السلام عليكم
عليكم السلام و رحمة الله و بركاته
تمام يا غاليه الله ينعم عليكى
جاتلى مكالمه فعلا و البث اتقطع بس مش من فتره طويله يعنى
اهلا يا اسماء
بس احنا كنا قعدنا تقريبا كام؟؟ 18 دقيقه تقريبا صح ؟؟
ممكن اكتب سؤال كنت هاعمله كوبى بست ؟؟ اوك يا سماح اتفضلى اوك
هبه فين انا شوفت ان هبه رجعت و مشيت تانى
و عليكم السلام و رحمة الله و بركاته
هبه اين ذهبت هبه ؟؟
طيب ناخد اسئله تانيه
اهلا يا غاده
هبه قالت اد التحدى يا استاذ فيصل مع حضرتك طيب هبه كانت قالت ان هى عايزه نتيجة سريعه ( سحريه ) فى رمضان مش كده يا هبه ؟ انا قولتلها اد التح
ى بس تعملى الى هاقوله بالظبط و بالحرف عايزك تشوفى النهارده تكتبى مش هاقول بلاش كلمة كل دى كل دى الناس مبتعملش معاها حاجه اكتبى 30 موضوع شاغلينك فى حياتك سواء مهمين او غير مهمين اكتبى كل حاجه على ما تقدرى و لو اكتر من كده اكتبى مش مشكله و قولى للموضوع ده امسكى كده بعد ما تمسكى القايمه او اللسته بتاعتك امسكى مثلا الموضوع رقم 1 او بلاش موضوع رقم واحد عشان انا عارف الناس هتكتب ازاى
امسكى من الاخر خالص مثلا انتى كتبى 50 موضوع هاتى من الموضوع 50 و الموضوع ده هاسيبه مش هاشغل بالى بيه خالص و لو فكرت فيه بعد كده هاقول بردو اختار انى مشغلش بالى بيه اوك اعملى ده فى يوم
تانى يوم الموضوع رقم 49 اعملى معاه نفس الحكايه ثالت يوم الموضوع رقم 48 و هكذا طيب يا فيصل ممكن اعمل 50 و 49 و 48 فى نفس اليوم ماشى بس انا بحب بينهم فاصل عشان تحسى انك عملتى حاجه او مثلا النهارده حابه لما صحيتى من النوم الموضوع رقم 50 او بعد ما عملتى لسته النهارده مثلا بعد العشاء النهارده الموضوع رقم 50 ده مش هاشغل بالى بيه و جيتى كده على السحور لقيتى نفسك مافيش حاجه تعمليها قولتى خلاص اما اجيب الورقه بردو و المووضع 49 ده مش هاشغل بالى بيه و هكذا مافيش مشكله شوفتو سهله ازاى اعملوا كده بس نلتزم بده مش عايز بقى اسئله بعد كده ولا تعقيدات ولا خطوات ولا اصل فلان قال ولا اصل انت قولت انا ببسطها اهو انا اد التحدى بس خليكو كلكو ادو و خليكى انتى ادو يا هبه و اعملى متفقين ؟؟
لسه قايل يا هبه منسألش على حاجه تانى لسه مخلصتش كلام و بتعقدى بردو يا هبه بتقولى طيب لو جتلى افكار تانى ماهو نفس الموضوع اهو يا جماعه انا لما بدى الحل السهل انتو مش عايزين السهل انتو عايزين عقد انتو عايزين خطوات انتو عايزين احتياطات عايزين طيب لو ده حصل هاعمل ايه انا اد التحدى الى عايز ينفذ معايا ينفذ مش عايز خلاص عشان كده قولت انا مبقولش اد التحدى دى كده الى عايز ينفذ
هبه بتقول مافيش اسئله لو ضمنت حضرتك النتيجه بأذن الله اذا عملتى الى بقوله بأذن الله النتيجة مضمونه بأذن الله و انا بقول الكلمه دى ليه ؟ انا بعمل الى ربنا علمهولى عشان كده برجعها لربنا انا مش هعرف اكتر من ربنا
سبحان الله لسه مدخلناش على السؤال الثانى يا هبه بتسألى طيب لو ده حصل و لو ده عمل لا احنا اتفقنا يا هبه
الله يصبرك
امبارح حكيت مع ربى ارتحت شكرا
اه فعلا مريحه جدا و اعملوها
السؤال خاص يعنى حاسس انه سؤال دينى انا مش حابب اجاوب على الاسئله الدينيه لأن الناس الى معرفه نفسها بأن هى شيوخ هتزعل و خلينى اضربلكم مثال لو حد سألنى دلوقتى سؤال عن الهندسه و ربنا قدرنى و جاوبته لو فى هنا مثلا 10 مهندسين فى اللايف مش ممكن واحد منهم يضايق فيصل يتكلم ازاى انا قعدت ادرس هندسه خمس سنين كليه و مش عارف كام سنه ماجستير و كام سنه دكتوراه انا عارف اكتر من فيصل المفروض انا الى اجاوب على السؤال ده ممكن يحصل ولا لا؟؟ وارد يغض النظر بقى هو صح ولا غلط بس هو اختار نفسه يعرف نفسه ان هو مهندس انا رغم انى مش حابب اتعدا على الحاجات دى بغض النظر عن قدرتى عليها او لأ بفضل ربنا اه اقدر بس مبحبش اتعدا عن حاجات ناس حبت تعرف نفسها بيها بس
الدين للجميع ليس نفس الشيء دى الحقيقه يا عادل عادل عنده حق فى النقطه دى لما انا بتكلم فى الحكايه دى ده بيبرر بردو اكتر لان ناس كتير عايشه بالدين فلما انا بكسر حاجات هما شايفينها صح بيضايقوا و مبيكلموش يسمعوا حاجه انا بقولها فبيضروا اكتر يعنى مثلا انا كان ليا متابعين كتير بيحبوا يسمعونى لكن لما جيت فى مره اتكلمت فى نقطه و لسه بحب اتكلم عليها مثلا الى هى الناس الى بتتكلم عن صحيح البخارى هل كله صحيح ولا لأ و الناس الى بتهدمه هل نهدمه كله بالمره لما اتكلمت اتكلمت بما ارانيه الله و الى ربنا عرفهولى ناس قالتلى عشان الدين للجميع متقربش للموضوع ده مع ان الناس بتحبنى شايفها انها تعلقيات فيها حب
هو زى ما سيدنا على كرم الله وجه و بالمناسبه مافيش مشكله خالص انك تقول على حد غير الانبياء اللهم صل و سلم عليه انت بتدعيله يعنى لما تقول اللهم صل و سلم على ابويا انت بتدعيله دى دعوه مهياش حاجه غلط فلما تقول اللهم صل و سلم على سيدنا على مش حاجه وحشه لما تقول اللهم صل و سلم على سيدنا ابو بكر مش حاجه وحشه لان احنا اتعودنا ان اتحطينا فى اطار اللهم صل و سلم يبقى مش على الانبياء حتى مش على الانبياء يبقى على سيدنا محمد بس سبحان اله اتعملنا ان حبك تديه لشحص واحد مش عارف جبنا دى منين والله ما انزل الله بها من سلطان فلما تقول اللهم صل وسلم على ابويا على خويا بدعيله بدعى ربنا يرفعه درجات و يوصله السلام ايه المشكله ؟؟
فسيدنا على كان قال الناس بتبنى لنفسها اكواخ من قناعتها لو انت حاولت تهد الاكواخ دى هيحاربوك ابنى لهم بيوت بدل الاكواخ من القناعات الجديده فده الى انا بعمله عشان هما بأرادتهم يسيبو الى هما فيه و يجو للى انا بقوله بس
الخروج من الجسد طيب الخروج من الجسد اتكلمت عنه زمان من فتره طويله اوى و بفضل ربنا كانت طريقة سهله و من سهولتها الناس هاجمتنى و كان فى مدرب او مدربين مشهورين بيهاجموا الخروج من الجسد بيقولو عليه نصب كان فى مدرب مشهور انا فاكر على ما وصلى انا متبابعتوش كان فى وقتها شغاله معايا واحده كان ديما كل اهتمامها تقولى غيرى بيكرهنى اد ايه فكان بتقول يعنى فى مدرب بيهاجمنى بس انا مدورتش وراها بصراحه على كلامه انه كان بيقول ان الخروج من الجسد كدب و نصب بس يعنى انت لما حد يقول ان الخروج من الجسد كدب او نصب طيب دى حاجه انا بعملها يبقى معنى كده ان انت مش عارف الى انت بتقوله لان انا دى حاجه انا بعملها مش بس بعملها نا بعلمها للناس
النقطه الثانيه من الحاجات المضحكه اوعى تعمل خروج من الجسد دى بقى طريقة بعض الشيوخ مش كل الشيوخ و للأسف بعض الشيوخ و معظم الشيوخ بيستخدموا طريقه الترهيب بدون علم هو مش عارف اصلا هو بيتكلم عن ايه يألف قصة عشان يخوفك من الحكايه دى زى مثلا الثعبان الاقرع هيجى لتارك الصلاة فى القبر مثلا يعنى لا فى ثعبان اقرع ولا فى ثعبان بشعر فالخروج من الجسد كانو بيقولو عنه ايه عشان يبعدوا الناس عنه يقولوا خلو بالك انا اعرف واحده شيخ بقى يقول و حد قالى القصه دى بنت جربت الخروج من الجسد معرتفش ترجع لجسدها فماتت فأنا بسمع الكلام ده يعنى ببقى ... طيب اقول ايه ده يترد عليه يتقال ايه والله مش شايف يعنى الرد عليه ان الواحد يضحك بجد حاجه مضحكه جدا يعنى ايه ان جيت اخرج من جسمى ايه الكلام الفارغ ده ؟؟ ايه الكلام المستفز يعنى ازاى مش شايفله رد بصراحه اما انت بتخرج من جسمك ببساطه بتحس ان انت ليك جسدين سهل جدا ان انت ترجع لجسدك النايم انت اول ما بتخرج من جسمك بتبص على جسمك كده النايم و بيبقى احساس رهيب ايه ده انا نايم و انا طاير بس بيبقى عندك قدره كده اضافيه ان انت مجرد لو انت ركزت فى عينك و فتحت بترجع على السرير نايم و بتفتح و تشوف الدنيا حواليك مافيش حاجه اسمها معرفتش ارجع لجسمى الكلام ده كله كلام فارغ و سبحان الله يعنى فى الى قالو
طيب الخروج من الجسد ايه ؟؟ فى حد كاتب انا تابعت طريقتك الى عملتها وقتها بس معرفتش اطبقها اذكر كنت قولت فى طريقه ثانيه ممكن تقولها ؟
اه الطريقه الى كنت قولتها من زمان ميرو بتقول قالولى كده انه تبع الجن و انه تحضرى الجن عليكى و مره معناها ان بتجوز جن ايه يا جماعه الكلام ده يا ميرو متصدقيش يا جماعه ده يعنى من اسوء انواع البتنجان يعنى ايه ده ايه الكلام ده لا آله الا الله فالطريقه الى كنت قولتها من سنين ان انت تنام و مش تنام بالليل تنام وقت مش متعود تنام فيه نوم عادى و تظبط منبه يصحيك مثلا بعدها بساعه او بساعه و نصف تمام ؟ ساعه لو انت بتروح فى النوم بسرعه خليه يصحيك بعد ساعه لو بتاخد وقت على ما تنام ساعه وصف و ياريت تظبط المنبه لو تنزل برنامج على الموبايل انه يقفل التنبيه بعد مثلا عشر ثوانى عشان يقفل لوحده من غير ما تعمل مجهود و تفضل متتحركش خالص انا هاقول الطريقه الثانيه بس بشرحها للى ميعرفهاش و متتحركش خالص و تبدأ واحده واحده تحرك اى جزء من جسمك و ليكن ايدك اليمين صوابعك اليمين تبدأ تحرك صابع صابع لو حسيت ان صابعك الجسدى الى هو على السرير بيتحرك لا شوف حاجه تانيه غير ايدك لو حسيت ان فى صابع كده احساس مبقولكش فتح عينك و بص احساس ان فى صابع بيخرج من صابع كده و ايد بترخج من ايد و تبدأ واحده واحده تفصل جسمك ( الاثيرى ) عن جسمك المادى انا شخصيا لما بعمل مببدأش بأيدك بحس انى بقوم بصدرى كده و بقوم عادى كأنى بقوم من النوم عادى مش لازم تعمل زيي جرب اى حاجه تحس انه اسهل ان انت تبدأ بيها دى الطريقه الى انا كنت قولتها زمان و نفعت معناس و ناس لأ خلينى اقولكم الطريقه السهله
طريقة جديده مش هاقول اسهل هى طريقه جديده ربنا فتح عليا بيها و سهله بأذن الله للى يقدر يعملها بس تكون فاضى شويه لان انت عايزك متنامش فى مواعيد نومك الطبيعيه يعنى مثلا تعالى يوم الخميس كده يكون يوم الجمعه عندك اجازة و متنامش الخميس و طبعا بتكمل اليوم بقى ليوم الجمعه و بتيجى مثلا على الساعه 10 او 11 كده تبقى عايز تنام لأ متنامش خالص على اد ما تقدر اصبر لغايه مثلا العصر 2 او 3 العصر ان انت مش قادر بقى خالص و نام و اظبط المنبه يصحيك كمان ساعه و اعمل الى بقول عليه ده هيبقى اسهل لان وقتها الى بيحصل ايه ؟
انت بتبقى نايم و نفسك تكمل نوم بس بردو انت ناوى قبل ما تنام تجرب الجروج من الجسد فجسمك هينام هيبقى فى حاله احنا بنسميها الى هما سبحان الله بيسموها الجثم اصلا اسمها جاثوم من جثم باللغه العربيه و مش عفريت بيجى راكب على صدرك ولا كائن اسود بيجى هى يا جماعه اسمها الشلل النومى ببساطه انت لما بتنام ساعات لما بتصحى عقلك انت بتصحى قبل جسمك ما بيصحى بيجى يتحرك تحس ان انت مش قادر تتحرك بس احنا هدفنا اننا نوصل للمرحله دى لما توصل للمرحله دى بأى طريقه من الطريقتين الى قولت عليهم دول هيبقى سهل جدا تقوم و تتفرج على جسمك و تروح بقى فى اى حته انت عايزها
انما الجاثوم ده مش مخلوق سحرى ولا مخلوق شرير ولا جن راكب على صدرك و لا حاجه من الكلام ده سبحان الله بنشوف حاجات غريبه و بسمع حاجات غريبه
سمعت ان الجسد النجمى هو من يخرج و ليس الاثيرى
ممكن اتفق مع الحكايه دى حتى انا قولت الأثيرى بس ( ) بس الاثيرى اشمل شويه من كلمة النجمى كلمة اثيرى هو كل ما غير الجسد المادى انما الجسد النجمى يعنى لمرحله او بعد معين مبحبش اتكلم فى التفاصيل دى عشان معقدش الدنيا اكتر على الناس و لما بشوف حاجه شايف ان هى مش دقيقه بقول بين قوسين
المرحله دى بتحصلنا بس بنسبة بسيطه اوك
اظن كده كفايه اوى
و متهيألى جاوبنا على حاجات كتير و حلوه النهارده فيعنى
سؤال خارج عن هذه المواضيع
هل سبق لك تلعب بابجى ؟
شوفت ابن اختى بيلعبها بس محبتهاش يعنى
كم قعدت فى الاستر استاذ فيصل
لا مش بالوقت انا لما كنت بحب اتسلى كنت اعملها بس احجمت عنها لان فى وقت من الاوقات كنت ببص على ناس وهما مش عارفين ان فى حد بيبص عليهم فشوفتهم فى اوضاع خجلت من نفسي انى تعديت حدودى يعنى مبقتش احب اعملها خالص انا يمكن اخر مره عملتها و مكلمتهاش كانت تقريبا من سنيتن على ما اذكر يعنى بس خجلت من فسي انى شوفت حاجه زى الى شوفتها يعنى
طيب ناخد اخر سؤال
اشعر اننى استحق العذاب فى الدنيا و الاخره
ده من اكتر الاحاسيس الى احنا اتعودنا نعيشها لأ ده اجساس ما انزل الله به من سلطان ده احساس اولا و اخيرا انت الى بتعمله الى سأل السؤال اسمه كريم تقريبا بردو مترفضوش متشوفوش احساس وحش انت الى بتختار تعمله اذا انت حابب تعيشه عيشه براحتك خالص خد وقتك فيه لحد ما تكتفى منه و تشبع منه خالص و تختار اذا انت عايز متعملوش تانى
تمام
كده الحمدلله خلصنا
اشوفكم قريب ان شاء الله
السلام عليكم و رحمة الله و بركاته