ازيك عامل ايه مره تانيه معاك فيصل عبد الواحد و التيوم الثالث او التسجيل الثالث من سلسلة رمضان ما قل وكفى زى ما قولتلك النهارده هنبدأ نعمل شغل او هنعمل حاجات مختلفه و بسيطه اوى وقليله اوى زى ما هنعل طول الشهر بس النهارده بالذات هنعمل حاجات ليها علاقه بالناس اكتر
طالما انت دلوقتى عديت يومين و صليت بالطريقه الى بقولك عليها بأذن الله هتبقى حابب تصلى اكتر و عايزك تبدأ من النهارده طبعا اذا انت كنت بتابع التراويح دى حاجه جميله اوى لكن انا عايز نعمل حاجه زياده حاجه بسيطه اوى شوف مثلا اى فرض انت بتحبه و ابدا صلى السنة بتاعته مثلا لو انت العصر مافيش عليه سنه مؤكده الفجر او صلاة الصبح ابدأ صلى ركعتين الصبح صلى واحده واحده على اد ما تقدر اتعود عليها هنبدأ من هنا ان شاء الله نشوف صلاة بنحبها او صلاة خفيفه علينا و نصلى السنه بتاعتها ان شاء الله
تانى حاجه الحاجه الخاصه بالمجتمع او الحاجه الاكتيف الى هنعملها النهارده عايزك تصل رحمك عايزك تشوف حدمن عيلتك مكلمتوش من زمان و امسك الموبايل دور على رقمه لومعاكلو مش معاك هات رقمه من اى حته تقدر تجيبه منها و كلمه و على فكره الحكايه دلوقتى بقت اسهل من قبل كده بكتير قبل كده كان التليلفون بس و كمان ارضي دلوقتى فى ارضى فى موبايل فى فيس بوك فى حاجات كتير اوى تقدر تعرف التفاصيل الى انت عايز تعرفها منخلالها فأبدأ شوف حد فى عيلتك انت مكلمتوش من زمان و صل رحمك بيه عشان تاخد ثواب صلة الرحم و تاخد بردوثواب السنه و تعمل حاجه مفيده فى المجتمه بتاعك و بس ده الى عايز اقولهولك النهارده
ارجو انك تكون ان شاء الله بدأت فعلا تدبر فى قرأه القرآن زى ما قولنا و تكون اختارت السورة الى انت عايزها وتبدأ تحفظ آياتها و ان شاء الله بأذن الله هنبدأ بعد كده هتعرف من بكره ان شاء الله هنبدأ الى احنا حفظناه هنبدأ نصلى بيه
فبس حبيت اطمن عليك النهارده واقولك انك تصل رحم شوف حد طبعا التسجيل ده بتسمعه تانى يوم بالليل فأبدأ ان شاء الله لو حابب تجهز الارقام الى بتتواصل معاها النهارده جهزها عشان بكره تتكلم معاها على طول و ان شاء الله صل رحم و اشوفك التسجيل الجاى ان شاء الله
فيصل عبد الواحد