ايه الاخبار كلكم ؟
الموضوع اتضح قليلا بعد ارشاداتك تمام يا عادل اتكملت انت على التحرر و الاحساس و كل الحاجات دى
الله يخليكى يا نور الله يخليكى
مين عمل مع هبه التحدى ؟؟؟
ممكن تكلمنا عن الامراض الى الطب عجز عن علاجها و الشفاء منها بأذن الله
موضوع الامراض ده يا جماعه انا بطلت اتكلم عنها خالص مسؤليه انا محبش ادخل فيها الا لما اديلها حقها و كمان اذا كان انا على الاحاسيس و التعامل مع الاحاسيس و خلق الاهداف بأذن الله و ادراك حريتك كنت متورع و كنت مش حابب ارجع ادرب تانى عشان ممكن حد يفهم كلمة بقولها غلط فما بالكوا بالحاجات الجسديه
انا بصراحه مش حابب اتكلم عن الحاجات الجسديه لكن نقطة مهمه و انا قليل الحلفان بس هاحلف فيها هاقول والله حتى لو الحاجه مستحيله ماديا و مش ماديا يعنى فلوس يعنى حاجه لا يصدقها عقل مثلا واحده تحمل و تلد حتى لو معندهاش رحم شوفتوا حاجه مستحيله تماما اهى و مستحيله طبيا اذا يقينكوا فى الله ان هو هيعملك انتى و حتى لو معملهاش قبل كده معندكيش مشكله ان انتى تبقى اول واحده فى التاريخ ربنا يكرمها الكرم ده اذا انتى ده ظنك بربنا هيعملهولك يا جماعه انا كنت الاول ده بسمعه من الشيوخ مكنش بيدخل قلبى بس لما شوفته مع نفسي و حاجات عملتها مع نفسي و جربتها مع غيرى و ناس قريبه جدا منى فبقيت اقولها و انا عايشها
اذا انتى تيقنتىبده و انا بتكلم بقى فى الحالات الميؤس منها عشان اخواتنا الدكاتره ميزعلوش حالات الطب قال ملهاش علاج اذا احنا يقينا او بلاش كلمة يقين دى بحس انها كلمة تقيله على الناس سبحان الله اذا احنا معرفتنا بالله انه هيعملى الى انا عيزاه كده كده هيعملك الى انتى عيزاه " و ما كان عطاء ربك محظورا " ..
السؤال حد سأل عن لا تفعل شيء مبقتش احب اتكلم عنلا تفعل شيء لان شوفت انها بتضر اكتر ما بتنفع فرجعنا للخطوات دى الى انا شوفت الناس بتحبها يعنى اكتر
منال شريف : انا كمان بدأت التحدى استاذ فيصل و ممتنه جدا لعملك .. الفضل و الشكر لله
بماذا تنصحنى يا استاذ فيصل من فضلك
بص يا عادل كمل على الى انت اتعلمته منى و ده وضحلك بعد الى اتكلمناه فى اللايف الى فاتوا الموضوع بقى اوضح ليك كمل مش محتاج نصيحه زياده او خطوه زياده
هل صحيح ان لكل شخص توأم روح ؟ ام تخاريف ؟
بصوا يا جماعه عشان الموضوع ده فى حاجات كتير اوى فى حاجه اسمها توأم الروح و حاجه اسمها توأم الشعله من الى بشوفه و بيعدى قدامى على النت بشوف ناس كاتبه تعليقات و كده فى حاجات كتير و انا فى يوم الكلام ده قريب شوفت تدريبات عن كده و ناس بتتكلم عن حاجه زى كده بس من ناحية ان فى حد مناسب ليك تماما بمعنى ان صفاتك هتكمله و صفاته هتكلمك ممكن يكون فى لكن الى بيضاف عليه بقى هو الى انا معترض عليه ان الشخص ده لازم تسيب كل حاجه و ترتبط بيه لا خالص دى مش حقيقه و مش عايز اقول كلمة تانيه تزعل المدربين مننا
فيصل بعد جلسة الطاقة انا بقيت قليلة التفكير كثيرا بالماديات و لما بشوف مكتوب الله فى اى مكان بحس بسعاده صح كده ؟؟ جميل بس مش عايز اقول صح لان مش عايز ناس تحط توقعات مش عايز الناس او حد يشوف التعليق ده او يسمعنى بتكلم ان هو يتوقع ان ده الحاجه الوحيده الى هتحصله ده جميل و ده طبيعى ان هو يحصل بس منقفش عنده مش ليك انت الكلام ده لغيرك كمان منتوقفش عند ده بس و منتوقعش حاجه واحده بس ممكن يكون الكرم جايلك فى 20 حاجه و انت تتوقع الحاجه دى و ترفض غيرها من غير ما تدرك فتستفيد حاجه واحده بس من 20 حاجه بس ده جميل يعنى و ده طبيعى
صحيح انا مجربه توأم الروح حقيقي و كنت احلم بيه و حلمت و حتى هو عملها قبل ما يعملها بسنه و كان فى بينا ارتباط روحانى قوى
لا لو هنتكلم بقى و ندخل فى الموضوع شويه زياده الطاقه مناسبه لبعض اه هتفهموا بعض اكتر اه لكن مش معنى كده انكوا لازم تتجوزا او ترتبطوا لان ممكن جدا تلاقى توأم روحك متجوز هتعمل ايه ؟؟ هتطلقه و دى حالات شوفتها بعينى و ممكن تلاقى توأم روحك مرتبط و متجوز و سعيد و مبسوط معاها و عنده اولاد لأ انت توأم روحى انت مكتوبلى تعالى طلق و لازم نتجوز .... لأ الاوفر الى بيتحط على الموضوع على الاقل انا شايفه غلط يعنى
هل تردد آيه او ترديد آيه لعدد معين زى مثلا آيه الكرسي 30 مره لهدف ده ممكن يكون سحر ؟؟ لا مش سحر او فى ضرر ؟؟ مافيش فيه ضرر لكن يعنى انا مخدتش الاتجاه ده و مش معنى كده انه اتجاه غلط او وحش لكن مقدرش انكر دى حاجه ربنا عرفهانى و شوفتها فمقدرش انكرها ابقى بكذب على ربنا ان فعلا فى آيات و سور كامله فى القرآن ليها فوائد كبيره جدا جدا لكن انا احجم عن الكلام فى الموضوع ده ليه ؟؟ لان الكلام عن الموضوع ده الناس بتصنفه من الدين طيب الناس لما بتصنفه من الدين بتقول فين دليلك من القرآن و السنه
انا مره شوفت واحد من سنين قولتله اعمل كذا عشان كذا قالى معاك حديث او آيه فالموضوع ده ان آيه تستخدم بشكل معين او سورة تستخدم بشكل معين لغرض معين صحيح لكن انا عشان ربنا آراد ليا غصب عنى اكون مدرب فالكلمه عليا محسوبه بمعنى اذا اتكلمت عن الموضوع ده رغم انه صحيح لكن ناس كتير هتسيب و تمشي لان مافيش عليه دليل من السنه مع ان على فكره انا متأكد ودى حاجه دورو ورايا فيها انا مدورتش ورا نفسي فيها
االعلم الى عندى ده و اكتر انا متأكد و احلف عليه و فيه احاديث كتير جدا و فى سنه كتير و احاديث لسيدنا محمد و عليه و على آله الصلاة و السلام و لكل الانبياء عليه لكن فى جماعه معينه مش حابب اقول اسمها عشان منتفرعش خفت الاحاديث دى و خبت الاحاديث دى و خبت السنه دى و طلعت لنا احاديث تانيه تخلينا نكره الدنيا و نكره كل الى احنا نحبه الفقر و العقد و قشور معينه من الدين و كل الى احنا نحبه ان كل واحد يشوف ان هو صح فخبت علم كبير جدا كان سيدنا محمد و الصحابه اتكلموا عنه فى احاديث مش ببالغ ملايين الاحاديث مش ببالغ و ربنا اعلم مئاا الالاف استخبت بتتكلم عن المواضيع دى عن العلم الى انا بقوله خبوها فى طائفه حبت تستأثر بيها و خبتها و احنا للاسف سمحنا بده لان احنا كنا طمعانين فى حاجه تانيه و ادتنا بقى و الفت احاديث عن الفقر و الحاجات دى
لماذا معظم الى وصلوا الى حقيقتهم رجال و النساء قليلات ؟؟ لا مش حقيقي اولا كلمة وصل لحقيقته كلمه غلط انا لما بقولها بقول عشان الناس تسمعنى
ثانيا النساء قليل لا يا جماعه بصوا اعظم حد وصل لا الكلمه دى غلط اعظم حد ادرك حريته و عمل حاجه غير ممكنه بالمره هى كانت واحده ست ستنا مريم ام سيدنا عيسي
ربنا مبيختارش اعتباطا كده استغفر الله ربنا مبيخاترش كده يعنى حد لعبا او لهوا لا هو اختارها هى لسبب هى بردو تابعوا قصة ستنا مريم كانت بتقعد فى المحراب و كانت بتتعبد و سيدنا زكريا يدخل يلاقى عندها فاكهه الصيف فى وقت الشتا و فاكهه الصيف فى وقت الشتا و كان يقولها انى لكى هذا و ظنى بس بلاش ظنى مبحبش اتكلم عن حاجه مشوفتهاش بعينى لكن الى متأكد منه ان ستنا مريم كانت مجتهده جدا فى الموضوع ده واحده من المكان الى هى فيه ده انا حابب اقول حاجه انا شوفتها بنفسي او بعينى من نفس الدرجة دى مظنش ان فى حد بعدها المكان الى هى فيه ده لا بصراحه مش شايف دلوقتى حد غيرها كواحده ست و فى المكان ده فلأ احنا بس بنسوق مش انا ماليش دعوه هما بيسوقوا للرجاله كتير
تواصلت مع شخص يدعى انه مخلوق اخر و دخلنا فى سكة ترديد و هكذا لغرض انى زى اخرج من اثيرى و اشفى المرضى و حاجات كتير زى كده بس ماكنتش بيتوفق معايا و بشكك
مش فاهم يا ميرو
انا قولت قبل كده يا آيه اقصر طريق يا جماعه اننا ندرك حريتنا اننا نبطل نرفض و نبطل نعوز على اد ما نقدر
الحيوات المتعدده .,.... بلاش يا جماعه المووضع الشائك ده
السيده فاطمه الزهراء ... انا بس بتكلم و الى انا قولته يا جماعه لا يقلل من السيده فاطمه الزهراء و مش معنى انى اتكلم عن واحد ان هو جميل اوى معنى كده ان انا شايف نفسي وحش او ان انا انتقص من قدرى فنفس الموضوع لما بتكلم عن ستنا مريم كده انا لا انتقص من قدر ستنا فاطمه انا بتكلم فى مكانه معينه فى درجة معينه بس ستنا فاطمه لها فضل عظيم بس انا مجرد ان انا ... سبحان الله مجرد ان انا ابص عليها و اتكلم عليها بحس ان يعنى حواليها ستار كده و ليها قدسيه فأنا عارف ليه و ربنا والله عارف ليه بس مش حابب اخترق القدسيه و الستار الى ربنا حطه عليها ده يعنى
ماذا يحصل لنا بعد الموت ؟؟ على حسب الشخص بس حاجه بتحصل لكل الناس سواء حد يستحق او لا يستحق بيدركوا ان هما الجسد ده ازاى اننا كنا فاكرين اننا الجسم ده و بيطلعوا بيبقى فى جزء و لو بسيط من الحريه
مش قادر اتابع مدرب واحد فقط بتنقل بحب التوكيدات و المعايشه بس بردو برتاح و بحب كلامك ايه العمل هل ممكن اطبق كلامك اضافه للتوكيدات و المعايشه اذا كنت بحبها ؟؟ لأ هتتعب صدقنى بص يا اشرف نصيحه ليك اختار ان انت تقول انك مش قادر تبطل معنى كده انك حابب التوكيدات و المعايشه اكتر من الى احنا بنقوله و دى حاجه مبنقولش انها وحشه اختار مدرب متخصص فى الحاجات دى و تابعه لغاية ما توصل لهدفك من متابعته و اذا وصلت الحمدلله يبقى انت سكتك معاه اذا موصلتش فأنا موجود بأذن الله
انما انا و اى حد صدقنى هتتعب اى حد يا جماعه يتايعنى مع اى حد تانى لازم يتعب لان الى عند هيبقى لازم ضد الى عند غيرى فمش عايز اتكلم عشان ميبقاش كلام عن نفسي يعنى
تحدث عن ما سيحصل فى العالم السنوات القليله القادمه هل فعلا ستختفى التكنولوجيا و نعود للحياه البدائيه ؟؟
انا جيت مره فى الصفحه هنا كتبت بوست منشور ان فى المستقبل او فى تاريخ معين الى هيحكم العالم مش هيحكم بمعنى الحديد و النار بس الى هيتسيد العالم العرب منشور عادى زعل ناس كتير جدا و من جوه الجروب انت عندك عنصريه و انا كنت فاكرك مش عارف ايه و حاجه والله مالوش دعوه بالعنصريه كتبت الى ربنا وراهونى و الى ربنا آراد ان انا اعرفه بطريقة او بأخرى فعرفت فعلا ان لأ مش كل الحاجات دى و حتى اذا شاركتها هشاركها على نطاق ضيق جدا مش على الملأ يعنى
اخ فيصل واحد فى اول بداياته بتنصح يبدأ بأيه الكورس فيصل و بالتسلسل ؟؟
اول حاجه يبدأ بكورس سيدونا على اليوتيوب المجانى دى اول حاجه يبدأ بيها
كان فى كورس يتحدث عنه ان يمكن المتدرب عندك ان يصل لاى هدف مهما كان و انت تظل معه على تواصل حتى يحقق هدفه كان ثمنه 997 دولار تقريبا ممكن نبذه تعريفيه عن الكورس ولا غير متاح ؟؟ اه هو حاليا هو ب5000 دولار مش 997 متاح لكن مش لكل الاهداف و ببساطه هو بشتغل مع المتدرب تقريبا 8 شهور و بفضل ربنا بنخلص قبل كده عشان نوصل لهدف هو بيحدده يعنى بس لو عايز تفاصيل اكتر تابع مع فريق العمل على الواتس اب
لو سمحت احكيلنا اكثر على نفس الله الى فينا ؟؟؟
بصو يا جماعه انا شوفت فيديو من حوالى يومين كان واحد من المدربين الاجانب بس مش فاكر اسمه انا اصلا مش بتابع حد يعنى بفضل ربنا بقيت اتعلم من نفسي بس الفيديو جه قدامى فشوفته اكتشفو مخطوطه دينيه اثريه بلغة مش عارفينها بس قدرو يفكوها و لقوا ان اللغه دى متشابهه مع الدى ان اى البشرى فأبدلو الدى ان اى البشرى الرموز الى فيه بالرموز الى فى اللغه دى و لقوا ان الجمل الى طلعتلهم بعد حذف و بعد فك الكود بتاع الدى ان اي مش فاكر جمله بالظبط بس هى على ما اذكر بتقول ربنا دائما جوانا او ربنا دائما معنا او الله دائما معنا لكن انا حابب انتقى كلماتى عشان اى كلمة هاقولها هنا ممكن تضر اكتر ما تفيد و تستفز اكتر مما تثلج صدور
الى مخليك متحسش بده خلينا نتكلم عن ده اكتر انا مش عايز اتكلم ازاى اثبتلك ان الله معاك دى حاجه متتصدقش و الافضل من ان هى تتصدق ان هى تختبر الى مخليك مش قادر تختبر ده هو اختياراتك المعينه المختلفه من شخص لأخر من الاحاسيس بمعنى و انا كنت عملت معاكم فى الجروب هنا التجربه دى قولتلكم اول ما تصحوا من النوم قبل حتى ما تصحوا من النوم و انتوا نايمين على السرير قبل ما تفكروا انا هاقوم شوف ايه اول حاجه تخلقوها هتلاقوا اول حاجه بتخلقوها هى احساس انا احساس انا ده انت قعدت تكونه و تظبطه و تشيل منه و تحط فيه على مدار السنين من احاسيس معينه ممكن يحمل انا دى مثلا تحمل 4% خوف 20 % رعب 2.3% كرم 5% و هكذا و بصورها المختلفه يعنى خوف له صور كتير فى قلق فى شك فى ارتياب فى توتر فى صور كتير ف احساس انا الى انت بتخلقه قبل ما تقوم من النوم بكسر من الثانيه هو فى كل الحاجات دى الى مخليك متختبرش معية الله معك او ان انت شئت ام أبيت ربنا هنا هو الأعتياد على انتاج المشاعر و الاحاسيس دى بس
اقوى كورس يساعد على بطل التدخين ؟ بصوا يا جماعه اى ادمان بقى تدخين , حاجات انا اسف فى اللفظ حاجات جنسيه , حاجات شخصيه , اى ادمان من اى نوع ببساطه الى عامل المشكله فيه بنسبه 99.9.999% هو رفضه انا بتكلم عن الى ربنا وراهونى و بتكلم عليه و انا مطمن اذا شاء و يارب مياشئش ان هو يحاسبنى عشان انا بحب ادخل الجنه بدون حساب هو رافضه رفض التدخين مجرد كده ما انت كده مثلا قعدت مع واحد و شوفته ماسك سيجاره انت على طول بتفتكر احساسك و انت ماسك سيجاره او و انت ماسك سيجاره فى صوابعك و تبدأ بقى لأ مش هدخن مش هرجع تانى الرفض ده و البلاوى دى كلها هى الى بتخليك ترجع اكتر من الاول فببساطه الى انا شوفته ان اما تفتكر ان انت عايز تدخن او تبدأ عادة ان انت عايز تدخن و تبدأ تعمل كده احساس ان انت هتتجنن و عايز تشرب سيجاره و الحاجات دى اى احاسيس انت بتعملها حسها مترفضهاش صدقنى حسها كلها و حبها دى احاسيس انت بتعملها اذا قعدت مع نفسك كل مره 10 دقايق كل مره تفتكر فيها التدخين لسبب او لاخر تعيش الاحاسيس دى و تفكر بلاش تفكر الافكار اذا قعدت تفكر الافكار مش هتقعد 10 دقايق ممكن تقعد 10 ساعات و اكتر بدون مبالغه ركز على الاحاسيس و تحس الاحساس و احساس ان انا هتجنن و احساس ان انا مشتاق للسيجاره كل ده تحسه بدون رفضه خد وقتك معاك 10 دقايق بس و بعد كده بعد ال10 دقايق دول هتلاقى نفسك مرتاح اذا عايز لسه تشرب سيجاره اشربها الى بيحصل بعد كده اما انت بتشرب سيجاره و انت عملت الى احنا قولناه ده حتى لو انت متحررتش 100% لو اتحررت 10% بتحس بفرق طيب هو انا شربت سيجاره ليه ما انا ممكن استحمل انا فعلا المره دى بالذات لما انا عملت الى فيصل قالى عليه حسيت ان السيجاره مزودتنيش حاجه بعد كده و انا رايح الشغل لو صاحبى عزم عليا بسيجاره زى ما بيعزم على طول هاقوله لا خلاص مش محتاج وصلت ؟؟ الطريقه دى يعنى
فى كورسات خمس جلسات خاصه على الموضوع ده بس انا اديتك الموضوع اذا تعرف تعمله بنفسك اعمله اذا حابب مساعد تواصل مع فريق العمل عشان كورس الخمس جلسات عن الموضوع ده
سيد فيصل من فضلك هل ممكن تحدثنا عن المخلوقات الفضائيه او المخلوقات التحت ارضيه و شو علاقتها بالعالم ؟؟ مش هيفيد يا صلاح صدقنى الحاجات دى هيبقى يعنى لا يجزى زى ما قولت قبل كده حد سأل امبارح حاجات فضوليه مش هتفيدنا فى حاجه و بالمناسبه النقطه دى مهمه نخلى بالنا منها اما احنا نهتم بنفسنا و نهتم ان احنا ندرك انا بس كل الى عايزك تعمله سيبك من ان انت تدرك حقيقتك و تخلق اهدافك انا عايزك تدرك ان انت الى بتعمل المشاعر كافى انا مكتفى بده اما انت تبدأ تعمل ده و انت لسه جواك للأسف نيه او فضول على المخلوقات دى هما بيعرفوا اطمن يعنى هما بيعرفوا هما بيعرضوا انهم يتوصلوا معاك و مش كله بيجبروا نفسهم عليكم و مش بيخوفوك و بيهددوك و شغل الافلام ده تواصل اذا انت مش حابب تقولهم متتواصلوش معايا تانى هما بيحترموا جدا حاجات زى دى يعنى
ناخد سؤال بقى عشان نختم
مين الاول الى ماشى معانا فى موضوع تغيير الاخلاق فى رمضان ؟؟
طيب هل راح يصير فى المستقبل ان المخلوقات الفضائيه فعلا تصير جزء من حياتنا بشكل واضح و مباشر ؟؟ انتو كده هتجرونى تانى للكلام عن الموضوع مش حابب اتكلم عن الموضوع يا جماعه هيثير فضول اكتر من هيشفى صدور
كيف اخلى العميل مركز مع افكاره و منفصل عن مشاعره يبدأ يحس بمشاعر و يتواصل مع الناس ؟ بصى يا نهى انتى مدربه تقريبا عشان انا فى مدربين خدوا عندى كورسات قبل كده فالحلول الى عندى معجبتهمش و بقوا بيهينوا بقى و يشتموا فريق العمل فانا مش عارف الحل الى عندى بصراحه هيناسبك ولا لا اذا انتى واثقه فيا فعلا معنديش مشكله اقولك على الى انا عارفه يعنى
طاقة فيصل احنا عملنا طاقة فيصل قبل كده يا عادل خلاص
ممكن حضرتك تعملنا لايف فى يوم تشوف طاقتنا و تنصحنا بناءا عليها ؟؟ حاضر يا اسماء بأذن الله هنعمل ده
هل التخاطر حقيقه ام مجرد تخريف ؟؟ لا حقيقه طبعا
ما رأيك بالمثليه الجنسيه ؟؟ بصراحه يعنى هى اعتياد على خلق احاسيس بردو هو الفكره ان فى ناس اصل انا مبحبش اتكلم عن موضوع بدون ما اتكلم عن جذوره فجذوره ان فى خلق معين او فى كائنات معينه عشان الكلام يكون دقيق حابه ان هى عارفه سر الى احنا بنقوله سر من الاسرار الى احنا بنقوله ان هو موضوع اعتياد على خلق مشاعر الى يخليك متحسش معية الله هى المشاعر الى انت متعود تخلقها هما حابين البشر او الناس تتعود انها تخلق حابين مثلا الرجال يتعودوا يلاقوا احساس اشتياق مع الرجال و هكذا مع النساء الغرض و طالما الموضوع اتفتح و ربنا شاء ان هو يتكلم الغرض اه مش هنكره تقليل عدد البشر و دى الحكايه دى من زمان من يعنى الآف السنين مش وليده اللحظه يعنى ... فى كيان عايز يقلل البشر عايز يضحك على البشر عايز يتحكم فيهم بشكل معين عايز يعبد عايز يكون له اتباع فبيستغل بيعمل طرق معينه نشر فكر معين فى افلام و حاجات ان المثليه الجنسيه اوك المثليه الجنسيه لو مش اوك خلاص مرض و يتعالج هو مش مرض هو ببساطه يا جماعه اعتياد انت متعود كل ما تنزل من البيت تلاقى جارك بيكرب العربيه تشتاق للعربيه نفسك يبقى عندك عربيه تمشى فى الشارع تركب مواصلات تقول اشمعنى انا معنديش عربيه انا نفسي فى عربيه هو نفس الموضوع عرفوا ازاى ان هما يخلوا البنت تشتاق للبنت و الولد يشتاق للولد و هكذا انما الموضوع مش مرض هو تعود على خلق احاسيس معينه بس مش اكتر
طيب ماشاء الله 35 دقيقه الحمدلله كده نكتفى النهارده عشان فى ناس بتحضر فطار و مش عايز ابقى تقيل على الناس و اشوفكم قريب ان شاء الله
السلام عليكم و رحمة الله و بركاته