بسم الله ازيك عامل ايه
الاول بس عايز اعتذر لو الصوت الكوالتى بتاعته مش كويسه كفايه ليك لان الفيديو ده مش عارف انت متابعنى ولا لا بس انا حاليا بره مصر حاليا قاعد قدام البحر و حبيت اسجل حاجه خفيفه كده ليك عن رساله ديما بتجيلى و حبيت ان التسجيل يكون خفيف بحيث انها متكونش حاجات عميقه اوى يعنى عشان بردو جوده الصوت متأثرش عليك او كده فهتكلم عن حاجات لذيذه اوى النهارده و فى نفس الوقت مش هتاخد وقت كتير
اول حاجه عايز اتكلم عليها النهارده سؤال جالى من شهرين تقريبا و انا عارف ان انا مقصر والله فى متابعه الاسئله بس حجم الاسئله او عددها ضخم جدا جدا بفضل الله و يعنى عارف ان انا مقصر فى الحكايه دى بس بعمل قدر جهدى
فعشان ندخل فى الموضوع على طول السؤال جالى من فتره و مجاوبتش عليه و سبحان الله يمكن ده حصل عشان اجاوب عليه صاحبه يعنى حد بيسألنى و بيقولى نا ديما بشوف رقم او ارقام زى 1 1 او ابص فى الساعه بلاقى ارقام مثلا 11 و 11 دقيقه واحده و 11 دقيقه او الارقام العربيه اى كان الظاهره دى مش جديده عليك انت اول واحد بس مش عارف بصراحه حد اتكلم فيها قبل كده ولا لا بسبغض النظر يعنى الحكايه دى ليها اكتر من معنى
فى ناس الى هما الميتافيزيكل اوى بيقولو ان ده علامه للأرواح المحيطه بيك و كده بس الحكايه دى من خلال الى انا شوفته معناها ان فى نقله فى الوعى بتاعك بتحصل فى انت ما بين مرحلتين او انت مقبل على مرحله كبيره جدا بأذن الله معناها ان فى حاجات كتير جدا جواك هتتغير معناها ان انت بأذن الله مقبل على مرحله اجمل و نقله اكبر فى حياتك بس مش عايز الى يسمع الكلام ده عشان فى ناس بتاخد الكلام بالعكس يعنى مش عايز الى يسمع الكلام ده يروح يدور و يبدأ يركز فى كل الساعات الى حواليه او يبدأ يركز فى كل الارقام الى حواليه يعنى هى مبتجيش كده هى بتيجى بالعكس
فردا على السؤال ده من خلال الى انا شوفته او الى اتعلمه اولا ثانيه الى انا شوفته فى حياتى الشخصيه تكرار الارقام دى بشكل ظاهر قدامك معناها فعلا ان انت مقبل على بأذن الله يعنى على نقلة نوعيه كبيره جدا جدا فى حياتك و معناه ان انت بدون علم حتى ممكن تكون بتتحرر من حاجات كتير جدا او فى حاجات جواك بتتغير و بالتالى طالما عارفين الكلام الى انا بقوله الى صدعت دماغك بيه 1 +1 يساوى 2 طالما غيرت الى جوه الى بره هيتغير و بالتالى انت فعلا حاجات كتير جواك داخليا بتتغير معنى كده بأذن الله الواقع حواليك هيبدأ يتغير بشكل كبير جدا جدا
كمان عايز اتكلم عن حاجه تانيه مهمه خاصه بنقطة السحر و الحسد و العين عايز بس اتكلم عن الحسد الاول قبل ما ادخل فى حتة السحر بشكل عميق
الحسد يا جماعه كلنا فاهمينه غلط فى حاجات موضوعه فى التراث بتاعنا او فى دينا مش منه يعنى ممكن تقرأ قصص او احاديث تكون موضوعه اصلا ن الحسد او كده لكن الحسد موجوده اه موجوده
يعنى ايه حسد يا فيصل ؟
الحسد يعنى و على فكره فى رأى بيقول ان الحسد المقصود بيه هو الحقد فقط على النعمه انك تشوف حاجه عند حد و تبقى تتمن ىزوالها يعنى بيقولو ده المقصود بالحسد المذكور بالقرآن و ده رأيى و فى رأى بيقول لأ الحسد فعلا بمعنى التأثير على الاخرين من خلال شعورك ده مذكور لان فى حديث لسيدنا محمد فيما معناه لانى مش متذكر الحديث اوى ما تبقى للقضاء و القدر الا العين او كما قال يعنى فالمهم فى رأيين
خلينا ندخل فى الى انا شايفه او من خلال تجاربى انا ديما بحب اتكلم فى الى جاب نتيجة معايا شخصيا بدون الكلام عن نظريات او حاجات منطقيه و حاجات كتابيه الى انا شوفته شخصيا ان فى حسد بيأخر اه فى حسد بيأخر بس فى حاجه مهمه اوى ان احنا ديما 100% من تركيز الناس على الشخص الحاسد مش على الشخص المحسود بمعنى
ان الشخص ده اثر فيك فعلا بحسده فلأنك سبت الباب مفتوح يعنى ايه الكلام ده ؟؟
يعنى هتلاقى جواك تركيز و معتقدات عن الحسد و الخوف من حسد اكيد موروثه من الآباء يعنى ديما الاباء ربونا و انا فعلا وانا صغير كريت بحاجه زى كده ان ديما يخلو ابنائهم ياخدو بالهم من الحسد و من الشخص ده عشان عينه كذا و ديما ميتبعهوش عشام ميتحسدوش هتلاقى جواك معتقدات الى زى دى و هى الى بتولد او تفتح الباب انك تتأخر بالحسد ده
نشغل مخنا شويه فى ناس رجال اعمال و عندهم ثروات كبيره جدا و مشهورين اظن دول يعنى لو بالمبدأ بتاع الحسد المطلق ان اى شخص يأثر فى اى حد مهما كان الحسد ده ان دول اكتر اشخاص عرضه للتأثر بالموضوع ده لكن مع ذلك متأثروش بالحكايه دى خالص و مش فى بالهم المووضع ده لان هما معندهمش المعتقد ده فبأختصار عشان تقى نفسك من الحكايه دى من الحسد اتحرر اولا من العتقدات الى جواك ناحيته ناحيه الحسد و الخوف و الحاجات دى لكن عليما و طاقيا اه فى اه فى حاجه اسمها طاقة الحسد و بتأثر فعلا على الناس و انا شوفت ده بعينى
يمكن فى مقاله فى امير نفسك دوت كوم اسمها انت نجمك خفيف اتكلمت فيها ازاى لو انت مش قادر حتى توصل للمعتقدات دى ازاى تحمى نفسك بس دى الطريقه التانيه لو انت مش قادر فعلا توصل المعتقدات دى و بتتأثر من الحسد و ده فى الحقيقه واضحه جدا المعتقدات دى عند ناس كتير لكن جرب الطريقه بس شوف بس مقاله نجمك خفيف فى امير نفسك دوت كوم هتلاقيننى اتكلمت عن حاجه كده عشان تقدر بيها انك تحمى نفسك من الحسد ده بل و بأذن الله لما تتمرس بيها تقدر تعكسه على الى حسدك
هدخل كمان فى موضوع السحر بأختصار شديد عشان الموضوع ده اذا اتفتحت مش هاخلص منه من شخص خد الكلام ده من شخص توحل فى الموضوع ده و تعمق فيه الشيطان او الجن بيشوفك او بيقرأ معتقداتك كأنه بيشوف كتب فى المكتبه تخيل كده انت فى مكتبه بتشوف الكتب فيها بالظبط الشيطان او الجن بيشوف المعتقدات الى جواك ف بس ان هو يشوف جواك معتقد خوف من الجن او خوف من الاسياد زى ما فى موروثه عندنا فى مصر او الجن يعمل كذا و كذا هيعمل و هيعمل اكتر من كده كمان
الجن لما بيلاقى خوف منه بتبقى دى نقطه دخول ليك متنساش بس ان ربنا قال ان الى اعلى منى و منك ومن الناس كلها الى حسم القضيه دى فى القرآن الكريم ( و كان كيد الشيطان ضعيفا ) فخد دى قاعده فى حياتك مهما عمل الجن و مهما عمل الشيطان و مهما حد عملك اعمال و مهما و مهما طريقه تأثيره عليك هى انك سبت الباب مفتوح دى حاجه
تانى حاجه الكائنات دى التردد بتاعها هى طاقه نوعا ما بالعكس هى مهياش اجسام ماديه حتى عشان ربنا خلقها من نار و خلقنا من طين فبدون دخول فى تفاصيل ممكن تتوهك شويه المهم ان هى ليها طاقه فعلا بس طاقتها منخفضه جدا جدا مظننش انها حتىتتقاس بمقاييس بشريه فالمهم اما الشخص بيدخل فى دائرة الاكتئاب او دائرة الحزن و الحاجات دى بتبدأ طاقته تنخفض نوعا ما بيبدأ بشكل غير مقصود بيجذب الكائنات دى ليه و ده الى يعرف عندنا بحاجه اسمها المس المس ده بيحصل زى ما القرآن بيقول ( وما يتخبطه الشيطان من امس ) فدى حاجه مش من عندى فحته ان انت تدخل فى اكتئاب و تفضل كده سنين و سنين ممكن يخليك عرضه لحاجه زى دى انا مش بخوفك بس عايز انصح انا مبحبش انصح الا اذا طلبت منى النصيحه فقط بس خلينا نكون عمليين فى الحكايه دى انا مش بخوفك بس اذا هتاخد نصيحتى اذا انت فى دايره شعور زى الاكتئاب او الاحباط بالذات حتى مش الخوف الاكتئاب و الاحباط بوجه عام دول اكتر حاجه اذا استمريت فيها لفتره طويله تؤدى لحاجه زى دى المس او السحر ف انا بنصحك ان تتحرر من الاحاسيس دى او ترحب بالطاقه دى و تتحرر منها المهم منصحكش ان انت تكمل فى الحاله الشعوريه دى فلاصه الكلام بالنسبه لموضوع السحر مافيش حد يقدر يضرك الا اذا انت فتحت الباب و اولا و اخيرا كله بأذن الله فشوف بردو المعتقدات الى جواك الخاصه بنقطه السحر دى و ابدأ اتحرر منها بأذن الله
النهارده اتكلمت عن موضوعات ميتافيزكل شويه و الفيديو طول منى من غير ما اقصد
ارجو ان انت تكون سمعتنى كويس و يكون صوت البحر مأثرش على جوده الكلام و انك تكون استمتعت بالتسجيل البسيط ده و يوم ممتع بأذن الله
فيصل عبد الواحد