اعرفوا الله – #فيصل عبد الواحد

بسم الله و الصلاة و السلام على سيدنا محمد رسول الله عليه و على آله اجمعين الصلاة و السلام و على جميع انبياء و رسل الله الصلاة و السلام

من فتره كنت كتبت بوست كان معناه اما انت تعتمد على ربنا اكتر من نفسك بتشوف تغيير كبير و دى حقيقه فعلا فى حد كان طلب منى كتب تعليق فعلا حسيت ان انا عشان اتنين بصراحه حسيت انى عشانه حابب اعمل تسجيل زى الى بعمله دلوقتى فى حد قال طيب ما انا ممكن اعتمد على ربنا و اقول ان هو مش عايزلى الحاجه دى فالحاجه دى تروح ... دى حقيقه ... اذا انت فكرت كده دى حقيقه ده الى هيحصل ربنا قال ( انا عند ظن عبدى بي ) مقالش انا عند حسن ظن ... انا عند ظن عبدى بى ان خير فخير و ان شرا فشر فليظن عبدى بى ما شاء بس مش ده قصدى من الفيديو

انا قصدى من الفيديو ان انت تعرف ربنا كويس انا قبل كده اما عملت فيديو قريب عن سيدونا و اتكلمت بردو ان انت متعمدش علىنفسك مهما كان فى خواطر عن ( و أعبد ربك حتى يأتيك اليقين ) انا هضطر اتكلم عن نفسي فى الحته دى انا اما تحررت او انا حر الحمدلله من قانون الجذب و من تحرر و من سيدونا و من لا تفعل شيء انا حر من كل الحاجات دى و سبحان الله زى ما قولت قبل كده سيدونا يعنى فى ناس كانت حابه تضرنى مثلا بأن هى مش ايز اتكلم فى حاجات فاتت بس قصدى كان ده خير لأن ربنا حررنى من حاجه انا كنت متسك بيها اوى و هى سيدونا مشمعنى كده انى مش بستعملها انا بستعملها و ممكن استعملها كل يوم معنديش مشكله بس اعتمادى الاول و الوحيد بقى على ربنا مش معنى كده انى مباخش بالأسباب زى ما انت عايز تقول مش معنى كده انى مبتحررش اما تشوف كده و تعرف ان انت حر على اى وضع انت عليه هتعرف ان انت خلاص انا حر انا حابب ابقى عايز اتحرر انا حر عايز اروح لدكتور انا حر انا عايز اعمل الاحساس ده فالفكره الى عايز اوصلها قولت المثال ده عشان اذا انت فعلا عايز تعتمد على ربنا كما ينبغى من الى ربنا وراهونى اعتمد عليه حتى اكتر من اعتمادك على افكارك يعنى فكرتك عن ربنا ان كلامك ده معناه انى اقول لنفسي ان ربنا مش عايزلى الحاجه دى لا متقوليش الكلمه دى حتى بينك و بين نفسك اعتمد على ربنا انه هيعملك الى انتى عيزاه و اجمل فى جمله قرأتها جميله اوى انا مش عارف صاحب الجمله دى هو الى قالها و لا خدها من حد تانى

حد اسمه رامانا قال ( الموضوع ده ان انت تعتمد على الله او متعمدش عليه زى واحد راكب فى قطر مخير ان هو يشي الشنط بتاعته او يحطها فى مكان الشنط ) و ى فعلا حقيقه انت عايز تشيل هم اى حاجه فى الدنيا شيل همها عشان كده اما بقعد مع حد و اقوله انت لو حابب تفكر ان انت تعبان ربنا هيجبلك التعب و دى حقيقه يا جماعه والله دى حاجه اذا ربنا سألنى عليها هاقوله ياربت دى حاجه انت قولتهالى و شوفتها

ف ليه انا فى رأيى حتى الاحسن من وجهه نظرى متفكرش خالص متفكرش حتى فى الحلو لان انت كد هتحدد الحاجات الى هتحصلك اذا انت حابب و مصمم اوك فكر فى الحلو بس الافضل متفكرش اصلا ارمى كل حمولك على ربنا و كل حاجه على ربنا ده قصدى

مترميهاش على التحرر مترميهاش على سيدونا مترميهاش على قانون الجذب مترميهاش على فيصل عبد الواحد مترميهاش على اى حد طالما قولت اى حد فى حاجات لازم اقولها علشان اكون صادق على اد ما اقدر فى حد واحد بس و دى حقيقه لازم اقولها بس بردو هو نفسه هيبقى حبك تعمل الى بقولك عليه ده حتى الحد ده ممكن نستعين بمساعدته بس الحد ده هيعوزك تستعين بربنا على طول الحد ده هو سيدنا محمد عليه الصلاة و السلام بس انا من معرفتى بسيدنا محمد عليه الصلاة و السلام هو هيحب ان انت توجه حمولك كلها لربنا و دى حاجه سيدنا محمد اما ربنا سأله يا محمد انت تحب حساب امتك يبقى عليك شوف سيدنا محمد و فطنته فقال لا يارب انك ارحم بهم منى فموقف زى ده يخليك تشوف سيدنا محمد اكيد هيبقى عايزك تعتمد على ربنا على طول

فعشان قولت ان مافيش حد كان فى استثناء الى هو سيدنا محمد حبيت انا اقوله وبردو بقول ان هو حد هيحب ان انت تعتمد لى ربنا مباشرة لان ده احسنلك من الى نا شوفته او من وجهه نظرى و اظن ان هو يكون حابب ان انت زى ما قولنا المثال انك ارحم بهم منى

انتقلنا لسيدنا محمد و الى حابب اقوله فى حاجه كمان حتة اللهم صلى و سلم على سيدنا محمد ولااله الا الله

الانبياء اشد الناس ابتلاء لناس بتقول معنى كده ان الناس ... لا ى ابتلاء و فى تعب مش بالصوره دى هى الفكره ان الانبياء من اقرب الناس الى الله حلو كده فربنا بردو رحمن برنا رحيم معندوش حاجه اسمها تقرب منى اضرك مش بالشكل ده هو عنده حاجه ان انت تقرب منى خلاص هخليك تشوف حاجه يرك مشفهاش هخليك مثلا نتو انبياء و رسل و هتشوفو ان الدنيا دى فعلا صفحه فى كتاب كبير فصل صغير اوى فى كتاب كبير احسن حاجه سمعتها عن الدنيا

الدنيا صممت لتستهلك ثم تترك يعنى جمله اجنبيه فعلا اتصممت عشان تستهلك و نتحرر منها و تترك فدى كلمه جميله فالانبياء و الرسل ربنا بيوريهم ده فبيبقى فعلا الحياه مش فارقه معاهم و و علىفكره بيزعلو و يحزنو سيدنا محمد كان بيبكى لما كان سيدنا ابراهيم ابنه بيحتضر و بينزع كان يبكى بس هو عارف ان فى جنه و عارف انه هيشوف ابنه تانى ف ربنا بيورهم ده ان فى جنه و حاجات تانيه خالص و ممكن ربنا يكون وراله ابنه فىالجنه علشان يصبره ممكن مش بعيد فالانبياء و الرسل ربنا وراهم ده فخلاص بيبقى هما بيحملو بقى حاجات غيرهم ممكن غيرهم ميبقاش قادر يتحملها بس هما بيتحملوها عارفين ان الدنيا دى صفحه واحده فى كتاب كبير

يا جماعه فى ابديه عارفين يعنى ايه ابديه يعنى الدنيا دى من اولها لاخرها عمرها 700 مليار سنه مثلا يعنى ده ميجيش حاجه جنب الابديه دى فكر فيها كده يعنى انت قاعد فى الجنه معاك الى انت حاببهم كلهم معاك اى حاجه تعوزها تيجى و مافيش خروج منها دى ابديه دى باقى القصه الناس ماسكع فى صفحه واحده و بتسأل اسئله اجابتها ممكن متبقاش مفيده و بتتصارع فى الصفحه الواحده دى ف عشان بس نفهم جزئيه الابتلاء انا عارف ان الموضوعين مكنش ليهم علاقه ببعض بس هو ربنا الى شاء ربنا شاء انى متكملش عنه الا لما اتكلم عن نبيه سبحان الله لا اله الا الله محمد رسول الله والله يا جماعه لو عرفتو سيدنا محمد فيه كمية حب و رحمه اد ايه سبحان الله اللهم صلى علي سيدنا محمد و على آل سيدنا محمد اجمعين و اجمعنا بهم فى جنات النعيم امين و كل من قال آمين

ف ارمى كل حاجه و متعمدش ( على عقلك ) احنا قولنا ان مافيش حاجه اسمها عقل

اعتمد على ربنا و اعتمادك على ربنا على كل شيء مش على فيصل مافيش مقارنه اصلا متعمدش على اى علم و مش معنى كده انك تسيب العلوم دى بس ربنا اعتمادك الاول و الاخير و الوحيد عليه و صدقنى والله الدنيا هتلاقيها حاجه تانيه خالص مش معنى كده يا جماعه ان الحاجات الحلوه هتروح مش معنى كده ان اما تقرب من ربنا هتحصل مشاكل اتقوا الله فى دين الله يا مشايخ انا بحب المشايخ والله معنديش قضيه معاهم بالعكس اى حد يتكلم عن ربنا بحبه بس الناس الى على المنابر اتقوا الله لان الناس بتخاف من الدين بسبب الكلمه دى عشان كل ما تتقرب من ربنا مشاكلك هتزيد متحاولش انا كنت فى خطبه فى يوم و سمعت الامام قال الكلام ده و لولا الادب كنت رديت عليه انا شوفت بعينى موقف و مش حابب احكيه موقف تانى واحد مكنش بيصلى داخل الجامع و مبيصليش و سيرته كانت سيئه المهم داخل يصلى فالامام قال انت كل الى عملته هتتحاسب عليه و متفكرش مش عارف ايه الكلام صح بس الاستخدام مكنش كويس الراجل داخل حط رجله فى المسجد و قام لافف و خارج تانى فالكلام يبقى يعنى ربنا اقصى حاجه بقى يوم القيامه ربنا هيعاملنا بأى اسم هيعاملنا بالرحمن عرف الناس على الرحمن ربنا مافيش من اساميه ان هو معذب بعض الشيوخ مصممين ان هنا يعرفوا الناس ان ربنا معذب يا سيدى ربنا عنده عذاب مش معذب قال ان عذابى مقالش انه معذب انما هو رحمن وصف نفسه بالرحمن عرف الناس على الرحمن عرف الناس ان انت لما تقرب منربنا هيديك فلوس و عيال و هيظبط الشركه بتاعتك و هيخليكى جميله و هيعملك والله العظيم و اقسم الله يمين هتحاسب عليه اذا شاء حاجات ممكن يعملهالك اذا حكيتها لغيرك ممكن يفكرك مجنون حاجات معجزات و حاجات ممكن الطب نفسه يحتار فيها عرف الناس الحاجات دى دى مهتك كشيخ دلوقتى الناس كلها بتتكلم عن ربنا انت كحد متشاف حد على اليوتيوب او على الفيس بوك او اى كان بتتكلم عن ربنا حبب الناس بربنا عرف الناس بالرحمن عرف الناس اما انت تقرب من ربنا هيديك الى انت عايزه و اكتر هو ربنامش عايز يديك ليه هو لو اداك ملكه هيخلص خلى ده طريقه تفكيركم و حبكم لربنا عيش كده و عيش ده ف بس ارجو ان تكون الرساله وصلت و اشوفكو فى تسجيل جديد

السلام عليكم

فيصل عبد الواحد