الصلاة – فيصل عبد الواحد

بسم الله و الصلاة و السلام على سيدنا محمد رسول الله عليه و على آله الصلاة و السلام و على  جميع أنبياء و رسل الله الصلاة و السلام

الصلاة انا شوفت الناس بتصلى و هى مش بتحب تصلى او مش بتخشع فى الصلاة عشان هى مش عارفه بتصلى ليه  يمكن فى الى بيصلى عشان اتعلم انه يصلى من اهل فى   الى بيصلى عشان حرام ده ربنا هيعذبك و يعمل فيك كذا و كذا    فى الى اتعود يصلى عشان ميحسش بالذنب    فى الى بيصلى عشان ربنا يكرمه  مثلا  فده كله بيخلى  الناس تبعد عن الصلاة فى تاركين صلاة كتير و بيخلى كمان الى بيصلى  مبيخشعش فيها او مبيحابهاش و كمان فى ناس بتصلى و شايفه الصلاة دى حاجه و الدنيا حاجه  فى يوم من الايام كنت بتعامل مع حد فكنت واخد منه شقه  ف انا ديما بتعامل لأنى حد من الناس الى ادركوا عظمة ربنا اد ايه فكنت كلامى مع الناس  كنت ديما اتكلم بربنا يعنى اهدد بربنا  اقول هدعى عليك لانى عارف ربنا مبيسبش حاجه  كنت خدت منه شقه بالتكييفات او الناس الى بتسمعنى فى الخليج تكييف فى مصر الى هو المكيف  فالتكييفات انا خدتها ثقه و عيشت فى الشقه فتره يعنى مستخدمتش تكييفات بعد كده الا لما اختى زارتنى فأستخدمت تكييف فى اوضه فالكهرباء فصلت و الفنى الى جه بعد كده قالى فى عيب فى التكييف قالى كويس ان الشقه مولعتش  فكلمت الى خدت من الشقه ده فقولتله التكيفات يا دكتور فلان مش شغاله  بتقولى الشقه بالتكييفات  قالى انا قولتلك  الشقه بالتكييفات   لكن قولتلك ان التكييفات شغاله ؟؟؟

فأنت شايف ده يرضي ربنا لما بفتكر الموضوع  بضحك و بالمناسبه انا حد ذاكرته قويه جدا قالى التكييفات شغاله و حتى لو ماقلش هو الى عايز اوصله من القصه دى ايه  انى لما قولتله ده يرضي ربنا قالى دى مالها و مال ربنا  دى تجاره

ففى ناس بتصلى و شايفه ان الصلاة دى ملهاش علاقه بالدنيا الى انت بتعيشها و كمانفى كارثه بقى بتحصل ان فى ناس بتصلى و تفتكر ان اعمل الى انت عايزه الصلاة الى الصلاة مكفرة لما بينهما يعنى و دى مصيبه يعنى سبحان الله و الى فينا و الى بيحصل فينا كمسلمين مش قليل

الصلاة موجوده عشان تكلم ربنا هو ده الغرض موجوده عشان ربنا بيقول و اقم الصلاة لذكرى  ده اول سبب ان الناس مش عارفه هى بتصلى ليه يعنى اناعايزك كده تسأل نفسك انت بتصلى ليه  ؟؟؟ عشان الفرض ميفوتكش  مش كده  او عشان حرام   او عشان ربنا يرضي عنك  مظبوط  لكن ربنا قال و أقم الصلاة لذكرى يعنى و انت داخل على الصلاة هدفك منها ان انت تذكر الله و هنا نقطه عشان انتشر فى السنين الأخيره  جزئيه  للناس بتقول ان اذكر ربنا بصلاة غير الصلاة الحركيه او بصلاة غير انا هذكر ربنا وخلاص هاقعد مع نفسي و اذكر الله  هو اذا احنا قرأنا الآيه صح  هى بدأت بفعل أمر  و أقم الصلاة  يعنى اقم الصلاة الأمر واضح  ان ربنا مخيركش فيها أقم الصلاة لذكرى مخيركش تدور عن طريقه تانيه او صلاة تانيه تذكره بيها طبعا فى ذكر و تسبيح و حاجات تانيه جميله انما بالنسبه للصلاة ربنا أمرك و حدد الغرض منها  أقم الصلاة لذكرى

دى نقطه و نقطه مهمه جدا الناس مش عارف هى بتخدل تصلى ليه !!!

تانى نقطه و يمكن بنفس أهميه النقطه الأولى و هى ان الناس بتقسو على نفسها اوى و بتقارن نفسها  بالقصص و الاحاديث و السيره الى بتسمعها ان صحابى من الصحابه كان بيصلى و دخل سهم فى صدرة و محسش بيه من حلاة الصلاة

فلان كان بيصلى و كان بيحرس معسكر المسلمين و دخل فيه سهمين و مكنش عايز يخرج من الصلاة من حلاوتها جميل دى حاجات جميله بس بردو الصحابه الكرام مش من اول مره صلوا كانو كده  صح ؟؟  مظبوط ؟ انت تبدا الصلاة زى ما احنا قولنا من شويه و تبقى حنين على نفسك و تبقى رفقا بنفسك شويه  تبقى تعامل نفسك بالراحه متلومش نفسك و تجبر نفسك متفكرش فى حاجه و خدها قاعده  اى حاجه هترفضها هتستمر لو انت بترفض السرحان هتلاقى نفسك بتسرح اكتر فى الصلاة فتبقى حنين مع نفسك لو انت خدت بالك ان انت فكرت فى حاجه تانيه متلومش نفسك و تاحسب نفسك على ده خصوصا و انت بتصلى  لأ خلى جواك كده احساس رحمه و رفق و حب بنفسك و متقفش عند النقطه دى  يعنى حتى متقولش لنفسك ان اسرحت ليه او فكرت فى الموضوع الفلانى ليه  لأ

لو انت بتقرأ آيه و لقيت نفسك بتقول آياك نعبد و آياك نستعين   لقيت نفسك و انت بتقولها فكرت فى المشوار الى انت لازم تروح  أدخل فى الآيه الى بعدها على طول و متلومش نفسك  و هكذا انما  لما تقف و تقول انا طلعت من الصلاة  هتضيع  الآيه الى بعدها و الى بعدها و الصلاة كلها  و هتكره الصلاة الى بعدها  هتبقى مضايق انك تصلى الصلاة الى بعدها عشان انت بذت مجهود و معرفتش تخشع  معرفتش تصلى الصلاة الى انت عايزها لأ معلش بالراحه على نفسك و عادى توقع ده  مش هسميه طبيعى ده معتاد  فواحده واحده و بالراحه على نفسك و فى حاجه مهمه و هى النقطه الى يمكن اظن ان هو أهم  و مهمه جدا بس فى ظنى هى اهم من النقطتين الى فاتو  بس انا ماكنش ناوى اقولها بس ربنا الهمنى بيها و انا بتكلم و هى ان دى حاجه حديث سيدنا محمد علية الصلاة و السلام او مروى عن سيدنا محمد انه كان لما بيطرأ عليه أمر مهم كان بيصلى دى حاجه انا شوفتها من غير ما ادور فى متن الحديث او فى سنده انا عارف ان هو صحيح  ليه ؟؟  لأن عيشتها  انا لما فى موضوع  فعلا بيشغلنى او  موضوع مهم مبشغلش بالى بيه خالص  كذلك الصلاة و انت بتصلى لازم تبقى عارف ان تخشع فى الصلاة عشان تذكر الله  ده احسن للموضوع الى كنت هتشغل بالك بيه  يعنى تخشع فى الصلاة عشان تذكر الله زى ما قولنا و اقم الصلاة لذكرى و انك تقم الصلاة عشان تذكر الله ده فى حد ذاته لوحده اما تعمله  احسن للمشوار الى انت كنت رايحه كمان شويه غير ما تدعى ان ربنا يسهلك المشوار  يعنى لو انت بعد ما تصلى رايح مشوار  المستشفى مثلا لوالدتك تمام ؟  ان انت تقم الصلاة لذكر الله  و تذكر الله فيها من غير ما تكون عايز منه حاجه و حتى من غير ما تدعى و انت ساجد و انا بقولك والله و بتكلم عن تجربتى   لما انت تصلى و بس عشان تذكر الله  و تسيب الموضوع  بتاع والدتك ده و تصلى بس الصلاة دى عشان تذكر الله  و أقم الصلاة لذكرى و انت نازل ممكن و بنسبه كبيره جدا ممكن يجيلك خبر كويس والدتك ماشاء الله نقولها من العنايه المركزه لغرفه عاديه  خلاص هتطلع و بقت كويسه  دى حاجه والله انا عيشتها و ارجو ان الناس كلها تجربها و تعيشها فأظن  من الى ربنا وراه لعبده الفقير لله ان الحاجات دى كلها  تلملك الصلاة

فالمره الجايه لما تيجى تصلى او قلا ما تيجى تصلى غير نيتك و خليها ان انت هتصلى عشان تذكر الله  تكلم ربنا و أقم الصلاة لذكرى  الآيه واضحه سبحان الله  احنا مبنقرأش كتاب ربنا  !!!  بنصلى زى ما اتلعمنا  مش بنقرأ الكتاب الى ربنا سايبهولنا  و لحد دلوقتى مجاش ولا هيجى زيو

فخلى دى نيتك ان انت تصلى عشان تذكر الله بس و واحده واحده كده و خليك بالراحه على نفسك و حنين على نفسك و واحده واحده  كل مره هتصلى كده كل ما انت هتحب الصلاة و هتحب ان انت  زى ما قولنا اما تصلى عشان تذكر الله انت هتشوف حياتك كل ما فى الدقيقتين او الثلاث دقائق او الاربع دقايق  بتذكر الله هتشوف الدنيا بتتحس هتحب تصلى اكثر و تذكر الله اكثر و هتحب متشغلش بالك بالدنيا و تصلى اكثر  هى هتيجى كده بس واحده واحده مع نفسك مش لازم من اول مره تصلى تبقى حاجه محصلتش  و اذا حصل  بقى حدث جميل يعنى خدها واحده واحده

ارجو ان شاء الله يكون الفيديو  عجبك و افادك و اشوفك فى فيديو جديد ان شاء الله

فيصل عبد الواحد