ازيك عامل ايه مره تانيه معاك فيصل عبد الواحد و النهارده تسجيل جديد من سلسلة ما قل و كفى
الحقيقه النهارده او فى التسجيلات الى فاتت بالذات من اول يوم 22 او 23 انا نبدأ على ما ربنا يقدرنى اجهزلك لما بعد رمضان فبختارلك حاجات صغيره اوى زىما احنا اتفقنا على المبدا بتاعنا بسيطه لكن كبيره فى الأجر خاصة ما الأستمرار بأذن الله فالى عايزك حتى تعمله النهارده و 2014 معاك بعد رمضان خلى جنبك على طول جنب السرير بتاعك مصحف او على الموبايل حتى و أول ما تصحى يعنى مثلا اختار سورة كده تبدأ بيها و اول ما تصحى من النوم كل قراءة آيه .. آيه واحده بس سواء كان الآيه دى او نص صفحه حسب ما تيجى معاك المهم اول بعد ما تصحى النوم كده و انت لسرير السرير اول حاجه تبدأ بيها و اذا عايز تبدا بأذكار الصباح دى حاجه جميله بس الى هنستمر عليه ان تقرأ آيه واحده بس مش على الأقل آيه واحده بس مش بقولك على الأقل و كتر لا آيه واحده بس ان شاء الله كل يوم تستمر بأذن الله و متستقلش بآيه
الصحابه لو بحث في أثر الصحابه هتلاقى ان هما بيحفظوا عشر آيات وميكملوش بعدها الا لما يعمل بيهم يعنى يروى ان سيدنا عمر حفظ سورة البقرة فى سنتين و سنه
مكتشف حاجه جديد، متاخدش القرآن كأنه للبيع.
كل يوم اقرأ آيه بأذن الله طبعا اذا انت حابب تقرأ آيه اول ما تصحى من النوم و آيه قبل ما تنام ده شيء جميل انت تلقى الله طبعا الموت يا جماعه صورة من صور الموت و اذا انت حابب قبل ما تنام تكون نايم على طاعه ممكن تقرأ آيه بردو قبل ما تنام بس المهم عايزين نثبت على كل يوم على الأقل آيه اول ما تصحى من النوم
ثانى جزئيه سؤال بيتسأل كتير اجابات و اجابات كويسه جدا و جميله بس انا ليا ليا مختلف فيه
الى هو ازاى احب ربنا ؟؟
بص فى حاجه مهمه اوى انا اتكلمت عنها فى الحلقه التميديه من سلسلة ما قل وكفى و هى ان احنا نخلص النيه لله فاكر ...
منصومش عشان الرجيم منصومش عشان الصحه الجسديه و هكذا زى الى بيحج او يعتمر عشان يدعى على حد الى آخر هذا الكلام فقولت ان احنا نخلص النيه لله و لله فقط و الناس للأسف خلطت ده بالدعاء
فى فرق يا جماعه بين انك تخلص النيه لله و ان العمل ميتقبلش و بين ان هو يكون حرام يعنى لو انت مثلا بتتصدق عشان ربنا يعالجلك مريض ربنا هيعالجهولك بأذن الله و مش معنى كده ان العمل ده حرام انا بتكلم عن ان العمل مراتب لوجه الله او لحاجه زى الى بيحمد ربنا عشان النعمه لا تزول دى حاجه كويسه و حاجه جميله لكن فى مرتبه اعلى اللى هو لوجه الله فقط فهى الحكايه مراتب مش حكايه حرام و حلال
انما طبعا فى حكاية الاعمال و العبادات طبعا فى يقبل و فى لا يقبل و ده اتكلمنا عنه مش هكرر كلام فى الجزئيه دى
بالنسبه لجزئيه حب الله اذا انت فعلا عايز تحب ربنا و يحبك و حبه يملى قلبك طهر قلبك عن حب غيره تانى اذا انت عايز حب ربنا و حبك لربنا و حبه ليك يملى قلبك فعلا و تحس بيه طهر قلبك عن حب اى حاجه غيره لأن زى ما قولنا ان الله اغنى الشركاء عن شركه او عن الشرك يعنى لو فى عمل لوجه الله و لحاجه تانيه ر يقبله فنفس الحكايه بردو ربنا لا يقبل القلب الا اذا كان خالصا له فقط
يعنى ايه يا فيصل ؟؟
يعنى ممكن تكون بتحب الفلوس اوى وعلى فكره دى مش حاجه وحشه انا بقول للى عايز يبتغى اعلى المراتب ممكن تكونى بتحبى زوجك اوى او ابنك اوى او بنتك اوى فالمهم عايزك اعمل معاك تجربه عمليه دلوقتى
هات حاجه انت بالنسبالك كويسه لكن سهله اوى يعنى مثلا الأكل او نوع معين من الأكل اللحوم مثلا حد بياكل اللحوم عادى بالنسباله كويسه انما مش حاجه لا غنى عنها يعنى فلو سألتك هل ممكن تستغنى عن اللحوم عشان ربنا بدون تردد هتقول اه يعنى مافيش وجه مقارنه
طيب هل ممكن تستغنى عن حب اولادك عشان حب ربنا ... هتبدأ هنا تفكر هل ممكن تستغنى عن تمسكك بالفلوس او بالماده عشان ربنا ؟؟؟فبدأت تطلع الحاجات الى جواك و ده يا جماعه ربنا بيكشف ليك مش اعتباطا سبحان الله و تعالى الله و تنزه طبعا بس بيكشف ان فى قلبك نوع من انواع الأمراض بسيطه نوعا ما اه و بقولك فى فرق بين حلال و حرام و بين المراتب و درجاتها فدلوقتى ربنا كشف ليك الحكايه دى لو انت حتى مش قادر تسيبها ادعى ربنا انه يعينك عليها تمام فلو انت شايف ان عندك فى حب مش قادر تشيله من قلبك او فى تمسك مش قادر تشيله من قلبك سواء حب للفلوس او للأولاد او للزوجه او لهدف او لشغل او لأى كان و مش قادر تشيله من جواك المهم انك تعرف انت واقف فين و ادعى ربنا يوديك للمكانه الى انت عايزه اذا انت صادق النيه فعلا صدقنى والله ربنا هيوصلك فبس جزئيه حب الله دى حبيت اتكلم عنها بالشكل ده طهر قلبك من حب ما دون الله هتلاقى حب الله انتشر لوحده بدون ما تفكر اصلا او تعمل حاجه و دى حاجه جمسله جدا بالنسبه لحب الله انت مش محتاج تعمل حاجه اضافيه محتاج بس تشيل الحاجات الى منعاه ينتشر فى قلبك فتانى تلخيص النهارده قرأ آيه واحده خلى مصحف جنبك على السرير اقرأ آيه كل يوم اما تصحى من النوم الصبح و اذا حابب تزود آيه تانيه قبل ما تنام ان شاء الله
و بالنسبه لجزئيه حب الله طهر قلبك من حب ما دون الله
ارجو ان انا اكون اجملت و اختصرت على اد ما اقدر دون اخلال و اشوفك ان شاء الله فى تسجيل جديد من ما قل وكفى
فيصل عبد الواحد