اهلا بيك مره تانيه و تسجيل جديد من تسجيلات امير نفسك دوت كوم
انا هاختصر لان فى ناس بتبعتلى بتقولى انت بتطول فى الكلام و المقدمه و كده انا والله بحبك تستفيد مش اكتر و خلينى اسمع الكلام للأخر و ادخل فى الموضوع على طول
النهارده هنتكلم عن سؤال بيجيلى من زمان اوى عن جزئيه تربيه الأطفال بالطاقه و التحرر و خاصة بالتحرر يعنى بعيدا عن المعايشات و التوكيدات و الكلام ده فالسؤال ده فعلا بيجيلى من زمان لكن قبل ما ادخل فى الخطوات و التفاصيل عايزك تعرف حاجه مهمه جدا انك كل الى هتسمعه النهارده يتعارض تماما مع معتقداتك و ده طبيعى فلو مكنش متعارض مع معتقداتك كان زمانك بتعمله مع اطفالك
فلى هتكلم عنه النهارده ان شاء الله هيتعارض جدا مع كل الى اتربيت عليه دى اول نقطه
ثانى نقطه الناس الى باعته الجزئيه دى طلبوا انها تكون كورس مدفوع بس انا حابب انها تكون فى الشكل ده افضل عشان تربيه الاطفال اظن من اهم الحاجات يعنى خصوصا بعد ما بتعرف الفرق بين التربيه الى كنت متربى علها و بين الحقيقه فلذلك ممكن اجمل كل حاجه فى الفيديو النهارده بس هستأذنك بس انه هيطول معانا و ممكن اقسمها على فيديو او اكتر
اول جزئيه خاصه بتربيه الاطفال و هى الطموح و للأسف الطموح ده فيه مشكلتين
اول مشكله ان لما كنا و احنا صغيرين بنقول لأهلنا انا عايز اكبر و يبقى معايا فلوس كتير و ابقى معروف او مشهور و الكلام ده كان ديما اول حاجه بتتقالك الطمع يقل ما جمع و متطمعش و انت بتتبطر على النعمه و الكلام ده اتربيت و اتعلمت من صغرك ان انت كون انك تعوز تبقى حاجه او كون انك عندك طموح انك تكون شيء او منصب و معاك فلوس كتير او معروف او يبقى عندك شركات او او اتعلمت ان ده طمع و ان هو اعتراض على قدرك سبحان الله رغم انك لسه طفل طيب هو الدك او والدتك عرفوا قدرك منين عشان يقولو انت هتعترض على قدرك
دى اول مشكله
ثانى مشكله ان احنا رغم التربيه الخاطئه دى و ان الطموح ده طمع كانو بيدونا الجانب الثانى الى هو نقيضه فعلا يقولك عشان تعمل الى انت عايزه لازم الرغبه تتملك منك و لازم تعوزه على اد ما تقدر الكلام ده بيتقالنا كلنا و احنا صغيريت و تجتهد و يبقى فى اراده و عزيمه دول المشكلتين بتوع الطموح الفائده من كده الى عايزك تعملها اما تيجى تربى ابنك او بنتك من صغرهم علميهم ان الطموح ده اهم حاجه فى الحياه
الطموح ده هو الى بيفرق من شخص مستكين و شخص واصل للى هو عايزه الطموح ده كان واحد من الناس الى انا بفتخر انى ادربت عندهم ربنا يفك سجنه يعنى عشان دخل فى مجال حارب فى مؤسسات معينه دور على الشخص ده قالى ان فى حاجه اسمها ( الشخص ده عنده طموح يتعلم لغايه اد ايه ) يعنى ممكن شخص مثلا تلاقيه فى مسوى مادى معين و تقوله بص انا مستعد ان انا المستوى المادى الى انت فيه ده هضاعفهولك خمس او ست اضعاف فيفرح كلام طبيعى ده رده لكن اول ما تبدأ معاه انك هتتخلى عن اهم حاجه بتعملها دلوقتى هيبدأ يقولك لأ يعنى مثلا لو اهم حاجه عنده ان هو مثلا يعنى ده الى فى دماغى دلوقتى ان هو ينام مثلا 10 ساعات فى اليوم او ان هو مثلا هيتفرج على ماتشات الكوره فى وقتها و انا شوفت حاجات اقل اهميه من كده و الله فبقول الشخص الى هيتخلى عنها بيقول انا مكنتش اعرف ان الحكايه صعبه كده فنفس الحكايه اول ما يحس انه هيتخلى عن حاجه بيعملها يبدأ يقول عقله يقوله انت دلوقتى الوضع الى انت فيه مش وحش و انت احسن من غيرك فده قابليته للتعلم قليله هو فاكر ان هو عايز زياده لكن الحقيقه ان هو مش عايز يتخلى عن حاجه بيعملها فربى ابنك او طفلك على جزئيه الطموح ان هو ديما يطمح ان هو يعمل الى هو حبه و متدمجش ده فى جزئيه انه يرغب فى حاجه
المهم علمه ان اهم حاجه فى الحياه و ان اكتر حاجه مهمه جدا جدا و الى هتفرق بينه و بين اى حد تانى و يعمل كل الى هو حبه الطموح لو قالك انا عايز ابقى كذا كلمه عن الطموح
دى كانت اول نقطه و انا شايف انها اهم نقطه يمكن فى نقطه ليها نفس الاهميه هنتكلم عنها بعد شويه
ثانى نقطه و حيويه جدا ان هى الحب غير المشروط احنا اتعلمنا و احنا صغيرين سياسة الثواب و العقاب انا الحقيقه دورت عليها فى الدين فى تربيه الاطفال ملقتهاش للأسف احنا اتعلمنا دينيا ان فى حاجه اسمها ثواب و عقاب و اضربوا ابنائكم للأسف احنا خدنا كلمة ضرب الى هى اضربوهم لعشر الى هى على الصلاة يعنى و خدنا كلمة صلاة الى هى يبقى فى عصايه و تكتيف و منع من الاكل لا آله الا الله هل سيدنا محمد او الصحابه حتى ضرب بالسواك يعنى مش الضرب الى هو مش خناقه هى يعنى ف جزئيه الثواب و العقاب دى لقيتها اتعلمناها و موجوده فى علم النفس و لقيت انها مصيبه و كارثه بتعلم الابن ان انت بتحبه لما يعمل حاجه معينه و لو معملش الحاجه دى هيحس انك بتكرهه و دى مشكله نفسيه بعدين لان لو كان مثلا بيحب الشيكولاته او بيحب يشوف الكارتون مثلا و انت تقوله لو انت كلت شيكولاته تانى انا مش هحبك بيبقى فى صراع نفسي حب ماما ولا حب الشيكولاته حب ماما ولا حب الكارتون فأنت بتقوله كلمه فاكرها سهله لكن اتقوا الله فى ابنائكم فاكرها كلمه عاديه و انك بتفيده لكن لو انت بتفيده تمنعه عن الشيكولاته دى فأنت بتضره نفسيا لعمره الى جاى قدام كله فمتقولش لأبنك او بنتك ان انتى هتحبيها لو عملت كذا و مش هتحبيها لو عملت كذا هتحبيها لو عملت الواجب و مش هتحبيها لو معملتوش هتحبيها لو سمعت كلام المس فى المدرسه و مش هتحبيها لو مسمعتهوش متعامليهاش كده
عرف ابنك او بنتك انك هتحبه مهما يعمل اه هتنصحه و تقوله ده غلط و ده صح لكن اى كان الى هتختاره انت ابنى و انا بحبك و عمرى ما هكرهك اما تديله الحب الغير مشروع ده هتحس نحيته اكتر من حاجه اولهم ان الطفل بيرتاح نفسيا ثانيه الرغبه فى التحكم عندك عندم اغلب ان ماكنش كل الآباء و هما بينصحوا بيقولك اعمل او متعملش فاكرين انهم بينصحوا خوف على الطفل لكن فى كل الحالات بلا استثناء كلها نابعه من حاجه اسمها الرغبه فى التحكم
انا عايز اتحكم فى الحاجه دى لأن ده الصح عايزه يعمل او ميعملش لان ده الصح و طبيعى طالما انت بدأت الرغبه فى التحكم طفلك بردو بشر و انسان هيقابلها برغبه فى التحكم عنده فأما انت تعامله بالحب الغير مشروط دى هتشيل من عندك الرغبه فى التحكم و هتشيل من عنده الرغبه فى التحكم
فكلم ابنك او بنتك و اتصرفى معاها بالطريقه دى حبيها و قوليلها انك بتحبها مهما كان الى هى بتعمله بس لو فى حاجه غلط هى بتعملها او هتضرها انصحيها و متعمليهاش لكن كده كده هحبك
جزئيه الحب الغير مشروط مهمه عامل ابنك او بنتك بالطريقه دى و متعرفيهوش ان حبك ممكن يتغير و تقديرك له ممكن يتغير و صدقنى الطريقه دى بتسبب الم نفسي رهيب عند الطفل خصوصا انه لسه طفل بيتكون شخصيته بتتكون ولما بتتكون على الم نفسي ممكن فى حالات كتير بيكون انسان معقد و هتعمل حاجه تانيه اسمها الرغبه فى اعجاب الآخرين الى هو مضطر يعمل حاجات عشان يحس ان الناس بتحبه فببساطه اختصر على نفسك الطريق و عرف ابنك انك بتحبه بدون ما يعمل حاجه او يبطل يعملها
ثانى حاجه و مهمه فى تربيه الاطفال و هى الدين الصح
الجزئيه دى اى كان الى هيحصل بعد الى هتكلم فيها بس مهمه جدا و لازم اقولها الدين عمره ما ربنا عمله للعقد و التعقيد سيدنا محمد ليه الصلاة و السلام بيعلموا انهم بيبعوا و بيتاجروا قالهم ربح البيع ف اتعاملوا مع الاطفال ان الدين سهل و عرفوهم ان الصلاة سهله و انك تعبد ربنا حاجه سهله مش محتاجه انك تموت نفسك و كده اه طبعا فى مرتبه اعلى الى هما عليين دى مش فيها مشقه بس مبتجيش الا بتوفيق من ربنا و حتى لما ربنا بيوفقك ليها مبتحسش بأى مشقه فيها خالص فعرف ابنك او بنتك ان الدين الصح مش بالمشقه لان طبيعى ان الانسان ميبقاش عايز يتعب فلما يعرف ان الدين مشقه طبيعى ان هيببقى عايز يبعد عنه و هيحصل صراع نفسي بعد كده الدين ولا راحتى و ربنا عايز يتعبنى و الكلام ده عرفه ان الدين سهل و حاجه بسيطه انك على اد ما تقدر تعمل الى ربنا بيقولك تعمله و على اد ما تقدر تبعد عن الى ربنا بيقولك متعملوش
طبيعى تعرف ابنك و بنتك ان طبيعى انك تغلط و الا مكنش ربنا شرع الاستغفار سيدنا محمد بيقول حديث فى اعلى درجات الصحه " والله لم تذنبوا لذهب الله بكم و اتى بقوم اخرين يذنبون فيستغفرون فيغفر لهم " فعرف ابنك ان كده كده طبيعى انك هتغلط و انك بشر و لولا ان ربنا عارف انك هتغلط و انك ضعيف مكنش شرع الاستغفار عرفيه ان الدين سمح و بيستوعب التعامل مع كل النس مش عشان انت مسلم يبقى انت ترفض التعامل مع الناس التانيه و تشوف انك اعلى منهم عرفيه و عرفى بنتك ان الدين بيستوعب الجميع و ان مش عشان انا مسلم انى اكره الديانات التانيه بالعكس ربنا عمل شريعه عشان اعرف اتعامل مع الناس و اعرف اتعامل مع ربنا فى الاول و الاخر
عرفيه كمان حاجه مهمه اوى ان انت ربنا منصبكش حكم على الناس و انك تهديهم غصب عنه " لست عليهم بمسيطر " اتقالت لسيدنا محمد عليه الصلاة و السلام هتبقى انت مسيطر
عرفيه ان الدين منزلش عشان نتحكم فى الناس بيه و انه منزلش عشان نجبر الناس على الايمان غصب عنهم و انه منزلش عشان ارسم للناس الطريق الصح من وجه نظرى و امشيهم فيه و اذا ممشوش فيه يبقوا كفره و ضالين و عرفيه ان كان كبار الصحابه يعنى سيدنا عبدالله ابن مسعود كان بيختلف كثير من الصحابه لدرجة انه كان بيحلل الخمر الغير مسكر و الصحابه مرمهوش بالفسق ولا الضلال
عرفيه ان سيدنا عبد الله ابن عباس كان الوحيد الى بيختلف مع الصحابه فى مسائل معينه فى توزيع التركه و الأرث و مع ذلك مكنش حد فيهم بيقول على الثانى فاسق
عرفيه ان سيدنا على اختلف مع سيدنا عثمان كتير و اختلف معاه فى خلافات رهيبه و لما جم الناس من مصر عشان تضر سيدنا عثمان اول واحد وقف لهم كان سيدنا على فعرفيه ان انت متاخدش الدين كسلطه للتحكم على الناس و فرض رأيك على الناس حتى لو كان صح و شايفه صح
عرفيه ان مش معنى ان انا اختلف بصفه مه واحد انى اكرهه كله مش معنى انى اختلف فى صفه حتى مع واحد سواء فى دينى او غير دينى انى ارفضه كله و متعملش معاه لو كان الشخص ده مثلا بخيل بس بيحبنى مثلا او شخص كويس و بيخاف عليا مش معنى كده انى اكره عشان بخله و لو كان فى مثلا عاده مش كويسه مش معنى كده انى احكم عليه انه كله وحش
الدهب مبيكونش 100% دهب بيكون فى حوالى 10 % او 13 % نحاس و ده الى بيفرق لان الدهب لو كان 100 % مش هتعرف تمسكه فى ايدك
فمش لازم الانسان الى قدامك يكون كامل عشان تديله حبك و دى مشكله بين الازاوج بردو
عرفى ابنك او بنتك جزئيه ان الانسان الى قدامك فى التعامل مش لازم يكون 100% ممتاز و زى ما الكتاب بيقول عرفيه ان طبيعى مش هيبقى كده و انت الطفل نفسه عرفيه انه مش هيكون كده
قوليله ان ربنا بيقول فى القرآن الآيه بالتفصيل " ومن يدعو من الله آله آخر لا برهان له به فأنما حسابه عند ربه " تمام
عرفيه ان انت مش سلطان على الناس تجبرهم يأمنوا او يهتدوا بالطريقه الى انت عايزها لانه لو بدأ بالحكايه دى هيبدأ يختلف مع الناس الى بتختلف معاه فى الدين و بعد كده هيختلف مع الناس الى بتختلف معاه فى المذهب و بعد كده هيختلف مع الناس الى بتختلف معاه فى طريقه تطبيق المذهب و بعد كده هيبدأ يختلف مع الناس اللى بتختلف معاه فى فكره او فى رأيه حتى لو هو طريقة التطبيق و بعد كده يختلف حتى مع اقرب الناس ليه و مش هيشوف فى الدينا صح و كان واحد دون ذكر اسماء بيقول والله لا مسلمون فى هذه الدنيا الا انا و شيخى واحد من كتر ما الدائره ضاقت عليه بيقول مافيش مسلم فى الدنيا دى كلها الا انا و شيخى وكمان شويه على فكره ممكن يقول الا انا بس
فعرفيه ان الدين مبيجيش عشان يبعد الناس لو الدين بيخليك تبعد عن الناس و تشوف ان هما وحشين و ان انت احسن منه يبقى انت محتاج تراجع نفسك فدى كانت جزئيه مهمه حبيت اتكلم عنها بردو جزئيه الدين عرفى ابنك كمان جزئيه ان هو يحب الكل دى جزئيه مختلفه عن جزئيه الدين
انه يحب الناس و ان احساس الكره ده مش هيفيده فى حاجه احساس الكراهيه بالظبط زى الى بياخد سم و يتمنى ان الشخص التانى الى بيكرهه يمون فنفس الحكايه ده انت بتحسه و الشخص التانى مش هيحصله حاجه
عرفيه كده انه ميهتمش انه يكره و عرفيه ان لو كره حد او حاجه ميفكرش ياخد فعل على الحكايه دى و انه ينتقم بسبب الكره ده لانه اولا و اخيرا هيضره هو عرفيه الجزئيه دى
و عرفيه كمان من وهو صغير ان هو ميحكمش على الى هو عايزه لو حاسس بغضب او حزن كره ميقاوموش و يحاول يشوف حل سواء جوه او بره ببساطه انا جربت التحرر و الترحيب مع ناس الناس الكبيره الى جربتها معاهم و ميعرفوش يعنى ايه طاقه اصلا لكن هى فطره و بردو مع الاطفال بيجبلى رسايل من ناس جربوها مع الاطفال و ببساطه جدا بيرد على اسئله نعم و بيقول اه عرفه انه لو حس حاجه مضيقاه ميفكرش انه يتخلص منها ازاى ؟ لا يعمل العكس يحسها على اد ما يقدر يعنى لو جالك مره قالك انه زعلان بعد ما تدوروا على سبب الزعل الى هو حسه قوليله ياخد نفس و يزعل دلوقتى على اد ما يقدر و ممكن يعيط و يبكى قدامك بس اما يطلع الطاقه دى و يديها حقها هيرتاح اما تعوديه على كده من صغره ان الى جواه ميقاوموش و ميحاوش يشوفله حل هتبدأى تكونى انسان سوى و بيدى للطاقه حقها و ده هيفيده جدا فى حياته العمليه بعد كده
ارجع الخص تانى
جزئيه الطموح
جزئيه الحب الغير مشروط
جزئيه الدين الصح ان هو يحب الكل و ميكرهش على اد ما يقدر
و اخر حاجه عرفيه انه يبدأ يحس الاحساس و يديله حقه فى انه يتحس
ارجو اكون مطولتش عليكو النهارده او مكنش الحديث ممل و اشوفك فى تسجيل جديد ان شاء الله
فيصل عبد الواحد
امير نفسك دوت كوم