بسم الله و الصلاة و السلام على سيدنا رسول الله عليه و على جميع انبياء و رسل الله الصلاة والسلام
الحقيقه انا يعنى منتشر من فتره طويله جدا منتشر كلام كتير و انت حد بتتابع و انا قولت ان اهم حاجه تقريبا ان اهم حاجه انك لما تتابع حد واحد بس سواء انا او غيرى لان اما بتابع كذا حد هما مش على نفس المستوى فلذلك ام انت بتابع كذا حد مبتوصلش لحاجه بتوه فى الاخر كأنك عايز تمشى من مكان لمكان او من مدينه لمدينه و سألت خمسه على الطريق و كل واحد اداك طريق شكل ف عمرك ما هتوصل هتقعد تلف حوالين نفسك و ده الاحساس الى كتير فيكو عايش فيه الى هو بيحس انه بيلف حوالين نفسه و مش عارف من كتر المعلومات و كتر الكلام الى بيسمعه و بيشوفه و بيقراه
ف انا حابب ابسط الامور و نخلى الموضوع بسيط ف الفيديو النهارده عن سبب رئيسي و ليس السبب الرئيسي يعنى مش السبب الوحيد لكن هى سبب رئيسى فى استمرار معاناتك او ان معاناتك لسه زى ما هى او بتزيد و هى حاجه اسمها الرغبه فى التغيير
الرغبه فى التغيير فى اى حاجه لازم هتخليها تستمر و هتزيد سبحان الله ربنا خلقك ان الرضا يعملك كل الى انت عايزه الاعتراض و السخط بيخلى المشاكل تزيد و هى الحاجات دى لما اكتشفتها بنفسى و لقيت الدين بيصدقها و سبحان الله كان اول الناس الى اعترضت على كلامى و مازالت هى شيوخ الدين يا جماعه انا لما ربنا بيفتح عليا بحاجه و لقيت كلام ربنا بيقول ان الى اكتشفته صح لأ انت غلط ...
ف الفكره ان الرغبه فى التغيير كأنك شراره نار او حاجه نار صغيره كده عندك بتحاول تطفيها بدل ما تطفيها بمية بتطفيها ببنزين او بجاز هى دى الرغبه فى التغيير انت عايز تقاوم الشيء ده و بترفضه و تحاول تغيره
شوف اى حاجه فى حياتك و انا بقول كلام و ضامنه شوف اى حاجه فى حياتك و شوف كده اكتر حاجه الحاجه دى اذا انت عايز تغيرها بقالك فره طويله هتلاقيها مستمره و بتزيد صح شوفت الحاجات فى حياتك المستمره اوى هتلاقى ان انت عايز تغيرها اوى طيب العمل ايه يا فيصل
العمل ان انت تبدا من النهارده و معلش انا مش عايزك تسمع الفيديو و تقرا بوست و تقول الله ايه الكلام الجميل ده حلو و تسيبه و تمشى لا معلش اكتفى حتى بالبوست اسبوع و طبقه و متعملش اى حاجه غيره انت هلاقى نفسك على طول بنتج و بتعمل و بتشغل جواك الرغبه فى التغير
انا عايزك اما تنتبه لده متضايقش مترفضش ده يعنى مثلا شوفت ان انت حسابك فى البنك مثلا او بلاش حسابك فى البنك عشان ممكن حد يقولى انا معنديش حساب فى البنك اصلا شوفت ان مرتبك او الفلوس الى معاك مثلا 100 جنيه لقيت نفسك بتشغل جواك على طول الرغبه فى التغيير ان انت مضايق و رافض و عايز لازم الواقع ده يتغير و اعمل ايه و الكلام ده كله خدت بالك من ده اوك مش هترفض ده رحب بيه و سيبه يتقال و كل ده و تختار ان بهدوء من غير ما تغصب نفسك بهدوء خالص لأ انا مش هافكر كده و مش عايز اشغل الرغبه فى التغيير دى
الرغبه فى التغيير او الى انت بتشغلها لما لقيت معاك بس 100 جنيه اهدا خالص و حبها لان مافيش جواك غيرك هتقاو نفسك ليه بهدوء خالص حب الى انت عملته ده و خد وقتك فيه دقايق حتى لو ساعات مش مشكله لغاية ما تحس بالحياد التام و تختار متشغلش الرغبه فى التغيير دى و عايزك تعمل ده بس مش مع الجانب المادى عايز اعلمك حاجه ان انت مشاعرك متحاولش تتحكم فيها بصو يا جماعه احنا و الحكايه دى مهياش صدفه ان احنا انشغلنا بمشاعرنا و افكارنا
و سبحان الله كل المدلابين و كل الناس و كل الكتب عرب و اجانب بيتكلمو عن الحكايه دى ازاى تتعامل مع مشاعرك و افكارك و دى مش الحرب الموضوع مش حرب اصلا انا اقصد ده مش الاهم انا مش عايز اتكلم و اضخم الامور بس فى كيانات من مصلحتها انها تشغلك فى الموضوع ده ان انت ازاى تتعامل مع مشاعرك و افكارك مش دى القصه خالص افضل حاجه تتعمل يا فيصل ايه ... لا شيء ... كلمه ديما بقولها من سنين طويله و انتشرت كتير و ياريت انتشرت على فهم هى مش محتاجه فهم ببساطه لا شيء فى احاسيس جواك كتير انت بتعملها مش عايز حتى اقولك اقبل القبول حاجه جميله و التقبل حاجه جميله اتكلمنا عنها كتير جدا لكن مش عايزه يبقى خطوه مش عايزو يبقى مجهود انا عايز ان انت لا تفعل شيء خالص
سيب كل شيء زى ما هو ابدأ بأن انت متشغلش الرغبه فى التغيير للواقع بتاعك و يبقى ان انت يبقى هدفك توصل للى احنا قولنا عليه ده انت متعملش حاجه خالص لمشاعرك كلها سيبك من موضوع المشاعر و الافكار مش هو الاهم خالص المهم انا مش عايز ادى كلام كتير اكتر من كده عشان مصعبش الدنيا هى حاجه بسيطه اوى اهى ان انت متشغلش الرغبه فى التغيير و هتلاقى حياتك بتتغير بأذن الله للى انت عايزه و توصل للى انت متعملش حاجه لمشاعرك و افكارك خالص و رجاءا عشان خاطرك انت مش عشانى انا اقعد اسبوع ع الاقل اعمل ده كل يوم متابعنيش يعنى حتى متتابعش حد اقعد اسبوع ع الفيس بوك مش لازم تقرا حاجات جديده الى تقراه متنفذوش خليك على ده مشكله كبيره من مشاكلكم انكو بتقرو حاجات و تنفذوها وقت قليل و بعدين تقرو حاجات تانيه و تنفذوها وقت قليل و هكذا و تفضل تنط من بوست لبوست او من مدرب لمدرب او من كورس لكورس عشان كده بتفضل فى الدايره الى انت فيها و مش هكذب عليك ده هدف كتير من المدربين انه يخليك ديما معاه معلقك بيه لكن زى ديما ما بقول فى كورساتى اذا انا علقتك بيا معنى ان انا علقت نفسى بيك يبقى انا كمان مش حر لكن هو الموضوع بالبساطه الى انا قولتها دى
تانى اذا انت اكيد هتلاقى عندك رغبه فى التغير شغاله فى حاجات كتير خلى بالك من ده و حبها و رحب بيها و اختار ان انت متعملهاش و كبتدأهاش بدون غصب على نفسك بكل حب و كل هدوء و يبقى هدفك انك توصل لحتة ان معملش حاجه لمشاعرى و افكارى خالص
كلام بسيط اهو يا جماعه معلش محدش يقولى نرجو مزيد من التوضيح و تبسيط الكلام مافيش ابسط منه و كلام سهل جدا اهو انا مبجبش عقد من نفسي ببقى ساعات كاتب حاجات بسيطه جدا و الاقى ناس كاتبه نرجو مزيد من التوضيح كلام سهل و بسيط اهو اتفقنا نفذ الى احنا قولناه سبع ايام و موقف متبعاتك للناس كلها