ازيك عامل ايه مره تانيه معاك فيصل عبد الواحد و يوم جديد من سلسله ما قل و كفى
بعد الكلام الى قولناه امبارح عن الاختلاف و التقبل و بعد اكلام الى قولناه الايام الى فاتت كلها عن الرحمه و المعامله العاموديه و عن علاقتك بربنا عايز دلوقتى اقولك اخبار الصلاة ايه ؟ هل اختلفت عن قبل رمضان ؟ هل حاسس فى فرق ولو صغير ؟
تانى حاجه دلوقتى حفظت كام آيه ؟ عايزك تكتب الحاجات دى مش لازم كتابتا حتى استحضرها فى ذهنك دلوقتى و احنا بنتكلم قرأت كان آيه و عرفت تفسير كام آيه و تدبرت كام آيه ؟ قرأت ايه عن سيرة سيدنا محمد عليه الصلاة و السلام ؟ ابتديت تعامل الناس ازاى ؟ ابتديت تعامل ربنا ازاى ؟ ابتديت تعامل نفسك ازاى ؟
عايزك تبص على نفسك كده احنا النهارده اليوم ال14 يعنى عدا اسبوعين فقررت ان انا اعمل معاك تشيك كده على الحاجات الى اتقالت اسبوعين عدوا الحمدلله من رمضان فبفضل الله اكيد اتغير فيهم حاجات كتير و احنا كل يوم بنعمل حاجه صغيره جا فبص على نفسك كده من اسبوعين فاتو كنت عامل ازاى و دلوقتى بقيت ازاى ؟
من اسبوعين فاتو كان عندك مشاكل فى الخشوع فى الصلاة , القرآن مكنتش بتقرأه زى ما احنا قولنا , بنسبه كبيره جدا مكنتش عارف حاجه عن سيرة سيدنا محمد عليه الصلاة و السلام , كان فى معاملات كتير جدا بتعاملها غلط مع نفسك و مع الناس و الاهم من ده كله كانت معاملتك مع ربنا مش المعامله التى ينبغى ان تكون كما هى
دلوقتى بعد اسبوعين عدوا بص على نفسك كده الحمدلله بقيت ازاى بحاجات صغيره اوى بحاجات صغيره بتعمل كل يوم سواء ان انت تبتسم فى وجه الناس , سواء ان انت ترحم حد انت قادر عليه , سواء تعامل والدك و والدتك معامله حسنه, سواء ان انت تطلع صدقه كل يوم , سواء ان انت تدبر فى القرآن , سواء تخشع بالشكل الى قولنا عليه , سواء ان انت تختلف مع الناس زى ما قولنا و تتقبلهم دى حاجات كتير اوى
انا بس عايزك تشوف قوة مبدأ ما قل و كفى قوة المبدأ ده لو انت طبقته فى حياتك و فضلت ماشى عليه حتى لو مفضلتش ماشى عليه و ماشى على جزء صغير منه بعد فتره قليله اسبوعين دى مش فتره كبيره على فكره هتشوف فعلا تغيير كبير لكن الايجو بتاعنا هو الى بيمعنا و بيقول لأ انا عايز اعمل حاجه اكبر و عايز اطبق جزء اكبر و اذا فعلا انت قدرت تطبق و طبقت يوم او يومين هتقع فى الثالث و الرابع انما لو انت فعلا اتحررت من الايجو ده و الايجو ده مشكله كبيره هتكلم عليها فى يوم خاص مش دلوقتى , لو انت اتحررت من الايجو و ابتديت تشتغل فعلا جزء بسيط و بسيط حتى ابسط من بسيط شوف ابسط حاجه بتعملها كل يوم هتلاقى نفسك خلال وقت معين جدا بقيت حد تانى
دلوقتى بس عايزك كده تشيك النهارده ده الى هنتكلم عليه مش هنعمل حاجه جديده عايزك بس تفرح بنفسك انت وصلت لأيه بص على الى فات و بص على دلوقتى و شوف الحمدلله بقيت ايه بفضل الله
و عايز اقولك على حاجه تانيه كمان السلسله دى معموله للناس الى مبتعرفش تداوم على الحاجه للآخر مظبوك , فإذا حصل ووقعت يوم او فى يومين او فى ثلاثه او فى خمسه او فى عشره حتى مش مشكله اذا انت قعدت تفكر فى العشر ايام الى وقعوا هيبقو 12 و 14 و 15 و هكذا سيب الى عدا عدا و انا بقولك اذا لسه بتبدأ معايا من النهارده مافيش مشكله تقدر تسمع حتى التسجيلات كلها و تبدأ تطبق من النهارده
متبصش على الى راح ديما اذا انت بصيت على الحاجه الى انت معملتهاش الحاجه دى هتزيد مش هتقدر توصل لأى حاجه فأنت اذا حتى لسه بادىء معايا من النهارده مافيش اى مشكله خالص
فبس عايزك النهارده تعمل تشيك على نفسك و تشوف بفضل الله وحده و الحمدلله وصلت لأيه و تفرح بنفسك كده النهارده مش عايزك تعمل اى حاجه افرح بنفسك بس و اشوفك فى التسجيل الجاى ان شاء الله
فيصل عبد الواحد