بسم الله و الصلاة و السلام على سيدنا رسول الله
نبدأ ان شاء الله اليوم الأول من المستوى الثالث من كورس سيدونا معاك فيصل عبد الواحد
النهارده زى ما قولتلك انا كان المفروض ان هو يكون يوم تجريبى يعنى اتشيك معاك الكونيكشن اتشيك معاك الصوت اتشيك انت عملت ايه الايام الى فاتت لكن انا حابب ان احنا نبدأ ان شاء الله لان زى ما قولتك و الكلام طبعا ماكنش متسجل اتكلمنا قبل ما نبدأ بحوالى ربع ساعه كده قولنا ان الكورس السنه دى لا يقارن بالسنوات السابقه فالبذات المستوى الثالث ان شاء الله هيبقى ضخم جدا جدا و دسم جدا مش دسم بمعنى تقيل او بمعنى رخم فى التنفيذ او كده بالعكس اصلا ان شاء الله الكورس زى ما انت فاكر فى المستوى الثانى او الأول ان احنا كان كل شغلنا عملى بالعكس كان فى حاجات حتى فى الصفحة بتاعة الكورس كان مكتوب حاجات نظريه شلناهم و اتعاملنا بشكل عملى اكتر
فلذلك الحكايه مش ان الكورس هيبقى فى حاجات كتير و نظريات و كلام بالعكس جزء هيبقى اه جميل جدا بأذن الله المستوى الثالث بالذات لكن فى نفس الوقت هيبقى خفيف و مش خفيف يعنى هيعدى بسرعه خفيف يعنى اى نعم التنفيذ الى فيه هيبقى كتير بأذن الله بس مش هيبقى رخم عليك
عايز اقول كمان حاجه مهمه قبل ما ابدأ بأذن الله ان الى خد المستوى الأول بس و دى حاجه محبتش اقولها فى الاول و هاقول ليه الى خد المستوى الاول بس كان يمكن قبل ما ياخده كان عنده شك انا واحد بتابع فيصل عبد الواحد من سنين و بقرأ كل حاجه عنده و بشوف فيدوهاته و مشترك فى كل حاجه و بتجيلى رسايل و كده هل المستوى الاول يختلف عن الى انا عارفه عن سيدونا عشان انا بتابع فيصل من زمان و عارف سيدونا بشكل كبير جدا فهل المستوى الاول هيضيفلى جديد ؟ و بفضل ربنا كان فى ناس ممكن يكونو حاضرين معانا هنا كان عندهم الشك ده و بفضل ربنا اكتشفوا لا وجه مقارنه بين الحاجات الى كنت بقدمها على اليوتيوب او اى كان و بين المستوى الواحد حتى مش عشان بخبى معلومات والله بس فى حاجات المسئله وعى و تدرج يعنى انا من وقت للتانى الحكايه دى كنت بعملها زمان أكتر من دلوقتى باجى كده على الصفحه او على الويب سايت فى فيديو بحط معلومه مينفعش تتقال الا فى كورس مدفوع مش عشان هى معلومه ثمينه او غاليه لكن عشان معلومه محتاجه وعى اى نعم ممكن تكون معلومه تغير حياه لكن بحطها عشان اشوف رد فعل الناس لكن لما بدأت اعمل كده لقيت ان 95% من الناس مبتتقبلش الكلام و ان كل ده مش حقيقي و كلام فارغ و يعنى انا حتى ناس من متدربينى ممكن يكون و حتى فى ناس معانا هنا منهم فى الكورس الشخصي مثلا الى هو 21 يوم فى اليوم الاول بقوله كلمه معينه و بخليه يفتكر رد فعله او الحاجه الى حسها ناحية الجمله دى و باجى قبل نهايه الكورس بكام يوم و بقول نفس الجمله عشان هو نفسه يشوف رد فعله اختلف اد ايه و الوعى اختلف اد ايه فأنا بقول كل المقدمه الممله دى ليه ؟
عشان المستوى الأول لا يقارن بالحاجات الى كنت بقدمها على الويب سايت او الصفحه جميل ؟ و فى نفس الوقت الحاجات الى فى المستوى الثانى لا تقارن بالمستوى الاول معايا يا جماعه ؟ كل الى معانا النهارده خدوا المستوى الاول و الثانى و بفضل ربنا يناخد النهارده الثالث و انا محبتش اقول فى أول يوم فيه محبتش أقول ان المستوى ده اضخم بكتير و اعمق من المستوى الأول معانا ناس طبعا خدوا للمستوى الثانى بس و مقدروش يكملوا للثالث و بشكل طبيعى لما يسمع الكلمه دى هيعرف ان المستوى الثالث افضل من المستوى الثانى و احنا كنا لسه شغالين فى المستوى الثانى و لما يسمع كده اولا هيزعل ثانيه هيقاوم الوضع ده و ده هيعمل مشاكل اكتر عنده ثالثا و ده الأهم عندى مخه هيتقفل هيبدأ يحس ان الحاجات الى بياخدها فى المستوى الثانى ملهاش لازمه و قيمه لانه عارف ان فى حاجات احسن منها لما تتعمل فالنهارده كانت فرصتى الوحيده انى اقول ده و انت طبيعى عارف ده و انتوا طالما معايا فى المستوى الثالث بفضل ربنا مافيش حاجه تزعلوا عليها او هتفوتكوا
المستوى الثانى اضخم و اعمق من المستوى الاول كذلك المستوى الثالث الى شغالين فيه النهارده ده رغم انه كان اعمق بكتير و افضل من المستوى الاول بس بردو رغم ذلك لا يقارن بأى شكل من الأشكال بلى هنعرفه فى المستوى الثالث ان شاء الله
انا حبيت اقول الحكايه دى دلوقتى و محبتش اقولها فى المستويات الى قبل كده عشان محدش يزعل او محدش يتقفل من التدريب او يتصد و يبدأ يقفل نفسه عن انه يستقبل المعلومات الى فى الكورس
النهارده كنا المفروض يوم خفيف و كان المفروض اننا فى اخر اليوم هنتكلم عن الحريه الماليه سيدونا للثراء او للماديات لكن قبل ما ابدأ يا جماعه عايز اقول حاجه مهمه اوى و زى عادتنا الأسئله هتبقى فى الأخر عشان بس مقطعش التركيز و انت بتسمع حتى التسجيل و انت مركز معايا لو انت سمعتنى كده بجاوب على سؤال او بقطع عشان ارد على حد انت نفسك بتتفصل
ــــــــــــــــــــــــــــــــــــــــــــــــــــــــــــــــــــــــــــــــــ
الى كنت عايز أقوله ان الحريه الماليه المستوى الثالث بالذات كنت كل شويه بدورلك ازاى ازود فيه حاجات تفيدك و ازاى اتعمق معاك الحكايه خرجت من تحت ايدى و من تحت السيطره فعلا لان فى حاجات عايز فى الكورس بأذن الله هحطهالك فى اليوم الثالث و فى مواضيع هنتكلم عنها جوه الموضوع نفسه فى حاجات جديده متكلمتش عنها قبل كده فى اى كورس و اى حد بشكل شخصي فعايز اقولكم على حاجه
سيدونا مش معنى انى حطيتها فى 3 مستويات ان دى حدودها و ده الى قولته فى اول يوم من الكورس متحددش نفسك و دى يمكن احسن حاجه عملتها لما درست سيدونا محددش نفسي بهيل دوسكين محددتش نفسي انى اقصى طموحى انى عمرى ما هبقى احسن منه و الحاجات دى و ده الى عمله هيل دوسكن على فكره لما بدأ يتعملها من ليستر ليفينسن لذلك فى الى تابع الأثنين و الى عايز اقوله ان هيل تميز عن ليستر فى حاجات كتير و بيختلف معاه فى حاجات كتير و انا بفضل الله لما بدأت بالمعتقد ده فى دماغى ان انا حدودى مش هيل و مش ليفسن و مش حدودى شخص معين و الحمدلله مش حابب اقول انا عملت او معملتش بس فى ناس متدربين عندى ادربو عند هيل انا نفسي بختلف مع هيل فى حاجات كتير و بتفق معاه فى حاجات كتير بس انا بقولك الكلام ده ليه و بفضل ربنا خدت سيدونا و روحت بيها لمكان تانى خالص بفضل ربنا محدش خده ليه و انا بقولك الكلام ده مش عشان اشكر فى نفسي و مش عشان تنبهر بفيصل عبد الواحد انا بقولك الكلام ده عشان متحطش نفسك فى حدود ممكن انت فى يوم من الأيام تبقى احسن منى فى سيدونا ممكن تبقى فى يوم من الأيام تبقى احسن حد فى التحرر فمتبقاش حدودك الكورس ده و الثلاث مستويات و متبقاش حدودك فى الكورس ده ان انا بديك او بلقنك و انت بتتعلم منى و بتطبق انا عايز الحدود بتاعتك تبدأ من دلوقتى تشيلها و تتقبل ان الى بتتعلمه مالوش حدود
لو تفتكروا يا جماعه فى اليوم الثانى ان الى هاقوله مش هو الحقيقه الى هاقوله بيشير له فالحقيقه هى المكان و الخريطه الى بتشير له هى الكلام الى انا بقوله فالحتة دى عنيت بيها حاجه غير الى وصلتلك او اعمق من الى وصلتلك نوعا و الى عنيته ان انا الى بقولهولك ده بأذن ربنا و بفضل ربنا هو الخريطه لغايه النهارده فعايزك انت تاخد الخريطه و الكلام ده و اى نعم بفضل ربنا هيفيدك بشكل لا تتخيله و انا مسؤل عن كل كلمه بأذن الله و لما بقول لا تتخيله دى انا عارف بقولها ازاى لكن انا عايزك تاخد الخريطه دى و الكلام ده و اعمل حقيقه خاصه بيك زى لو تفتكر فى اليوم الاول قولتلك متصدقش اى حاجه اقولها و فى نفس الوقت متكدبهاش عايزك تاخد الكلام الى هاقوله و تجربه مع نفسك و توصل للحقيقه بنفسك فهمنا يا جماعه الجمله دى معناها الحقيقي ايه فهمنا ان انا قصدى انك متبقاش حدودك فيصل عبد الواحد و انك ميبقاش ليك حدود اصلا
ــــــــــــــــــــــــــــــــــــــــــــــ
النهارده الحريه الماليه مش هاقدر اتكلم عنها و الحريه الجسديه و الحريه الشخصيه الثلاث حاجات دول توسعوا منى جدا رغم عنى لما بدأت اكتب و اراجع الحاجات طلعت منى و دى حاجه جميله العلم الى انت هتاخده بيزيد فكون ان انا احطها فى يوم مع حاجه تبقى صعبه جدا فأنا عندى اقتراح ان احنا ان شاء الله نخلى اليوم الأخير نتكلم فيه عن الحريه الماليه و الحريه الجسديه و حرية الأشخاص مع بعض عشان حتى يبقى اليوم ده المرجع ليك لو انت حبيت ترجع لأى حاجه من الحاجات الى تابعتها
ــــــــــــــــــــــــــــــــــــــــــــــــــــــــــــــــــــــــــــــــــــــــــ
انت طبيعى عارف يعنى ايه طاقة لكن انا اتكلمت عن النقطه دى قبل كده يا جماعه بس عايز اتعمق فيها شويه نقطة حقيقة الطاقه ديما يا جماعه بنقرأ ان فى حاجه اسمها طاقه سلبيه و طاقه ايجابيه و لازم تبقى ايجابيه و لازم تقاوم او تحارب الطاقه السلبيه الى عندك و تبدأ تتحدى السلبيات و الحاجات دى مافيش حاجه يا جماعه حاجه اسمها طاقه سلبيه او ايجابيه فى حاجه اسمها طاقه و انت طبيعى عارف الكلام ده من المستويات الى قبل كده من سيدونا او من طاقة الجذب
الطاقه طاقه محايده زى مياه الى بيحدد انها سلبيه او ايجابيه حكمك او احساسك انها سلبيه او ايجابيه اذا انت جبت مياه و حطيت فيها لون اصفر هتبقى اصفر و اذا حطيت فيها لون ابيض هتبقى ابيض و اذا حطيت فيها لون اسود هتبقى اسود فمنجيش يا جماعه نحكم على احساس او على طاقه انها سلبيه و بعد كده اتضايق و اقول انا الاحساس ده مضايقنى او او فاحنا لما بنبدأ مش حتى بتاخد ثانيه لكن فى نفس وقتها او فى نفس لحظتها لما بقول الطاقه دى سلبيه بتبقى سلبيه اما بحس ان الطاقه دى سلبيه الموقف ده سلبى الذكرى دى سلبيه بتبقى فعلا سلبيه و على العكس لما بقول انها ايجابيه بتبقى فعلا ايجابيه انا عايزك ان لا تقول ان فى حاجه سلبيه ولا عايزك تقول ان فى حاجه ايجابيه انا عايزك تتعامل مع كل حاجه زى ما احنا خدنا الترحيب و السماح للأشياء او ترك الأشياء ان تكون كما هى بردو عايزك تتحرر من حكمك على الأشياء او على الطاقه او على الذكريات انها سلبيه او ايجابيه تمام ليه ؟ اما انا هاحكم على الطاقه انها سلبيه فمعنى كده اننا هاشوفلها حل عشان اتعامل معاها و هنا وقعت فى خطأ انا وصفت الطاقه دى سلبيه هتجذب مزيد منها و ان انا قاومت ان فى طاقة سلبيه
طيب على الجانب التانى وصفت انها طاقة ايجابيه جميل و هستفيد منها فتره و طاقتى هترتفع لكن بعد كده نسبه كبيره جدا من الناس هيحصل عندهم تعلق يعنى مثلا و حالات كتير جدا بتبقى فى حاله شعوريه مرتفعه او مستمتع او حاجات بتجيلك من غير ما تفكر فيها تبدأ تسأل نفسك اكرر الحاله دى ازاى ؟ او اعيش الحاله الشعوريه دى ازاى ؟ مظبوط يعنى حتى ياريت ترد عليا السؤال ده لما انت بتكون فى حاله شعوري مرتفعه او حاسس نفسك خفيف ومبسوط و مستمتع مش بيبقى فى جواك سؤال انا عايز احافظ على الحاله دى او اجيبها تانى و عايز اعرف جت ازاى تبدأ تفكر ؟ مظبوط ؟ بالظبط و ده يا جماعه معناه تعلق معناه ان انا عايز اتمسك بالحاله الشعوريه دى و لو فاكرين يا جماعه ان احنا قولنا فى المستوى الثانى ان حتى فى المرحله التاسعه من المراحل الشعوريه الى هى السلام الداخلى قولنا فى المستوى الثانى ان حتى المرحله دى رغم عظمتها و جمالها و صفائها انها مرحله انها مش انا مرحله بتيجى و بتروح لأن اللحظه يتيجى و بتروح مظبوط ؟ فحتى المرحله او الحاله الشعوريه الى بتيجى دى ؟ تمسكى بيها هو الى بيبدأ يحط فيها مشاكل هو الى بيبدأ يخلق مشاكل عندى تمام ؟
و من ناحية تانيه ده معناه ان انا عارف كده من جوايا ان انا هتيجى مشاكل تانيه فبجهز نفسي للتعامل معاها فلذلك كون ان انا اوصف طاقة انها سلبيه او ايجابيه الاثنين مش أفضل حل تمام افضل حل ان انا اوصف طاقه بس مجرد طاقه
انا بقول الكلام ده ليه يا جماعه ؟ لان دى طريقه من طرق التحرر مش هتلاقيها حتى فى كورس هيل او فى اى كورس عن سيدونا او اى كورس عن التحرر انما مجرد ان انا اعرف الحكايه دى و ان كل ده طاقه الاحساس ده الغضب ده الفرح ده الايجابيه دى السلبيه دى الاكتئاب ده الاحباط ده الاستمتاع ده ان كل ده مجرد طاقه فبعرف فى اى وقت ان انا احوله كده او ابصله على كده ان هو مجرد طاقة بس انا الى بحط عليها كيفيه التعامل معاها انا الى بوصفها اتعامل معاها بشكل معين فلما اتحرر من القيود التوصيفيه دى اى حاجه مهما جت بعرف اسيبها تكون الى بيمنعنى يا جماعه ان انا اكون اعرف اتعامل مع الطاقه الى كنت بقوله لما انا هعرف ان كل الحاجات دى مجرد حاجه محايده مجرد ان هى طاقة بس محايده الى بيمنعنى قبل كده من الترحيب ان انا شايفها طاقة سلبيه و الى كنت بقوله ان الوعى الى انت خدته ده فى حد ذاته طريقة تحرر ان انت تعرف ان اى حاجه بتحسها حتى لو انت كده وصفتها بشكل استباقى انها طاقة سلبيه فهى مجرد طاقة جميل ؟ انت الى حطيت عليها الوصف او الحكم ده فعايز اجرب الى احنا اتعلمناه دلوقتى يا جماعه بشكل عملى
ايه رأيكم نشوف احساس حسيناه فى وقت ما او فى يوم ما وصفنا الاحساس ده ان هو سلبى تمام ؟ عايز كل واحد كده يا جماعه يبدأ يشوف الحكايه دى كل واحد يبدأ يختار موقف او احساس حصله شاف ان الاحساس ده ممكن مرض شاف ان هو حاجه سلبيه جدا و ممكن يا جماعه نسترجع الأحساس ده عايز نبدأ دلوقتى نحس بالأحساس ده زى ما هو جميل حتى لو الاحساس ده او الحاله دى انت موجود فيها دلوقتى اسمحلها تكون مش عشان نعمل معاها اى حاجه الى هيستخدم كده مثلا على مرض هيتعامل مع احساسه ان هو شايف المرض ده او الحاجه دى او الاحساس ده حاجه سلبيه بس قبل ما هنعمل الخطوه دى عايزك تحس بالاحساس السلبى نفسه او احساس المرض نفسه و عايزك دلوقتى كمان ترحب بتوصيفك ان ده سلبى ترب بحكمك ان ده سلبى عايزك تسمح للحكم ده او التوصيف ده ان يكون زى ما هو مبنعملوش اى حاجه ممتاز
اى صور او اى احاسيس اى حاجه تيجى اسمحلها تكون حتى لو صدمه او اى شيء تمام عايزك ترحب بأعتقادك ان توصيفك او حكمك ان دى حاله سلبيه او ده شعور سلبى عايزك دلوقتى تبدأ تتقبل ان ده مجرد طاقة ان كل ده مجرد طاقة اذا انت حاسس بمقاومه لان حاسس ان المتدربين الى موجودين دلوقتى عنده مقاومه ان يقبل الحكايه دى مش مشكله عندك مقاومه انك تسمح او تحس ان الحكايه دى مجرد طاقة بس او مجرد حاجه بس عندك مقاومه ؟ اسمح للمقاومه دى انها تكون موجوده اذا انت حتى بتقاوم الى احنا بنقوله ده اسمح لنفسك تقاومه زى ما احنا بنقول اى حاجه اسمحلها تكون زى ما هى تمام
عايزك كمان دلوقتى ترحب برغبتك فى اطلاق احكام او الحكم على الاشياء و التوصيف سلبى او ايجابى و عايزك تبدأ دلوقتى على اد ما تقدر تتقبل الطاقه دى زى ما هى ممتاز مش عشان اى حاجه حتى مش عشان نتحرر او نرحب ممتاز
دلوقتى حتى ممكن تبدأ تحس ان الاسئله الجايه ملهاش لازمه الى عملناه دلوقتى ده كافى جدا تقدر تتحرر من كل ده و تسمحله انه يروح ممتاز امتى هتسمح لكل ده يروح و يمشي ؟ امتى ؟ ممتاز عيازك تاخد نفس و عايزك تبدأ دلوقتى بعد ما خلصنا استرجع الاحساس او الموقف ده هتلاقى بفضل ربنا فكرتك عنه اختلفت مظبوط يا جماعه ؟ مش كده ؟ حاسين بأيه دلوقتى ؟ هايل يا جماعه
دلوقتى عايز اعمل كده كمان تبدأ تشوف موقف او احساس حسيته ووصفته و قولت عليه انه احساس ايجابى موقف او احساس او شيئ او ذكرى او اى كان و قولت عليه موقف ايجابى او تجربه عايزك تبدأ دلوقتى تفتكر الاحساس ده و تسترجعه على اد ما تقدر الاحساس الايجابى ده ممتاز
عايزك تبدا دلوقتى ترحب كمان بحكمك او توصيفك او اطلاقك بالحكم على الحاجه دى انها ايجابيه عايزك ترحب بيها ممتاز عايزك تبدأ تشوف فى هنا رغبه فى التحكم او رغبه فى الامان او رغبه فى اعجاب الناس اى كان هل فى رغبه هنا فى توصيفك الحاجه دى انها ايجابيه ؟ و اى كان فى او مافيش اى كان الى يطلعلك عايزك ترحب بيه
عايزك كمان تبدأ ترحب الحاله الشعوريه الى انت قولت عليها ايجابيه دى و رغبتك انك تعيش فيها على اد ما تقدر و تطولها على اد ما تقدر هل فى هنا رغبه فى الأمان او رغبه فى التحكم او اى رغبه فى الرغبات الى احنا عارفينها اسمحلها تكون موجوده رحب بيها ممتاز
اسمح لكل ده ان هو يكون ممتاز اسمح كمان بتمسكك لان ممكن كمان تكون حاسس بتمسك بالحاجه دى و خايف تسيبها حتى الخوف ده اسمحله يكون و الى بيحس يا جماعه اننا بنتكلم عليه و انا لما بتكلم على حاجه عشان بحس بطاقة شخص فمتخافش طبيعى ان ده يحصل ممتاز تقدر تتحرر من كل ده اسمح لكل ده يروح ممتاز انت هتسمح لكل ده يروح ؟ انت هتتحرر من كل ده ؟ ممتاز امتى ؟ عايزك دلوقتى تبدأ تفتكر الموقف ده هتبدأ تحس ان انت دلوقتى نظرتك له اختلفت نظرتك مبقتش محدوده او محدده بالعكس هتبدأ تحس ان انت بأذن الله بأنك اكبر او ان انت كامل اكتر او غير محدود انت هتعرف الاحساس من غير ما اوصفهولك بكلام مظبوط يا جماعه ؟ حاسين بأيه دلوقتى ؟ ممتاز تمام
حسينا بأيه يا جماعه ؟ تمام ممتاز
حسينا يا جماعه ان الحكايه دلوقتى ان مع الوقت و مع الاستمرار الموقف الايجابى او ان الاحساس او فكرة جعل الاشياء ايجابيه بتبدأ تتحكم فيا دلوقتى حاسين اننا احرار من الفكره دى مظبوط ؟ ايه رأيكم يا جماعه الاحساس و الحاله دى او مش عايز اسميها حاله بقى ده الطبيعى و ده العادى الى احنا فيه دلوقتى ده الاحسن ولا الحاله الشعوريه الى بنسميها ايجابى ؟ ايه الاحسن من وجه نظرك ؟ ممتاز هايل بالظبط ممتاز
كل الى احنا قولناه ده يا جماعه دلوقتى احنا اتكلمنا على حاجتين لو تفتكروا اتحررنا من السلبيه او الايجابيه و كمان عملنا من شويه تقنية التحرر الى قولناها من شويه دى الى هو لما بندرك ان الحاجات مجرد طاقة طبيعى اصلا بتحرر من غير ما اعمل اى حاجه
دلوقتى عايز اعمل تحرر على حاجه بتطلب منى كتير جدا و انا طبيعى اتكلمت عنها بس عايز اوضحها اكتر دلوقتى ازاى اتحرر من معتقد ؟ بصوا يا جماعه التحرر من معتقد و انا هتكلم على ده و هناخد ممكن ناخد بعده بريك او ممكن اتكلم عنه عن نقطه كمان و ناخد بريك ان شاء الله او ممكن حتى مناخدش بريك
المعتقد يا جماعه ممكن اما انا اقول معتقد لنفسي ممكن محسش بأى احساس مظبوط ممكن احس ان انا مش حاسس بحاجه طيب اعمل ايه فى حاله زى دى المعتقد ابدأ فكر انت ازاى شايف ان المعتقد ده فى حياتك و ابدأ فكر ازاى انت شايف ان المعتقد ده صح ابدأ افتكر كمان مواقف حصلتلك قولت لنفسك فيها المعتقد ده يعنى مثلا معتقد انا ظروفى صعبه و عشان كده مافيش حد هيتقدملى ابدأى افتكرى المواقف الى فاتت اخر موقف حصل و الى قبله و هكذا و افتكرى احساسك و انتى بتقولى لنفسك المعتقد ده اى كان المعتقد
المهم عشان تحس بالمعتقد اكتر بشكل كبير جدا بأذن الله افتكر نفسك و انت بتقوله فى وقت حدوثه او وقت حدوث حاجه نتيجه عنه جميل ؟ فأنا عايز دلوقتى ناخد مثال كده و كل واحد يختار معتقد و نشتغل على المعتقد ده بأذن الله و الى هنعمله دلوقتى ده هيبقى مرجع ليك عشان اذا احتاجت تسمع التسجيل او احتاجت تعمل الجزئيه دى على التحرر من معتقد شغل التسجيل و استخدم الحكايه دى
عايز دلوقتى كل واحد يشوف معتقد يشتغل عليه بأذن الله
تمام عايزك تبدأ ترحب المعتقد ده و تسمح للمعتقد ده انه يكون موجود عايزك كمان تسترجع اخر موقف او عدة مواقف حصل فيها المعتقد ده و تسترجع و تفتكر احساسك و انت بتقول المعتقد ده لنفسك سواء بشكل صريح بتكلم حد بيه او بتقوله لنفسك او بتقوله جواك و بتقوله جواك و مش منتبه للى بتقوله اصلا صوت داخلى بيكلمك على طول اى كان درجة الصوت ده ايه او درجة انا قولت المعتقد ده لنفسي ازاى عايزك ترحب بالاحساس ده .... ممتاز مش عشان حتى نطلع المعتقد او نتحرر منه ... ممتاز .. عايزك كمان ترحب لتصديقك او اعتقادك ان انك مصدق ان المعتقد ده صح و ان دى الحقيقه و حياتك و ان ده مكتوب عليك عايزك ترحب بأى حاجه من الحاجات دى لوكانت عندك تمام
عايزك كمان ترحب برغبتك فى تغيير المعتقد ده او التخلص منه ... ممتاز اسمح لكل ده ان هو يكون زى ما هو عايزك كمان لو حاسس ان فى اى رغبه فى التحكم او اى رغبه فى الامان او اعجاب الاخرين متعلقه بالمعتقد ده و بنحس انها خاصه بالمعتقد ده عايزك بردو ترحب بيها و تخليها زى ما هى و اسمحلها تكون موجوده ممتاز هايل
سيدونا المستوى 1 الجزء الثالث