جزئية الحقيقه او حقيقة الحقيقه
هيثم بيقول انت شرف بحضورك الجزائر نحن نحبك كثيرا
ربنا يحبك يا هيثم احبك الذى احبنى فيك
اهلا بك مرشدى ازيك يا نانو عامله ايه ؟؟
ازيك يا ساره منور الدنيا بنورك يا ساره
فجزئيه الحقيقه الى عايز اقوله عليها ان هى و الكلام ده يعنى ربنا عارفه انا كنت فتره توقفت عن التدريب و كنت توقفت عن التدريب تماما كنت فتره قعدت مع نفسي كان فى فتره كده كان لازم اقعد مع نفسي و انعزل عن العالم خالص و انعزل عن الناس كلها حتى عن اقرب الناس ليا كنت منعزل عن فريق العمل حتى كنت منعزل عن اقرب الناس ليا عن امى كنت لوحدى لوحدى تماما و يعنى مش عايز اتكلم عن الى انا شوفته او الى ربنا ورهونى او عرفهولى فى الفتره دى اوى على اد ما انا عايز اتكلم عن نتائج الى انا طلعت بيها بعدها او حياتى اختلفت بعدها ازاى
بعدها ماكنتش عايز ارجع ادرب تانى خالص مهما كنت بشوف الناس مثلا بتقول يا فيصل احنا التحرر اتعلمناه منك سيدونا لما شغلناها على اليوتيوب او حتى لما خدناها كورسات مدفوعه او كورسات لا تفعل شيء او حتى الحقيقه احنا استفادنا جدا وحياتنا اتغيرت بس مع ذلك كانت رسائل كتير جدا بتوصل لفريق العمل و انا ماكنتش حابب ارجع ادرب خالص
يعنى لكذا سبب منهم ان يعنى لقيت ان ربنا ورانى المسؤليه كبيره ربنا ورانى فعلا دى شوفتها بنفسي المسؤليه كبيره و ورانى بنفسي ان ممكن حاجه اقولها تتفهم غلط تضر حد و ورانى الحساب بيبقى عامل ازاى الحكايه حتى كنت كتبت بوست ان الحساب بيشيب له الولدان قولت انا فى غنى عن ان انا ليه ابقى عايز افيد واحد و هو يفهم غلط و يضر نفسه و يضر غيره و انا يعنى اسئل على كده بس ربنا آراد ان انا ارجع و الى عايز اقوله فى الجزئيه دى ان بردو الفايده ربنا ديما بيحب يغلب الفايده على الضرر المحتمل ده رأيي فى شيوخ بيقولو العكس فى شيوخ بيقولو ضرر المفاسد مقدم على جذب المنافع ده رأى فقهى يحترم الى انا شوفته كونيا و الى ربنا علمهولى ان ربنا بيحب الفايده تعم و الخير يعم و اذا فى احتمال لضرر بسيط ممكن تداركه او يسأل عنه الشخص الى آراد الضرر ربنا بيسمح للفايده و الرحمه و الخير ينتشر فجزئيه الحقيقه انتشرت جدا رغم ان اننا مكنتش بحب ادربها خالص و لما رجعت ادرب تانى مكنتش بحب اتكلم عن الموضوع ده ليه ؟؟
لان جزئيه الحقيقه او ان انت تعرف حقيقتك زى ما الناس بتقول و حتى لو هستخدم المصطلحات دى بقول ان المصطلحات دى اصلا غلط بس بستخدمها علشان اكلمك بلغتك او تدرك ذاتك او ممكن تدرك ذاتك ادق شويه او تدرك حريتك دى بردو ادق و دقيقه جدا الحاجات دى بقت او المجال ده بالذات النقطه دى بالذات انك تعملها علم بيضرها ان انت تعمل علم لكده مش بيضرها هى كضرر بس بيأخر الحصول عليها او حتى الحصول دى غلط بيأخر انك تكون فيها ليه ؟؟ لانك طبيعى فيها ما هى دى بقى اللفه الى بنلفها حوالين نفسنا
بالظبط هاقولك عشان نوصل الصوره عشان الناس تعذرنى انا مش عارف اتكلم ليه تخيل مثلا معايا ان انا قاعد معاك فى البيت و انت بتقولى يا فيصل مش ببالغ يا جماعه انا نفسي اوصل للبيت فأنا بقولك يا فلان يا احمد يا نهى يا اى كان انت طبيعى فى البيت انت قاعد فى البيت تقولى يا فيصل بس انا مش شايف ان انا فى البيت طيب انت شايف يا فيصل ان انا فى البيت انت ربنا فتح عليك و شايف ان انا فى البيت اقولك يا حبيبى انت بس بيتهيألك عشان انت مثلا مش شايف كويس ناسي اى كان عندك حاجه نفسيه بس انت بالفعل فى البيت تقولى لأ ادينى خطوات زى ما الناس ديما بتقولى يا فيصل انت كلامك سهل بس ادينا خطوات اقولك خطوات ايه ؟؟ انت فى البيت تقولى لا و لو انا مدتلكش الخطوات هتسيبنى و تروح تسأل اى حد تانى فى البيت و فى ناس كتير بقى موجوده بتستغل الجزئيه دى سواء عن قصد او عن غير قصد
فأنا هاقولك بص قوم البس معايا هتلبس لبس كويس و اقوم واخدك كده من ايدك و نطلع بره فى الشارع شويه و نرجع تانى البيت و تقول الله انا وصلت تدخل جوه تلاقى و هنا بقى بيحصل اما بتكتشف ده بتقعد تضحك على نفسك لذلك انا بقول انتو لو شوفتو نفسكوا زى ما انا شايفكم هتضحكو طيب ما انا طول عمرى هنا هو ده بس السر انا بقول ده ليه؟؟
تخيل بقى لما ده يبقى علم و ياخد سنين و مش بس ياخد سنين و مش بس سنين ياخد عمر فى ناس بتقضى عمرها و مبتوصلش للى هى فاكره انها هتوصله هنا بقى فى مشكله و هى التوقع
عليكم السلام و رحمة الله و بركاته يا نبيل
التوقع احنا من كتر نرجع بقى للنقطه الى منت بقولها من شويه من كتر ما الناس زودت فى الموضوع و حطت فى الكلام او فى الموضوع الحقيقه او ادراك الذات او ادراك حريتك من كتر ما الناس زودت و حطت مش من الموضوع اصلا الموضوع بقى معقد و الموضوع بقى انا اسف فى اللفظ بس بقى منفر مش كده ؟؟ فعشان كده الحكايه دى مينفعش ليها علم فى نقطه مهمه كمان كنت حابب اقولها بس ربنا خدها من وعىى اذا ربنا آراد ترجع تانى
فجزئيه الحقيقه اتحط عليها الحمدلله ان ربنا ردلى النقطه تانى التوقعات ان كل واحد زود حاجات كتير كل واحد زود انت لما توصل لحياتك هتدرك الجمال و هتدرك ان انت الكون ده كله جميل انا مش بقول ان ده غلط بس و بالمناسبه حتى الجمال ده قبل ادراك حقيقتك مش هو حقيقتك نفسه بس المهم ان الناس بدأت تحط توقعات لنفسها اذا مشافتش التوقع ده من بعيد تفتكر ان هى ماشيه غلط احنا كنا فى مره مع موجى معرفش موجى ده حد الناس موجى ده حد الناس بتسافرله عشان تقعد معاه حد كويس جدا جدا و كان ليه لقاء معايا حتى و صورته لما هو قال اسمعوا كلام الراجل ده فموجى كنا مره معاه واحده سألته سؤال بأختصار يعنى
قالتله انا بعرف اقعد مع نفسي و بعرف اكون فى انا بس قالها الى انتى اكتشفيته و الى انتوا اكتشفتوه ده اكتشاف انتو مش عارفين قيمته زى بالظبط قصه كده قالها زى فلاح اكتشف فى الارض عنده جوهره فضائيه مش من الكون ده فمش عارف قيمتها خدها و ربطها فى حبل و علقها على الحمار بتاعه فى واحد شافه من بعيد و شاف الى حصل ده ان الفلاح مش عارف قيمة الى معاه و علق الجوهره الكونيه او الفضائيه دى و مهتمش بيها مش مصدق فراح قاله بص انا غريب مش من هنا و حابب عايز الحمار ده عشان بس مشوار عايز اروحه تبيع الحمار ده ؟ قاله لا مبيعوش هو الحمار مثلا كان يعمله دينار قاله طيب خد خمسه دينار و انا هاروح المشوار بس و اجيلك فالراجل استغرب قال ايه ده واحد هيشترى الحمار ده حتى ممكن يجيب اقل من كده عشان هو مش جديد بدينار ممكن يجيب اقل من كده يشتريه منى بخمسه دينار و هيرجعهولى تانى طيب على ما اخلص شغلى يكون هو رجعهولى و لو مرجعهوش هشترى واحد جديد قاله ماشي خد الخمسه دينار و الراجل خد الحمار بالجوهره المتعلقه فى رقبته ومشى شويه لغايه ما استخبى ورا شجره كده و خد الجوهره و الجوهره دى فى القصه تسوى ملايين الدنانير يعنى مش موجوده فى الكون هى واحده منها بس
و بعد كده الحمار رجع لصاحبه فصحاب الحمار استغرب ايه الناس دى ناس مجانين يعنى دفع خمسه دينار فى حمار و سابه و مشي و الراجل مش عارف الحاجه الى كانت معاه النقطه المهمه هنا ايه ان هى قالتله بس يا موجى فين الجمال و فين الحاجات الحلوه دى فهى نفس الحكايه الجمال و الحاجات دى الى عايز اقوله ايه ؟؟
ثوانى يا جماعه ميوت للصوت
تمام فأنا قصدى ايه توقعات ان انت متوقع ان انت واو و على فكره نقطه مهمه اما تشوف الجمال و الراحه و الحب الحاجات الجميله دى كلها متقفش عندها لأن اقول مثال كده حلو " ايه الاكبر ؟؟ اللوحه الجميله الرائعه الى تاخد العقل ؟ ولا الحيطه الى هى متعلقه عليها ؟؟ " ايه الأوسع مين الى بيسع مين ؟؟ " مين يقدر يكون موجود بدون وجود التانى ؟؟ " الجدار الى متعلق عليه اللوحه ولا اللوحه بدون الجدار ايه الأهم ايه الاكبر و الأوسع ؟؟ الجدار الى متعلقه عليه اللوحه مش كده ؟ فمتقفش عند الجمال و الراحه و الحاجات الحلوه دى ف
ازيك يا جين كنت لسه بفكر ادخل على اليوتيوب اروق دماغى بفيديوهات استاذ فيصل سبحان الله فتحت لقيتها جميل عشان الى انتى اتعلمتيه يا جين انتى اتعلمتى و بقيتى فى لا تفعل شيء فلى انتى حباه بقى بيحصل لوحده بدون مجهود
جزئيه الحقيقه او هنسميها بقى حقيقة الحقيقه و ارجو لو حد بيحب فى ناس كده قاعدين فيصل عمل ايه النهارده ناخده و نغير فيه و ننسبه لنفسنا ارجو انا قولت حقيقة الحقيقه متعقدهاش على الناس و تقول بقى انا هاعمل حقيقة حقيقة الحقيقه يعنى الناس مش ناقصه تعقيد و اذا لازم خدها زى ما هى كده و اذا حابب انسب مش حابب فالله المطلع
فحقيقة الحقيقه ببساطه هى ايه ؟ انت مش محتاج مجهود و كل الى محتاجه حاجتين ان انت واحده واحده و مهمه جدا كلمة واحده واحده دى لان الناس بتفكر انها لازم و لا بد و حتما تعمل كل حاجه دلوقتى لا واحده واحده خطوه خطوه توقف الرفض لكل شيء فى حياتك و واحده واحده تبطل تعوز الى بيخليك تقعد تتكلم مع نفسك جوه سواء و انت بتصلى او وانت صايم او و انت بتتكلم مع الناس حتى او حتى و انت نايم ان انت عايز و عايز دى فى حد ذاتها مافيش فيها مشكله العوز او الرغبه فى حد ذاتها ككلمه مافيش فيها مشكله الى بيحصل بقى المشكله اذا انت هتستخدم كلمة مشكله دى بتحصل منين من النقص انت كلمة عايز معناها نقص صح ؟ اى حد سألته عايز معناها ايه هيقولك نقص مع ان معناها فى اللغه مش كده لذلك انا ديما بحب كلمة طلب اكتر من عايز او اطلب اكتر من اعوز بس حتى الطلب لو جاى من نقص بردو مبحبوش فالمهم انك تبطل تعوز على اد ما تقدر واحده واحده
ده الى هيخليك تشوف الى انا بتكلم عنه و ديما ديما رقم واحد 1 افضل من اى شيء هى انك تتعلم من نفسك رقم 2 انك تختار حد بتثق فيه تتعلم منه اذا فى حاجه مش واضحه عليك تسأله يقولك تبص فين مش تسأله و تصدقه مينفعش يبقى فى رقم 3 معاك ده الى كنت اتكلمت عن الصوفيه و غيرها كتير على فكره ديما بقول لازم يكون ليك شيخ شيخ ليه ؟؟ المبدأ ده ؟ لان كل واحد بيوصل بطريقه او بيجرب او بيعيش او بيوصل بطريقة معينه هى صح بالنسباله شخص تانى كده اذا وصل طريقة صح بالنسباله اذا خلطت الاثنين انت ممكن تطول المسافه عليك و حتى الشخص الى انت بتتعلم منه الى هو رقم 2 انا قولت رقم 2 مش رقم 1 الى هو بيقولك تبص فين انت ممكن اذا بصيت فى نفسك زى ما هو بيقولك تختصر على نفسك سنين هو قضاها او تفهم حاجه هو مكنش قادر يوصلهالك عشان اختلاف المصطلحات بينكو و بين بعض لذلك انا ديما بقول اذا متابعنى متابعش غيرى و اذا هتابع غيرى متتابعنيش معاه اولا و اخيرا هيحصل تعارض انا بتكلم عن لو انا و المدرب التانى صادقين يعنى انا صادق بفضل الله التانى معرفش ايه و دى حاجه اقدر اقولها للأسف نسبة كبيره جدا غير صادقين بس انا بتكلم بقى اذا كانوا الاثنين صادقين
فأذا كان فى ناس بتتعلم من كورس او كتاب قرأته انا مش الى بقوله ربنا بيعلمنى و بتعلم من نفسي فالنقطيت المهمين بقى الى انت محتاجهم ايه ؟؟
واحده واحده خطوه خطوه وقف او تبطل ترفض و واحده واحده تبطل تعوز ده هيخليك تشوف و تعيش الى انا بقوله و هنا بقى فعلا تقدر وقتها تختار تتابع فيصل ولا لا عشان كده ديما من اول ما شتغلت متصدقين و متكذبنيش جرب الى بقوله وشوف و اختار
سبحان الله من امس قولت فى نفسي ياريت الاستاذ يطلع لايف و الحمدلله ربنا اكرمنى بالأثنين
جميل يعنى معملتيش حاجه يا ذات حظ عظيم ده علم يا جماعه ربنا كرمنى بيه اسمه علم لا تفعل شيء ده مش صدفه كنت فتره بدربه بفضل ربنا بدربه من زمان جدا بفضل ربنا آراد العبد الفقير لله ان انا اكون رقم واحد فيه لكن لقيت ان الناس يمكن بتطبقه غلط فلسه كنت بقول فى اول امسيه انى محبش اضر اكتر ما انفع فوقفت تدريبه خالص
فى عندكو فى حد عنده سؤال فى حد كان قال عايزين نتكلم عن الخروج من الجسد حاضر بأذن الله نتكلم عنه ممكن مش اكيد المره الجايه نتكلم عنه
الخلق اللحظى ليها امسيه يا جماعه امسيه مدفوعه ازاى يعنى حاجه مدفوعه و ناس اشتركت فيها اذا ينفع ادربها مجانا هدربها مجانا اذا ينفع والله هاعملها
الفيديو الى وعدتنا بيه انهو فيديو يا ساره
خلق المعجزات انا كنت اتكلمت عن خلق المعجزات فعلا يا محمود عندى على اليوتيوب
ممكن تتكلم عن طريقة نتحرر بها من هموم النفس و الآخرين ؟؟ قليلا
انا ممكن اتكلم عليها بس فى يوم تانى عشان مبقاش اتكلمت اى كلام وخلاص
اه يا مسلم فى امسيه فعلا عن الخلق اللحظى موجوده لو عايز اللينك ليها او كده تواصل مع فريق العمل
بصو يا جماعه صيام الحائض انا اقدر اجاوب ربنا ممكنى من الاجابه على الاسئله دى لكن فى مكان كده بتوصلوله بتعرفوا كل العلوم اذا اردتوا لكن ربنا مشائش ان كل الناس تكون كده فى حد بيتكلم فى الطب حد متخصص فى الهندسه فالى انا لقيته ايه لما بتكلم عن حاجه غيرى عرف نفسه بيها يعنى فى غيرى بيعرف نفسه يعنى مثلا والله مش قصدى حاجه انا اعرف اطباء كتير الاطباء او الطبيب لما بيجى بعرف نفسه بيقول انا اسمى الدكتور فلان صح ؟ او انا اسمى المهندس فلان او انا اسمى المحامى فلان مثلا بيقولولش انا فى انا شوفت حد بيقول انا اسمى الدكتور هو بيضيف لشخصيه جزئيه الدكتور و فى ناس بتضيف لشخصيتها جزئيه الشيخ انا اسمى الشيخ فلان او الفقيه فلان فلقيت لما انا بتكلم عن الحاجات دى و بجاوب الاسئله دى حتى لو بجاوب صح هى المشكله مش انى بجاوب صح ولا غلط بس حتى لو بجاوب صح هما بيضايقوا كنت الاول زمان مبيهمنيش كنت زمان مبيهمنيش قبل ما ادرك حريتى بس لما ادركت حريتى و عرفت ان كلنا مافيش فى بينا تعارض مافيش مشكله لما حد يعنى يختار ده فمبقتش احب اضايق حد و لما تدرك كمان حريتك هتعرف ان كل الناس زيك فيعنى اسألو السؤال ده للى بيعرف نفسه ان هو شيخ او ان هو متميز فى حاجه زى دى يعنى لان حتى اذا اجابت الاجابه الصحيحه الضرر هيبقى اكثر من النفع
العوال الموازيه فى عوالم موازيه فعلا اتكلمت عنها قبل كده لما اتكلمت ن الخروج من الجسد من سبع سنين تقريبا اذا ماكنش اكتر
طيب عشان حابب ان انا امشي و اكتفى بلى احنا قولناه عشان مشعبش الناس فحابب اسيبكوا كده و افتكروا حتى نهايتكو انتو سيبكوا بقى من موضوع الحقيقه و مش الحقيقه اتعودوا انكو تبطلوا ترفضوا و تبطلوا تعوزوا على اد ما تقدروا اشوفكم ان شاء الله قريب
زمان قولت جمله ان معركتك مع العقل لن تكسبها حتى تخسرها تمام بالظبط هل معناها اننا نستسلم للعقل حتى نتخبر فى التجربه انه وهم محض ؟؟
نتخبر بص انا الكلمه دى كلمة نتخبر دى ممكن نختلف عليها لانى مش فاهم معناها اوى لكن اه المجمل الى فهمته اه لما بتبطل تحاول تتحكم فى مشاعرك و تبطل تحاول تتحكم فى افكارك بتدرك ان مافيش لا مشاعر ولا فى افكار ولا فى عقل و كله انت و بتختار بقى تعمل اى احساس بتبقى راحه جميله جدا
اشوفكو قريب ان شاء الله
شكر جميل ليكو و الشكر لكل الى بيقول شكرا جزاكم الله جميعا كل خير و اشوفكم قريب ان شاء الله