بسم الله و الصلاة و السلام على سيدنا رسول الله عليه و على جميع انبياء و رسل الله الصلاو والسلام
فيصل عبد الواحد معاك و فيديو جديد
النهارده التسجيل ده عشان نتكلم على حاجه كلنا بنبصلها بصه و انا بعذر الناس فى الحكاية دى بس بنبصلها بصة الى واقف على ناحية واحده من باب ومش عارفين ايه الى بعد الباب ده بمعنى اصح مشوفناش بنفسنا احنا عارفين طبعا ربنا اخبرنا لكن فى ناس معظم الناس مشافتش
اذا انت بتشوف تجارب الناس و الى حصلهم الى هى تجارب اقتراب من الموت بتشوف لذلك انا بختلف مع جملة او حديث سواء هو حديث او مجرد جمله ( الموت تحفة المؤمن ) حابب ازود عليها كمان الموت تحفه غير المؤمن
الناس الى جربت التجارب دى او عاشت فى الحاجات دى اذا انت بتشوفهم و بتوصفهم طبعا كل واحد فيهم له تجربه مختلفه و الناس الى بتجرب و ترجع و انا بدعو الناس الى ديما تهاجمنى و ( تكفرنى ) و تقول ان انا بضل الناس انا بدعو حبايبى و اخواتى الشيوخ دول ان هما يبحثوا و يشوفو يشوفو تجارب الناس دى وبالمناسبه الفيديو مش مبنى على كلامهم انا فى حاجات على كلامهم و فى اشياء انا هاقولها مبنيه على حاجات ربنا علمهانى بفضل الله
الناس الى جربت او الى حصلتلها التجارب دى لو انت هتشوفها هتلاقيها كلها او معظمها ماكنوش مسلمين ماكنوش مؤمنين بالعكس كان فيهم ناس ملحدين بيقولو لا نعترف بوجود آله و الى بيوصفوه و بيتكلمو عنه ان الكيان الى شافوه مش ربنا حتى كمان الملاك احنا بنسميه ملاك بيقولو شديد الحب لينا او شديد الشفقه و الرحمه بينا ده الملاك الى ربنا بعته للى احنا بنسمهيهم يعنى مش داخلين جنه ابدا بنقول عليهم كده فما بالك بالمؤمن الموحد بالله ف انا بتكلم هنا فى جزئيه ان الموت مش وحش الفكر ببساطه ان انت بتتخلق من عالم ربنا خلقه اسمه الدنيا بتتنقل لعالم تانى ده قبل ما تخش الجنه ان شاء الله ربنا يوعدنا و يوعدكو بيها كل من قال آمين ده قبل ما تخش الجنه مجرد ان انت بس تطلع تتحرر من جسدك الارضى بيحسو بحريه رهيبه
الى يحسو بكلامى ده او يفهموه شويه الى بيعملو خروج من الجسد بتخرج من جسمها الارضى او البشرى و تشوف و هو نايم ع السرير قدامكم هى عارفه و مدركه ان انت مع الموت و كان فى ناس بتهاجمنى لمجرد الهجوم و خلاص يقولو اوعى تعمل الخروج من الجسد فى واحده صاحبتى عملته معرفتش ترجع فى جسمها تانى و ده مبيحصلش انا كنت بعمله كل يوم و فى اليوم كذا مره بس خلاص تجاوزت المرحله دى من زمان بفضل الله ف مجرد ما بتتحرر من قيود الجسد بتحس براحه رهيبه لا وصف لها
بردو فى هنا استثناء الناس الى قعدت طول حياتها تنام و تصحى تفكر تضر خلق الله ازاى و بالمناسبه انا اظن ان دول انا بتكلم عن الاغلبيه من سكان العالم انا شايف ان الاغلبيه مش هما الوحشين لان الى انا شوفته ان ربنا و انا اسف للكلمه ربنا بيشوفلك اى سبب يدخلك بيه الجنه تانى ربنا بيشوف لعبده اى سبب عشان يدخله الجنه اى سبب يعنى انا مش عايز اتكلم كتير فى حتة ان غير المسلمين داخلين الجنه ولا لا ده مش موضوعنا النهارده بس فى ناس موصلهمش حتى الدين لحد النهارده
لما انت تقول عشان كلام انت فاهمه غلط من فهم خاطيء لشيوخ متشددين انا كنت فى يوم والله فى خطبة جمعه لولا الادب كنت هخرج من الخطبه الخطيب بيقول طبعا الكلام ده علينا احنا كمسلمين غير المسلمين داخلين جهنم على طول انا عارف ان فى ناس بتسمعنى دلوقتى بتقولى اه يا فيصل انت غلط
لا يا جماعه ما هو انا لما يكون انت عندك رأيى و انا عندى تجارب او واحد زيى ربنا شاء انه يعلمه حاجات و الى اتعلمته ده فهمنى ان فى آيات كتير فى القرآن تؤيده يبقى اصدق الى ربنا علمهونى و ناس كتير اكدته و فى ادله فى القرآن عليه و لا اصدقك انت
انا مش بتكلم معاك دلوقتى على فقه دينى فهمى للآيات قصاد فهمك لآيات انا بتكلم عن حاجه شوفتها و عرفتها و ربنا خلانى اشوفها سواء من قريب او من بعيد مدعومه بآيات من كتاب الله ضد حاجه انت شايف انها ممكن تكون تفسيرك لآيات الله انا اصدق اصدقك انت ولا اصدق ربنا ماهو واحد زائد واحد يساوى اتنين ف المهم ده مش موضوعنا النهارده
موضوعنا انا عايزك تحب الموت بأذن الله ربنا يوعدك بالجنه انت رايح عريس هيحتفل بيك و هيحتفل بيكى و الجنه نفسها هترحب بيك يعنى انا عايزك تخيل كده ده ده انا مش عايز اتكلم عن الجنه دلوقتى انا بتكلم عن قبل الجنه مجرد ما الميت بيتحرر من قيده الجسدى بيحس براحه رهيبه و دى نقطه النقطه التانيه الاهم يا فيصل المشكله ان قرايبى او حد بحبه بيموت فى حاجاه مهمه هنا الميت او الشخص الى مات بيفيدك و معاك اكتر من وهو حى حركته فى البعد الى هو فيه اسهل حركته فى البعد الارضى كانت مقيده بالجسد حركته هناك اسهل واسرع يعنى ممكن ربنا يمنع عنك شر يقرب منك خير يجيلك رؤيه يقولك حاجه مكن انت كمان تحس بيهم و تتواصل معاهم بس ده مش موضوعنا
بس الموت احنا حطينا عليه عقد و خوفنا منه و خوفونا و طلوع الروح من الجسد كضرب السياط ايه الكلام ده ايه ده يعنى انا ام الاقى حديث مثلا منسوب لسيدنا محمد كذب بيقول حاجه زى كده و الاقى ان الناس الى حصلها التجارب دى او الخروج من الجسد الى كنت بعمله مش كده خالص يبقى اكيد سيدنا محمد ماقلش كده يبقى فى حاجه غلط فى الروايه و معلش مش حاجه ربنا ورهانى و شاء ان انا اشوفها و اسيبها و اقتنع بكلام منسوب كذاب لسيدنا محمد ازاى حطو نفسكو مكانى يا شيوخ حطو نفسكو يالى قاعدين طول الليل و النهار خطب الجمعه كلها على ازاى الاخلاق ضاعت على ازاى الموت مرعب على آيات العذاب لو غير كده بقى بيتكلمو عن الصلاة و الصوم و الحاجات دى و المفروض تبقى غير كده خالص خطبه الجمعه المفروض الناس تبقى جايه حابه انها تجيلك يا شيخ مش جايه تصلى ركعتين و تمشى احنا فعلا اتعقدنا كتير و عذاب القبر و عذاب القبر ده قصه طويله بس مش قصتنا النهارده
بس المهم اذا انت خايف متخافش ده انت هتحس براحه رهيبه براحه لا توصف و هتتمنى انك تكون فيها من حلاوتها بس مش هتقعد فيها كتير هتروح للى احلى مها كمان انت كأنك كنت شايل حمل طول عمرك الارضى و انزاح و سبته تخيل انت مثلا وزنك 0 كيلو انت شايل 80 كيلو لمده 80 سنه شوف هتحس بأيه الراحه بقى الى هتحسها اضعاف و حتى الراحه دى هتروح لاهل منها بأذن الله
ف متخافش من الموت و حبايبك الى ماتو معاك موجودين معاك اكتر من ما هما موجودين فى الارض فاطمن و ظن بربنا خير و اذا انت كنت من الناس الى شاغله نفسها تضر الناس ازاى و تاكل حقوق الناس ازاى و كل همها انها تعيش حياتها و الدنيا بس بالطول و العرض و لما يجى يوم القيامه يبقى ربنا يحلها او كده كده احنا هنخش الجنه لان فى ناس عايشه كده احنا كملسمين احنا كده كده هنخش الجنه فبيعملو كل الى هما عايزينه بيظلمو بعض و يسرقوا بعض و يغتابو بعض ف لو انت كنت من الناس دى راجع نفسك لان وقتها الموت هيبقى عكس الى انا قولته تمام يعنى شوف الى انا قولته ده اعكسه بقى و يمكن اضعاف ف الموت جميل الموت حلو انا عارف ان فى حزن و من حقك تحزن ان حبيابك مش قدامك و مش عارف تشوفهم انا بقول حاجه انا مش عارف الصح اقولها ولا لا بس اذا انت صدقتها اوى الشخص الى ميت ده ممكن تشوفه بجسده الارضى تانى انا عايز اختم بدى الشخص الى انت شايفه ميت ده ممكن تشوفه و محدش يشوفه الا انت انا عارف ان الجمله دى هتجن ناس كتير و انا مكنتش ناوى اقولها بس ربنا شاء ان اقولها و صدقت اوى دى هتشوفه و هتشوفه معاك و مش لازم تشوفه فى حلم ممكن تشوفه و انت صاحى سيدنا محمد حتى قال من رآنى فى المنام رآنى فى اليقظه و سبحان الله جت فتره فى حياتى كده دى جزء من حاجات الى عرفت بيها اد ايه سيدنا محمد كان عظيم دى الحاجات البحثيه فى حاجات تانيه معرفش اقولها فى حاجات كنت بشوف ان انا عرفتها الاول ف لقيت سيدنا محمد عارفها قبل منى يعنى
بس فى الموت جميل الموت حلو و مش مشكله احزن المشكله على فكره يا جماعه مش فى الحزن و الم الفراق المشكله فى رفضهم انت بترفض الحزن و بترفض فكره انه مش موجود قدامك انت بترفض فكره فلان معدش موجود قدامك و بترفض فكره انك مش عايز تخش القبر كل دى افكار و بالمناسبه بأذن الله بعا انت هتبقى قاعد تتفرج على جسدك و الناس مثلا بتحاول تكفنه او بتحاول تعمله انعاش ربنا يجعلك من عباده الصالحين و يجعلنا جميعا و اشوفك فى تسجيل جديد ان شاء الله
فيصل عبد الواحد