بسم الله و الصلاة و السلام على سيدنا رسول الله عليه و على جميع انبياء و رسل الله الصلاو والسلام
ازيك عامل ايه معاك فيصل عبد الواحد تسجيل جديد من تسجيلات امير نفسك دوت كوم و النهارده مع فقرة الاسئله الحره بتاعة كل اسبوع على الصفحة بتاعتنا ع الفيس بوك
الحقيقه كنت اللاسبوع ده بالذات منافسه قريبه جدا بين سؤالين كنت متوقع سؤال منهم هو الى يفوز فى الاخر لكن سبحان الله جه حد قلب النتيجة لصالحه ف السؤال بتاع الاسبوع ده هقراه معاكم بردو بيقول لحد اسمه رنا رول تقريبا
و ماشاء الله السؤال كذا سطر يعنى .؟؟؟
ما اسباب فشل البعض فى الخروج من الجسد و ما طرق معالجتها ؟ ما الذى يحتاج معرفته لتكون تجربه ناجحه مثلا الى اخر الكلام و وسائل التحصين و الحماية المطلوبه ؟ و هل يمكننا الحصول على معلومات صحيحه عن اشياء و اشخاص مفقودين ؟ ماشاء الله السؤال دسم جدا يا رنا و عن امور كأسئله اختبار و كنتيجة امتحان ؟؟ بعد كل خروج هل تويض الطاقه ضرورى و؟ ما هى اسرع طريقة لذلك ما اضرار محاوله اختراق البيوت المحصنه و نتمنى ان تشاركنا ابرز تجاربك للخروج و طرق تعاملك مع من قابلت تمام ؟؟
بصو يا جماعه موضوع الخروج من الجسد ده اتكلمنا عنه قبل كده مش كتير مره او مرتين فى الامسيه الى انا عملتها الخروج من الجسد الحقيقه الطريقه الى انا قولتها كالعاده الحاجه الى بقولها بتنتشر و الناس بتاخدها و تنسبها لنفسها و لذلك سبحان الله ممكن تلاقى نماذج صغيره لفيصل عبد الواحد يعنى فيصل عبد الواحد اتنين تلاته اربعه ف يعنى اما اتكلمت عن الخروج من الجسد لان الى انا قولته كان جديد الحقيقه متهيألى الى كان موجود وقتها و التجربه الى قولتها فى الخروج عن الجسد كانت كلها حاجات تسمع ترددات معينه او تخيل انك مش عارف بتلف فى ايه و حبل نازل من السقف و الكلام الغير صحيح ده
لكن اول ما قولت ان الحكاية سهله و اتكلمت عن حاجه اسمها الشلل النومى ان الناس بتسميها غلط الجاثوم الناس كلها بتخاف منها و تقولك ازاى تتخلص من حاله الشلل النومى ده ببساطه عشان متسمعش التسجيل بتاع الخروج من الجسد حاله انت لما بتيجى تنام عقلك بيعمل شلل مؤقت لعضلات جسمك عشان اما تيجى تحلم حلم جسمك مياخدش رد فعل عليه اذا ليك حتى ساعات و انت لسه مروحتش فى النوم اوى ممكن تكون بتحلم ان انت بتجرى تلاقى رجليك اتحركت او تحلم انك بتاكل حاجه تلاقى ايديك اتحركت و هكذا ف يعنى كصمام امان العقل بينيم كل او بيعمل شلل مؤقت لكل عضلات جسمك عشان متحصلكش اصابات او كده لو انت حلمت بحلم جسمك ممكن ياخد رد فعل عليه
الا طبعا عضلتين عضلة القلب و عضلة الصدر دول مبيقفوش عشان التنفس ف المهم قولنا ازاى نستخدم الحاله دى لان المشكله بتاعة الخروج من الجسد ايه 99 % من الناس الى بتجربه لما تيجى تحرك او بتطلع من جسمها الجسم المادى بيتحرك و هنا نقطه مهمه ان مش الروح الى بتتحرك يا جماعه ... بعد اذنكو ارحمونى من دعوات التكفير الى بتجينى و ان انا بخرج الروح من الجسد و ان انا كده بعصى ارداة الله و الكلام الفارغ ده الروح مش هى الى بتخرج
اصلا الكلام يعنى ربنا يهدينا جميعا ف المهم مشكلة انت اما بتيجى تخرج من جسمك المادى بتخرج بجسمك الاثيرى او جسمك الغير مادى كنت بتلاقى ايدك الماديه اتحركت او جسمك المادى اتحرك ف عشان تتغلب على الحكاية دى تماما كنا بنستخدم حالة الشلل النومى طيب نستخدمها ازاى ؟؟
بأنك فى كذا طريقه اول طريقه انا شوفتها و دى مناسبة للمبتدئين ان انت تصحى قبل او تظبط المنبه انه يصحيك و المنبه ده ميطفيش بعد وقت معين و اول ما تصحى متتحركش خالص من ع السرير تقعد حوالى 10 دقايق او ربع ساعه متتحركش خالص و على اد ما تقدر تدخل فى النوم تانى و انت بالوعى ده و كل مره تمسك نفسك قبل ما تدخل فى النوم مره تانيه وقتها هتحصل حالة الشلل النومى و دى الى بدأت بيها اصلا و دى سهله جدا
بعد كده فى طريقة اكثر خبره و هاقولك عليها ممكن دى انسب ليك انت الله اعلم ازاى لو انت مثلا بتنام على فكره مش لازم تكون بتنام عدد معين من الساعات الكلام ده مش صحيح بس لو انت بتنام 8 ساعات نام 4 و اصحى و فوق عادى خالص و ارجع نام تانى قبل ما ترجع تنام تانى خد قرار ان انت تصحى فى نص النوم بتاعك و ان حصل و مصحتش حتى فى نص النوم بتاعك بعد الاربع ساعات التانين جرب ان انت تهدا شويه فى السرير و تتحرك واحده واحده و تقوم و تشوف جسمك هيتحرك معاك ولا لا المهم هدفنا كله ان احنا نوصل للشلل المؤقت او الشلل النومى تمام اما توصل للمرحله دى تبدا بقى تحرك ايدك او دراعك واحده واحده بتشوف فعلا لما انت تبقى فيها كده هتشوف دراعك كده هتشوف دراعك الشمال مثلا بيطلع منه اتنين ايد كده تطلع من ايد المنظر جميل يعنى عايزك تجربه و تشوفه عايزك تجربه يعنى تطلع بباقى جسمك و هكذا تشوف جسمك قدامك
وقتها بقى تعمل ايه انت حر فى يا فيصل حاجه مهمه اوى و السؤال ده بيجيلى حاجه اسمها اللوسيد دريمنج يعنى ايه ؟؟ هو خروج من الجسد عامة يا جماعه كل الحاجات دى حتى الاحلام العاديه الى انت بتحلمها مبيكونش ليك يد فيها بردو خروج من الجسد انما اللوسيد دريمنج ده ان انت بتخرج من جسمك و بتبقى متحكم فى الحلم بتاعك تروح هنا و تيجى هنا و تسافر هنا الى اخر هذا الكلام
فى مرتبه اعلى مكانه الى هى الخروج من الجسد هى ان انت بتروح لابعاد تانيه و ده بيخلينى اجاوب على السؤال بتاع رنا هل انا بعرف اروح لاماكن موجوده فعلا و اتحكم فى و اعرف منه معلومات صحيحه اه
مع التمرس و مع الخبره هتقدرى تحددى الديامنشن الى عايزه تروحيله هاقولكم لما يكون عندى وقت لان فعلا معنديش وقت اعمل خروج من الجسد
فى ترك حلوه كده كنت بعملها فى الاول لما كنت لسه مبتدأ كنت بعملها علشان تعرف انت فى انهى ديامنشن بالظبط حط جنب السرير بتاعك او ترابيزه جنب السرير بتاعك الى بتنام عليه اى اوبجيكت موبايل مثلا حاجه مميزه كده تعرف تشوفها و على فكره فيصل هو هشوف فى الضلمه اه و دى حاجه اول ما بدا اخرج من جسمى ملقتلهاش تفسير انا يعنى المفروض ان انا قافل النور و نايم فى ضلمه بس بتشوف كل حاجه يعنى عشان اشرحلك بتشوف ازاى هندخل فى موضوع تانى خالص و هندخل فى ان الجسم المادى اصلا الجسم الى انت بتسمعنى منه دلوقتى و بتشوف الويب سايت بتاعى منه دلوقتى على اد ماهو فيه قدرات ماهوله على اد ما هو محدود جدا يعنى العين دى سبحان الله ربنا ابدع فى خلقها و فيها اكتر من 150 مليون خلية بتستقبل الضوء و تعمل زى عمل الكاميرات و كده بس البدى او الجسم هو اقل حاجه فيك اقل منزله منك ف سبحان الله رغم ان ربنا ابدعه و خلقة بالصورة البديعه دى لكن بردو فى حاجات تانيه بديعه و حاجات تانيه اعلى منه ربنا خلقها
ف الجسم محدود انت رؤيتك فى جسمك محدودخ بعنيك و سمعك فى جسمك محدود بأذنيك و هكذا لذلك فى مرحله معينه اما بتوصلها من حقيقتك بتقدر تحس بطاقة الناس و بتقدر تشوف الناس بتعمل ايه الى اخر هذا الكلام
ف المهم عشان مدخلش فى موضوع مش موضوع النهارده زى ما قولتلك انا اتكلمت و قعدت اشرحلك ليه لو عايز اشرحلك بالتفصيل هقعد اتكلم كتير جدا مش عشان انا عارف معلومات كتيره لا عشان الموضوع طويل ف المهم حط اوبجيكت او اى حاجه جنبك مميزه مختلفه او لونها مختلف عشان اول ما تخرج من جسمك تشوف الحاجه دى موجوده ولا لا اذا لقيت الحاجه دى موجوده اعرف ان انت فى البعد الحقيقى الى انت عايش فيه تمام
اذا ملقتهاش اعرف ان انت فى بعد تانى سواء بقى هنخش فى جدال بين الناس الى بتقول الخروج من الجسد او الديامنشنز بتاع الخروج من الجسد ده ان هى حقيقه ولا دايمنشز العقل الى بيعملها و هنا الجدال ده جاى من عدم فهم عند الطرفين لان فى دايمنشز العقل بيعملها و فى دايمنشز حقيقه فعلا العقل هو الى بيربطك بيها ف حاجه مهمه كمان فى ناس يعنى بتستخدم اللوسيد دريمنج او الخروج من الجسد و ان انت تروح تتحكم فى احلامك او كده بتسألنى هل ممكن يستخدم لحاجه تانيه غير فور فن
الحقيقه السؤال ده اتسألته فى الامسيه بتاعت الخروج من الجسد وقولت بشكل عام لا لكن فى حاجات تانيه ممكن تستخدم فيها الخروج من الجسد اه
يعنى مش عايز اتفرع و اتشعب فى الحكايه دى لانها بتاخد وقت طويل اوى لكن ممكن تعرف حاجات كتير ممكن حتى تشوف العقبات الطاقيه او مشاكل المكان الى انت قاعد فيه ممكن نوعا ما هنشغل مخنا شويه نوعا ما تعرف الى هيحصلك انا مبقولش نعرف الغيب انا بقول مثلا لما احس بطاقه حد و اقوله ان انت خلال ايام هتحصلك مشكله انا كده مش بشوف الغيب انا كده مخطط و دى و اذا مشى على السياق ده يعنى هيجذب لنفسه مشكله انا كده مش بتنبأ بالغيب ده عادى ف هى نفس الحكايه ده المتمرسين جدا جدا بس بدون مبالغه واحد من 10 الاف واحد بيعرفو يعملو الخروج من الجسد يقدرو يعرفو الحاكيه دى و يلاحظو العلامات بتاعتهم بتعرف ايه خلال المستقبل القريب او المستقبل القصير جدا الى ممكن تواجهه حاجات كتير مش عايز اتشعب فيها النهارده
حكاية ان انت بقى تعويض الطاقه دى بصراحه اول مره مشوفتش الله اعلم الناس بتقول ايه عن الخروج من الجسد لكن مش محتاجه اى تعويض طاقه او اى حاجه من الحاجات دى
محاوله اختراق البيوت المحصنه بصراحه مش فاهم السؤال بس اذا كان المقصود بيه ان انا اتجسس على حد ف مش عارف اقول للاسف ولا لا بس للاسف ملهاش اضرار الشخص المتمكن يقدر يشوف الناس التانيه بتعمل ايه
حكاية بقى ابرز تجاربى و كده يعنى كتير الخروج من الجسد انا عارفه من زمان تجارب كتير لو اتكلمت عنها مش هخلص بس تجارب ممتعه سفر و كده مش عايز اقول حاجه تفتكر ان هى خيال علمى و المووضع اتقفل عندك عايزك انت تجرب و تشوف ممكن تروح لايه بالخروج من الجسد
طرق تقابلى مه من قابلت فيها ... عادى الحكايه بتبقى و دى حاجه مهمه ان انت الخروج من الجسد بتتحكم فى طريقة كونك بتتحكم انت تمشى ازاى و تروح ازاى و تيجى ازاى كل ده بتتحكم فيه
ف بس ارجو ان تكون اجاباتى مقنعه و ارجو ان اكون شرحتلك و على فكره الجزئيه دى سهله جدا مش محتاجه اى صعوبات و مبتخوفش و مافيش ..... من اكتر الحاجت الى بتضحك الى سمعتها فى حياتى سبحان الله ان انت لو خرجت من جسمك تيجى ترجع تلاقى حد جه خده لا اله الا الله يعنى سبحان الله كأنى حاطط الموبايل بتاعى و حد جه خده متقلقش محدش هياخد جسمك ... متقلقش لو جيت ترجع جسمك هترجع عادى مش هتلاقى نفسك مش عارف ترجع ده كلام حتى الضحك عليه بيديله اكتر من وقته و مش حرام سمعت و قريت حاجات كتير عن الموضوع ده زى انت مش ممكن تموت و انت فى حالة الخروج من الجسد طبعا ده اجل و الاجل ده حاجه تانيه انا قصدى انه مبيموتش مافيش اضرار ممكن تحصلك مافيش جن ممكن يدخل جسمك الكلام الفارغ ده كله
التجربة بالظبط هتعيشها بكل ثانية فيها و على فكره فى اختلاف فى الوقت جدا بين الوقت الى انت بتبقى فيه و الوقت الحقيقى المهم التجربة بالظبط كانك فى حلم و صحيت بالبساطه و السهوله دى كلها وقت ما تبقى عايز تخرج من الدايمنشن الى انت فيه هتفتح عنيك بس بتلاقى كلها خلصت و عدت كانها ثوانى وانت نايم ع السرير بتاعك ف سيبك من الكلام الفاضى ده الى بيقولك مش هتعرف ترجع لجسمك انا لو مكنتش اعرف ارجع كان زمان واحد تانى بيكلمكو غيرى دلوقتى او ممكن اكون فعلا فى دايمنشن تانى و واحد خد جسمى و بيكلمو كلام غريب سبحان الله يعنى ازاى اخرج من جسمى و ارجع الاقى حد خده المهم
ارجو انى مكونتش طولت عليك فى الفيديو ده واشوفك ان شاء الله فى تسجيل جديد و اسئله جديده و ارجو ان الفيديو يكون عجبك ان شاء الله تجربه ممتعه بأذن الله و ان شاء الله تخرج من جسمك و تقولى ان انت عملتها و استعمت بيها
اشوفك فى تسجيل جديد
فيصل عبد الواحد
امير نفسك دوت كوم