ازيك عامل ايه مره تانيه معاك فيصل عبد الواحد اليوم العاشر من ما قل و كفى
النهارده هتكلم عن حاجه مش هنطول فيها دقيقتين او ثلاث دقائق يمكن حتى اقل لكن مكنش ينفع نتكلم فيها قبل النهارده هسألك سؤال امبارح عامل ايه مع ربنا بتعبد ربنا ازاى و بتبص لربنا ازاى ؟ قربت من ربنا بدأت تحبه ؟؟
هتلاقى نفسك واحده واحده بعد الكلام الى قولناه و ان انت تكتشف الى اقولك عليه دلوقتى ده كان احسن بكتير من انى الفت نظرك له هتلاقى انك بتعبد ربنا زى ما سيدنا محمد قال عليه الصلاة و السلام ان تعبد الله كأنك تراه هتلاقهيا جت لوحدها من غير ما تفكر فيها اذا انت مشيت على الى احنا عملناه فى الوقت الى فات ده التسع ايام الى فاتو هتلاقى طريقه العباده دى جت لوحدها
الى عايز اقولهالك النهارده هو نفس الصفه الى هنقتسبها من خلق سيدنا محمد عليه الصلاة و السلام هشرحهالك الاول و بعد كده هاقولك الخلق ده ايه
بعد ما قربت من ربنا و بعد ما حبيتك و بعد ما عبدته زى ما هو خلقك عايزك دلوقتى تاخد نفس و فكر فى كل حاجه فى الدنيا بتحصل حواليك فكر فى كل حاجه بتحصلك فى الدنيا دى عايزك تاخد نفس دلوقتى و عايزك تحس كده ان انت خلاص بتشيل ايدك من كل حاجه بترفع ايدك من كل حاجه وتسيب ربنا هو الى يتصرفلك متفكرش فى اى حاجه متفكرش هتعمل الهدف ده ازاى او هتحل المكشله دى ازاى متضايقش عشان اى حاجه شيل ايدك من كل حاجه
الخلق بتاع النهارده هو التوكل هو ده التوكل يا جماعه سنين كتير عدت علينا و احنا بنقول نتوكل على الله نتوكل على الله مكناش بنتوكل على الله مكناش اصلا بنتفكر فى الله صح لكن هو ده التوكل
النهارده فى اليوم العاشر بعد الى وصلنا له الحمدلله عايزك تاخد نفس كده وتشيل ايدك من كل حاجه شيل ايدك من الدنيا كلها و تسيب ربنا يدبرها سلم نفسك لربنا شيل ايدك من كل حاجه و سيب ربنا يدبرها