بسم الله و الصلاو و السلام على سيدنا محمد رسول الله
ايه الاخبار ؟ ايه اخبارنا جميعا ؟
و عليكم السلام و رحمة اللله و بركاته
فى حد كاتب دلوقتى وقت فطار يعنى نستنى دقايق و نبدأ
ناخد شوية اسئله خفيفه كده لحد ما الناس تخلص فطار
حد بيقول هل تنصحنا ما نقرأ لديفيد هوكنز ؟ اه طبعا احنا اتكلمنا عنه فعلا و قولنا هو عمل ايه انصحكوا طبعا تبعدوا عنه اصل هو حد زى ما قولنا حد كان يعنى عنده مشاكل كتير و الشخص الى ساعده اول ما وقف على رجليه هوكنز اول ما وقف على رجليه اول ما أذى اذى الى ساعده فده ناخد منه حاجه ازاى !!؟
فاكرين كنت بقول هعلن كورسين قريب النهارده ان شاء الله هعلن عن كورس منهم و بأذن الله هيبقى الكورس جميل جدا بس استنوا معايا للأخر
على ما الناس تخلص فطار ........
الله يخليك يا احمد ربنا يحبك
هل اذا فاتتنى صلاة هل يجب اعادتها ؟؟ اه طبعا
مساء النور انا حسيت ان بعد الفطار الوقت الأنسب بس هى الفكره بقى فى فرق التوقيت دى ما بين بعض عشان فى ناس هنا من كل حته فى العالم ماشاء الله سواء الدول العربيه او الاوربيه و فى ناس حتى من امريكا و كندا
بالجزائر وقت الأفطار الآن
طيب
الوقت مناسب انا اول مره احضر لايف ... اوك
هو بس فعلا الحضور لسه مش كتير هنستنى شويه
نختار دوله و ربنا هيقدرنى اعمل ليها حاجه معينه و نشوف النتيجه فى الواقع ايه ؟ هاااا ما رأيك يا فريق العمل حاضر معانا دلوقتى
فريق العمل قال : لأ فريق العمل هو المعيار هنا يا جماعه ليه ؟ لان فريق العمل بيتعامل مع ناس اكتر منى و بيتشتم اكتر منى و بتجيله شكاوى اكتر منى و رسايل اكتر منى فبفضل الله بتجيله رسايل الشكر اكتر منى فهو الادري بالناس
بس بردو فى حاجه مهمه اذا احنا كنا عملنا ده الحاجه الوحيده الى هنستفيدها ان الناس هتقدس فيصل و انا مش حابب ده \
حد بيقول ليه بس يا فريق العمل ؟
عشان فريق العمل يا اسماء بتاعى كذا شخص و هما دول اكتر ناس بيتعاملوا مع ناس تانيه فهما الى يقدروا يحددوا عشان بيتعاملوا مع ناس تانيه اه ولا لا
منال ابراهيم : بيعرفوا اكتر منى فى النقطه دى عشان هما بيتعاملوا اكتر منى مع الناس الموضوع تعامل بشرى اكتر مع مين انا تعاملى مع الناس قليل جدا كله من خلال فريق العمل الا الكورسات المدفوعه و التدريبات انما كل حاجه بتيجى من خلال فريق العمل هو يختار يدخلى ايه بناءا على حاجات قايله عليها يعنى
الله يعين فريق العمل
اه فعلا الله يعين فريق العمل الاول بقى كان فى ناس تصحيه الفجر و تزعل يعنى الناس تزعل لما فريق العمل مثلا يقولها الوقت متأخر و كده الناس تزعل و تضايق منهم
الاسئله كتير جدا بفضل الله و ماشاء الله و مثلا انشغل عن حد يبعت يشتم بقى ماهو يا اما ترد على سؤالى يا اما اشتمك فى ناس ماشيه بالمبدأ ده
ليلة القدر حابب تتكلم عنها ؟
والله هى مطلوبه منى بس خلينا نشوف ربنا هيشاء ولا لأ
انا عايز اشوف الأول انتو ايه معرفتكم عن ليلة القدر ؟ هل نستطيع خلق شيء مادى خلال عملية الخروج من الجسد و نجد له وقت و نصحى ؟ اه ما انا قولت كده يا عبد الرحمن
انا عايز اشوف معلوماتكم ايه انتوا الحضور عن ليلة القدر عشان متكلمش عن حاجه متكرره
ليه يا جماعه بتشوفو ان احنا امكانيتنا محدوده ليه كده ؟
يعنى المفروض ان انتو موجودين معايا انا مش بلوم على الناس الى عارفين الكلام الى احنا بندربه بس انتوا ناس فى المجال ده و عارفين ان الى احنا بنقوله بنخلقه ليه مصممين على القناعه دى حد يرد عليا ليه قناعه زى دى مصممين عليها قناعه ان فلوسنا على ادنا او مش معانا فلوس او او
ماهو ده ضعف ايمان ماشى و تربيه على المحدوديه بس انا قصدى انتو ليه مخدتوش قرار ان انتو تسيبو القناعه دى و تتحرروا منها ما احنا سنين بنتكلم على التحرر ليه مصممين ان احنا لسه على ادنا و انا معييش فلوس
بالمناسبه يا جماعه انا ممكن اعمل حاجه فى الدعايه انى استهدف الناس الى معاها فلوس مش كده ؟ و الناس الى تحضرلى متقولش اصلا كلام زى ده يعنى الناس الى بتفهم فى الدعايا ممكن استهدف ناس تشوفنى اصلا يكون معاها فلوس معينه انما انتو موجودين معايا و انا بستهدف الكل ليه مصممين على القناعه دى ما ترتقوا و سيبوا القناعه دى و عيشوا انكوا تقدروا تشتروا الى انتو عايزينه
لا هو معظم الى هنا مسمعوش الى انا قولته يلاقى التسجيل ساعه او ساعتين او ثلاثه يقول انا لسه هاسمع كان عايز حل لمشكله ماديه على ما افتكر قولتله فى كورس سيدونا على اليوتيوب قالى ده كورس كذا ساعه لسه هاسمع .... طيب انت مكسل تسمع حاجه تغير حياتك انا هاعمل ايه ؟
ليلة القدر نتكلم شويه على ليلة القدر
الناس خلاص خلصت فطار ؟ نتكلم ؟
اكتر حاجه صراحه حسيت بنتيجتها سريع هى التحدى ؟ انا الى سألنى السؤال قولتله انا اد التحدى لان الموضوع سهل بالبساطه دى و السهوله دى
فى الجزائر مازلنا لم نفطر
طيب احنا احتارنا يا جماعه الجزائر فطرتوا ولا مفطرتوش؟؟؟
فى حد كاتب هو بيتكلم عن سيدونا ليه دلوقتى ؟
هى سيدونا وحشه يا جماعه هى سيدونا شتيمه للدرجة دى بقينا كارهين سيدونا ؟
سيدونا سيئه مع بعض الناس ؟
ابدا والله سيدونا زى ما انا دربتها استحاله تكون سيئه سيدونا كنز للى يعرف قيمتها والله
الآن وقت الأفطار فى ساحل العاج
كان فى ناس كمان معانا من اثيوبيا
طيب نتكلم عن ايه ؟ فى ناس كاتبه الحيوات السابقه و ناس كاتبه ليلة القدر
الموضوع تقريبا فى ميل شويه للحيوات السابقه طيب نتكلم شويه عن الحيوات السابقه و اذا فى وقت نتكلم عن ليلة القدر بأذن الله اوك و ان شاء الله هتخصر فى الحيوات السابقه بصوا يا جماعه
بسم الله و الصلاة و السلام على سيدنا محمد عليه و على آله الصلاة و السلام
الحيوات السابقه فى ناس مش مسلمه بتتابع هو الموضوع مالوش دعوه بالدين كلامى بفضل الله ديما ملائم لكل الأديان و حتى للناس الغير متدينه
لا طاقة فيصل معدناش هنعملها عشان فى ناس بتزعل فى ناس قالت بتخدل متأخر او بيفوتها اللايف بتقول و هو احنا ملناش نصيب فى طاقة فيصل و انا عايز اعمل حاجه تفيد الكل
الحيوات السابقه انا مبحبش اتكلم عن حاجه الا لما اكون شوفتها بنفسي ممكن تكتب الحيوات السابقه على جوجل سواء عربى او انجليزى او اى كان هتكتبها ازاى و تقرأ معلومات كتير جدا صح و هتلاقى ناس كتير جدا بتتكلم عن الموضوع لكن انا احب اما اتكلم عن حاجه على اد ما ربنا يقدرنى اتكلم من حاجه انا عيشتها زى ما انا ديما بحب ادرب الى انا عيشته ادربه للناس عشان اقدر حتى اذا فى استفسار اتكلم من تجربتى يعنى لو انا عارف الحاجات دى من كتاب او كورس هرد على الاستفسارات ازاى !!؟
تجربتى مع الحيوات المتعدده فى تجربه منهم كبيره اوى فى تجربتين اول تجربه كبيره جدا و هى ان انا الكلام ده مقولتوش كتير قبل كده فى مره كنت نايم بس ماكنش حلو انت تقدر تعرف الى شوفته ده حلم ولا الناس حتى الواعيه او ماشيه فى مجال الوعى زى ما بنقول الكلمه البتنجانيه دى هتعرف ان فى فرق كبير جدا بين الحلم الى بتشوفه و انت نايم و بين انك لما تصحى من النوم تحس انك كنت فى حته تانيه فأنا الحته دى كنت عايز اعرفها جزئيه الحيوات المتعدده او بمعنى اصح كنت بقول هو هيحصل ايه لو انا عيشت حياه عاديه خالص
المهم عيشت حياة راجل عنده 80 سنه و ال80 سنه عيشتهم بكل التفاصيل و بكل التفصيلات الصغيره عيشت 80 سنه بمعنى 80 سنه و مكنتش حياه سريعه لا اتولدت و كبرت خطوه خطوه و اتعلمت و كبرت شويه و اتجوزت و خلفت و حتى شكلى وقتها فى الحياه الى شوفتها دى كان مختلف خالص 80 سنه عيشت 80 سنه مختلفين تماما حياه عاديه شخص عادى و اتجوز و خلف حتى على ما افتكر كان ولد و بنت و كنت وقتها شكلى كان مختلف خالص كنت اقل بياضا سنه و كان لابس نضاره و جسدى وقتها فى الحياه دى و كانت حياه عاديه خالص 80 سنه بكل تفاصيلها بس و صحيت من النوم كأنى كنت فى دنيا و جيت لدنيا تانيه دى اول تجربه شوفتها لكن تتجربه متخلنيش اجزم الى يخلينى يعنى ربنا انا ديما فى حاجات اشارات كده بستشفها اكتر آيه بتخوفنى فى القرآن الكريم كله " و ننشئكم فيما لا تعلمون " و الآيه تقريبا النصف الأول منها بيقول " نبدل امثالكم ... حد فاكر الآيه ؟؟
" على ان نبدل امثالكم و ننشئكم فيما لا تعلمون " الآيه دى مافيش اى تفسير مقنع ليها ده الى مخوفنى ان فعلا ممكن يا جماعه الحيوات المتعدده مش حاجه حلوه انت متخيل يعنى ايه تبقى عايش حياه و بتحب والدك و بتحب والدتك و حبيبتك او مراتك او اولادك و دول كل دنيتك و تروح حياه تانيه اذا يعنى هنتكلم فى الجزئيه دى و تبقى مثلا فيها واحده ست او بنت و تحب مثلا زوجك و تحبى اولادك و تخيل بقى الموضوع ده لو اتكرر كذا مره فالموضوع مخيف " على ان نبدل امثالكم و ننشئكم فيما لا تعلمون " احنا قادرين نبدلكم و نحطكم فى حاجه انتوا مش عارفينها
فأه فعلا الناس بتضحك و الله يا جماعه فى كذا حاجه حصلتلى فى حاجات بقى صغيره يعنى مره شوفت حد جالى فى رؤيه بس مكنتش وقتها نايم يعنى كنت بين الاستيقاظ و النوم او كنت اقرب للنوم يعنى بردو شوفت بنت جاتلى قالتلى فيصل بطل تدور عليا لأن مش هتلاقينى لان انا وهم و فاكر شكلها جدا و لما شوفته عرفت ان انا عارفو
فى تجارب تانيه بقى التجربه التانيه ان انا كنت قعدت مع حد و قالى انت عيشت حياه قبل كده بس هو الى قال دى مش تجربتى انا انما تجربتى انا مع الحيوات السابقه الى انا عيشتها دى فده شيء مرعب انا شخصيا مش حابب يكون ليا اى حياه تانيه بعد الحياه دى كنا مره عند موجى و بيقول واحده جت قالتلى فى واحده ماشيه بره و قاعده مبسوطه كده و بتغنى و ترقص فروحت سألتها البنت الى بتحكى لموجى ما انا سألتها ليه مبسوطه كده قوليلى احكيلى قالتلها انا عرفت دلوقتى ان انا لسه ليا حياتين كمان هاعيشهم فمبسوطه فموجى قال انا مقدرش اتخيل ثانيه واحده زياده و عنده حق انا شخصيا مقدرش اتخيل حياه تانيه غير الحياه دى
بشرب شاى اخضر يا جماعه
كنت متذكر نفسك يا فيصل ؟؟
لا فى الحياه التانيه الى شوفتها دى لا خالص و فى تجربه تانيه حصلتلى بس مش حابب اقولها لان كانت او بأختصار ببساطه عشان الناس متشمأزش منها ..... بس هاقولها ازاى دى .... الدنيا كلها كانت مختفيه يعنى لما جيت منها و جيت هنا تانى مكنتش شايف الدنيا خالص مافيش فيصل و مافيش ايه الحاجات دى ماكنتش فاهمها و مش عايز اقول تفاصيل و الناس هتقول بقى انى بدعى لدين جديد و مش عارف ايه ...
و فى الآخره سيحاسبا الله على كل الحيوات ؟؟
دى حاجه بقى انا مشوفتهاش بنفسي انا ديما بحب اتكلم عن حاجه شوفتها بنفسي يعنى الحاجات الى قولتها دى اذا ربنا سألنى عليها و يارب ميسألنيش و ادخل الجنه بدون حساب اذا قرر يسألنى عليها هاقوله يارب انت ورتهانى انا مكذبتش على الناس
نتكلم عن ليلة القدر بقى ؟ تمام
ليلة القدر الكلام الى عليها كلام شوفته مش دقيق انا شوفت ناس كده بتعمل اجهزه و بتقيس حاجات و فى ناس قالت ان ماشاء الله ان رمضان كله ليلة القدر كلام ما انزل الله به من سلطان الآيات واضحه يا جماعه مش هنقعد نألف فى الدين
لو هنتكلم عن ليلة القدر لازم نتكلم عن نبذه قصيرة كده عن الروح و انا مش متابع الناس والله يا جماعه بس يمكن حد اتكلم عنها صح انتوا تعرفوا ايه عن الروح ؟ كلمة روح فى القرآن دى ناس كتير اختلفوا عليها فى الى قالو انه سيدنا جبريل و فى الى قالو لا ده ملك خاص اسمه الروح
بصوا يا جماعه ليلة القدر ليها اختصاص خاص عشان بس نفهم الموضوع ببساطه مش حابب اتكلم عن ليلة القدر على اد ما انا حابب اتكلم عن الحاجات الى بتحصل فيها ليلة القدر او من غير ليلة القدر انت فى اصلا ملائكه موجوده معاك وظيفتها ... صدق او لا تصدق ... طبعا احنا عارفين ان فى ملائكه معانا بتحمينا بس فى ملائكه موجوده معانا كبشر تعملنا الى احنا عايزينه !!!! تانى كده يا فيصل اه فى ملائكه وظيفتها خلقت عشان تعملنا الى احنا عايزينه جميل ؟ طبعا ربنا الى خلقها و لما انا استعين بملائكه ده مش كفر فى ناس لما تلاقيك بتستعين بملاك معين تقولك يا كافر بتستعين بملائكه من دون الله يعنى هو انت لما بتتعب بتروح لدكتور يبقى انت كده كفرت ؟ ده كيان ربنا خلقه عشان يسهلك حاجه معينه زى ما ربنا شاء ان يبقى فى طب و هندسه و تروح للناس المختصه بردو فى كائنات مختصه فالأسماء كتير مش موضوعنا الأسماء فى ليلة القدر بالذات ربنا بيأذنلهم " عشان كده الآيه بتقول هقرأها بالظبط " بأذن ربهم من كل أمر " ربنا بيقولهم الليله دى بالذات ربنا بيقولهم اى اتصال معاكم او اى دعوه عبادى يدعوها نفذوهلها يعنى الملايكه اصلا موكله ان هى تعملك الى انت عايزه بتاخد امر زياده ان فى الليله دى بالذات عبادى الى تسمعو دعوته اعملوهاله اقعدى كده يا ملائكه من بعد المغرب لغايه الفجر اى حد يدعى دعوة انتوا وظيفتكم انكوا تعملوهاله
حتة الروح بقى اذا اتكلمنا عنها ربنا يقدرنى كده و مضلش هنا او مأذيش الروح هى صورتنا الأوليه قبل وجود النفس يارب تكون الكلمه واضحه هى حقيقتنا الأوليه قبل النزول للدنيا و قبل ما تعرف يعنى ايه دنيا
ازا نعرف ليلة القدر ؟
السؤال ده مبحبش اجاوبه انا عايزم تعتبر العشر ليالى ليلة قدر و بالمناسبه فى نقطه مهمه و هى اه يمكن النقطه د ملهاش خير انها تتقال خلاص بلاش عشان كده بقول يا جماعه مش انا الى بحدد اقول ايه او مقولش ايه
الى عايز ارجع اقوله تانى ان نفترض ان العشر ليالى هما ليلة القدر نفترض
حسيت اول ما انقطع البث اه ماهو مش كل حاجه تتقال انا بسيب الموضوع لربنا هو ربنا بقى يجرى الكلام على لسانى و يوقف الكلام وقت ما يحب انا ممكن على فكره اكمل بس بحب ديما اخد آرادة ربنا و امشي عليها بس اكتفى بلى قولته عن ليلة القدر
و هكرره تانى ليلة القدر حاجه مهمه جدا و الروح دى يا جماعه هى صورتنا قبل وجود النفس قبل وجودها اصلا و الملائكه فى ملائكه موجوده وظيفتها كلها تحققلك كل الى انت عايزه دى وظيفتها بتاخد فى الليله دى بالذات امره زياده يعنى انا عايزك كده الليالى الجايه كلها اعرف ان فى تستفيد ان الليالى الجايه من اول النهارده اعرف ان فى كائنات معاك مخلوقه عشانك انت مش مسؤله مثلا عن 5 مليون بشر لا مسؤله عنك انت و الله اعلى و اعلم انها فى الليله دى بالذات فى كائنات معايا كده كل حاجه هاقولها ربنا مدى ليها امر انها تحققهالى و دى لازم تكون متيقن منها و ده كلام ربنا مش كلامى انا مبجبش حاجه من عندى فعيش ده العشر ليالى الجايه سيبك بقى يا جماعه اصل سبحان الله فى مرحله معينه كثره العلم بيعمل تشتت و سيبك بقى من جهاز تحديد ليلة القدر امتى سيبك من استطلاع ليلة القدر امتى و سيبك من حاجات كتير جدا بقرأها يعنى سبحان الله
حد بيقول ايوه الملائكه الى على اليمين و اليسار ؟ لا غير الملائكه دول وظيفتهم وظيفه تانيه و فى ملائكه وظيفتهم انهم يحفظوك من كل حاجه و فى ملائكه بقى تانيه وظيفتها انها تعملك الى انت عايزه للأسف الشيوخ معلموناش نحب ربنا علمونا نخاف من ربنا و نكره الدنيا و نتعقد من الناس و نكره الفلوس و نكره النساء سبحان الله ايه الفقه ده يا جماعه طيب ليه معلمتوناش ان فى ملائكه ربنا خلقهم عشان يعملوا لينا طلباتنا " لقد كرمنا بنى آدم " ليه معلمتوناش دى و ليلة القدر بقى فيها الموضوع اضعاف بتوصل تقريبا لألف ضعف اذا ربنا آراد انه يزيد بقى يعنى الملائكه دى واخده امر فى الليله دى ان كل حاجه تحبها و تختارها و تتحمل مسؤليتها تجيلك بس
اه فى حاجه مهمه
فى كورسات كتير يا جماعه عن التواصل مع الملائكه ... غير فعاله نصيحه يعنى لانى بردو شوفت و كنت بحب اشوف الأجانب بالذات بيتكلموا عن الحاجات دى ازاى لانى كنت بدرب اجانب الأول و لسه ليا علاقه بأجانب كتير و مش زى ما انتو متخيلين انا جبتها عشان اقرأ الكلام الى فيها كلام و بردو عشان مبقاش متعنت الكلام الى هما بيقوله لا مش فعال خالص فنصيحه متجروش ورا كورسات التواصل مع الملائكه عربى او اجنبى يمكن قريب هاعمل حاجه زى كده بس مش ضامن عشان متقولش اديت كلمه و اقول انى التزم بيها يمكن والله اعلم
فى كورس جديد عملناه عن التحررات اليوميه ده اللينك بتاعه هيتكتب دلوقتى قدامكو عن اكتر حاجات محتاجينها فى حياتكو و محتاجين التحرر عليها فى حياتكم سجلناه الحمدلله موجوده معاك تسمعها وقت ما تحب فى المواصلات او و انت مسافر عملنا على اكتر من 10 حاجات تقريبا و اكتر من 10 تقريبا 11 او 12 حاجات تهم كل الناس من الحاجات الى كانت بتجبلنا و بفضل الله تحرر مش بقولك اعمل كذا و كذا لا بتحرر معاك و الموضوع بأذن الله يتغير و حياتك تبقى حياه متنعمه
و فى عرض خاص طبعا بس لمدة ساعتين فقط اذا فى اى استفسار طبعا فريق العمل معاكو بياناته على الواتس اب
نبذه بسيطه عن الكورس حاضر هو موجه على
التحرر من التحرش الجنسي
التحرر من الوضع الحالى الى فى حياتك المتكرر
التحرر من السيطره العائليه
التحرر من العجز احساس العجز
التحرر من الفقر المادى
التحرر من العزوبيه
التحرر من الأمراض
التحرر من الوسواس القهرى
التحرر من انا غير كافى
التحرر من العدم يعاندنى
فى ناس عندها كده ان الدنيا كلها ماشيه ضدها و ده موجود بردو
كل ده اتكلمنا عنه عملنا تحرر عليه و تحرر فعال جدا جدا بأذن الله
زى كورس العشر ايام لا مختلف عن كورس العشر ايام لا مختلف جدا عنه يا عمرو
الشكر لله يا فاتن
كده احنا ماشاء الله عدينا 35 اهو اتكلمنا عن موضوعين مهمين النهارده عن الحيوات السابقه و عن ليلة القدر و كمان اعلنا عن كورس مهم جدا جدا و التحرر مش بسيدونا يا جماعه مع انى مش لاقى مشكله فى سيدونا التحرر فى الكورس بدون خطوات يعنى مش عارف والله سيدونا شتيمه !!؟؟ هههه سيدونا مش شتيمه ان ان شاء الله هاعمل لايف مخصوص لسيدونا عشان اشيل اللبس الى عليها و الله انا عملت بيها حاجات و فى حاجات اذا قولتها انتو ممكن تبطلوا متابعتى لانها لا تصدق ف التحرر فى الكورس لا مش بسيدونا بحاجات تانيه و ان شاء الله الكورس هيبقى كورس بفضل ربنا مفيد جدا جدا جدا
مش بتجيب معايا نتيجه خالص : شيماء
خلاص يا شيماء فى يوم هنعمل يوم خاص على سيدونا ان شاء الله متفقين ؟ تمام
اللينك اهو تانى للى محتاجه و كمان هتلاقوه فى الديسكربشن بتاع الفيديو بأذن الله و الى عايز يلحق العرض الخاص ممكن يتواصل مع فريق العمل عشان ياخد اللينك لو مش قادر ياخده من هنا
اشوفكم بأذن الله مره تانيه و مستنيككم فى الكورس ان شاء الله
و السلام عليكم و رحمة الله و بركاته