وعليكم السلام و رحمة الله و بركاته
السلام عليكم
ازيك يا ميرو : بصي يا ميرو انتى كنتى سألتى على الحاجات السوداء الى بتشوفيها لما بتخرجى من جسمك دى غالبا بنسبه مثلا 99% حاجات انتى خلقاها مش حاجات يعنى تخافى منها اذا حابين و فى وقت نتكلم عن الجزئيه دى النهارده
و عليكم السلام و رحمة الله و بركاته
كان فى حد انت اول ما بتخرج من جسمك البعد ده بعد اى حاجه بتفكر فيها بتخلقها اذا انت خلقت احساس خوف مثلا خلقت ان فى حد بيشوفنى هتخلق ان فى حد و هتخلق جسد زى ما انت جواك و بتشوفك انت الى بتخلقه فى موضوع الخروج من الجسد يعنى ده اول بعد بتخرجوا له حتى ممكن اذا خلقت فلوس و مسكتها فى ايدك اوى فى البعد كده تصحى تلاقيها جنبك اظن كده هنحب كلنا الخروج من الجسد
كان فى حد متدرب عندى و بقى مدرب مش عايز اقول اسمه عشان ميزعلش يعنى بس هو حد كويس بصراحه مينكرش انه اتعلم عندى يعنى عمل خروج من الجسد لخلق اهدافه و قالى عليه قولتله يا فلان ملهاش لازمه اوى قالى بس يا استاذ انت ازاى ترفض حاجه من غير ما تجربها قولتله انا فعلا عارفها و مجربها هى كذا كذا فعلا اتأكد ان انا عارفها لما قولتله عليها يعنى
احنا لسه بدأين دلوقتى يا شيماء عامة مقولناش حاجه مهمه كنت بس بكلم ميرو عن موضوع الخروج من الجسد
و عليكم السلام و رحمة الله و بركاته يا نرمين
لا مش حابب اطيل فتره البث يا نوال لان انا عارف ان فى ناس كتير حبه انى اطول بس سيدنا محمد عليه و على آله الصلاة و السلام كان بيصلى بالناس كلهم وراه عايزينه يطول بلا استثناء بأستثناء المنافقين طبعا بس لما بيسمع طفل بيعيط بيقصر فى الصلاه و لازم اعمل حساب ده فى ناس عندها اطفال و ناس بتسمعنى و هى سايقه و انس بتسمعنى و هى عندها حاجه بتعملها
ميرا : نحبك
شكرا يا ميرا
استاذ فيصل هل الاحلام هى نوع من الخروج من الجسد ؟؟ لو الحلم انتى داريه فيه انه حلم و بتتحركى براحتك فى ناس بتحلم يا جماعه بتقول انا كنت فى الحلم ده كأنى فى الحقيقه تقول انا كنت بتحرك براحتى ده نوع من انواع الخروج من الجسد
اه فعلا حد بيقول طرح الاسئله هومعتقد انه اذا شوفنا فيصل نطرح اسئله ؟.. اه والله
حقيقة الحور العين ؟
انا ممكن اتكلم عنها بس الموضوع ده ناس كتير قالت عليه كلام ...!!!! و اصل مش محتاجه فيصل لما ربنا يقول حور مقصورات مقصورات دى يعنى ايه الناس الى عارفه اللغه مقصورات نوع من انواع الجمع و عشان كده سبحان الله ناس خدت آيات من القرآن و استندت عليها ان مافيش سنه فكان فى واحد فيهم كلمته و معرفش يرد عليا لان لازم تبقى عارف اللغه العربيه عشان كده معرفش يرد عليا
انواع الجمع فى اللغه العربيه ايه ؟؟
الحور العين فاكهه فى الجنه ؟؟ لأأأ
انواع الجمع فى اللغه العربيه ايه يا جماعه ؟؟
ايوااا جمع مؤنث سالم و جمع مذكر سالم و جمع تكسير حور مقصورات مقصورات دى جمع ايه ؟ جمع مؤنث بالظبط فمش محتاجه تفكير يعنى مش محتاجه ان انا لازم اطلع بحاجه مختلفه فى الآيه عشان ابقى واو و الراجل ده جاب حاجه جديده لا هى الآيه واضحه لكن فى حاجه لازم نشوفها و نعرفها ان القرآن لما سيدنا محمد لما كان بينزل عليه الوحى كان بينزل علشان يجاوب على اسئله الناس فأسئلة الناس وقتها او منى الناس وقتها او رجاء الناس وقتها ان هما يشوفوا الجنه مثلا فاكهه لذلك فى آيات بتتكلم عن الفاكهه فى القرآن و بردو العرب بيحبوا النساء جدا ففى آيات اتكلمت عن النساء و مش معنى كده ان هذه المتعه الوحيده فى الجنه انما لازم نقعد نفسر و حد وقع على كتاب و افتكر انه كده هيسبق الناس فى كتب كتير جدا مش لازم المعلومات الى فيها صح و كمان لازم نعرف يا جماعه ان الجنه درجات .. الجنه درجات المتعه الى فى درجة غير المتعه الى فى الدرجه الى فوقها و هكذا
مافيش حور عين النساء فى الجنه لا فى نساء فى الجنه احنا مش هنألف فى الدين مع احترامى ليك انت الآيه واضحه " حور مقصورات فى الخيام " هنتكلم بقى ان الحور دى هى الروح لا الروح دى حاجه تانيه خالص لا الروح دى موضوع تانى خالص يوم يقوم الروح انا ممكن اتكلم عن الروح بشكل اعجز بيه اى حد تانى والله بلى ربنا فتح عليا بيه بس هدخل فى نقاش اعمى مع ناس مش عايزين يعترفوا ان هما غلطانين ممكن اتكلم عن الروح و ايه دور الروح و ليه قال " يوم يقوم الروح " ليه قال يقوم ؟؟ هااا ؟؟ الناس الى بتقعد تألف فى القرآن بقى تقول لا الحور عين مقصود بيه حاجه تانيه و زوجناهم بأنفسهم و الحور دى هى الزوجات بتاعت ال.... منألفش فى القرآن يعنى القرآن واضح
من الحاجات الى فعلا بتكلم عليها بحدة التأليف فى القرآن يعنى انا ممكن اتسامح مع الاجتهاد فى القرآن ناس كتير بتجتهد فى القرآن لكن ان انا اشوف الرأى ده هو الى صح و لما حد يقولى الرأى بالدليل مخدوش لا ده مسموش اجتهاد ده اسمه تعنت
اجد نفسي فى نزاع بين الحضور و العوده الى خلق المشاكل ؟؟
لا هو مش نزاع انتى بس عشان متعوده انك لما تشوفى حاجه معينه او شيء معين او شخص معين ترجعى تفكرى او ترجعى تعملى ذكريات للمشاكل انتى بترفضي ده لا و مش عايزه ارجع و ببساطه المووضع مش محتاج حرب ايوه انا برجع افكر تانى و اعمل ذكريات و مشاكل لا مش هاعمل بس بالبساطه دى بهذه البساطه
استاذ ايه رأيك فى الزوهرويين و ابناء النجوم ؟؟
يسأل من تكلم عنها
وداد انتى بعتى تقريبا سؤال عن تغيير لون العين و ده كنت بعمله فى كورس مدفوع مبقتش بعملها وقتها كان ب5000 دولار و معدتش بعمله اصلا و مبقاش متاح انا مضمنش الناس تعمله لوحدها ازاى
ما اجمل ان تقرر ان لا تبحث عن حل اه والله بس الناس تصدق انتوا يا جماعه انا عايز اتكلم عن النقطه دى النقطه دى هتكلم عنها و ان شاء الله مش هطول احنا عندنا ثقه و ايمان فى قدرتنا على الحل كلكو كده ردوا عليا شوفوا الكلام ده صح ولا لا ؟
احنا عندنا يقين اوى و ايمان و بقدرتنا على الحل مظبوط قدرتنا اننا نفكر لغايه ما نوصل لحل مش كده ؟؟ عشان كده مش عايزين نجرب منفكرش انما مافيش حاجه اسمها مش عارف افكر و مافيش حاجه اسمها الافكار بتجيلى غصب عنى ده دور بنعيشه و بنمثله و بنزود عليه لما بنرفضه فى حاجه اسمها انا عندى يقين و ايمان بقدرتى على التفكير
مش عايز اصدق فيصل او بلاش فيصل مش عايز اجرب كلام فيصل ان انا مشغلش بالى بالموضوع فى ناس بعتتلى هتلاقوا فى الردود عملت التحدى معايا و مش عايز اقوله تفاصيله دلوقتى ارجعوله فى اول ايام من اللايف و بيقولى بفضل الله 3 مواضيع من الى كانو شايفنها عمرها ما هتتحل اتحلت هى هنا بقى هل انا واثق ان فى حاجه اسمها عقل واثق فى عقلى و فى تشغيل تفكير الى هو اعمل ايه او اروح منين و اكلم فلان او اعمل انت واثق فى الكلام ده اكتر من ان انت متشغلش تفكيرك فأحنا محتاجين ان احنا واحده واحده نبدأ نختار ان احنا نجرب منشغلش تفكيرنا نجرب منشغلش تفكيرنا اما انا اهاعمل فى مره و اثنين و ثلاثه ابدأ بقى كده استمتع مش عشان مواضيعى تتحل استمتع انى مشغلش تفكيرى خالص استمتع بيه اكتر و هلاقى حاجاه كنت بشغل بالى بيها و مش واخد بالى بس عشان بشغل تفكيرى لسنين بقى ده الطبيعى بتاعى بقالى 20 سنه بشغل تفكيرى فى اعمل ايه النهارده لا مش هاشغل تفيكرى بقالى 20 سنه بشغل تفكيرى فى شكلى فى اللبس لا مش هشغل ده لغايه ما نوصل للى احنا عملناه امبارح توصل ان الفكره اول فكره شغاله هى فكرة انا و تختار مبشغلهاش دى طريقة كويسه بردو بس الى احنا عملناه امبارح و اول مبتاخدش وقت خالص ثوانى و مكنش فى انا بس نستمر عليها
النهارده ممكن بقى ان انت تختار تثق ان انت متشغلش تفكيرك مره فى التانيه لغايه ما تتعود على ده و توصل للأنا ده حتى ممكن متشغلهاش محتاجه تعود مش تدريب و ممكن تدريب اتفق معاها بس كلمة تعود اكتر يعنى
و بعد التعود بيحصل ايه ؟؟
بعد التعود بقى لو انت لسه داخل يعنى بتشوف كده ان فى حاجه جميله اوى هنا انا مش عايز اسيبها و مش عايز اشغل بالى بالتفكير بغض النظر بقى عن هى ايه
و الى بقوله يا جماعه يحل كل المشاكل يا جماعه جربوا انا حاسس انى بتكلم فى مناظره او فى جدال بديكم الحلول و انتو بتدونى المشاكل ايه ده !! يا جماعه جربو الى بقوله متجادلونيش فى انكم معذبين فى الأرض فى حد هنا بقاله ايام مصمم ان هو معذب فى الأرض و مش عايز يجرب الى بقوله جرب الى بقوله جربوا يا جماعه الى بقوله هوانا عامل اللايف ده ليه ؟ عشان نتجادل ؟ يا جماعه مع احترامى للكل الى عايز يقنعنى انه عنده مشكله انا مش هاقتنع محدش يضيع وقتى فى اللايف انه يقنعنى انه عنده مشكله مش هصدق و متضيعيش وقتك فى اللايف ده
استاذ فيصل عصب ... هى حاجه بصي لما بتدركى حريتك يا سوما بتختارى امتى تستخدمى مشاعرك بس فعلا انا بستعجب من الناس انت ليه عندك وفاء للمشاكل دى كده
ناس كتير من المدربين او الماسترز بيحسوا ان هما لو اتعصبوا ان هما عملوا حاجه غلط و ان ازاى !!! انما دى نفسها لو حد مدرب او عايش دور الماستر معانا هنا ده نفسه سجن متسجنش نفسك فى اى قالب
طيب و الاهداف ؟؟ لا اله الا الله آمنت بالله يعنى بعد الكلام ده انت نفس الشخص بتقول طيب و الاهداف مع انى بتكلم عنك انت لا بصراحه انت مصمم تعيش مشاكلك
سامحنى يا استاذ فيصل انا اساءت الظن فيك فى وقت ويمكن اكون غلطت فى حقك بتمنى تسامحنى استاذى الكريم الغالى احبك فى الله حب بحجم الكون صافى من التعلق تماما اللهم ارزقه العفو و العافيه فى الدنيا و الآخره ....
انا حصل معايا موقف مره واحد بس فى رمضان من اربعه سنين تقريبا جاتلى رساله على الواتس اب فقالى لو سمحت استاذ فيصل ؟؟ قولتله اه قالى انا عايزك تسامحنى قولتله مين ؟ قالى انا واحد " شغله الشاغل انه يشتمنى و يجيب فى سيرتى و يجمع الناس فى الفيس بوك و يشتمنى " قولتله اسألك سؤال واحد ممكن اعرف ليه الى اعرفه انك مش متدرب عندى قالى اه قولتله ليه ؟ قالى بصراحه قولت استحاله يكون فى حد كامل كده اكيد عندك يعنى بلاوى فكرثت حياتى بقى انى اشوف المشاكل عندك ايه و اشتمك قدام الناس .. الله اعلى و اعلم
بالنسبه للمعجزات حصلت معايا فى حاجات والله الناس مبتصدقهاش لكن اتعلمت ربنا علمنى ان الحاجات دى اخليها لنفسي بقولها بس للناس حواليا او ربنا يشاء ان تحصل حاجات قدام الناس الى حاليا لان فى ناس حتى قريبين منى ممكن ميستحملوش ده و كمان فى حاجه مهمه ممكن الناس الى حطونى فى مكانه كبيره ده بيصعب الكلام الى بقوله كتدريب يعنى الكلام ده بيتقالى كتير ان الكلام ده ممكن معاك انت انما احنا معانا لا يبقى ليه بقى ؟
انا مبحبش اتكلم عن نفسي يا جماعه انتوا هتستفيدوا ايه ؟
كيف السلوك الى الله ؟ ممكن اختم بالسؤال ده طيب انا بحب ديما اخلى الناس هى الى تجاوب نفسها ممكن نتكلم عن السلوك الى الله انا ديما بحب الناس تجاوب جميل ؟ احسن من ان انا اجاوب و ادى المعلومه و الناس بقى افضل اترجاهم بعد كده ميصدقونيش و ميكدبونيش و يجربو الاحسن ان انت تجاوبو بنفسكم
السلوك الى الله او الطريق الى الله
ان سايت سو : انا اكتر واحد بتهجم عليك و بتابعك ؟!! طيب فسرهالى اعتبرنى اخوك و فهمهالى
بصوا يا جماعه لما انا اقولك الطريق من عندك لأودة النوم او مثلا للصاله لو انت فى اودة النوم
انا اكون مستفز ؟!!! ايه يا جماعه فى ايه انا الى مستفز انا الى باخد الكلام و مطبقوش و عندى وفاء لمشاكلى ؟؟ طيب
لما اقولك الطريق من عندك من اودة النوم للصاله ده بيحتاج ايه ؟
صرت اقرب الناس الى قلبى مع انى لا اعرفك و لم اخذ اى كورس معاك .. الحمدلله و الشكر لله
انت بتقول انى مستفز عشان هناك امور تعانى منها منذ سنوات و الأن اصبحت لا اقدر على تحقيقها ولا على تركها و تقبلها و ارى انه ما لم تتدخل قوة اخرى فلن تتحقق و ارجو منك استاذ ان تتدخل فيها و تساعدنى
يبقى انا عشان كده عشان يعنى ... لا تعليق والله انا معملتش حاجه مستفزه هنا فين استفزازى الى كاتبه ده واضح عندك انا دورى فين عشان اكون مستفز !!؟
ايواا تمشي فى الطريق للصاله لما اقولك انت تكون قاعد فى اودة النوم و اقولك توصل للصاله ازاى هتقولى اخد الطريق للصاله صح ؟ لما هو صاحب الشأن يقول ونحن أقرب اليه من حبل الوريد اذا محتاج مسافه ؟؟ اذا انت محتاج مسافه ؟ جميل
اذا انت محتاج مجهود ؟ و هنا بقى نقطه بيقع فيها ناس كتير " الباحثين عن الحقيقه " الى بيعملوا مجهود كبير و مجهود البحث بيبعدهم اكتر اذا هو محتاج مجهود ؟ اما ربنا يقول و هو الله فى السماء و الأرض و يقول و نحن اقرب اليه من حبل الوريد لو جينا نشوف الناس الى فسروا الآيه دى تفسير مضحك بيدل ان هما مش قادرين يعترفوا بالحقيقه دى هتلاقى التفسير ده بيقول بملاكئتنا كأن الله محتاج ملائكه عشان يبقى قريب منك تفسير و لعياذ بالله بتغلط فى حق ربنا يعنى ايه تقول بملائتكنا
و نحن اقرب اليه من حبل الوريد اذا الموضوع مش محتاج منك مجهود و مش محتاج طريق و مش محتاج مسافه صح ؟ محتاج انك تبدأ تعترف ان الله هنا بدأنا ندخل فى الكلام الى يأشعر هو محتاج انك تبدأ تعترف ان الله هنا اوك ؟
الى مخلينا نبدأ نعترف بده واحده واحده كده معانا ايه ؟ طيب الله هنا الى مخلينى محسش بمعية الله الحاجات الى انا مشغلها طيب انا مش هاشغلها و ابدأ اصدق اوى ان الله هنا بس دى حاجه جميله جدا اهى و ممكن تعملها لوحدك و تشوفها لحد ما تختار ان انت تخسر نفسك خالص الله هنا ازاى هخلى نفسي موجوده مع الله دى امكانيه ربنا ادهالك بس لما تعيش اوى الله هنا و تسيب انك تعمل نفسك .. لا اله الا الله وهو معكم اينما كنتم ماهو عشان كده بقول يعنى كلام ربنا واضح لكن احنا بنسيب كلام ربنا و نمشي ورا كلام الناس الى عينوا نفسهم وزراء لربنا و لعياذ بالله شوف الكلام بسيط ازاى و هادى ازاى و مبتدعناش هل انا ألفت حاجه يا جماعه هل انا جبت حاجه الفتها و انا قاعد دى آيات قرآن تيجى تكلم حد بقى يقولك ازاى ده كفر
كان مره حد كان استاذ مش عايز اقول اسم الكليه بس كليه عريقه فى مصر كان استاذ فى الشريع الاسلاميه فقال كلمة كده قال الى يقول الكلام دع يبقى كافر قولتله والله يا استاذ والله الى يقول كلمة الحلول دى ان الله يحل فى الجسد قولتله هو اصلا ربنا كان فى الجسد عشان يسيبه و يحل جسد تانى الى يقول الكلام الى بتقوله ده يبقى مبيفهمش حاجه و مش عارف قولتها ازاى لان فعلا الكلام بسيط و الآيات واضحه و بسيطه ليه نكفر الناس و ليه نقول ان ....
سر بسيط و هو كل دى مش اسرار يا جماعه هو سر انى لازم اجيب مخطوطه ملفوفه و جاى مستخبى عشان تعرفوا تصدقوا ان هو سر !!! سبحان الله الحاجه لما بيتم مشاركتها مجانا و بدون قيود مبنعرفش ان هى اسرار و ذات قيمة عاليه انما لما نخبيها عن الناس !! سبحانك يارب كله فى وعيكم انتوا الى بتشوفو الحاجه سر او مش سر بتشوفوها قيمة او ملهاش قيمه
انا شايف ان مصر هتعطش الايام الجايه و هيبقى فى خراب و جفاف بصوا انا ن 2014 تقريبا شوفت كل الى هيحصل بفضل الله ربنا ورا العبد الفقير لله كل الى هيحصل فمش عايز اتكلم عنه و قولت لناس عرفت ناس الى هنا ناس فى مواقع ما عرفتهم عشان ياخدوا حذرهم يعنى
تمام نختم على كده اشوفكم ان شاء الله قريب
السلام عليكم و رحمة الله و بركاته