بسم الله و الصلاة و السلام على سيدنا محمدرسول الله و على جميع انبياء و رسل الله الصلاة و السلام اجمعين
كتبت بوست امبارح و الحقيقه الموضوع بتاع البوست ده مهم جدا و هو اهم حاجه اصلا انا بتكلم علهيا من سنين انا حتى كنت عايز اعمل فيديو اطلع فيه و اظهر فيه بس عشان هياخد وقت فى الاستديو عندى و كده حبيت انى اعمله صوت علشان يبقى اسرع
الفكره يا جماعه و قبل ما اتكلم حاجه مهمه ان انا مبحبش النقاش و مبحبش الجدال مش عشان دكتاتوريه لكن عشان انت حر انت تعيش حياتك بالشكل الى انت عايزوه لان ربنا مخلقش كون واحد بس ربنا خلق كون فيصل و كون ابراهيم و كون محمد و كون عزه و هكذا ف مش لازم الكون بتاعك يبقى زى بتاعى و مش لازم الكون بتاعى يبقى زى بتاعك دى نقطه تانى حاجه اما نتجادل و هنتناقش بنسبه 99% انت بتبقى عايز تتناقش و تجادل شان تثبت انك وجهه نظرك صح
ف افضل الاحوال هنوصل لحل وسط بين كلامك و كلامى و ده مينفعش مش ده الى عايزك توصل لحل وسط الى انا بقوله متناقشني و متجادلنيش خده و جربه انما هتقعد تجادل و تناقش و تثبت انه غلط انت حر انا مش هتجادل معاك انا عارف ان التسجيل ده هيصحى ناس كتير و يخلى ناس كتير هتشوفو ان هما المدافعين عن لواء الله و هما المدافعين عن الشريعه
ف لو هتتابع فيصل عشان تشوفه هيغلط فين و الحاجات دى انا بريحك من الاول اهو انا مش هتناقش ومش هتجادل اذا انت كملت معايا لغايه دلوقتى فدى حاجه جميله
الى عايز اتكلم عنه هو ان ربنا ضمنلك رزقك و ده عليه ادله كتير بس انا هكتفى ربنا اما بيقول ضمنت لك رزقك فلا تتعب يعنى ان انت ترغب و دى حاجه ربنا عيشنى فيها اوى و بدون فحبيت للناس بدون مقابل حبيت اعمل عليها تسجيل او يمكن حتى اعمل عليها كورس قدام اذا محتاجه هى مش محتاجه كورس محتاجه بس الكام دقيقه الى هاقولهم دلوقتى هى اجمل حاجه فى الدنيا و عايز اديها للناس بدون مقابل لان عايز الناس تشوف ده و تعيش ده ف اما انت فعلا تصدق الكلمه دى و ضمنت لك رزقك فلا تتعب خلاص اى رغبه بقى تختار انت تختار اى رغبه فى اى هدف خلاص هسيبها مافيش بقى هنا تقنيات و مافيش اسئله مافيش اى حاجاهخالص رغبه فى فلوس اسيبها و ضممت لك رزقك فلا تتعب رغبه فى الجواز اسيبها رغبه فى اى شيء
بتريح نفسك و تختار ان خلاص ترتاح و تسيب الرغبات دى ويتحقق بقى الجزء الاول من الذكر او الحديث القدسي ده خلقتك للعباده فلا تلعب هنا المقصود بيها العباده مش الى هى بس الصلاه و الصوم علشان هنا بقى الناس هتبدأ تتكلم مش مقصود بيها الصلاه و الصوم العبادات كتير جدا مقصود متشتغلش بالك بحاجه من الدنيا ضمنت لك رزقك فلا تتعب و تحقق بقى النص الاول من الحديث ان انت مرتاح و مبسوط و بقى هدفك ان انت تبقى حر احسن من الاهداف نفسها فبتتفرغ و بتبقى فارغ و تتفرغ ان انت تذكر الله و تسبح الله و تعبد الله تعبده بالصوره المحببه ليك تعبده بالنوافل مبقولش سيب الصلوات الفروض انا بتكلم على الزياده انت خلاص بتتفرغ و عقلك مبيبقاش مشغول ( اذا فى عقل ) اتكلمنا عنها قبل كده او انت مبتبقاش مشغول برغبه فى هدف او رغبه فى شيء فبيبقى حب الله اصلى و بيبقى مش مصطنع و مبتباقش جواك مشغول بهدف و تحاول تسكت نفسك لا اذكر الله لا اخشع فى الصلاه فده هيفرق معاك جدا فى كل العبادات هيفرق معاك حتى فى الخشوع فى الصلاه خلاص الى انا كنت شاغل بالى بيه ده خلاص ربنا قالى وانا صدقته
و ضمنت لك رزقك فلا تتعب جربو يا جماعه مش انا بقول متصدقونيش و متكذبونيش خده و جربه انا بقول نفس الكلام على ربنا الكلمه دى متكدبهاش (فضمنت لك رزقك فلا تتعب ) متصدقهاش و متكدبهاش متقعدش تعمل حياتك كلها و تجيب ادله من القرآن و السنه و الصحابه و الاجماع و و و ان الكلام ده غلط و التفسير ده غلط و فى نفس الوقت متجبش ادله ان الكلام ده صح انان عايزك تاخد كلام ربنا و تجربه و شوف كده اما انت تقرر تجرب و صدقت ربنا انا شخصيا صدقت ربنا و شوفت انا عايزك تشوف الى انا شايفه و ده اهم تسجيل ممكن تسمعه منى و اهم حاجه ممكن تاخدها منى
و ضمنت لك رزقك فلا تتعب فخلاص ارتاح و حب الحريه اكتر من تحب المعاناه انت اما بتحط رغبه فى هدف على طول بيبقى معاها معاناه رغبه فى الفلوس رغبه فى رغبه فى على طول بص كده على اى حاجه انت عايزها هتلاقى فى جواك معاناه صح فى نقص ده ربنا بيريحك تقول ايه بعد كده
فتختار ان انت خلاص كلام ربنا انا هاشوفه و اجربه و فعلا انا صدقته دى حاجه انا بحبك تبدأ متنكرهاش و جرب تصدقها حاجه بسيطه و بعد ما تصدقها هتجربها فخلاص بقى الرغبه فى الفلوس مش عايزها المعاناه دى مش عايزها و بتبدأ تحب ان انت تكون حر اكتر ما تحب ان انت تشغل بالك بالهدف
تانى تبدأ تحب ان انت تكون حر من المعاناه الى جايه من الرغبه فى الفلوس بتحب بالحريه دى اكتر من انت تقعد تفكر هتوصل للفلوس ازاى او تتحرر منها و تشغل بالك بيها انت بتحب الحريه و بتحب الراحه الى بتعرفها اما بتصدق كلام ربنا ده
و انا والله بتحدى اذا انت عملت كده لازم و لابد حتما الدنيا هتجيلك هو وعد ربنا وعده فمن اصدق من الله مين هيبقى اصدق من ربنا جرب ده جرب ان انت و ضمنت لك رزقك فلا تتعب هتحب اوى احساس الحريه و احساس ان انت خلاص تسبح لربنا و انت حر و لو لقيت نفسك بتفكر فى حاجه تقول لا افكر فيها ليه مش هشغل بالى بيها ربنا قالى و ضمنت لك رزقك فلا تتعب حب دى اوى حب ان انت تطيع ربنا حب ان انت تطيع ربنا ربنا مخلقكش عشان تنشغل بالتعب فى غيره مخلقكش عشان تبقى عبد لحاجه غيره انت اما بتنشأ رغبه و بمزاجك بتخليها تتملك فيك بتبقى عبد ليها للشيء ده او للمعاناه دى انما انك تبقى حر و بتاع ربنا و تسبح بحب و تسبح بأنكباب على التسبيح و تسبح عشان انت عايز تروح تسبح علشان حسنات طبعا دى منزله جميله انك بتعبد عشان الحسنات بس انت بيبقى فى جواك راحه و جمال مش جواك انت بتبقى جمال و الراحه فبتبقى انت حابب تعبد و حابب تسبح و حابب تذكر و مبتشغلش بالك بالثواب بتذكره علشان بتحبه تسبح عشان بتحبه و دى اعلى الدرجات و كمان هديه على ده ربنا بيجبلك الدنيا لحد عندك انت عايز ايه اكتر من كده و ضمنت لك رزقك فلا تتعب
انا حابب انك تجرب ده و الحمدلله ان التسجيل معداش 10 دقايق جه كان هدفى و ربنا عمله بدون اى تخطيط منى و ربنا خلى الكلام كله انساب لوحده فجرب ده و عيش ده و خلى ده اسلوب حياتك و الشعار بتاع حياتك كل يوم
و بأذن الله اشوفك فى تسجيل جديد و فيديو جديد
فيصل عبد الواحد
فيصل عبد الواحد دوت كوم
جودى تريننج دوت كوم
السلام عليكم