ازيك عامل ايه مره تانيه معاك فيصل عبد الواحد و تسجيل جديد من سلسلة ما قل و كفى
النهارده داخلين حوالى 4 ايام و داخلين ان شاء الله على ال10 الأواخر من رمضان لذلك حبيت ابدا معاك قبلها بدرى قبل ال10 الاواخر بالنسبه للصلاة عايزك تبدأ تجتهد ان شاء الله فى قيام الليل و اذا انت ولد عايزك تبدأ تصلى فى الجامع على الاقل تصلى العشاء و بعدها ان شاء الله التراويح فى الجامه بأذن الله قبل كده كنا بنقسمها على جزئين لو تفكر دلوقتى معلش هنتعب بس حاجه بسيطه علشان ال10 الاواخر دول اجسبها بس انك مش هتاخد 14 يوم تعب احسبها يوم بيوم زى ما احنا اشتغلنا من اول رمضان ابدأ من بكره ان شاء الله طبعا التسجيل بينزل قبلها بيوم ابدا من بكره صلى العشاء و التراويح فى الجامع بأذن الله ده بالنسبه للجزء الخاص بالعبادات
الجزء الخاص بالخلق اليومى او السنه عن سيدنا محمد عليه الصلاة و السلام بعد الفتره الى خدناها دى كلها و بدأنا نتعامل مع ربنا و الكلام الجميل الى قولناه ده عايزك دلوقتى تبدأ تعامل نفسك كويس اهتم بنفسك اهتم بلبسك اهتم بشكلك تبدأ اما انت تهتم بنفسك و بلبسك و بمنظرك قدام الناس سيدنا محمد على فكره كان بيلبس افضل الثياب عندك و فى نفس الوقت مكنش مميز عن اصحابه يعنى لو كان حد دخل عليهم و الاحاديث دى كتيره و كان قاعد سيدنا محمد مع اصحابه يقول أين محمد فسيدنا محمد مكنش بيلبس حاجه تميزه فسبحان الله دلوقتى الشيخ له لبس معين و تشوفه تعرف ان ده شيخ و سبحان الله سيد البشر الى ربنا ارسله لينا بالدين ده هو نفسه لما كان بيقعد مع اصحابه لبسه مكنش مميز
فالمهم اهتم بنفسك اهتم بلبسك اولا لنفسك انت مش للناس اهتم بالحاجات الى انت بتحبها و بعد كده اما تبدا تهتم بنفسك هتبقى قادر ان شاء الله انك تهتم المرحله الى بعدها على طول بأهل بيتك الناس الى حواليك و بعد كده ان شاء الله اما تقدر تهتم بأهل بيتك هتبدأ بالدائره هبقى اوسع شويه و هى علاقاتك الخارجيه و هكذا انما لو انت بدأت بالعكس لو قولتلك اهتم بالناس الى حواليك و الكلام ده و انت ناقص فاقد الشيء لا يعيطيه
فالأول اهتم بنفسك اهتم بمنظرك اهتم بشكلك اهتم اولا ليك انت يعنى لو مثلا بتحط برفان او كده او بتطيب و بتعمل ده عشان يبقى انت ريحيتك كويسه تبقى انت قدام نفسك كده مش عشان حد عشان تبقى انت مبسوط فى نفسك كده فبس مش قصدى انك تاخد شكل جسم معين او تكسب وزن او تفقد وزن انا مبتكلمش عن شكل جسم خالص يمكن بعد كده اذا ربنا اراد هنتكلم على العنصريه وقت الصحابه هنتكلم عن جزئيه كده ان سبحان الله مكنش فى عنصريه خالص و احنا الى بدعنا العنصريه دى سواء فى الوزن او فى الشكل او اللون او كده
فالمهم عشان منبعدش عن الموضوع اهتم بنفسك انت اهتمى بنفسك و الحاجات دى للرجل و الست فى نفس الوقت بأستثناء طبعا التطيب و الحاجات دى فبس دى العاده بتاعتنا النهارده
سيدنا محمد عليه الصلاة و السلام كان بيهتم بنفسه و يهتم بمنظره و كان من اكتر الحاجات الى بيكرهها انه يشتم منه رائحه مش طيبه لذلك مكنش بيشتهى يأكل بصل او الثوم و الحاجات دى عشان رائحة النفس و الكلام ده
فبس اهتم بالحاجات البسيطه الى قولت عليها دى هناخد عليها ثواب السنه و ثواب ان احنا بنصلح فى نفسنا و بعد كده نصلح فى المجتمع بحاجه بسيطه اوى ان احنا نهتم بنفسنا
فاشوفك ان شاء الله و متنساش الى قولتلك عليه انك تبدأ تصلى فى الجامع و انتى لو بنت صلاتك فى البيت ثوابها اعلى من صلاة الجماعه صلاة الانثى فى المنزل خاصه فى مخدعها يعنى الاوضه الى بتنام فيها فى آراء بتقول انه ثواب اعلى من الصلاة فى الجامع و فى آراء بتقول انه زيها المهم ان ثواب الصلاة بتاعتك فى البيت عاليه
و انت كراجل ان شاء الله ارجو منك انك تبدأ من النهارده تصلى العشاء و قيام الليل فى المسجد قريب ليك
اشوفك فى تسجيل جاى ان شاء الله
فيصل عبد الواحد