بسم الله و الصلاة و السلام على سيدنا رسول الله نبدأ ان شاء الله اليوم التدريبى الأول من كورس سيدونا المستوى الثانى
زى ما قولتلكم من شويه حابب ان انا ان شاء الله
اه مسجل بأذن الله يا جماعه
حابب ان انا اتكلم مع حد مش مع الناس كلها طبعا اتكلم مع حد او متدربين من الموجودين معانا النهارده و طبعا كل الى معانا النهارده كلهم خدوا المستوى الأول و اشوف تجربتهم مع المستوى الأول عملوا ايه او حاسين بأيه او فى مشاكل لا قدر الله
جميل
فتطوع جود و محمد عباس و لارا
متهيألى بالترتيب الأبجدى هناخد جود الأول جميل؟
لو فى حد يا جماعه مجهز سؤاله الأول ممكن نبدأ بيه الى مجهز الكلام بتاعه
طيب محمد تقريبا جاهز هنبدأ بيه
محمد بيقول الحمدلله استفدت من المستوى الأول و ارتاحت داخليا الى حد ما بس لسه مافيش نتايج خارجيه جميل يا محمد تقريبا انت كنت كلمتنى و قولتلى ان عندك مشاكل خاصه بيك و كده و ان فى جمله كتبتها فى رساله و قولتلك ان دى اول حاجه هنتحرر منها جميل؟ مش كده يا محمد
جميل
عايز اسأل فكر اول حاجه قولتلك هى ايه ؟ مش لازم تكتبها بس فاكرها ؟ جميل ؟ اتحررت منها يا محمد ؟ اتحررت من احساسك و على فكره هنتكلم على الحكايه دى النهارده اكتر اتحررت من احساسك ان دى الحقيقه او ان دى حقيقتك ؟
جميل ممتاز
عايزك ترجع تفكر فى نفس الجمله مره تانيه يعنى ممكن حتى و انت معايا دلوقتى ارجع فكر فى نفس الجمله مره تانيه احساسك ايه ؟
جميل ممتاز
عايزك ترحب بالأحساس ده يا محمد
دلوقتى الناس كلها تبدأ تغير و تقول انا خلاص رجعت فى كلامى و عايز اشارك
عايزك ترحب بالأحساس ده يا محمد عايزك تحس بالخوف ده عايزك تخاف اسمح للخوف انه يكون موجود بدون ما تعمله اى حاجه حتى لو كانت الحاجه دى انك تتحرر منها اسمحله انه يكون موجود بس
بدون ما تفكر انك تعمله اى حاجه تتخلص منه او تطرده او حتى تتحرر منه او تغير اى شيء بس اسمحله يكون زى ما هو
تمام
حاسس بأيه دلوقتى يا محمد ؟؟
جميل ممتاز
عايزك تاخد نفس يا محمد و عايزك تبدأ تحس الأحساس الى كان جواك او لو حتى لسه موجود جواك و الجمله دى و المشكله دى و اى شيء جواك مش انت صح ؟ هنتكلم بعد شويه على حكايه انت و انا لكن الحاجات دى مش انت يا محمد مظبوط ؟ جميل الى اكبر من كل ده الصفحه البيضا الى عملناها فى المستوى الأول لو انت فاكر تقدر تسمح لنفسك الى اوسع من كل ده انها تكون موجوده الى هى طبيعى موجوده
كل المعتقدات الى كانت بتضعف منك او من نفسك او بسببها بتحكم على نفسك انك اقل من حاجه معينه كل المعتقدات دى موجوده فى مكان ما المكان ده أنت تقدر تسمح بالوعى ده تقدر تسمحله او تتقبل وجوده هنا تقدر تسمح لحقيقتك انها تكون حقيقتك حقيقتك مش المعتقدات و الكلام الى بتقوله لنفسك كل الحاجات الى بتخزنها جواك دى بتلون انت بتشوف حياتك ازاى
عايزك تجاوبنى دلوقتى يا محمد انت عايز تشوف حقيقتك زى ما انت و لا عايز تشوفها من خلال الحاجات الى انت مخزنها جواك دى ؟
تمام
لسه حاسس من طاقتك دلوقتى يا محمد ان فى مقاومه للمعتقدات و الحاجات الموجوده دى فى رغبه فى التخلص عايزك تحس بالرغبه دى كمان عايزك تسمح للمقاومه دى انها تكون موجوده متعملش اى حاجه انت حتى مبقاومش كل حاجه زى ما تكون حتى المقاومه
ممتاز
تقدر تتحرر يا محمد بالأحساس ده تقدر تسيب كل ده يروح ؟؟ عايزك تجاوبنى يا محمد تقدر تسيب كل ده يروح ؟ ممتاز امتى هتسيب كل ده يروح يا محمد ؟ انت هتسمحلها تروح يا محمد ؟ ممتاز جميل يا محمد
عايزك دلوقتى كمان ترحب برغبتك فى تغيير الواقع الخارجى ده
النهارده كمان هنتكلم على الرغبه فى التغيير بشكل موسع
عايزك تتكلم فى رغبتك يا محمد فى تغيير الواقع ده
ممتاز
تقدر تتحرر من الرغبه دى يا محمد ؟ تقدر تسمحلها تروح ؟ ممتاز
انت هتسمحلها تروح يا محمد ؟ ممتاز
امتى ؟؟ ممتاز هايل تقدر يا محمد تسمح لكل حاجه تكون زى ما هو تقدر تتقبل الواقع زى ما هو اى مقاومه تطلع متقاومهاش اى احساس بالرفض يطلع مافيش اى مشاكل حسه خد وقتك و حسه تقدر تتقبل الواقع زى ما هو و تسمح لكل حاجه تكون ؟
معايا يا محمد ؟
ممتاز تمام
تقدر تتقبل الواقع زى ماهو ؟؟ ممتاز يا محمد عايزك تاخد نفس تمام حاسس بأيه دلوقتى ؟؟ ممتاز جدا
لسه فى اى اهتمام بالواقع الخارجى يا محمد او تغيير او اى رغبه فى تغييره ؟؟ جميل مافيش اى مشاكل احنا يا جماعه مش عايزين لما نكتشف حاجه مش نخبيها بالعكس احنا عايزين نحسها اى حاجه تحس بيها دلوقتى يا محمد اسمح بيها خليها موجوده مش لازم يا جماعه نضغط على نفسنا اننا نتحرر بشكل كامل من اول مره ده بيحط علينا ضغط كبير فأى كان يا محمد اسمح للأحساس ده انه يكون موجود بالبساطه دى متعملش معاه اى حاجه
اريح دلوقتى يا محمد مش كده ؟ جميل ممتاز هايل
زى ما قولتلك انا كان ممكن اجاوبك بشكل نظرى و خلاص يا محمد جميل ؟ ان شاء الله تفسير الاجابه بتاعتك فى حاجه هنتكلم عليها كمان شويه الى هى الرغبه فى التغيير هنتكلم عليها كمان شويه ان شاء الله
كده خلاص محمد ناخد جود
الله يخليك يا محمد الشكر لله
ناخد جود
كان عندى مشكله فى العمل مع السوبر هايزر بالرغم من انها كانت عميقه جدا معايا و تحترمنى و تعتبرنى محل ثقتها لكن بدون سبب منطقى اصبحت تعمل مشاكل و تسيئ التعامل معى عملت ترحيب و تفاجئت انها صارت اسوأ و زادت مشاكلى معاها أكثر بالرغم من انى حسب رأيها من أفضل الموظفات انا ما عرفت اتحرر كويس
جميل يا جود
الحكايه واضحه جدا من غير حتى ما تكملى كلامك الى انتى عملتيه ان و انتى او انتى حتى بدأتى الترحيب او بدأتى التحرر بشكل عام كوسيله للتغير او وسيله للتخلص جميل و انا فى الحاله دى يال جماعه كويس انى هتكلم عن الحاله دى بشكل موسع عن ما اتكلمنا عنها قبل كده
هنا يا جماعه انصح اننا نعمل الترحيب بس الترحيب حتى برغبتنا فى التخلص او رغبتنا فى التغيير ساعات يا جماعه و ده بيحصل كتير مع ناس بتبقى حالات معدوده نوعا ما اما بنجرب التحرر لأول مره انتى نفس المشكله عملتيها بردو يا جود على رغبتك فى التغيير فالحكايه دى بتحصل ايه لما بنجرب التحرر لأول مره و بنلاقى الراحه جميله كده و كمان مع ناس بتشوفى نتايج جميله بتبدأ تمسك فى التحرر جميل بتبدأ تحط التحرر ده رقم واحد للتخلص من اى شيء انا مش عيزاه فبيبدأ هنا حتى يتعمل تعلق بالتحرر فالحقيقه يا جماعه و المقياس الحقيقي انا مش هضحك على نفسي و انا بتحرر او و انا برحب فعلا فعلا برحب عشان اغير او عشان اتخلص ؟ ولا برحب عشان ارتاح ؟ انت معيار نفسك مش انا فساعات كتير جدا بنقنع نفسنا انا اتحررت و مبقتش حاسس بحاجه جميل ؟ لكن بنخبى الحقيقه الى جوانا ان احنا بنتحرر عشان نتخلص تمام يا جود ؟
اخد لارا ......
عملت سيدونا على التهاب الحلق كان مضايقنى كتير قعد شهر بالرغم من الأدويه الى اخدتها بس كان بيخف الألتهاب و يرجع مره تانيه و قررت اعمل سيدونا على التهاب الحلق و الله خمس دقايق و اختفى الألم تماما و راح ايضا و فى اهداف اخرى عملت عليها سيدونا ارتاحت من الداخل لكن لا يوجد تغيير فى الواقع لا اعرف لماذا
نفس الكلام الى قولت يا لارا تجربتك جميله مع التهاب الحلق جميل؟ هنا مكانش لو تلاحظى او تقارنى بين الحاجتين دول ماكنش فى تمسك بحكايه الحلق رغم ان كان فى ألم بس ماكنش فى تمسك جميل؟ او يمكن كنتى بتعملى سيدونا و انتى بتجربيها كممكن تنفع او متنفعش فماكنش فى تمسك بالنتيجه انما بالنسبه للواقع كان فى تمسك بالنتيجه تمام ؟ احنا معيار نفسنا يا جماعه نسأل نفسنا انا فعلا بترر عشان اتغير ولا عشان ارتاح تمام ؟ فنفس الكلام الى قولته قبل كده يا لارا
كده خلصنا يا جماعه التجارب الشخصيه اه اتحررى من التمسك بنتيجه تمام
ممتاز
كده خلصنا التجارب الشخصيه طبعا مش هاقدر و حتى يا جماعه منلخيش و بلاش اقول هدفى الراحه جزئيه هدف دى كمان هى الكلمه نفسها مافيش فيها مشكله لكن المشكله مع معتقداتنا مع كلمة هدف زى ما اتكلمنا على نجاح فى الجزء الأول لو تفتكروا بقول لنفسي نجاح فبفكر فى نجاح بلاقى نفسي بحط على نفسي ضغط فكلمة هدف دى ممكن بتستثير كده جوه ناس كتير معتقدات تسبب ضغط انا لسه مرتاحتش لسه مرتاحتش انا لازم ارتاح تمام ؟ فأذا حتى هنحط كلمة عامه اتحرر بس تمام ؟ اتحرر بس متفقين ؟ عشان حتى الناس منستثيرش جوانا اى معتقدات تحط علينا ضغط احنا فى غنى عنه جميل
عايز اعمل مراجعه خفيفه كده يا جماعه و النهارده هيبقى يوم خفيف جدا جدا و يوم قد يحمل الكثير من الأحباط للبعض لكنه فى الحقيقه يحمل الكثير من الأمل هنفسر الحكايه دى ان شاء الله
قبل ما ادخل فى النقطه دى عايز اعمل مراجعه سريعه كده على التحرر
احنا قولنا يا جماعه ان التحرر قولنا بدأت ادرس قانون الجذب زمان و قانون الطاقه و لاحظت ان الحاجات كلها بتتكرر رغم انى درست مدارس كتير جدا و مدربين كتير جدا من كل انحاء العالم امريكا الشماليه و الجنوبيه و حتى التايلاند و ناس اوروبين الناس الوحيدين الى مدرستش عندهم هما العرب فالمهم ان فى قانون الجذب بالذات الكلام كله مكرر مافيش فيه اى جديد و لقيت ان مافيش النتايج الى انا عايزها لكن بالصدفه كده كان فى محاضره تقريبا واحد اسمه برينت فيلبيس على ما اذكر و كان اتكلم فى النص كده خمس ست ثوانى على حاجه اسمها ريليسنج و بدأ يتكلم عن كذا تقنيه و شدتنى حاجه اسمها سيدوان بدأت التفت اكتر لحاجه اسمها ريسنج و بدأت انسى قانون الجذب شويه و عرفت زى ما قولت ان قانون الجذب كده كده شغال و بالظبط قطر كده كده ماشي ليه اشغل نفسي انى احاول ازقه لقدام كده كده ماشي لكن الصح و الأفيد ليا ان انا استفيد بالطريق الى ماشي فيه او اخليه يمشي فى الطريق الى انا عايزه تمام ؟
فبدأت التفت للتحرر اكتر بدأ اقرأ فى تقنيات التحرر كنت سمعت منه كذا تقنيه قرأت فى حاجات كتير و اكتر حاجه شدتنى هى سيدونا فقولنا يا جماعه ان التحرر مهم و اهم من ان انا ادرس قانون الجذب لأن كده كده قانون الجذب شغال سواء لصالحى او ضدى كده كده القطر ماشي انما التحرر ممكن اكون متحرر و ممكن اكون لأ هنا الدراسه هيبقى ليها فايده و التعمق هيبقى له فايده فالتحرر يا جماعه الحاجات الى بتسبب الواقع الى انا عايش فيه ببدأ اشوف فى ايه و اتحرر منها انا مش محتاج اعمل معايشه و دى نقطه مهمه جدا لأن فى ناس بتسألنى ازاى اوصل للتردد الى انا عايزه