حب نفسك

ازيك عامل ايه مره تانيه معاك فيصل و تسجيل جديد من تسجيلات امير نفسك دوت كوم

الحقيقه التسجيل ده مطلوب من متدربه من المتدربين عندى و الحقيقه مشكوره طلبت مننا مردش عليها السؤال و انى اعمل تسجيل خصوصية عن الحاجات دى لانها شايفه انها حاجه مهمه و هتفيد ناسير و حبت ان ناس كتير تستفيد منها على ما تقدر أن شاء الله

كتير و ناس كتير و ناس كتير في ألبومها عن النفس اتكلموا عنها باع كبير اوى فى الجزئيهدى.

بدأ البحث عن مقالاته منذ بداية ظهور هتلاقينى بتتبع معين في حاجات بوجهها لوعى معين بعد شويه الشخص إلى متابعه بيلاقينى بخفف من الحاجات دى و ببدا اكتر من حاجات تانيه عشان اوصل بالشخص الى بيتابع انه يوصل لوعى اعلى

ففى حاجات مش بقدر اشاركها كلها لانى جربت قبل كده اشارك حقا كله كنت بلاقى هجوم فظيع من الناس سواء في الصفحه مثلا او في الرسائل الى بتجيلى او في التعليقات على اليوتيوب او حتى الرسائل بتجيلى او هجوم فظيع من الناس ان هما مش شايفين الحكايه كده يا اما بلاقى ناس كتير جدا مش فاهمه و كنت بلاقى ان الناس بتستفيد اقل من 1٪

فعشان مضيعش وقت جزئيه ، بدأ تشغيل اشوف الوعى العام ايه و الوعى العام لقيته فعلا للأسف درجة قليله جدا فى الكلام السهل زياده عن اللزوم ممكن ميتقبلهوش فلذلك كاتب حاجات حب النفس و حب الذات كاتب حاجاتها ان انت مثلا تعمل حاجات بتحبها كل يوم معين لاسبوع و تعمل حاجات جديده الحاجات دى مفيده طبعا لكن النهارده هاقولك الحقيقه كامله و ارجو ان الى انا هاقوله ميزعلش ناس منى انا زى ما قولتلك مخاطر انى اقولك الحقيقه كامله فى جزئيه حب النفس و ارجو ان كل الى يسمع التسجيل ده يفهمه و يعمل بيه

الحقيقه ان انت طول ما انت رابط احساس الفرحه و حبك لفنسك بحاجه بره عمرك ما هتعمل حب النفس الحقيقي بمعنى لو انت رابط حبك لنفسك او شعورك ان انت خفيف  او فرحان او بتقدر ذاتك رابط كل ده بأن خطيبك يقولك كلمه حلوه ... بأن والدك يقدر مجهود انت عملته .. بأنك تشوف الفرحه فى عين حد بتساعده  .. اه و دى هتصدم ناس كتير   لو انت رابط احساسك بذاتك انك تشوف الفرحه فى عين حد شايفه  او المهم لو انت رابط حب ذاتك بحاجه خارجيه  من وقت للتانى هتحس بحبك بنفسك اه مش هكدب عليك  اه هتحس بحبك لنفسك لكن هيبقى احساس مؤقت

و مش هيدوم و هتبقى متعلق بالحاجه الخارجيه دى عشان  توصل لحب النفس الزائف الى بتحصل عليه من وقت للتانى طيب الحل ايه يا فيصل ؟

الحل من خلال المشكله  شوف اكتر حاجات بتحسسك بقيمه نفسك ايه ؟؟ مثلا انا بحس لحبى لنفسى او بتقديرى لنفسيى او فخرى لنفسي لما حد بيقولى ان انت كنت كويس فى الموضوع ده او لما  حد يقدر المجهود الى انا عملته او بحس بقيمة نفسي لما زوجى مثلا يجبلى هدىه او ورد  بحس بقيمة نفسي لما مثلا دى المدربين  لما بحاضر قدام الناس و بشوفهم استفادوا  شوف الحاجات الى انت بتحس بقيمه نفسك و ذاتك فيها و اكتبها عددها على اد ما تقدر و ابدأ شوف هتلاقى ورا كل حاجه خارجيه  حاجه داخليه   هتلاقى مثلا  فى ناس بتحس بقيمتها لنفسها او بحبها لنفسها لما تلاقى حد تانى بيحبها  يبقى هنا الى موجود ورا حاجتها للحب تمام  حاجتك للتقدير   حاجتك للأهتمام    حاجتك ان حد يعبرلك عن شعوره  شوف الحاجات دى كلها هتلاقى انك رابط حبك لنفسك بالحاجات دى  هتلاقى مثلا رابطه حبك لنفسك بأهتمام زوجك بيكى   بأن مثلا اصدقائك فى العمل قالولك انتى النهارده عملتى حاجه كويسه    بأن  والدتك تقولك انك واخده بالك من بيتك  كويس  هتلاقى انك موزعه حبك لنفسك على حاجات كتير اوى كلها خارجيه  كلها عشان تحققلك حاجات تانيه داخليه و مش هتحققها

فشوفى الحاجات الى انتى  بتدورى عليها من الحاجات الى بره دى  مثلا رغبتى فى التقدير  رغبتى فى اهتمام شخص معين بيا   رغبتى فى النجاح رغبتى فى اعجاب الناس  رغبتى فى الشهره   رغبتى بأن يقولو عليا انى عملت حاجه كويسه   شوف الرغبات دى كلها الى ورا الحاجات الى انت بتعملها بره عشان تحصل على حبك لنفسك شوف الرغبات الى وراها دى و اتحرر منها  مجرد ما تتحرر من الحاجات دى هتبدأ واحده واحده تشيلها ان شاء الله حب الذات نفسه هتلاقيه موجود

يا جماعه احنا  كلنا  بنحب نفسنا  لكن غطينا الحكايه دى بالطبقات الى فوقها دى اتربينا من صغرنا ان انت تعمل كا عشان بابا يحبك  او اعمل كذا يا حبيبى عشان احبك  او خلص اكلك كله عشان ماما تحبك و الحاجات دى اتربينا ان انت لازم تعمل حاجه بره عشان تحصل على الحب الى جوه

لكن انت اما هتشيل الحاجات دى هتلاقى حبك لنفسك موجود  فعلا انت مش هتتعلم حاجه جديده  فى التسجيل ده انا مش بعلمك حاجه جديده  انا بس بشيل الحاجات الى انت حاططها فوق الحاجه الى جواك دى

فأما هتشيل الرغبات دى واحده واحده هتكتشف ان حبك لنفسك فعلا موجود انت مش هتعمل حاجه جديده انت بس زى ما ديما بقول هتفرغ الكوبايه الاول و كمان مش بعد ما تفرغها هتملاها لأ  اما انت تفرغ الكوبايه هتلاقى ان  فى طبقه فعلا الكوبايه مليانه

فبس هى دى الحقيقه ان انت مش لازم تعمل اى  حاجه خارجيه   طبعا لو انت بتحب تعمل اى حاجه خارجيه مش بقولك بطلها   اعملها و استمتع بيها بس صدقنى لما تعملها بعد التحرر من الرغبه الى وراها هتبقى ممتعه ليك اكتر جدا جدا جدا  فعشان تحب نفسك شوف عشان نلخص النهارده شوف الحاجات  الى انت بتعملها عشان تحس بحبك لذاتك ده و اتحرر من الرغبات الى وراها و هتلاقى حبك لذاتك او تقديرك لذاتك فعلا موجود

ارجو يكون التسجيل عجبك و اشوفك فى تسجيل جديد ان شاء الله

فيصل عبد الواحد

امير نفسك دوت كوم