بسم الله و الصلاة و السلام على سيدنا رسول الله عليه و على جميع انبياء و رسل الله الصلاو والسلام
فيصل عبد الواحد معاك و فيديو جديد
عملت اعاده نشر لبوست او منشور من 2011 و بالمناسبه كمان انا كان عندى حساب تانى على الفيس بوك و اتقفل فى 2010 ف الى انا اظنه ان فعلا كان 2011 منقلتهاش من حسابى القديم لحسابى الجديد ف كان المنشور ده فى اواخر 2011 سبتمبر 2011 كنت كاتب فى المنشور بالظبط عشان الى بيسمع التسجيل او بيشوف الفيديو و مقرأش المنشور يفهم انا بقول ايه
المنشور بقول فيه يا لذلك الاحساس فى وسط مكان لا تعلمه فى احد مقاهى النت حيث لا تعلم عن سعادتك القادمه شيئا و لكن تغمرك السعاده لشدة حبك فى تلك اللحظه الى تعيشها الان
تمام كده و حتى عملت تنويه بس عملته النهارده ان فى اللحظه دى مكنش عندى فعلا مكان اقعد فيه و مكنش عندى مستقبل يعنى الفكره او بتفكير الناس يعنى وقتها الناس قالتلى يا فيصل كلمنا عن الموضوع ده و انا بعارض بشده ان انا اتكلم عن قصصى عشان حاجتين بيحصل حاجتين او ده الى انا شايفه
اول حاجه لما انا بحكى قصصى او الحاجات الى بتحصل معايا الناس بتقول اه يا فيصل قصه جميله و حلوه و كده بس ده انت انت يعنى انت الماستر فيصل انت المستنير انت الى وصلت للى محدش وصله لكن انا مقدرش اعمل الحاجات دى بسط الموضوع شويه ده انا مبحبش ده ده كلام بس انت بتقوله ده تفكير صدقنى انت مصمم تفكره و شايف ان الموضوع سهل بالنسبالى لكن صعب بالنسبالك و بالمناسبه لو انت شوفت فعلا و تتبعتنى و هتلاقينى لو هنتكلم ع الظروف كنت اصعب منك زى ما قولت ماكنش فى مأوى انا هتكلم ع الظروف اكتر
تانى حاجه الى بتحصل ان الناس بتتعلق بالقصص بتاعتى و بتبقى لازم عايزه لابد و حتما تعملها لنفسها لازم اعمل القصه دى بالظبط او ياسلام لو القصه دى حصلتلى بالظبط لييييه انت مش لازم تعدى بالظروف ( ده كان تفكيرى قبلها حتى مش وقتها ) و ده غلط بس هاقولها مش لازم تعدى بالعذاب عشان تجرب الى بقوله مش بقولك تصدق الى بقوله تجرب الى بقوله
ف يعنى انا استثناءا هتكلم عن ظروف الواقعه دى و انا مش عارف انت بتتابعنى ولا لا لو انت بتابعنى هتعرف ان انا وقتها الحمدلله و الشكر لله ربنا من عليا و غيرت طريقة تفكيرى كنت وقتها و لحد فتره قريبه ديما افكر انا لازم اجرب الحاجه الى ربنا علمهانى فى اصعب الظروف الممكنه و كنت ديما بحب اعقدها على نفسى و اسافر بلاد و و و وهكذا و اخلص فلوسى و كمان استدين عشان اجرب الى ربنا بيعملهونى
مش لازم تعدى بالمراحل دى و مش لازم تعمل ده خد الى بقولهولك انا بوفر عليك سنين كتيره اوى خد الى بقوله ليك و جربه جاب نتيجه معاك هتصدقه و يبقى بتاعك مجيش خلاص
ف انا استثناءا هتكلم عن التجربه دى انا عارف ان انا بطول بس معلش و عشان بس اذا هتسمعها ف خلى بالك من الحاجاتين الى قولت عليهم دول متشوفنيش ماستر اعلى منك متشوفنيش اقل منك شوفنى زيك و خد الى بقوله و جربه و متتعلقش انت لازم تجرب او لازم تثبت القصه او لازم القصه تحصلك بالظبط اتفقنا
وقتها كنت فى 2011 و مش هاقول اسماء كان فى مدرب هو يعنى مدرب على اد حاله مش معروف بس وقتها كنت انا لسه بادىء و كان هو مفهمنى ان هو حد يعنى معروف اوى و انا بنزل جامعه ايه و معروف و هفتحلك الطريق كله و انت معايا خلاص حققت الامان المادى يا فيصل و حتى لو هو بيسمع التسجيل ده بينه و بين نفسه كده يغلطنى لو كنت بقول حاجه غلط لما كنت حتى بقعد معاه و اقوله يا فلان الوضع ده مش عاجبنى انت بتقولى حاجات مافيش مرتب هو كان مفهمنى انه مدرب كبير و شركه عنده و مش عارف ايه و تعالى معايا كنت اقوله يا فلان انت مبتدنيش مرتب انا هشتغل ايه معاك عشان ابقى فاهم هو كان بيقعد بقى هو كان من احسن الناس الى بتتكلم ممكن يتكلم كويس جدا و يقنع ناس كتير من الى قدامه بس الى شوفته بعد كده غير الى هو قالهولى هو كان صورلى انه حد طالما دخلت معاه الشركه يبقى انت كده خلاص حققت الامان المادى
يبقى انت كده يا فيصل تشتغل معايا و كده حققت الامان المادى اللى شوفته عكس كده خالص الى شوفته ان هو اعتمد على شغلى انا و بدون مرتب و حتى كان فى ناس معانا فى الشركه كانو ناس او كان عامل فريق مكون فريق مش عايز اقول اسم الفريق عشان ميتعرفش الشخص ده مين و كان هو حتى بشهاده الفريق ده و اذا هو بيسمع التسجيل ده انا مش بهاجمك انا بتكلم عن وقائع متاخدش الكلام بشكل هجومى انا مش قاصد هنا انا قاصد اكتر انى اتكلم عن وقائع حصلت
حتى الفريق الى كان عامله قالو والله فيصل لما جه جاب شغل كتير جدا للشركه و عمل حركه احنا مكناش شايفينها ف يا فلان انا كده جيت عملت اكتفيتى و عملت اكتر بكتير من الى انت طلبته منى بس مافيش ف جينا فى يوم ( اللهم صل على سيدنا محمد ) لان حصل واقعتين مع الشخص ده مره طردنى مش طرد بمعنى الطرد عاملنى بشكل مش كويس خالص فى الشركه كنت انا بنام عنده على كراسى كده كنت ببات فى الشركه على كراسى و بفرش عليها بطانيه عشان ابات عليها كلمنى بشكل مش كويس خالص اما جه و ضرب الجرس فتحتله قالى مينفعش ايه الكلام ده مينفعش كده انت نايم ع الكراسى ف قولتله يا فلان بالراحه طيب قولى و ادخل البطاطين جوه قالى لا ممكن حد يجى افرض حد جاى معايا طيب ما لو حد جاى معاك كنتممكن تكلمنى تقولى يا فيصل اعمل حسابك انما متزعقليش و خصوصا ان انت الى عرضت عليا ابات عندك انت الى قولتلى ابات عندك انت الى قولتلى تعالى بات عندى ف وقتها مش ده الموقف الى انا عامل عليه المنشور بس وقتها خدت قرار ده كان تانى موقف خد قرار ان الشخص ده مش هاعتمد عليه فى حياتى و هو نفسه يراجع نفسه
بدايتا من الموقف ده و لو هو يسمعنى شوف كده انا معتمدش عليك فى اى حاجه فى حياتى صح نرجع للى عايز اقوله انا خدت قرار هو بصراحه عمل الى عليه يبررلى موقفه و قعد بردو يتكلم و فضل يتكلم تقريبا من نص ساعه ل 45 دقيقه حتى كنت عايز اروح المترو كنت عايز الحقه بس خليته يتكلم براحته ماقطعتوش هو من احسن الناس الى بتتكلم ف انا قولتله كده انت من احسن الناس الى بتتكلم بس بيحاول يبررلى و من وجهه نظرة يصالحنى انا قولت كذا عشان كذا بس انا كنت خلاص بصراحه خدت قرار لأ انا معلش انا مش هاقبل حد يهينى لان الطريقه كان فيها اهانه كان فيها صوت عالى و فيها زعيق و كان فيها اهانه على حاجه ممكن تتحل بشكل بسيط و كان تانى موقف مش اول موقف ف انا خدت قرار ان انا خلاص الشخص ده هابعد عنه خالص
انا عارف ان انا حتى كان فى سكرتير هناك قالى انت بقالك فتره مبتدربش يا فيصل الى انت مدربتوش ده مش هتنساه قولتله يا فلان الى انا بدربه ده انا الى عامله بتاعى هنساه ازاى الكلام ده فى 2011 هنساه ازاى سكرتير المدرب ده قولتله هنساه ازاى انا مش بشتغل من شرايح باور بوينت زيكو انا ده الى عامله و انا الى عايشه و انا الى متعلمه ف مش هنساه ف انا عارف انا مين و عارف انا ايه و عارف الى بينى و بين ربنا ايه
ف خدت قرار ان الشخص ده مش هعتمد عليه ابدا و هابعد عنه فى كل حاجه هو حتى يراجع نفسه هيلاقينى بعدت عنه فعلا الموقف بقى الى اتكلمت عنه فى البوست ده ان يعنى مش هينفع اقول تفاصيله اوى بس المهم حصل حاجه خلتنى ابات فى الشارع و مش هينفع ارجع الشركه ابات فيها الى كان معايا وقتها فلوس بس اقعد فى بيسموه عندنا فى مصر سايبر او مقهى نت قعدت فيه و حتى قعدت وقتها كنت قاعد بس انا كنت رايح بنية ان انا اشوف ان خلاص خدت قرار انى معتمدش على فلان ده خالص من اول موقف حتى لانى بدات اشوف كده او بدات اخلق وقتها ان الشخص ده مش هنمشى مع بعض طبعه مش ماشى مع طبعى ع الاقل
ف و انا على فكره قولتله كده حتى فى وشه قولتله بشكل محبتش ازعله بردو قولتله فى حاجات مش راكبه يعنى وحتى قعدت فى السايبر ده او النت كافيه ده و قعدت اكتب كده و قعدت ادور على شغل وظائف تدريب قعدت اكتب وظائف حتى ملهاش علاقه بالتدريب بس مش موضوعنا النهارده يعنى ( مشكله ) بس مش حابب اتكلم عليها النهارده المهم انا بستذكر الموقف ان وقتها طب ليه يعنى سيبك من كل ده خالص و فعلا كتبت بقى البوست ده و عشان ده لان فعلا انا عايش اللحظه و مبسوط اوى لان وقتها على ما افتكر كنت فعلا و و الى بقوله دلوقتى ان احسن حاجه عشان تغير الواقع تبقى سعيد اوى اوى و الى بيسعدنى وقتها الكمبيوتر و انا وقتها كنت بحب الكمبيوتر و الالكترونيات جدا ف قولت وقتها خلاص هاقعد على اى كمبيوتر افتح الفيس بوك و الحاجات دى انا دى الحاجه الى كانت بتفرحنى ف قولت خلاص هاعمل الحاجه الى كانت بتفرحنى و هاقعد عند حد عنده نت و مش هاشغل بالى خالص بالواقع ولا بالشغل ولا ان انا عايز اشتغل ولا اجيب فلوس و على فكره بالمناسبه كنت فى بلد غريبه انا اصلا من المنصوره و كنت فى القاهره كنت فى بلد غير بلدى عشان الناس الى بتقول انت معندكش بيت انا فعلا مكنش عندى بيت وقتها بلدى كان فى المنصورة يعنى مواصلات تقريبا 3 ساعات و انا واخد قرار انا معنديش اختيارين لكن انا هوصل لان الى عندى بفضل ربنا مش عند حد بس انا مش ميزه بس ربنا عرفنى انى كده بكون بناقض نفسي لو قولت انى متميز او مختلف انا قصدى ان انا قبل ما يعنىالى اكتشفته ده انا جربت قبله كل الحاجات الموضوع وقتها فى السوق حرفيا تخيلات و معايشات و توكيدات تقعد تقول لنفسك انا غنى كل ده جربته او تكرر كلمه معينه 21 مره او مده معينه كل ده جربته مجبش نتيجة معايا
ف اما جربت بقى الى ربنا شاء انى اتعلمه و جاب معايا نتيجة و طورته بفضل ربنا و خليته بتاعى ف خلاص هنجح ف مكنتش عايز ارجع المنصوره كان سهل جدا ارجع المنصوره و اهلى يصرفو عليا بس انا عرفت و ربنا علمنى كده بمشيئته ان افضل شيء فعلا انى انسى الواقع خالص و اعمل الى انا بحبه اوى ف ده الى انا عملته و هى الجمله بالبساطه دى ان انا عشت فعلا اللحظه و مهتمتش هصرف ايه وقتها على فكره ممكن الفلوس الى كانت معايا مكنتش تقضى الغدا بتاع تانى يوم بس يعنى انا عملت بس الى انا حابه و الى انا بفرح ان انا اعمله ان انا قعدت ع الكمبيوتر و اقعد بقى ع الفيس بوك و اقعد ع النت و كده حتى انا قولت لنفسي بالمره و انا قاعد ع النت ادور على وظاشف يعنى حتى ده مكنش الغرض الرئيسى بتاعى
الغرض الرئيسى بتاعى ان انا فعلا حابب الكمبيوتر جدا ف هاقعد و اتصفح المواقع و الحاجات دى هو ده ببساطه كل الرغة الطويل ده انا اسف بس ببساطه فعلا انا عملت الى يفرحنى و سبت الموضوع خاص انت بقى من اول ما انا بشتغل من 2009 مش من 2011 من و انا طالب بدرب
من وقتها لغايه دلوقتى بقولك فى الكورسات المدفوعه و المجانيه ان هى بالبساطه دى لكن انت مش عايز و انا بحبك زى ما انت بحب تفكيرك ده معنديش مشكله معاه و هبسطهالك اكتر كل فتره عن التانيه ببسطهالك اكتر تحرر سيدونا و حتى من الاول خالص كمان بقول لا تفعل شيء و بعد كده نوعا ما بزقك فى لا تفعل شيء اكتر من سيدونا ولو انت مصمم ان لا تفعل شيء مش جايبه معاك نتيجة ف بوديك لسيدونا تانى ف كده اذا انت ماشى معايا بالتسلسل هتلاقينى فعلا الكلام ده بقوله من تقريبا فى عاشر سنه تسع سنين داخلين فى عاشر سنه ف الموضوع بالبساطه دى كورساتى المجانيه او المدفوعه و بالمناسبه طب انت يا فيصل ليه بتدرب
لو انت متابعنى فعلا هتعرف بقى ان انا جيت فتره فعلا دربت مجانا و محدش استفاد زى ما افادت ناس و انا بدرب مدفوع ناس كتير جدا استفادو من التدريبات المدفوعه اكتر من المجانيه
رقم اتنين جيت فتره و وقفت التدريب خالص و ربنا يشهد كنت بجرى من الفلوس و الله العظيم كانت الفلوس بتجيلى كنت بديها لاول حد اشوفه محتاج بمبالغ كبيره جدا فلوس تجييلى ربنا رزقنى مثلا رزقنى 90 الف جنيه والله فى نفس الثانيه حد كان معايا محتاج 70 الف جنيه اتدهومله و انا مكانتش املك من الدنيا فلوس و كان عليا فلوس لناس ف هو الموضوع بالبساطه دى لكن انا مش معنى ان انت مش قادر انه هو بالبساطه دى ان انا اسيبك او ان انا يعنى و ده الى سبحان الله لما بتدرك حريتك و بتعرف ربنا و دى نقطه مهمه ان ربنا ردهالى قبل ما انساها
يا رجال الدين يا شيوخ انا بقول الكلام ده مش شمتان فيكو بس انا عرفت ربنا من طريقى اكتر ما عرفتو منكو انا اسف انا عارف ان انا و انا بتكلم ان انا مبتكلمش عن الدين كده الدين على عينى و راسى و على فكره انا بصلى و بصوم لان فى ناس كده انا مره قعدت مع حد و كان ليها بنت حاده شويه فى النقاش و من اول حاجه قالتها كانت فاكره انها كده دخلتنى فى حيطه سد هسألك بقى انت بتصلى قولتلها اه بصلى و بصوم و ماشى على دين ربنا بفضل ربنا صح بس يا رجال الدين يا شيوخ الدني انتو بعدتونى و بعدتو ناس كتير عن ربنا والله العظيم انا من فرط و كان سبب انى مش عايز ارجع للتدريب انى عارف الكمة مسؤليتها قدام ربنا ايه فى مره قريت منشور ان الامر يشيب لهوله الولدان ف لا تتخيل الكلمة دى و ان ناس تتعلم منك مسؤليتها ايه انا الناس هى الى تيجى على فكره تسألنى و انا ديما بقول اتعلم من نفسك قبل ما تتعلم منى بس انا حابب افيد الناس و اسعد الناس و طالما الناس بتحب ده بسهلها عليهم انا بقولك بقى انت يا عالم الدين يا شيخ الدين انا عرفت ربنا من طريقى و حبيته من طريقى اكتر من الطريق الى انت بتكلم بيه الناس نسبة كبيره مش هاقول كل رجال الدين فى كل الاديان مش الاسلام بس السماويه و الغير سماويه بيتكلمو عن ربنا بشكل كأنهم بيتكلمو عن نفسهم
يعنى هو الشخص ده لو معقد او حصله عقد و هو طفل و طلع شخص مثلا كاره للحياه هيتكلم بس عن ايات العذاب و الوعيد و انت و انت وانت و هتلاقيه بيقعد يشتم و يسب و و و و هتلاقيه بيستدل بأحاديث تؤيد ان هو صح و بيستدل بآيات من القرآن و الانجيل و التوراه و كل كتب الدينينه تأيد وجهه نظره لان هو مش واخد باله من دى بردو و انا عاذرو فى الجزئيه دى هو مبيتكلمش عن ربنا هو بيتكلم عن نفسه
بيتكلم عن نفسه من غير ما يقصد عشان كده ديما بحب استعيذ بربنا من نفسي و بقول ديما لا تكلنى الى نفسى طرفة عين ف انا عرفت ربنا بالطريق بتاعى ده و حبيته فى شيوخ جميله جدا و كلامهم جميل جدا بس الغالب للاسف المنتشر الى بيطلع فى الاعلام عشان كده انا مبحبش التليفزيون انا عارف ان انا يعنى ليا اتجاه تانى غير كل المدربين الى فى التليفزيون و مش حابب اتحط معاهم بصراحه فى نفس السله ف الى انا شايفه الناس الى بتطلع فى الاعلام و تسليط الضوء عليها مش ده الى يحبب الناس و تكتشف الى انا اكتشفته مش كلهم طبعا عشان محدش يزعل انا اسف لو التسجيل طول بس مش ده الى يخلى الناس تكتشف ان شاء الله ده تسجيل تانى عشان مطولش عليك ربنا من حبه لا اله الا هو ربنا عايز يديك و انا مش بحب احلف اما انا بحلف الناس ديما بتتوقع ان انا هكدب ربنا من رحمته و طيبته و حبه و حنيته مش عايز يديك الجنه بس و مش عايز يديك الاخره بس عايز يديك الاتنين ربنا عايزك تعيش اطول عمر ممكن و معاك اكتر عدد فلوس ممكن و معاك كل الذرية الى انت تملكها و يعملك كل ما تتخيله و كل المعجزات و كل الحاجات الى الناس بتقول عليها مستجيل ربنا حنيته و طيبته و رحمته كده هو كده لكن الى اتعلمتو من رجال الدين بقصد فى ناس قاصدين و فى ناس مش قاصدين خلانى اشوف غير كده و لولا ان انا ربنا كان معايا و سبت رجال الدين بلااستثناء و اتعلمت من نفسي و قريت كاب ربنا و بقيت الحاجات و الاحاديث الى وردت عن سيدنا محمد اما اشوفها لا ده ميمشيش خالص مع الى ربنا علمهوني فعلا الفتره دى و اراجع الحديث ده مع القرآن و انا عارف ان الحته دى هتزعل ناس كتير اوى انا بقولك الى انا عيشته و الى ربنا من عليا بيه لقيته فعلا مينطبقش فى حاجات كتير فى كل الاديان على فكره و فى كل كتب الحديث تتعارض اصلا تعارض صريح مع القرآن ف انا اما سبت كل رجال الدين و بصراحه حتى فى الدين شوفت كل اطياف بما لا تتخيله انا بحثت فى كل الاديان تقريبا و فى الدين الاسلامى بحثت فى كل الفرق الى فيه مش كلها يعنى فى معظمها بس كل حد كان ديما بيدعى ان هو الصح و ان هو الى عنده الحقيقه المطلقه
فى كل ما تتخليله و ما لا تتخيله فى داخل الدين الاسلامى بيدعى ان هو الى عنده الحقيقه المطلقه انا عشان مظلمش حد كل ده اطلعت عليه و نفس الحكايه طب ما انت الى بتقول ان عندك الحقيقه المطلقه و غيرك بيقول و انتو مبتقربونيش من ربنا انتو بتبعدونى عنه اكتر و ربنا عشان انا كنت ناوى صدق مع ربنا مش ناوى انى اعارض بس مش عايز اعارض و بالمناسبه انا مش بنصحك تعمل زيي يعنى انا بتكلم عن تجربتى فى الددين يا سيدى بقولك متصدقنيش بردو بقولك خد جرب و شوف انت مش لازم تطرق كل رجال الدين و مش لازم تسيب كل حاجه وبالمناسبه انا بصلى و اصوم الحمدلله تانى و بالمناسبه كمان الصلاه الحركيه لا غنى عنها عشان فى ناس دخلت فى موضوع تانى بس مش موضوعنا
لما انا بقى مشيت مع نفسي و انا مع ربنا لا يعنى انا يا رجال الدين و على فكره موجود فى دينا انا مجبتش حاجه جديده يعنى يمكن حاجه جديده مقارنه بغيرى فى الفتره زمنيه معينه لكن ده موجود فى القرآن و موجود فى احاديث كتير صحيحه موجود فى آيات كتير جدا اكتشفته مع ربنا انا كنت براجع ع القرآن بلاقيه موجود ف بطمن بس احنا مش عايزين نبص احنا بنبص على حاجات تانيه شيوخ تانيه بيقولها و انا مش بهاجم الشيوخ من كل الاديان انا بحب الناس كلها انا بتكلم عن دينى انا كمسلم و فى رجال فى دينى كويسه جدا و رجال دين محترمه جدا و انا نفسي بجب اسمعهم بس مش عايز اقول اسماء عشان الناس متقولش انى بعمل دعايه لحد سواء كويسه او مش كويسه انا عارف انى طولت عليك بس حبيت اتكلم عن التجربه كامله و اشوفك ان شاء الله فى فيديو جديد
فيصل عبد الواحد