ازيك عامل ايه مره تانيه معاك فيصل عبد الواحد و اليوم التاسع من سلسلة ما قل و كفى
حابب النهارده اسألك عملت ايه بعد امبارح ؟ بعد تسجيل امبارح اليوم الثامن ؟ عبدت ربنا ازاى ؟ تصدقت ازاى و قرأت القرآن ازاى و صليت ازاى ؟ خشعت فى الصلاة ازاى و انت بين ايدين ربنا و انت ادركت الحقيقه الى انت كنت بتغيب نفسك عنها بدون قصد ان هو مولاك و انت عبده بعد ما ادركت الحقيقه دى و فكرت فيها طول اليوم صليت لربنا ازاى ؟ يمكن حتى احد الصالحين مش عارف بصراحه مين الى قال المثل ده بيقول عشان تخشع فى الصلاه بيقول تخيل ان الله ينظر اليك و الملائكه تحتسب عليك الكلام الى اخر هذا الكلام يعنى
لكن فى حاجه احنا ما واخدين بالنا منها ان ليه تتخيل ؟ ليه تتخيل ان ربنا بيبص عليك و الملائكه بتبص عليك و انت بتصلى ما هو فعلا بيبص عليك و الملائكه فعلا بتبص عليك مش محتاجه تخيل دى حقيقه ربنا فعلا بيبص عليك و انت بتصلى و الملائكه فعلا بتبص عليك دلوقتى و انت بتصلى كل كلمه بتقولها بتتراقب عليك فمش محتاج تتخيل و تتخيل الملائكه بتبص عليك و ربنا ينظر اليك ده بيحصل فعلا
فبعد الى حصل ده و الى انت عرفته امبارح عبدت ربنا ازاى ؟؟
النهارده مش هتكلم كتير عايزك تبتدى تراجع نفسك و عايزك اذا فى حاجه معينه او حلقه معينه حسيتها و حبيتها و فرقت معاك من الثمان حلقات او السبع حلقات بأستثناء حلقة امبارح طبعا اسمعها تانى بالعقليه الجديده دى
فبس يعنى حابب اديك ان ده الى تعمله النهارده حاجه واحده بس زياده بعد الى احنا عرفناه امبارح الخلق الى هنتخلق بيه النهارده طبعا كان خلق من اخلاق سيدنا محمد عليه الصلاة و السلام ربنا يكتبلنا صحبته ان شاء الله هو الحياء مع الله
مش الحياء مع العباد الحياء مع الله و ان شاء الله يمكن فى التسجيل الحادى عشر او الاثنى عشر هتكلم فى حتة او نبذه عنها دلوقتى المعامله العاموديه ؟ ازاى معاملتك العاموديه مع الله او ازاى معامتلك مع الله بتبصب على العباد
لو فى مثلا مثال مادى عشان يقربلك الحكايه شويه اذا فى عامود مثلا بشكل رأسى مثلا طول متر او 2 متر اذا العامود ده انقلب و بقى افقى هايبقى بنفس المسافه 2 متر بردو على الارض بشكل افقى
فنفس الحكايه اذا معاملتك مع الله اتجهت لله وكانت اعلى و كانت مرتفعه هتنصب بشكل افقى بردو على العباد فده الاتجاه بتاعنا فى السلسله دى فالنهارده الخلق بتاعنا بعد الى احنا عرفناه امبارح هو الحياء مع الله من انك تعمل ذنب الحياء مع الله من انك تغلط الحياء مع الله من انك تظلم حد طبقها فى كل حاجه بتعملها فى يومك طبها حتى فى افكارك و خيالاتك الى بتجيلك و انت لوحدك
فبس مش حابب اطول عليك النهارده
اشوفك فى التسجيل الجاى ان شاء الله
فيصل عبد الواحد