ازيك عامل ايه مره كمان معاك فيصل عبد الواحد امير نفسك دوت كوم
صباح الخير او مساء الخير اى كان انت بتسمع التسجيل ده امتى
ممكن يكون عنوان الفيديو غريب نوعا ما كالعاده يعنى لكن انا من زمان معملتش فيديوهات يمكن عشان الوقت عندى مضغوط جدا جدا فالنهارده يمكن العنوان كان بالشكل ده مش غريب بس هتكلم فيه عن حاجات كتير فعلا فى التسجيل ده و حاجات بتجيلى كتير فحبيت اضمها كلها مع بعض بأذن الله عشان حتى يبقى التسجيل حتى تسيجل واحد بس يعملك افاده كبيره بأذن الله
اول حاجه عايز اتكلم عليها النهارده حاجه مهمه جدا ديما بيجينى السؤال ده بس عايز اتكلم عنه بمفهوم مختلف ( موضوع الشفاء العضوى او دور الطاقه فى شفاء الامراض بأذن الله و الموضوع الكبير ده مش عارف انت عارف الكلام ده ولا لا بس انا من اكتر من 3 سنين فعلا شغال فى بحث ده مش بعمل كده للناس يعنى الا فى حالات نادره اوى اوى يعنى اشتغلت كده مع ناس فعلا كان فى حتى حاله قريب ممكن تكون بتسمعنى دلوقتى بنشتغل على السكر و لسه شغالين يعنى
فالمهم الى عايز اقوله ايه ان حتة ان دور الطاقه فى ان هى تعالج مبنى على حاجه مهمه جدا مبنى على حاجه ان و دى حاجه يمكن مظنش ان خدنا بالنا منها قبل كده يمكن اللى اتكتب عليها او قرأناه فيها كلام سطحى هو ان اى حاجه بيبقى ليها دور فى الجسد لان اولا و اخيرا الجسد عشان يبينلك حاجه معندوش الا انت يعنى فلو فى حاجه جواك عايز يدلك عليها عايز يعملك اعراض ليها هيعملك اعراض فين غير ان هو يبينهالك فيك او فى جسمك انت يعنى فأى حاجه اصلا المعتقدات الى انت اتربيت عليها التربيه الى جوالك البيئه الى انت عيشت فيها كل حاجه فى شخصيتك الحاجات الى انت بتحب تاكلها و مبتحبش تاكلها طريقه تعاملك مع الناس طريقة نومك كل حاجه ليها تأثير مباشر او غير مباشر على جسمك
حتى سبحان الله سيدنا محمد عليه الصلاة و السلام كان أنقى البشر اجمعين كان ديما يقال و دى حقيقه ان هو وجهه كان كالبدر يعنى ان سبحان الله مافيش في اى معتقدات ده اجتهاد الله اعلم صح ولا خطأ بس يعنى اظن ان هو مكنش عنده اى حاجه تخلى عنده مشاكل مثلا فى الجسد او مشاكل مثلا ان الوجه ميكونش منير زى ما هو سبحان الله عليه الصلاة و السلام فهو كان زى ما بنقول ديما أكمل الناس و الكمال لله وحده طبعا
مش عايز اتعمق فى الحته دى د ما تعمق فى الجزئيه التانيه و هى سبحان الله الكلام ده مش من عندى الحكايه يا جماعه بالظبط ان جسمك مخلوق من طين يعنى حتى ربنا بيقول كده سلالة من طين و هنا فى حكمه من الموضوع ده الطين يا جماعه اى حاجه سهل انها تشكله سهل انه يتشكل بالحاجه الى بتتحط فيه سهل زى ما بنقول بالمصرى انه يتطبع بالحاجه الى موجوده فيه
فالحكايه بالظبط ان فى جسد متطبع على المعتقدات الى جواه تانى الحته دى الحكايه ان الجسم ربنا خلقه من طين لحكمه يعلمها بس المهم ان الجسد ربنا اختار انه يخلقة من طين حتى من طين لازب يعنى سهل التشكيل لازب يعنى طين طري الى هو بتمسكه سهل يتشكل فالحكايه ان الجسد ده كأنك بالظبط جبت حاجه كده و حطيت عليها مثلا صلصال و فى آيات بردو بتقول ان الانسان خلق من صلصال كأنك بتحط صلصال على ايدك مثلا بعد فتره الصلصال هياخد شكل ايدم بالظبط الحكايه على الجسد الجسم بتطيع على المعتقدات و الحاجات الى جواه بياخد شكل معين عايز بس اقول نقطه هنا قبلما انسى صلصال مش معناها الصلصال الى احنا عارفينه هو معناها طين قابل للتشكيل
فالمهم النقط هدى عايز اخلص ليها بحاجه مهمه اوى ان الجسم الى انت عليه ده و الهيئه الى انت عليها دى ما هى الا تشكيل للحاجات الى جواك فسبحان الله حتى ربنا بيقول يوم القيامه ( بل هم فى لبس من خلق جديد ) اذا صحت الآيه يعنى ارجو مكنش غلطت فيها
يعنى سبحان الله يعنى الحاجات الى كانت فى الدنيا الى كانت عارفين طبعا الدنيا مهما كانت و ربنا وسع فى رزقك و مهما كنت مش هتبقى يعنى حاجه فى الآخره بس ده مش معناه بردو اننا نترك الدنيا و نسيبها يعنى مش معناه ان احنا منشتغلش و ننقعد فى البيت و نقول الدنيا مش حلوه بس ده موضوع تانى بدون دخول فيه
المهم فى الآخره الحاجات الى كانت موجوده فى جسمك و المعتقدات الموجوده عندك و الحاجات الى اتعلمت تتعامل بيها مع الناس و الى كان ليها دور حيوى جدا على جسمك مش هتبقى موجوده و سبحان الله ربنا بيقول (بل هم فى لبس من خلق جديد ) لذلك بعض المفسرين بيقولوا ان اجسد دنيوى ده بيفنى بعد الموت ده احد الآراء يعنى سواء صح او خطأ يو م القيامه ان شاء الله ربنا بيجيب جسد جديد ده رأى و الرأى ده يعنى بيدعمه الأمام ابن القيم فى كتاب الروح اما ذكر ان فى حوادث ما بين لقاء الاموات فى الأحلام او كده و قالو فعلا ان فى حاجات مؤكده قالو فعلا ان الجسد بلى و ان هما فى عالم البرزخ ده عايشين بروحهم على آخر هذا الكلام بدون التعمق بس فى رأى تانى بيقول لأ الجسد يبعث تانى بدليل الشخص الى خد عظام و راح لسيدنا محمد و طحن العظام يعنى قاله يحيها و يحييك و يدخلك النار فبدون دخل وفى التفاصيل الدينيه المهم ان الجسد تطبيع للحاجات الى جواك المعتقدات لاى جواك فنقاء الروح و النفس بيبان على الجسد ده فسبحان الله سيدنا محمد عليه الصلاة و السلام كان انقى الناس نفسا و روحا فسبحان الله كان باين عليه و كان ماشاء الله اجمل الناس و كان ديما وجهه منير زى ما كانوا يقولو كان كالبدر يقال عليه ان وجه كان بدر ليلة اكتماله فسبحان الله يعنى النقط هدى عايز اتكلم عليها حكايه مهمه اوى
اذا يا فيصل هل يجوز هل ينفع ان اى حاجه فى الجسم تتغير ؟؟ اه
تانى هل ينفع يا فيصل ان اى حاجه فى الجسك تتغير ؟ اه
الشعر ؟ اه لون العين ؟ اه بالنسبه للشعر على فكره فى ناس معايا استخدموا الكلام ده على شعرهم و بدون نصيحه منى هما خجوا الكلام فى كورسات معينه عند مثلا و هما وصلوا للوعى ده لوحدهم بدون اى مساعده منى و كان فى بنت كان عندها معتقد انها لازم تكون زى والدها شعرها خفيف و و و اتحررت بأذن الله و شعرها بدأ يتيغر بس فى هنا نقطه
حكاية لون العين و الطول و الحاجات دى قد يكون خطأ بس ده اقتناعى و الله اعلم ان اى حاجه تغيير فى خلق الله غير مرضبه اظن انها حرام تكبير اجزاء معينه او تصغير اجزاء معينه تغيير لون العين الطول القصر اظن انها حرام لان الشيطان بيقول و لأمرهم فليغرين خلق الله زى ما الآيه بتقول
فالحاجات الخاصه بتغيير خلق الله او الهيئه الى ربنا ادهالك الغير مرضيه اظن يعنى ان هى ممكن تكون حرام انما مثلا الشعر او حاجه مثلا مرض لا قدر الله او الحاجات دى اظن ان مافيش فيها مشاكل يعنى ده بالنسبه لموضوع الجسد و الشفاء العضوى و ده هنا هاقول حاجه مهمه اذا يا فيصل اى مرض ممكن شفاءه ؟؟ اه حتى الامراض و فى حاجات بس انا مش هتكلم عليها دلوقتى ممكن لو انت وعيك مش مرتقع نوعا ما تحس ان الكلام ده كلام و خلاص و ان انا بقول اى كلام و خلاص و ان الراجل ده كذاب و تقوم قافل الفيديو و تخرج ففى حاجات اذا قولتها دلوقتى صدقنى هتتصدم ففى حاجات مش بس مستحيله اصلا مينفعش التفكير فيها و بفضل الله مراحلها تقدمت بس انا مينفعش اتكلم عن حالات لان زى ما بقول الفيديو ده بيخاطب ادراكات وعى كبيره جدا فالمهم من ناحية المبدأ اه ممكن بأذن الله
عايز ادخل فى حاجه تانيه كمان مهمه و هى مرتبطه بجزئيه المعتقدات بفضل الله اتكلت قبل كده عن معتقدات كتير جدا جدا من2009 و انا بتكلم عن الموضوع ده و ديما بيجلى السؤال ده ازاى اتخلص من معتقد او موضوع ده ؟؟
بص حكايه المعتقدات دى مش كل المعتقدات ضاره جميل اولا و اخيرا فى معتقدات صادف ان دلوقتى بتشوف الفيديو ده مظبوط و اولا واخيرا فى معتقدات مسؤله عن الأكل الى انت بتاكله عن طريقة تعاملك ع الناس طريقة نومك عدد ساعات النوم و دى مهمه جدا عشان مافيش ناس بتصدق الحكايه دى بس انا شخصيا مبقدرش انام اكتر من اربع او خمس ساعات فى اليوم اعرف ناس بتنام اقل و بيكون مرتاح على فكره و اعرف ناس بتنام اكتر و اذا نامت اقل مبترتحش دى كمان خاصه بالمعتقدات
فالمهم الى عايز اقوله ان حته معتقدات مش معنى كلمة معتقدات يبقى تفتكر حاجه وحشه فى اه معتقدات بتأدى بنتائج معينه بنغيرها بس العمليه عملية اختيار فى معتقد مثلا بيخليك تتعامل مع الناس بشكل معين انت مش حابب التعامل ده و عملك حاجات انت حابب تغيرها خلاص بنغير المعتقد فى معتقد مثلا بيخليك يحصلك حاجات معينه فى الجانب المادى اوك النتيجه دى انت مش عايزها او مش حاببها بنغير المعتقد هى الحكايه بسيطه زى ما بنقول يمكن الكلمة دى انتشرت جدا ان حكايه بسيطه 1 + 1 بيساوى 2 معتقد بتغيره فالنتيجه بتاعته بتتغير واقع ومبنى على معتقدات فلما بتغير المعتقدات دى طبيعى ان الواقع ده يتيغير لان الحاجات الى هو مبنى عليها معدتش موجوده ن 1 +1 يساوى 2 فحته المعتقدات دى مش عايزك تبقى عايز تغير كل المعقتدات الى جواك و كل حاجه فيك متاخدش المعتقدات ان هى حاجه وحشه مش عايزك تبص لحاجه ان هى سيئه او جيده ان هى سلبيه او ايجابيه مهما كانت النتيجه مهما كنت شايف فى حياتك اعرف ان فى نتايج و دى خاصه بمعتقدات متحكمش عليها انها سلبيه او ايجابيه مجرد ما تحكم على الحاجه دى سلبيه فعلا بتفضل سلبيه فانما الحقيقه ان الحكايه ان الطاقه محايده و الكلام ده قولته كتير و بتاخد حكمك عليها بس فبس عشان نخلص او النقطه الى عايز اطلعلها من الموضوع ده ان المعتقدات مش ضرورى انها تكون سلبيه و مش ضرورى اصلا تحكم عليها اصلا انها سلبيه او ايجابيه المعتقدات بتأدى لنتايج معينه فمتفكرش انا هاقعد ازاى اتحرر من كل المعتقدات الى فى حياتى دى لأ احنا بس بنحدد المعتقدات الى انت المسؤله عن واقع معين و بنغيرها بس بالبساطه و السهول هدى
ثالث نقطه عايز اتكلم عليها النهارده و هى نقطه مهمه جدا جدا و للأسف يعنى ناس كتير جدا بتزعل منى اما بتكلم على حاجات زى دى بس انا مش بهاجم اشخاص يعنى انا بتكلم عن موضوع عن نقطه معينه زى مثلا نقطه الثراء منتشر اوى حد يسألنى انا عايز احس بالثراء و احساس الثراء لازم يكون عندى و ده مرتبط بنقطه تانيه هنتكلم عليها بعد شويه بس انا متأكد ان يمكن نسبة كبيره جدا مش عايز اقول رقم بس نسبه كبيره جدا من الناس الى بتبكتب الكلم هدى بيبقوا اصلا مش فاهمين الكلمة دى فالحكايه ان مثلا قرأت مدرب اجنبى بيقول او الحاجات دى كمدرب عربى بياخد الحاجات دى و انقلها نسخ و لصق و اترجم الحكايه انا هاقول لحد متدرب او متابع او لحد بيقرأ حس بالثراء و من غير ما اوضحله حتى يعنى ايه ثراء يعنى انا لو سألت حد يعنى ايه ثراء هيقول ان انت تبقى غنى و معاك كل حاجه و الحاجات دى و ده هيربطن بنقطه مهمه جدا هنتكلم عليها دلوقتى اسمها نقطه الكوب هنتكلم عليها بالتفصيل بأذن الله بس المهم ان فى حاجات كتير جدا منتشره غلط و فى ناس كتير جدا بتقرأ ان احساس الثراء لازم يتوفى عندك فتبدا تسألنى فيصل انا عايز احس باحساس الثراء ليه ؟؟ عشان اوصل لكذا كذا فالكلم هدى منتشره بشكل فطيع وللأسف يعنى و المعنى المقصود من التعبير غلط الحكايه ببساطه جدا ان انت هتكلم عن النقطه التانيه على طول
موضوع بسميه موضوع الكوبايه انا لو عندى كوبايه و مليان 955 او 97 % منها مليانين فعلا يعنى عندى حوالى 5% بس منها فاضى خلينا نكون متفائلين شويه مهما قعدت املى الكوبايه سواء هملاها ايه لو كنت بملاها حتى ماء دهب مهما قعدت املاها مش هوصل الا 5% بس لو عملت ايه مش هاقدر الا ل5% كمان اذا عرفت ان ال95% التانين الى جوه الكوبايه لازقه فى الكوبايه موجوده فى الكوبايه فمهمها عملت اضغط فى ال5% و املى فى 5% هو 5% بس فنفس الحكايه انت شخص مثلا عندك حنق على الواقع او ضيق او مقاومه او عندك احساس بالفقر مهما قعدت تملى من احساس ان انت تقنع نفسك ان انت غنى و او احساس انك تقنع نفسك انك فرحان و تملى احساس ان انت كل حاجه جميله و الحكايه و الحياة السهله و الجذب سهل و الحاجات دى مهما قعدت تملى انت بتملى فى 5% بس الحل ان ال95% و انا عارف ان النقط دى بالذات عشان يمكن متكلمتش عنها كتير فى ناس كتير هتاخدها و تحور عليها و تتكلم عليها فى موضوع و تنسبها لنفسها فبأى شكل لازم ال95% دول لازم تشيلهم الاول على اد ما تقدر شيل 5 من 95% الى جواك دول و هتبدأواحده واحده العميله هتزيد معاك هتبدأ تحس بالأحساس الى انت عايز تملاه اكتر بدل ما كنت هتحس بس ب5% مثلا احساس بالراحه ممكن بعد كده يبقوا 50% ممكن بعد كده يبقوا الكوبايه كلها المهم ان الحاجه الى حاجزه كان الكوبايه او الى واخده مكان من الكوبايه تشيلها المهم ان المعتقدات الى جواك او الحاله الى انت بتعشيها تشيلها و ده هيخلينا ندخل على النقطه التانيه و الى هى الشخص الى بيغصب نفسه و ديما الكلام ده بسمعه لازم تكون فى تردد عالى عشان تجذب الى انت عايزه جميل الكلام ده جميل بس الشخص ده دلوقتى واحد عنده مشاكل فى البيت او فى الفلوس او واحده عندها مشاكل مع زوجها او مع الاطفال او مطلقه او اى كان اى كان هيحس ان هو هيبقى فى التردد العالى ده ازاى هيغصب نفسه و فى نفس الوقت مش هيوصل الا لل5% دى بس و ده اقصى حاجه ممكن يوصلها
لو كان هو فعلا اتبع النصايح بالظبط اقصى حاجه ممكن يوصلها 5% انما الصح الصح مش حكاية ان انت تفضل فى تردد عالى على طول الصح ان انت الحاجات اصلا الى منعاك ان انت توصل للتردد ده تشيلها او الحاجات المسؤله انك موجود فىتردد تانى تشيل الحاجات دى لى اد ما تقدر و وواحده واحده بأذن الله تبدا انك تشيل الحاجات دى و دى كمان حاجه مهمه جدا ان لو جيت قولت لحد عشان كده ديما الموضوع ده بس خلينا نتكلم على النقطه المهم هدى الاول اما بتيجى عايز تسمح للواقع انه يكون زى ما هو انا عملت الحكايه دى كذا مره عندى على الصفحه على الفيس بوك اغلب الناس بيبقى عندها مشكله فى الحكايه دى لان هما لسه مفضوش الكوبايه و الحاجات الى جواهم فلما بتيجى تسمح للواقع انه يكون موجود قبل اصلا ما تدى احساس الضيق و المقاومه و الرغبه فى التغيير و الحاجات دى كلها اذا مدتلهاش حقها و و رحبت بيها كفايه و اتحررت منها طبيعى ان هتلاقى غرابه كده بأنك تسمح للواقع انه يكون انما من قبل ما تسمح للواقع ان هو يكون قبل ما تعمل مجهود او قبل ما تبدأ تتقبل الواقع ابدأ الاول تقبل ضيقك نحيته ابدا الأول رحب بضيقك نحيته ابدأ رحب بأحساس و حس فعلا ان انت مضايق الكلم هدى يا جماعه هتفرق كتير جدا يمكن حتى الكلمه دى فى كورس طاقه الجذب قولتها فى اليوم الثالث عشان فى وعى كبير جدا جدا تحتها مينفعش اقولها فى اليوم الاول ولا اليوم الثانى بس معندناش وقت اننا نتكلم 3 ايام يعنى فببساطه جدا جدا ادى لأحساس الضيق حتى حس ان انت فعلا مضايق لو انت شعورك نحية الواقع بتاعك متحاوليش او مضايق من والدك او مضايقه من زوجك او اى كان متحاوليش تضغطى على نفسك عشان تطلعى الاحساس ده اسمحلى لنفسك انك تضايقى فعلا اسمح لنفسك انك تزعل اسمحى لنفسك انك تبكى لو عايزه تبكى بعد ما تعمل الحاجات دى كلها و تاخد وقتك و تدى للأحساس حقه بأذن الله تقبل زى ما انت عايز وقتها اصلا هتلاقى تقبل الوقع ده مجرد ما تبقى عايز تحس ده هتلاقى الحكايه بقت طبيعيه لان خلاص الكوبايه فضيت او على الاقل شيلت جزء كبير جدا من الى موجود فى الكوبايه هتبقى قادر تحس بفرق الشعور الى جواك
فى نقطه مهمه عايز اقولها ان اقل من 1% زياده بتتحرر منه بيفرق معاك فرق كبير جدا و سبحان الله دى حاجه ربنا عملها لصالحنا احنا معنى كده كمان عايز اطمن الناس الى بتقولى عندى مثلا متدربين فوق ال60
انا بقالى مثلا على ما اعيي الحياه و كده مثلا 50 سنه من الوعى هل انا محتاج ان كل المعتدقات دى او السلبيات دى لو هنسميها سلبيات يعنى محتاج انى اغيرها كلها ؟؟؟
فبالأضافه لنقطه الى قولناها من شويه و خاصه بالمعتقدات كمان نقطه مهمه جدا ان اقل تحرر كافى جدا جدا و مش حكايه كافى بيعمل تغيير كبير اوى اوى لأن زى ما قولت من شويه 1% بس كفيل انه يعمل تغيير كبير جدا فى حياتك دى نقطه مهمه
و النقطه الثالثه هى الذكريات جوانا كلها متشابكه فأنت اما بتتحرر من ذكرى او موقف حصلك من زمان كمان بتتحرر من حاجات تانيه بدون اى مبالغه ملايين المواقف تانيه متشابكه معاه بدون اى مبالغه فمتستهونش بالتحرر البسيط الى انت بتعمله فى دقيقه او دقيقتين فو يوم صدقنى بيفرق معاك جدا جدا بفضل الله
ف أخد الكلام ده كله و ارجع لنقطه الثراء تانى عشان قولتلك لازم اوضح الكلام ده قبل ما ارجع و اتكلم عن النقط هدى بشكل مفصل موضوع الثراء ده ان انت لازم تبقى فى حاله الثراءو تبقى فى التردد بتاعها نصيحه منى سيبك من الموضوع ده كلام فارغ الاول اهتم اصلا بشعورك بالفقر و حسه و اتحرر منه و بعد كده شوف انت عايز تحس بالثراء او عايز تحس بأيه اى محاوله غير كده صدقنى هتزود المقاومه اكتر و تاكد وجود الفقر جواك اكتر لان انت عندك 95% فقر و 5% ثراء على اعتبار ان انت فعلا كملت ال5% كلهم الى يبقى ظاهر عندك ايه اكتر يعنى لو انت جبت الكوبايه كده و بصتلها من بعيد 95% منها لون اسود مثلا و 5% منها مثلا لون ابيض هيبقى انت اظن الاجابه
نصيحه خاصه بالنقط هدى ان متحسش بالثراء ادى لاحساس الفقر حقه و قيس ده على كل حاجه متحسش بالراحه ادى احساس التعب او الضيق حقه فضى الكوبايه الاول من الى فيها و بعد كده املاها زى ما انت عايز
ارجو ان شاء الله الفيديو النهارده يكون عجبك اتكلمت فيه عن الروح و الجسد و الكونسبت بتاع الشفاء العضوى و المعتقدات و الثراء و اولهم المنتشر الخاص بيها و اتكلمنا عن السماح للواقع و عن انك ديما يكون ترددك عالى و الوهم بتاع الحكايه دى
واحد ازاى هيبقى فى تردد عالى و هو عنده اصلا الحاجات متكرره قدامه كل يوم الى بتخلى الاحساس عنده جواه يتجدد و كويس انى قولت الحته دى لانها مهمه اوى اما تيجى ترحب و تلاقى تحس ان الاحساس ده ناتج عن واقع بيتكرر الواقع ده جميل بيتكرر و طبيعى انه يتكرر معاك عشان فعلا جواك الاحساس ده مجرد ما تبدأ ترحب بالأحساس ده هتبدأ تحس ان الواقع بدأ يقل ممكن ميتغريش مره واحده لكن هتبدأ تحس انه بدأ يقل لان الطاقه الى بتغذى استمرار الواقع هو احساسك بيه فلما يبدأاحساسك يتغير هيبدأ الواقع يتغير و بعد كده ممكن تتعمق شويه و تشوف المعتقدات المسؤله عن الواقع ده و تغيرها بس المهم ان اول خطوه الأحساس الى انت حسه نحية الواقع بتاعك ده اى كان سواء ضيق غضب احساس بالظلم احساس بالأحباد اى كان حسه الاول و اديله حقه
ارجو ان زى ما كنت بقولك ان شاء الله اكون وضحتلك فى الفيديو ده حاجات مهمه انا جمعتهم مع بعض عشان بس بقالى فتره مش قادر فعلا اعمل فيدييو انا بس فاضى حوالى نصف ساعه فأستغل الفتر هدى عشان اتكلم فيها عن حاجات متأخره عايز اتكلم فيها من زمان
ارجو الفيديو يكون عجبك و تكون استفدت
فيصل عبد الواحد
امير نفسك دوت كوم