الايجو و الدين و الشيخ الشعراوي

ازيك عامل ايه معاك فيصل عبد الواحد و تسجيل جديد من تسجيلات امير نفسك دوت كوم

الأول كل سنه و انت طيب بمناسبه السنه الهجريه و حبيت اعمل التسجيل ده عن حاجه دينيه لكن بردو مبنيه على اسس طاقى او اساسا طاقى

الحقيقه اتفاجئت بالموضوع او حتى عنوان الفيديو هتلاقى مكتوب الشعراوى فيه و طبعا حد كلنا عارفينه و عارفين قيمته و قامته  كنت بتكلم مع حد صاحبى لقيته بيقول  الحقيقه الشعراوى ده عليه كلام  قولتله كلام ايه قالى يعنى  مشرك و كده قولتله نعم!!!  مشرك  ده الى خلانى اعمل تسجيل النهارده  لأن احنا سبحان الله الأيجو الى يعنى  هضطر اتكلم عنه النهارده بشكل اوسع لان قبل كده كنت بهرب من الكلام عنه بشكل واسع و مش عشان نقص معلومات عندى او اخبى عنك معلومه لكن بهرب من الاجابه عن السؤال ده بشكل مفصل نوعا ما عشان الاجابه مش هتعجب ناس كتير لان الحقيقه ان الايجو بيساوى العقل    و العقل هو سبب كل المشكلات الى انت فيها  و هو الى أنتج كل المشاكل الى انت بتعيشها دلوقتى فطبيعى ان العقل مش هيديك الحل و المشكله انك بتدور على الحل فى العقل  فطبيعى انك مش هتلاقيه فلما مش بتلاقيه بتلوم نفسك و تكره نفسك و هتحس بالغضب من نفسك و اللوم لنفسك فلما تضايق بردو بتبقى عايز تدور على حل فتدور على حل فى العقل مش هتلاقيه و هتفضل فى الدايره دى فهو الايجو  حاجه رهيبه  زى ما قولنا قبل كده فرعون حتى و هو بيكوت مقالش آمنت بربى او برب العالمين  قال آمنت برب موسي و هارون  الايجو مش قادر يقول الكلمه دى و هو بردو الى خلى ناس منافقين شايفين سيدنا محمد عليه الصلاة و السلام و معجزاته بس بيفسروها بالأيجو الخاص بيهم  " لو كانو معنا ما اصابهم هذا " لو حد كان فى غزوه و استشهد يقولو لو كان قعد معانا  مكنش استشهد  و سبحان الله ده الى بيخلى المشركين فى معجزات كتير اما كانو بيروحو لسيدنا محمد عليه الصلاة و السلام يقولو له اذا عملت كده هنؤمن و اذا عملت مده هنصدق و اما كان فعلا بيعملهم  فعلا بيدعو ربنا  و يستجيب يقولو سكرت اعيننا  و يقولو ان هذا لساحر عليم  او ان هذا لسحر مبين

فالأيجو بيخلى الشخص يفسر بلى هو عايز يفسره  بيخلى الظالم يقتنع  و ان هو فعلا مظلوم و يدعى على الشخص الثانى  فسبحان الله ممكن حد و يروح يحج مخصوص عشان يدعى على الشخص  شايف من الأيجو بتاعه ان هو ظلمه لكن الحقيقه  ممكن تكون العكس كمان  فل ممكن ربنا يستجيب لحاجه زى دى ؟؟ حاشا لله  الأيجو بيخلى الناس  لدرجة انها تقتل  ربنا بيقول " و إن طائفتين من المؤمنين اقتتلا " يعنى ممكن يكون الاثنين مؤمنين و ظلوا على ايمانهم و يقتتلوا  بسبب الايجو كل واحد شايف انه صح و كل واحد عنده الأدله انه صح  ليه بقى ؟؟

لان زى ما قولنا الايجو ده العقل فأنت مخليه او مديله التحكم على حاجات كتير اوى اولها جسمك فلما بتجيلك فكره بيتحكم فى افرازات الغدد و الهرمونات و حاجات جواك عشان يعمل مع الفكره دى مشاعر فأنت تصدق الفكره دى او تخاف منها او تغضب او او  عشان ده العقل و انت سمحتله و صدقته و سبت الفكره دى و مع الاحساس ده جواك و شغالين و انت فعلا بتديله الاذن انه يجذب ده كمان  فيجذب فعلا الى يأكد انك مظلوم حتى لو كانت الحقيقه  انت ظالم  بس هيجذبلك ده و الناس الى زيك الى هتأكدلك ده

لذلك الأيجو او العقل اكبر ابتلاء من ربنا زى ما قولت قبل كده بس مش هوضح بالتفصيل المطلق عشان منتكملش ايام لكن العقل ده مصيبه  كارثه لأنك لو انت سبته هو الى يتحكم  هتضيع و ممكن فعلا تدخل النار مش بس تخسر ناس فى الدنيا و تخسر فلوس و علاقات  و و لكن هيدخلك النار بأذن الله طبعا

فالعقل كارثه و مصيبه و عمره ما هيجبلك الحل هو آداه انتاج او اداة خلق بيخلق او بيكون بأذن الله طبعا الى انت بتحطه جواه  فطبيعى انت حاطط جواه احساسك و يقينك انك مظلوم او ان انت صح و الشخص الى قدامك ده غلط  و كافر و مشرك  هتجذب فعلا الشخص ده كان بردو جذب شيوخ  الشيخ فلان بيقول و ده واحد محترم جدا و بيقول ان الشعراوى مشرك   و قد يكون لم يمت على الشرك و تاب الله اعلم لكن كلامه شرك " فهو ده الأيجو الى بيخلى الناس المؤمنين يخطأو بعض و مع الوقت يكفروا بعض و يقول ان ده مشرك  لا آله الا الله   " لا يرمى احكم اخاه بكفر فأنه قد باء به احدهم  او كما قال"  فمترميش حد بالشرك او الكفر لان فى الحاله دى لو حد منكم باء بيها يعنى حد منكم الاثنين احتمل ذنب الكفر فجزئيه الأيجو دى  المشكله ان العقل  انا بدور على كلام على اد ما اقدر يكون سهلو سلس و بسيط عشان الجزئيه دى سهله جدا لكن الى هيسمعنى دلوقتى عقلك مش انت و ممكن ناس و هى بتسألنى دلوقتى العقل يطلع نقاشات او جدالات لانه مش  عايز يتخلى عن السيطره  زى بالظبط رئيس الخدم او مدير اعمالك  انت اديته التحكم فى كل حاجه فلما تيجى تاخد منه الحاجات دى مره واحده هيبدأ يقاوم فهى نفس الحكايه دلوقتى الناس الى عقلها بتكلم دلوقتى و يقولك شوف بيقول ايه و الكلام الفارغ ده  او اى كان العذر الى عقلك بيهدولك و انت بتصدقه ده حتى نفسه من العقل

انا مش هتكلم فى جزئيه ان الشعراوى و لما سألت صديقى ده الشعراوى مشرك ليه ؟؟ قالى عشان بيتكلم فى التوسل فى الدعاء  بأحد من البشر و الحاجات دى مش هتكلم عن الجزئيه الدينيه او ان ابن عباس قال ان ده جائز و ان  سيدنا محمد نفسه عليه الصلاة و السلام اما راحله شخص اعمى  سيدنا محمد الى علمه دعاء فيه و ادعو إليك  لنبيك محمد

فالمهم مش هتكلم عن الأدله الدينيه ان فى حاجات  كده مش هتكلم عن جزء دينى مش دورى النهارده  هتكلم ان حتى الايجو ده هو الى يخلى شخص يفتكر ان هو صح و الثانى رغم انه قصدى على الشيخ  يفتكر ان هو صح و الثانى على الشيخ الشعراوى  له فضل بعد ربنا طبعا و له فى تفسير القرآن مظنش ان حد وصله و لو انت تتبعت حياة الشعراوى هتلاقى فى حاجات متحصلش لبشر اصلا فيخلى ان هو يقول على حد زى ده مشرك  فجزئيه الأيجو دى خطيره جدا و ديما عمرك ما هتلاقى اى حاجه تثبتلك ان انت غلط و اذا لقيت حاجه تثبتلك ان انت غلط هتقولها بتفسير او تأويل يحس ان انت صح لذلك اعظم الابتلاء اذا ربنا سلط عليك نفسك عمرك ما هتطلع منها الا بحاجه واحده بس  " بصيرة من عند  ربنا " لان استحاله  العقل الى عملك المشاكل دى كلها يشوف نفسه غلط  استحاله .. و اى حد هيقولك ان هو غلط هيرد عليه زى ما انت ممكن تكون بترد عليا دلوقتى

طبعا العقل له مراحل تانيه بيخليك مثلا تقاوم انك تتحرر او احساسك بالكسل او تروح عليك نوم او او  ده طبعا جزء من العقل او الايجو لكن بأختصار العقل هو الايجو هو الشخصيه  هو الحاجات الى انت بنيتها جواك دى كلها

طبعا مش كل الناس بتقدر تتحرر من الايجو كله لان مش كل الناس بتسمح بده لان الطريق الى انك ترتقى اعلى و تعرف حقيقتك  بردو مش هاقدر اقول الحقيقه  دلوقتى عشان مش عايز اطلع مقاومه اكتر من كده لكن الطريق للحقيقه دى ضيق اوى و يساعك انت بس ميسعش الايجو معاك اذا الايجو دخل عمره ما هيوصلك لقدام هيشدك لورا لذلك الطريق للحقيقه دى ضيق و مش كل الناس هتبقى عايزه تمشيه فى ناس مرتاحه فى الخوف و سعيده فى الحزن فعلا  فى ناس كده لذلك التقدم لقدام او انك تطلع لفوق و تسيب الايجو تحت خيار صعب على 99.00.99999 من الناس بدون اى مبالغه

حبيت اعمل التسجيل ده النهارده على جزئيه الايجو حاجه نوعا ما دينيه و خاصه بالشيخ الشعراوى طبعا فى رأيي ان شايف انه شخصيه لن تتكرر يعنى طبعا الاسلام و العرب ممكن يجيبوا حد زيو و احسن منه لكن كان شخصيه ربنا فاتح عليه فتح رهيب

فخلاصة الكلام ده طريق من الاثنين

اما طريق الايجو بتاعك الى بيبررلك و يعملك و يقولك انت صح و انت الشخص الى قدامك ده غلط ما تبدأ دئره تضيق عليك و هتلاقى الناس هتبعد عنك و تبقى لوحدك يا ​​اما الطريق ده

اما تبدأ تعصى عقلك و تشوف عقلك بيقولك ايه و معلش جرب تعمل عكسه و شوف النتيجه جرب متسمعش كلامه و شوف النتيجه اذا ارتحت يبقى اعرف انك بدأت تمشى صح

ارجو انى مكنتش ابقى غامض عليك فى التجيل ده و كل محبه و كل محبه.

اشوفك ان شاء الله فى فرصه جديده و تسجيل جديد

فيصل عبد الواحد

امير نفسك دوت كوم