي انا اجذ الثراء و لما كنت بعمل كده كنت بشوف العكس
انا فاكره ان قبل كده كنت بشتغل فى شركه سيلز او مبيعات و كان عندى تارجت انى احقق 2000دولار فى الشهر قولت هستخدم التوكيدات و مش بس بالكلام كتبت انا جذبت سيده الآن و حوالى ورقتين ثلاثه و فى اليوم ده اتخانقت مع خطيبتى و تقريبا سيبنا بعض و اتخانقت مع ناس فى الشغل قولت طيب هو ليه المووضع معقد كده و ناس تانيه كنت بقرأ لها ان لازم اقعد كل يوم مع نفسي دقيقه و اتخيل و اعمل معايشه كل يوم و الحاجات دى و كده كله كويس و بيجبي نتايج مع ناس جايز انا الى عندى مشكله بس انا من و انا صغير بحب اعمل الحاجه بأقل مجهود قولت ليه ميبقاش فى حاجه اسهل من ده لغايه ما مره كنت بسمع حد اسمه كرينت فيلبس
كان بيتكلم عن الطاقه و ان هو جرب كل حاجه و جرب حاجه اسمها ريسلين تكنيك كان 2009 بدأ يتكلم عن التكنيك و الحاجات دى و قال كذا حاجه و ان سيدونا تكنيك انا دورت عليها و جربتها معايا و كان عندى مشكلتين و اتحلوا فى نفس اليوم كانت حاجه بالنسبه ليا سحر وقتها كنت بدأ ت ادرب قانون الجذب بس كانت معظم تدريباتى على المعايشه فلما لقيت الموضوع كده بدأت ادرب الناس على التحرر و بدأت الناس تشوف نتايج كويسه جدا و التحرر بقى اسهل من حاجات تانيه و مازال اسهل من حاجات تانيه كتير ده وقتها اما كنت شايف ان فى مشكله او مشاكل محتاجه حاجه تتعمل بس كنت مكسل انى اعمل حاجه تقيله فلغاية ما بدأت اشوف ان مافيش مشكله اصلا الحاجه الى بتحرر منها بسيدونا او بغيرها اصلا مش موجوده بالظبط زى طفل اتخبط فى كرسي او فى الباب مامته بتقوله فى ايه يقولها الباب ضربنى مامته لو قالتله الباب مضربكش يفضل يعيط لكن مامته ممكن تقوله خلاص انت وحش يا باب و تضرب الباب فيسكت هل الباب ضربه او ده حصل ؟ لأ الطفل مصدق او متيقن ان الباب اعتدى عليه فلما ضربت الباب و جابتى حقى منه انا كده ارتاحت لكن الحقيقه ان ده محصلش حاله انا كنت عايشها و انا صغير و انت نفس الحاله انت عايش حاله ان انت عندك مشكله
انا كتير جدا قولت ان مافيش مشكله اصلا و انت الى بتتوهم بضطر اقولك اوك عندك مشكله ؟ نبدأ واحده واحده استخدم سيدونا رحب بالأحساس و شيله لغايه انت نفسك بتحس ان الاحساس تقولى يا فيصل هو بدأ يخف هو مبدأش يخف انت بيتهيألك ان فى حاجه و انت الى بتخففها و هو مافيش حاجه اصلا نفس مثال الطفل ده
فأنا بدأت التحرر او اتكلم عن سيدونا لما كنت شايف ان فى مشاكل و محتاج تعمل حاجه عشان توصل للى انت عاوزه انما حاليا انا شايف ان مافيش مشكله و خليتك انت حتى تشوف ان كل حاجه فى حياتك انت الى عملتها خلينى اقولك ريكريشن تكنيك الى هو من غير ازاى تعمل الى انت عايزه من غير اى خطوات انت طبيعى بتعمله لكن الحاجات الى انت مركز عليها حاليا مركز عليها عشان تحلها
عايزك قرر دلوقتى الحاجات دى الى واقفه فى حياتك مشكلتك فى الشغل او الديون قرر ان انت متحلهاش او سيبها زى ما هى ناس كتيرهتقولى يا فيصل كده الموضوع هيتعقد احنا متعودين اننا لازم نشوف حل و منسبش الموضوع
كنت فاكر كان فى حد واحد من استاذتى فى السجن حاليا ان شاء الله يطلع قريب بيقول احنا و كان هو ماشاء الله بليونير " احنا كرجال اعمال لما نفتح مشروع بنحب نتوسع مثلا عمل مشروع فى امريكا و نجح بيحب يفتح فى فرنسا فى الصين اى كان و له اصحاب من نفس العقليه يعنى بيقول لما بنجتمع مع بعض فى اى مكان مع بعض كل واحد يسأل الثانى عن شغله عامل ايه يقوله الشغل بيدمر و بيقع و العماله بتنهار و مافيش فلوس و بيقولها و هو بيضحك عادى فالحل بتاعهم ان هما بيسيبو الموضوع مع ان بيبقى فيها مليارات و رغم ان الموضوع بالنسباله كبير اوى بيسيبه و يروح يقضي وقت حلو مع بيزنيس مان زيه و يتكلمو ان ازاى الشغل بايظ بضحك
نفس الى بقولك عليه دلوقتى انت محتاج انك تسيب الموضوع من غير ما تحاول تحله زى الموضوع الى انت جايلى عشانه تقيل عليك شوف موضوع غيره شوف موضوع تقدر تسيبها من غير ما تحلها تاخد قرار مع نفسك كده ان انت خلاص مش هتحلها
ممكن نعمل كده دلوقتى مع بعض كل واحد يشوف موضوع عايز يحله فى حياته و ياخد القرار دلوقتى مع نفسه مش عشان انا قولتله يشوف كده هل محاولة الحل حلته فعلا ؟ بالظبط ولا هيتحل عايزك انت توصل جواك ان افضل طريقه دلوقتى و انسب وسيله هى انك متحلش الموضوع و تسيبه خالص اوصل لده جواك مش عشان انا قولتلك اعمل ده
الناس الى بتقول بتطلع مقاومه المقاومه بتطلع عشان انت مصمم تحل الموضوع مش لازم الموضوع ده شوف موضوع اخف منه لغايه ما ثقتك فى الكلام ده تزيد المقاومه موجوده عشان انت يوما ما قررت بدون وعى قولت لنفسك احل الموضوع ده ازاى و فضلت حطه قدام عينك لحد ما تحله شوف موضوع اخف مش لازم النهارده تغير اكبر حاجه فى حياتك متحطش على نفسط ضغط انت شايف انك مش اده رغم ان ده وهم بس مضطرين نتعامل مع الوهم بتاعك لغاية ما انت تشوف ان هو وهم شوف موضوع خفيف و قرر دلوقتى اوصل للقرار ده ان انت هتسيبه و متعملوش حاجه
طيب فيصل انا عايز عربيه او فلوس اعمل ايه ؟ كفايه انك تعوزها انا الى بقولك اهو لا تشوف معتقدات ولا تشوف رغبات و لا تشوف اى حاجه زى ما انت عملت الحاجات الموجوده دلوقتى فى حياتك هل انت شوفت رغبتك فى مشكلة مع مديرك و اتحررت منها عشان تحصل محصلش هل شوفت الرغبه ان شكون عليك دين و اتحررت عشان الدين ده يحصل ؟ محصلش انت طبيعى بتستخدم الكريشين تكنيك ان انت فعلا الى بتعمل كل حاجه فى حياتك بأدق تفاصيلها اما تبدأ واحده واحده تشوف ده هيبدأ عقلك يسكت عقلك جزء كبير السبب الى مشغله اعمل ده ازاى و اشوف ده ازاى و ده فى حد ذاته نابع من الخوف انت اتربيت ان انت محتاج الخوف زى ما كنت بقول دلوقتى اتربينا اننا نستخدم الخوف عشان نوصل للأمان على اد ما الكلمه دى مضحكه بس دى الحقيقه
بص على افكارك الى بتفكرها دلوقتى دى هتلاقيها نابعه من خوف من حاجه تحصل او خوف من حاجه متحصلش اذا انت اختارت ان انت مش محتاج الخوف ده هو الى هيمشى على فكره و يسيبك و يمشي السحابه مش هى الى أمرتك ان انت تشوفها و تتابعها اذا انت قررت ان انت مثلا فى حد عنده فكرة دلوقتى مسيطره عليه يا جماعه ؟؟
" رامى بيقول طول عمرنا عايزين"
طيب عايزين دى او احتياج العوز او الرغبه العامه نابع من ايه خوف من ايه ؟ يعنى انت خايف ان انت لو مفكرتش فيه مش هتحققه او لو ماشوفتش هتحققه ازاى مش هيحصل ؟
احساس الاحتياج ده جاى من ايه ؟ الفشل فى تحقيقه
و الفشل فى تحقيقه ده جاى من ايه ؟
انها مش موجوده
و لو ماكنتش موجوده ايه الى هيحصل ؟
هتعمل تأثير فى ايه ايه الى خايفه يحصل ؟ بغض النظر عن الأمان انت خايف من ايه خايف من حزن مثلا ؟
عايزه تقولى حاجه يا جودى ؟ حزن
خايف من يأس خايف من احباط خايف من احساس بالنقص تختلف من شخص للتانى الخوف ده انت مقرر تستخدمه عشان توصل لهدفك وصلت ؟ هل الخوف وسيله مجديه او نافعه ؟ خلاص اختار دلوقتى ان انت شوف محتاج الخوف ولا مش محتاجه الخوف الى انت اكتشفته ده حالا مجرد ما تقرر ان انت خلاص مش محتاج الخوف ده كل الافكار و الرغبات و المعتقدات اذا موجوده اساسا كلها هتختفى مره واحده
رامى بيقول مش ممكن عدم التفكير فى الهدف ده يخليك تنساه و متحققوش اصلا ؟
زى ما قولت يا جماعه ده الى بيخلينا حطين الموضوع قدامنا و معندناش الشجاعه نسيبه ناش كتير اقولها كده تقولى يا فيصل بس الموضوع مش هيحصل او لو سبت المشكله هتزداد سوءا كلنا انا كنت من ضمن الناس دى اتربينا غلط
الطريقه الصح ان انت تسيب الموضوع و متعملوش حاجه فى حد اقنعك ان انت تعمل او كيان اقنعك ان انت تعمل
الحاجات الى بتجيلك فى حياتك فى وقت ما انت شيلتها من بالك حتى لو انت فضلت تشتغل عليها الناس الى بتقول انا من الناس الى بحط خطه لحاجه و بشتغل عليها لحد ما تتحقق و تتحقق انت بتنشغل بالتفكير عنها بالفعل يعنى انت بتعمل اكشن الاكشن ده بيوقف تفكيرك ذهنك مش بيقعد يفكر على النقيض لو ليك زميل فى العمل طول ما هو بيفكر هيعمل ايه عمره ما هيوصل او لو انا عملت حاجه غلط الناس دى الى هى شغاله بتفكر فى الى بتعمله نسبه كبيره جدا مبيصولوش او بتوصل لحاجه اقل
اوصل لأى حد هيقولك ان انا سر نجاحى ان انا بعمل خطه و بخطط لخمس سنوات قدام و بخطط لكذا اسأله هتلاقيه و هو بيشتغل الشغل بيبلعه مبيفكرش حتى لدرجة ان فى ناس فيهم بتحب الشغل لأن عقلهم فيه بيسكت الهدف متحققش عشان انت خدت اكشن الهدف اتحقق و جه علشان انت لحظه او لحظتين عقلك سكت و سبت الهدف كريشين تكنيك الى احنا بنقوله فالحاجه مجرد ان انت تعوزها بس ده كفايه حدد انت عايز ايه عايز عربيه ؟ بس ولا تفكر فيها كل يوم ولا يوم و يو م ولا تتحرر انت عايزها ليه او مش عايزها ليه الكلام ده كنت بقوله زمان بس ان انا اقرأ التحرر من كتاب او اقرأ لليستر لفينسن كتاب و اشوف الى انا بقوله فرق كبير جدا شوفت ده بعينى فرق كبير انا لما كان حد يقولى مافيش مشكله زى ما انا بقولكم دلوقتى ماكنتش بصدقه لحد ما شوفت بعينى ان مافيش مشكله فرق كبير ان انت بس تحتاج تعوز الهدف بس الموضوع مش فى كلمة عايز او فى كلمة رغبه الموضوع فى تفسيرنا ليها و الى بيجى بعدها لأنك دلوقتى انا عايز عربيه اول حاجه بتيجى بعدها ايه ؟ ازاى و هاعمل ايه اول حاجه هاعمل ايه ازاى دى بتيجى من هاعمل ايه مش لازم تقولى هاعمل ايه بصوت بتفكرى تعملى ايه
فالمشكله فى الى بيتبع انا عايز انت لو عندك يقين و مصدق ان انت الى انت محتاجه بس انك تحدد الى انت عايزه هتسأل ازاى هتسأل هاعمل ايه ؟ مش هتسأل خالص مش هيطلع السؤال ولا التفكير ده انا عايزك تصدقنى فى ده حتى الحاجات الى انت عايز تغيرها فى حياتك دلوقتى خلينا نبدأ صفحه من اول و جديد عشان الناس الى تاهت معانا دلوقتى
ابدأ صفحه فى حياتك من اول و جديد انسى الى انت عايز تغيره كله كله متحاولش تصلحه و لا تغيره ولا تتحكم فيه و ابدأ اكتب فى الصفحه الجديده انت عايز ايه كذا و كذا و كذا
انت بتسألنى عشان شايفه تكنيك يا جماعه انا مش بعلمكم يا جماعه حاجه متشوفش انى بقولك حاجه جديده و بعدين والله هتقعد مع نفسك فتره سواء بعد يوم او عشر سنين هتقول انا فعلا متعملتش حاجه جديده كل ده كان جوايا انت بتسألنى عشان عايز تستخدم تكنيك لا مش تكنيك انا مسميها كريشين تكنيك عشان اشد الناس انما هى مش تكنيك دى حاجه بتعملها كل يوم من اول ما بتصحى لغايه ما تنام
كل الى انت محتاج تعمله هى خطوه واحده اذا فى خطوات و انت طبيعى بيتعملها يعنى مافيش خطوات شوف انت ابدأ الصفحه الجديده من النهارده شوف انت عايز ايه و بس و شوف هيحصل ولا مش هيحصل
اليقين انا مش عايز اخليه عندك غضب عنك لما تبدأ تجرب فى حاجه صغيره و تبدأ تصدق و تجرب فى حاجه تانيه و تبدأ تصدق هتبدأ كل شويه ترفع الحاجه الى انت عايزها
طيب فيصل اعمل ايه لو الهدف جه على بالى تانى ولا اى حاجه خليه يجى خلى الافكار تيجى انا مش بعلمك ازاى تطرد الافكار اوك لقيت عقلك بيجيلك الهدف و هتعمل معاه ايه اوك متعملش معاه حاجه خلى العقل يشتغل و يعمل الى هو عايزه الى انت محتاج تعمله عشان الى انت عايزه يحصل مش حاجه جديده هتتعلمها النهارده ببساطه محتاج انك تعوزها بس و هى كده كده هتيجى
خلينا نشتغل من دلوقتى بشكل عملى كلنا كده نبدأ صفحه جديده دلوقتى و نحدد احنا عايزين ايه حدد الى انت عايزه انا يا جماعه حتى العربيه بتاعتى و فرق زى ما بقول ان انت تشوفو ان انت تقرأ وقت ما جبتها ماكنش معايا فلوسها و كانت الناس الى حواليا تتريق عليا و هتجيبها منين و الكلام الفارغ ده بس زى ما بقول حددتها خلاص و جت فى وقت قياسي خلال شهرين و هى عربيه غاليه على فكره بمقاييس الدنيا يعنى فلى يمشى على الصغير يمشى على الكبير و بعد كده تشوف ان لا فى صغير ولا فى كبير لكن انا مضطر اتعامل معاك بالوهم الى انت عايش بيه ان فى حاجه صغيره و فى حاجه كبيره و فى حاجه صعبه و فى سهله فجرب فى الى انت مسميه سهل و صعب حدد دلوقتى الحاجات الصغيره السهله دى حدد انت عايز ايه و بس و سيبها تحصل مش خطوه مش تكنيك مش دعه تذهب عشان فى ناس بتقولى اسيبها ازاى انسيى انى قولتلك سيبها تحصل دى خلاص و عيش يومك عادى الموضوع سهل و بسيط
الناس الى بتتكلم على الوقت الوقت ده يعتبر هدف فى حد ذاته فلما تبقى ثقتك تزيد من الى انت بتشوفه بعينك انا مش عايز اخليك تعدى 6 سنين او 5 سنين فى انك تشتغل من حاجه عارفها انا عايز اوفر عليك الخمس سنين دول و عايزك تبدأ انك تشوف لما تشوف انت بعد كده مش هتحتاج فيصل ولا غيره
الى انا هدفى من اى تدريب بعمله سواء الى هتكلم عنه النهارده او بالمناسبه فى ناس سألتنى او بتسأل جودى عن كورس جذب المال فى الأخر ان شاء الله هنعلن عن جزئيه جب المال دى
فى ناس اعرفها حياتها كلها كده مش بتفكر او بتخطط عايزه حاجه بتحصل وخلاص ممكن تكون بالنسبه لناس تانيه شيفاها معجزات ممكن تكون بالنسبه لناس تانيه شيفاها حظ او صدفه بس الى يمشى على دولار يمشى على مليون الى يمشى على جنيه يمشى على 10 آلاف لكن انا مضطر تانى اتعامل معاك بالوهم الى انت شايفه مضطر اصدق ان الباب ضربك عشان انت تصدقنى
ف لا تكتب ولا تردد اى حاجه لنفسك ولا اى حاجه النهارده انا معلمتكش حاجه جديده طيب فيصل السؤال ده مهم فيصل ليه فى حاجه اسمها كورس جذب المال اصلا ؟ و مسموش جذب المال هيبقى اسمه الثراء التلقائئ ازاى متعملش حاجه و الفلوس تجيلك لغايه عندك
الحقيقه بردو ان كل ده بيحصل فى حياتك من غير ما انت تعرف كل حاجه بتجيلك من غير ما انت تعمل حاجه اصلا انت عندك وهم ان انت بتعمل لكن انا هدفى من كل كورساتى ان انا اخليك توصل لأفضل ماستر هيعلمك الى هو انت و دى على فكره كلمة كانت بتتقالى ماكنتش بصدقها يعنى ايه و ازاى يعنى انا رايح لليستر او بكلم ليستر و هو يقول فى كتابه او يقولى انا وظيفتى ان انا ارشدك لغايه ما تلاقى نفسك و لما شوفت ده صدقت ده فأنا الى بقولك اذا انت دلوقتى صدقت الكلام الى بقوله ده 100% و بقى عندك يقين خلاص و سبت كل المخاوف الى جواك الى مبنيه على انك مفعول بيك فى الحياه دى انا الى بقولك متاخدش معايا اى كورس انا هدفى ان انا اخليك تبص من مكان لمكان تانى
الكورسات موجوده عشان انا مضطر اصدق الوهم الى انت بتقوله و عندك مشكله فى الفلوس او مشكله فى الجواز او مشكله فى اى كان مضطر اصدق ده ببدأ واحده واحده اخدك لغايه ما تبدأ تشوف نتايج
فى حاجه عايز اسمعهالكو يا جماعه يمكن جودى سمعتها قبل كده كورس الثراء التلقائي ده اللهم صل على سيدنا محمد
عايزك تبدأ تستخدم الى احنا قولناه يمكن فى حاجه مهمه لناس كتير الى هى الفلوس لما تبدأ تشوف ان ده بيشتغل فى الفلوس هتشوف انه يشتغل فى حاجات تانيه الكورس كان اصلا بكام ؟ الشخص كان كام ؟
الكورس ده قولت قبل كده مش عارف متابعنى ولا لأ بس من فتره اعلنت ان انا هخلى نقطه المقابل بتاعت الكورسات نوعا ما انا كنت اى حاجه قبل كده اقل حاجه كانت 100 او 1500 هنبدأ الكورس ده 250 بس و عايز اقول حاجه مهمه و كل القواعد ماشيه عليه بردو انك ممكن تشترك فيه مع حد فى حاجه مهمه جودى الى معايا هنا الى ميعرفهاش الشخص الى شايف انه مش معاه مقابل الكورس او محتاج الكورس و شايف ان هو عايزه و محتاجه و مش معاه المقابل ممكن يكلم جودى و هترتب معاه كل حاجه و الناس ده للناس الى معانا هنا او اون لاين
فى ناس ممكن يكونو شايفين رغم ان ده وهم و اذا انت حاسس ان انت فعلا مش معاك مقابل الكورس و محتاجه ممكن تتواصل مع جودى و هترتب معاك كل حاجه ان شاء الله
الكورس ده هنتكلم فيه بأذن الله الى هو الثراء التلقائي هما ثلاث حاجات عشان الفلوس هنتكلم عليهم بأذن الله بالتفصيل علميا و فى كمان هدايا مع الكورس و فى كمان جلسات الجنون دى معملتهاش غير تقريبا 3 مرات بس حد سمع عنها قبل كده ؟ حابب حتى اسمع الناس دلوقتى الموضوع ده
دى بنت و ده تسجيل واحد من الى هى بعتاه ثوانى اشوف الناس الاون لاين معانا سامعه ولا لأ
تمام فىناس سمعت
" صار الاحساس الى احسه احساس مش عادى فوق الخيال احس نفسي من كثر ما انا فرحانه و مبسوطه احس نفسي افهم كل شيء و فىنفس الوقت فرحانه و مرتاحه بطريقه مش عاديه اتكلم الحين معاك و انا جد اجيب الاحساس و احسه كيف حلو هالأحساس يعطينى بعدها ارتاح و نشاط و يخلينى اساوى كل شيء اسلم على كل حد ابوس كل حد يستغربوا منى حتى يضحكو احس نفسي حتى جالسه افرح زياده زياده وايد اضحك انا مرتاحه صراحه احساس ما ينوصف ان اول مره احس فيه وايد وايد " الناس يا جماعه الى كتبت ده مخدرات او حشيش ده طبيعى
النقطه الاهم ده كله علاقته بالحقيقه يا فيصل كل الى انت قولته دلوقتى علاقته ايه بالحقيقه ؟
لما انت توصل لمرحله انك قادر تعمل كل الى انت عايزه فى حياتك بدون مجهود سواء فلوس او غيرها و فرحت شويه حلوين و قضيت كل الى انت عايزه هتشوف بعينك ان لسه فى نقص و فراغ جواك مكتملش وقتها بقى انا عايز اقنعك ان فى حاجه مش هتكتمل لكن انت لما تشوف ان لسه فى فراغ وقتها هتقتنع انك تاخد الرحله دى مع نفسك و تدور انت مين و جيت هنا ليه لكن احسن طريقه ان انت تزهق من الدنيا بكل متعتها مش تزهق منها من زعل تزهق منها انك توصل لكل الى انت عايزه بلا استثناء
فى نقطه مهمه عايز اقولها بس مش هاشرحها اذا انت سبت الدنيا دى و عندك رغبه متحققتش هترجع تانى عشان تحققها مش هشرحها
ربنا سبحان الله لازم يرجعك لغايه ما تروحله و انت مش عايز حاجه من الدنيا لازم والا ازاى هتبقى مع ربنا و عايز حاجه تانيه اشرحها او مش هشرحها اذا ربنا عايزها تتقال هتتقال غصب عنى بس حاسس انه مش وقتها
فلازم تستنزف كل الى انت عايزه من الدنيا دى لغايه ما انت مش لازم تجيلى انا لغايه ما انت المتاح وقتها ليك ايه تختار ان انا خلاص زهقت من الدنيا دى و بالمناسبه كمان ان شاء الله قريب ممكن الاسبوع الجاى او الى بعده فى امسيه تانيه مركزه على الحقيقه خالص مش هتكلم فيها على الاهداف خالص هتكلم فيها على الناس الى هى مصدقه دلوقتى ان هى فعلا مش عايزه الدنيا و فى نقطه مهمه و مش بغريك بيها والله الناس الى عايزه الحقيقه بس و انت طبيعى شغال على الحقيقه الدنيا هتجيلك غصب عنها بمعنى غصب عنها كل الى انت عايزه بمعنى هتعوزه هيجى بس دى مش حاجه حلوه دى فخ او افخاخ متقفش عندها اول ما تقف عندها هتقول الحقيقه جميله انا عملت كده ازاى و تبدأ ترجع للأول تانى و اذا انت هتاخد كورس الحقيقه عشان الاهداف متاخدوش و مش هتوصل ليه عايزك تيجى الحقيقه و انت مختارها هى 100% بس و الى كانت اهدافك هتتحقق لوحدها عن تجربه
نرجع تانى يا جماعه نعمل ايه لو احنا عايزين حاجه ؟ الناس الى صاحيه معايا ؟
الناس الى بتصدق الكلام الى اتقال ده يقينا و 100% هما اسرع بتشوف نتايج فى ناس فى طريق السعاده و الكلام ده قولته جابت الموبايل من اول يوم و فى ناس تانيه لأ فى ناس صدقت الكلام ده و فى ناس صدقت معانتها اكتر ما صدقت الكلام ده فأنا حاليا بعقدلك الموضوع عشان تصدقه انا لو كنت اول ما بدأت قولتلك بص يا جماعه الكريشين تكنيك انك تعوز الحاجه بس ولا كنت هتصدق اى حاجه صح ؟ انما احنا دلوقتى بقالنا 46 دقيقه بعقدلك فيهم الامور يمكن تصدق ان الموضوع سهل جرب مع نفسك انت مجتاج تصدقنى لحد ما تشوف مع نفسك الجزئيه دى
فى حاجات تانيه مع كورس الثراء التلقائي فى كورس ال1000 دولار فى ناس بتسأل عنه بردو كان موقوف هيبقى مجانا مع الكورس ان شاء الله و فى حد اسمها سوسن النابلسي حد رائع جدا جدا يمكن الحد الوحيد الى اثق او اطمن عليك معاه حتى لو هتدرب عندها هى مش عندى و بالمناسبه الجزئيه دى مهمه طول ما انا شايف ان فى انا و فى مدرب و فى فيصل و فى سوسن ممكن احس انك تدرب عندى و عند حد تانى لأ اكون شايف ان انا احسن مثلا من محمد زكريا صح انما انا عارف ان كلنا واحد مش هتفرق فى حاجه
لو حد يعرف محمد زكريا يسلملى عليه يا جماعه
سوسن حد بثق فيه جدا و اطمن عليك معاه و فى ناس بتحبها و بترتاح معاها فى ناس قالت الكلام ده ليا شخصيا انها بترتاح معاها عنى بس اى كان انا علاقتى بسوسن تكمنى انى اجبلك منها خصم مثلا 25% فالكورس ده اصلا ب 1000 دولار
كان فى هدايا تانيه كمان قولنا جلسات الجنون لأول 20 مشترك بس لانى مش هاقدر اتعامل مع الضغط ده كله
اه كورس العشر ايام فى عندى الكورس ده مش للبيع اساسا ده بردو هيبقى مجانا مع الكورس فالكورس الناس كلها بدأت تسأل عن الكورس الكورس للى عايز يستخدم الكلام ده بشكل مادى او للفلوس لأن هى الفلوس العمله الى اكتر حاجه الناس بتحبها دلوقتى الكورس يا جماعه المفروض يبقى مسجل لكن انا هاعمله اول مره حى و بعد كده هيبقى مسجل و يتباع مسجل بالمقابل الأصلى بتاعه 1000 دولار سواء دلوقتى بقى او بعد سنه او سنتين اى كان لكن لمده 7 ايام هيبقى بالمقابل الى قولت عليه الى هو 250 دولار و لو فى حد شايف انه محتاجه مش قادر يدفع المقابل ده يتواصل مع جودى
كده انا خلصت يا جماعه هأكد تانى عشان انت مش محتاج اى حاجه و مش محتاج فيصل و مش محتاج اى شيء الكورس للى شايف انه لسه عايز يتعلم او عايزنى معاه مثلا فتره الكورس دى و عايز الأسرار يا جماعه ال3 حاجات الى قولتهم لولاء بتاع الماده
تعرف الفلوس ملهاش علاقه بالشغل
تانى حاجه تعمل اى حاجه بتحبها حتى لو ببلاش
ثالث حاجه يبقى همك ازاى تساعد الناس و تفرحهم
الكورس هيبقى مبنى على الحاجات دى بس بالطريقه الى انا هوصلهالك لغايه ما انت تبدأ بردو تبنى ثقتك بالكلام ده لو تقدر تعمل الحاجات دول اعملهم
هنتكلم بقى الحاجات دى مفيده ليه فى الكورس و اشمعنى مفيد و الحاجات دى
حتى لو انت بص انا فى مرحله من المراحل كانت الحاجه الى بتفرحنى انى العب بلايستيشن الموضوع مش فى الحاجه يا جماعه الموضوع فى الاحساس الى انت رابطه بيها
فى لعبه معينه مثلا بلعبها كنت شايف نفسي كويس جدا فيها و لما روحت فرنسا قابلت حد هناك على طبيعته جدا و لما لعبتها هناك طلعت الاخير وهو اول مره يلعبها طلع الأول كانت لعبه معقده و رقم 2 عنه فارق النص فعرفت ان انا ولا حاجه فى اللعبه دى فأهم حاجه تكون حاجه بتفرحك اذا هتستقيل من شغلك و تقعد تلعب بلايستيشن اه اعملها بجد والله
ايوه هاكل و اشرب منين !!!؟؟
يعنى لسه ان الفلوس مربوطه بالشغل دى رقم واحد الى مصدقها عشان كده فى ناس فعلا محتاجه الكورس مضطر اصدقك فى وهمك فى اماكن يا جماعه و مش هشرحها بردو فى اماكن الناس فيها مبتشتغلش و الأكل و الشرب و الحاجات الى هما عايزينها بتجيلها لحد عندهم او من الهوا زى ما بيقولو فى ناس عايشين كده متعرفوش حاجه عنهم فين بقى الله اعلم زى ما قولت قبل كده انتوا بتلعبوا فى حته صغيره اوى انت لو تعرف القدره بتاعتك هتضحك على نفسك جدا
موجى كان بيقول اول ما قرب من حقيقته و سبحان الله ربنا حطه فى مكان ناس كتير بتسأله بيقول كنت ببقى قاعد مع الناس و تيجى تقولى انا عندى مشكله كنت بقولهم ثانيه واحده و كانت شقته ضيقه و يروح يدخل الحمام و ينفجر من الضحك لانه عارف ان ده ضحك مش موجود و يتماسك و يبقى جد انا شايفك كده
محمد بيقول يا جماعه ان فى حاجات كان بيخاف منها زمان دلوقتى بيبص لها و يضحك صح ؟ الحاجات الى كنت بفكر فيها و احساس خوف دلوقتى بفكر بقعد اضحك او بستهزأ بيها
تمام ده هيزيد اكتر كمان لما تقرب من حقيقتك شويه تبدأ تشوف يااااه فى حاجه يا جماعه مقدرش اشرحها العقل انا مقدرش اشرحها انا حاليا انا بتكلم بستخدم الايجو مش حاجه وحشه على فكره الناس دايما فى كورسات كده مبنيه و فى ناس بتقول ان الايجو حاجه وحشه لازم نتخلص منها مافيش حاجه بتقول ان الايجو وحش ولازم نتخلص منها انا عشان استخدم الصوت دلوقتى ده ده ايجو وسيله بستخدمها عشان اوصلك الكلام الى اتقال فلما تبدأ فى مرحله كده هتشوف فيها ان فى محمد و مافيش محمد فى نفس الوقت مقدرش اشرحها حاولت اشرحها قبل كده و معرفتش خالص فى حاجات فعلا العقل ميقدرش يصيغها فى كلمات فلما توصل او هتقرب شويه من المرحله دى فعلا هتضحك على نفسك جدا
عشان نختم بس تانى نفتح صفحه كلنا مع نفسنا النهارده و نشوف احنا عايزين ايه و بس سهله يا جماعه فى اى حد الموضوع معقد بالنسباله متهيألى مافيش حاجه ابسط من كده كده وفينا الى وعدنا بيه تحقق الى انت عايزه او تخلق و الكلمه دى مش حرام على فكره تخلق الى انت عايزه بدون خطوات لا تحرر ولا سيدونا
فى حد كتب كلمة جميله جدا اريد كل كورساتك جودى خدت معايا طريق السعاده قبل ما تبقى سكرتيره اصلا صح ؟اه دفعتى المقابل بتاعه يا جودى ؟ لأ كان 2500 جنيه تقريبا فكرتى فيه و حصل و مش هى بس كان فى معاها 20 حضروا
جودى بتقول 21 حد هما فكروا الفكره و خدو الكورس انا مش بفكر فكر تجارى المفروض اضرب 21 فى 2500 و الكلام الفارغ ده بس الناس الى بتقول انا عايزه كل كورساتك الى شايفه ان انا نوعا ما الحل اوك طبق عليها الوسيله سواء بفلوس او غير فلوس الموضوع سهل يا جماعه و بسيط
كده خلاص انا هاقفل الامسيه اون لاين الناس الى معايا فى الشركه هاخد الاسئله بتاعكتم ان شاء الله كنت مستمتع بيكم كده و هعلن على الامسيه الجايه ان شاء الله و اذا فى اسئله ابعتوها على الصفحه و انا او جودى هنرد عليكم ان شاء الله
سلام عليكم