ازيك عامل ايه اهلا بيك مره تانيه
معاك فيصل عبد الواحد و تسجيل جديد من تسجيلات امير نفسك دوت كوم
من يومين تقريبا عملت بوست على الصفحه على الفيس بوك سألتك من وجه نظرك ايه هى السعاده و سبتك و ناس كتير ساهمت و قرأت حاجات جميله جدا اما ببقى فاضي و بقرأ يعنى
بعدها بردو عملت بوست تانى و سألتك طيب انت قولت ايه هى السعاده من وجه نظرك دلوقتى ايه الى مانعك انك تعيش السعاده دى و بردو يعنىمن الثلاث او اربع الكومنتات الى قرأتهم بتقول ان فى حاجات منعاهم سواء ظروف او اشخاص او اى كان
انا عملت البوستين ده عشان امهد للتسجيل الى انت بتسمعه دلوقتى ده لان لو كنت عملته مره واحده الاستفاده مكنتش هتكون بالقدر الى هتستفيده دلوقتى لما انت عملت الكومنت مع البوستين الى فاتوا
المشكله ايه ؟؟ المشكله ان انت بتبقى رقم واحد شايف السعاده فى حاجه معينه و دى مش المشكله الكبيره يمكن حاجه صغيره اوى
رقم 2 و هى الحاجه الاهم : انك مانع نفسك ان انت تحس السعاده الا لما الموضوع ده يتحقق
خلينى اواجهك بحقيقه انت عارفها بس كنت بتبص الناحيه التانيه على طول السعاده احساس ...بس احساس داخلى مش الحاجات الى بره اه ممكن الحاجات الى بره انت تكون رابطها بالسعاده زى ما قولنا فى رقم واحد بس السعاده احساس داخلى
طيب ان اهستفيد ايه من التسجيل ده و انا بسمعه دلوقتى
الى انا عايز الفت نظرك ليه ان انت لو شايف السعاده فى انك تكون مع حد بتحبه مثلا يعنى احساس السعاده ده مش لازم تأجله لغايه ما الحد ده يكون معاك يعنى ايه يا فيصل اعمل ايه ؟؟
يعنى اسمح لنفسك انك تحس احساس السعاده ده دلوقتى
انا سكت كام ثانيه عشان اسيبك تعى الجمله دى
لو انت شايف ان السعاده فى انك تسافر مثلا او ان انت تاكل اكله بتحبها او ان انتى يجيلك مكالمه من حد بتحبيه او ان انت يكون معاك فلوس اسمح لنفسك او قبل ما اقولك تسمح لنفسك انت قافل السعاده دى و الباب عليها مش عايز تسمح لنفسك تحسها الا لما الحد ده يكلمك او الا لما تسافر مع الشخص ده او الا لما الفلوس تيجى و على فكره نسبه كبيره جدا ما الى انت عايزه بيتحقق مش بتحس بالسعاده بردو و بتفضل تدور على غيرها بس ده مش موضوعنا النهارده
المهم النهارده جرب ان انت بدل ما تستنى الحاجه الى هتسعدك دى تحصل ان انت تجرب شعور السعاده بتاعها دلوقتى متستناش حاجه خارجيه لازم تحصل
طبعا انا مش عايز اتكلم على الجزئيه دى بشكل مطول من ناحية قانون الجذب و لما انت تعيش الاحساس ده دلوقتى هتجذب اكتر منه وهتجذب بردو الحاجه الى بره بس انا مش عايز ده يبقى هدفك
طبعا لو انت عايز تعمل الحكايه دى عشان تجذب اوك مش غلط خالص
بس انا عايز اسألك سؤال مش منطقى ابدا
ليه تحرم نفسك من السعاده على امل انك تحقق بحاجه تانيه بره و انت فى ايدك تحس السعاده دلوقتى ؟؟
يا فيصل كله كلام و انت مش عارف الظروف الى انا فيها .. صدقنى بغض النظر عن الظروف و مهما كانت ظروفك اسمح لنفسك انك تكون مع نفسك دقيقه او دقيقتين و ادى لنفسك احساس السعاده الى انت قافله ده و اسمح لنفسك تحسه افتح الحدود دى و اسمح لنفسك تحس الاحساس ده
طبعا بأذن الله انت كده كده هتشوف تغييرات فى حياتك طالما عيشت الحاله دى هتشوف بره فى حياتك هيحصل ايه بس انا قصدى انت ليه تعامل نفسك كده ؟؟ ليه قافل على نفسك و مش عايز تعيش السعاده الا لما تحصل حاجه معينه بره فشيل القفل ده و الحد الى انت حطه ده و ادى لنفسك الاحساس ده بالبساطه دى
فأى كان انت رابط السعاده بأيه دلوقتى شيل الحد ده و اسمح لنفسك تحس السعاده دى دلوقتى اعملها بشكل عملى و اشوفك فى تسجيل جديد ان شاء الله
فيصل عبد الواحد
امير نفسك دوت كوم