ازيك عامل ايه مره كمان معاك فيصل عبد الواحد و تسجيل جديد من سلسلة ما قل وكفى
الحقيقه انا كنت ناوى انى اتكلم عن حاجات كتير جدا فى السلسله دى هتكلم عن الايجو و عن حاجات فى الذنب و العقاب و حاجات فى الثواب و الحسنه بعشر امثالها كنت ناوى اتكلم فى حاجات كتير جدا فلسفيا حتى فى الدين لكن رجعت فى القرار ده عشان حاجه مهمه اوى و هى ان السلسله دى مش سلسلة تعليميه او تدريبيه سلسله الغرض منها اولا و اخيرا ان انت تعمل حاجات بسيطه جدا تطلع ان شاء الله بأكثر ثواب ممكن من رمضان
انما ان انا اقعد اكلمك و اقولك على حاجات فى الدين و رؤيتى مثلا لبعض الآيات او بعض الأحاديث او بعض المفاهيم فى الاسلام كلام جميل جدا لكن شايف نخليله لبعد رمضان احسن لانى مش عايز اشغلك دلوقتى او اخد من وقتك اتكلم معاك فى مفاهيم و ليه الحسنه بعشر امثالها مش اقل و مش اكثر و ليه السيئه بالسيئه فقط و الكلام ده طبعا هتكلم عنه ايه هى مشكلة الايجو الأزليه من اول وجوده لغايه دلوقتى
كلام كتير جدا كنت عايز اتكلم معاكو فيه ممكن يعدى معانا فى الساعات فى الحلقة الواحده لذلك فضلت ان انا افضل ماشى زى ما انا و نتكلم على حاجات عمليه اكتر من حاجات فلسفيه الحاجات الفلسفيه هيبقى ليها كلام تانى ان شاء الله بعد العيد
النهارده الى عايزه منك و دى حاجه من سيدنا محمد عليه الصلاة و السلام احنا مقبلين على العشره الاواخر خلاص يعتبر بكره ان شاء الله داخلين فيها فى نظرى كده ان اهم حاجه تطلبها من ربنا هى الفردوس الأعلى
سيدنا محمد حتى بيقول ما معنى الحديث يعنى اذا سألتم الله فسألوه الفردوس الأعلى و الجنات العلى فعشان نعمل كده مينفعش اى حد كده يارب الفردوس الاعلى طبعا كلنا ندعى الدعاء ده بس فى حاجات تفرق شخص عن شخص بمعنى ...
ببساطه جدا عايزك دلوقتى و ده الى هنعمله النهارده هناخد حسنات من الهوا من مافيش انوى كده ان كل الى اغتباك و كل الى ظلمك و كل الى اساء اليك و الى عملك حاجه ضايقتك جدا و ممكن تكون بتعانى منها لغايه دلوقتى على الاقل انوى انك تسامحه النهارده
خد نفس كده و فكر فى اكتر حاجه هنعملها بشكل خاص الاول فكر فى اكتر شخص ظلمك فى حياتك واد ايه ميستحقش ان هو يسامحه طبيعى انه ميستحقش و الا مكنش ظلمك اصلا بالعقل كده انت لما يجى حد يقولك سامح انت بتقوله هو ميستحقش هو كده كده ميستحقش والا مكنش ظلمك دى مش قضيتنا احنا بنتكلم على انت تستحق ولا لأ
فبأختصار و ببساطه شوف اكتر شخص ظلمك و اكتر موقف حصلك ظلمك فى حياتك فكر فى الموقف ده اسمح لكل الى انت عايشه و كل الكره الى جواك و كل الحقد ان انت تحسه اديله وقته ولو دقايق خد وقتك تماما و دقيقه واحده بس حتى لو لنص دقيقه سامح الشخص ده سامح الشخص ده و سيب كل حاجه تروح خلاص سيب المعاناه تروح و الضغط الى انت حطه على نفسك يروح سيب كل حاجه تروح بأذن الله سيب كل حاجه لربنا
هو اصلا على فكره جزئيه مهمه بردو كل حاجه كده كده شئت ام ابيت لربنا كل حاجه لله متعاندش متدخلش فى طريق ربنا هيخليك تمشيه سبحان الله ربنا عدل بيخليك تمشى فى اى سكه انت عايزها حتى لو فى سكة النار لا اله الا الله كل حاجه لله كده او كده دنيا و آخره كل حاجه لله فمتعاندش و تمشى فى طريق ربنا تمشى فيه و هيتعبك فى الاخر والله فصدقنى الاحسن ليك انت انك تسامح كل الأشخاص الى ظلموك و بعد ما تخلص الموقف ده قول كده و انوى قول يارب انا مسامح كل الى اغتبانى و كل الى ظلمنى و مش بس كده دى الجزئيه الى هناخد بيها حسنات ان شاء الله و متصدق بيها تصدق بكل حاجه حصلتلك هتيجى ان شاء الله يوم القيامه جبال حسنات كده
اكيد مافيش حد فينا محدش بيشتمه يعنى انا شخصيا لحد دلوقتى ناس بتشتمنى و ناس بتقول عليا كافر و ناس بتهاجمنى و و ناس بتقلدنى و ناس وناس و ناس امثله كتير و انا شخصيا مسامحهم كلهم و بتصدق عشان تاخد حتى ده مثال ليك بتصدق بكل حاجه اتقالت عليا او اتعلمت ليا بتصدق بيها و مسامح من قلبى والله عشان ربنا حتى يسامحنى
فبس خد حسنات من الهوا متمشيش فى طريق متعب و بالسماح مش الشخص ده يستحق او ميستحقش يعنى انا الناس الى هاجمتنى او كفرتنى كده كده متستحقش و الا مكنتش اصلا عملت الفعل ده انما انا بسامح ليا انا عشان ربنا يرحمنى ف احنا داخلين على العشره الأواخر صفى قلبك من الناس صفى قلبك من كل حاجه و متحطش فى قلبك حاجه لو هتحط فى قلبك حاجه من الدنيا متخارتش انها تكون غل او حقد او كره
نصيحه صغيره كده بعيد عن تسجيل النهارده متختارش ان يكون فى قلبك من الدنيا حاجه مش كويسه حاجه فيها غل او كره او حقد سامح الناس تصدق بكل حاجه اتقالت عليك او اتعلمت فيك صدقنى هتيجى يوم القيامه ان شاء الله هتشكرنى عشان حاجه زى دى بأذن الله اما اشوفك فى الجنه ابقى افتكر تشكرنى عشان حاجه زى دى كده كده الدنيا بما عليها زائله مش باقى الا العمل الصالح هتيجى يوم القيامه كده اما تلاقى فى ماشاء الله جبال ثواب و حسنات جالك من مافيش جالك بس من ناس غلطت فيك او ظلمتك و انت تصدقت بالحق ده هتفرح جدا ان شاء الله يوم القيامه
فأن شاء الله الايام الجايه عايزين نقبل فيها صافين مافيش جوانا اى غل او حقد لحد سواء يستحق او ميستحقش عشان ندعى ربنا فى العشر الاواخر دول بقلب صافى وندعى ربنا ان شاء الله بالدرجات العلى
اشوفك ان شاء الله فى تسجيل جديد
فيصل عبد الواحد