اهلا بيك مره تانيه معاك فيصل عبد الواحد و تسجيل جديد من سلسلة ما قل وكفى
الحقيقه ان النهارده آخر صفة ان شاء الله هناخدها من حياة سيدنا محمد و نتخلق بيها بأذن الله لكن قبل ما اقولك عليها مش هنحتاج فيها كلام كتير انا عايز بس اهنيك ان انت الحمدلله عملت حاجات كبيره جدا حتى لو فى نظرك صغيره بص بس على نفسك من حوالى شهر و حتى لو انت عملت حاجه واحده بس من الحاجات الكتيره الى قولنا عليها فدى فرقت معاك انك عملتها فى شهر كريم بفضل الله وخدت عليها ثواب و ثواب السنه فأتغيرت الحمدلله عايزك بس تبص على نفسك كده انت من شهر او شهرين كنت عامل ازاى ! فعايزك تفرح بنفسك احنا استغلينا قدرة الحاجات البسيطه اوى اننا نعملها كل يوم وصلنا ان احنا نعمل حاجات كبيره الحمدلله فمتستهونش بلى انت عملته بفضل الله
الصفه بتاعه النهارده الى هاقولك عليها و هى حاجه بسيطه اوى سيدنا محمد عليه الصلاة و السلام كان بيعملها مع نفسه مع الناس الى حواليه و بيسألوه او حتى فى الحياه العامه و هى اختيار الأسهل
احنا ديما اتربينا ان احنا الولاد بالذات اتربينا ان انت عشان تبقى راجل لازم تختار الصعب و لازم تتحمل المصاعب و لازم تتعب و الحاجات دى فكنا ديما بنختار و دى حكايه شائعه جدا نختار الحاجه الصعبه عشان نثبت ان احنا رجاله و بنستحمل لكن الحقيقه لو بصيت على دينك و على سيدنا محمد عليه الصلاة و السلام و على الاسلام هتلاقى ان مافيش كده خالص هتلاقى ان سيدنا محمد عليه الصلاة و السلام ما خير بين أمرين الا و اختار ايسرهما مش بس فى الدين فى الدنيا كمان وفى الحياه فعايزك تبتدى من دلوقتى ان شاء الله اذا انتى قدامك كذا حاجه سواء فى الدين او فى الدنيا اختارى الاسهل ليكى مش لازم الحاجه الصعبه المعقده الى فيها مجهود اووقت كتير طالما حاجه سهله و هترضيكى و بأذن الله مش هتتعبك فأختاريها و بردو فى الدين يعنى مثلا لو احنا اتفقنا قبل كده ان احنا ان شاء الله بدايتا من ما بدأنا نقوم قيام الله كل يوم ان شاء الله طول عمرها هنقوم الليل حتى لو ركعتين بس
فأذن انت جيت فى يوم كده و مش قادر قدامك اختيارين اما ان انت تصلى مثلا 4 ركعات قائم او تصلى ركعتين بس و انت قاعد او و انت جالس لو انت خلاص تعبان و مش قادر وقتها هيبقى الأيسر ليك انك تصلى ركعتين و انت قاعد فمتهيألى وقتها ده هيبقى احسن ليك كتير و قيس على ده كل شيء
فالسنه الى هناخدها النهارده ان شاء الله و هتبقى تعتبر عاده لان ان شاء الله تعتبر الحلقه الاخيره بكره ان شاء الله هنبارك لنفسنا و تبقى حلقة لذيذه كده انما النهارده اخر حاجه هناخدها ان شاء الله من سنة حبيبنا محمد عليه الصلاة و السلام و مبتنتهميش سواء فى 30 يوم او شهر او شهرين او عشره هى ان احنا نختار الايسر و نسهل على الناس و اذا حد سألنا و قدامنا حاجتين فأحنا نسهلها عليك مش عارف انت ملاحظ كده ولا لا بس انا بعمل كده على اد ما اقدر فى كل حاجه بفضل الله
يعنى لما بيجيلى سؤال او بعمل تسجيل او بعمل كورس ديما بختار الاسهل هو ده ديما الى بفضل الله بيجيب نتيجه
فى ناس بتحب المعقد و السهل اه انا ببين الطريق و انت كمان لو هتاخد دى عاده فى حياتك بين الطريق السهل للناس و سيبهم يختارو و دى الجزئيه التانيه ان انت مش معنى انك تبين للناس الحاجه السهله انك تجبرهم عليها رغم انها ممكن تكون الاصح و الاسرع و الأقوى وهى الأفضل فى كل شيء دين و دنيا لكن بردو الناس متعملهاش و لذلك بقولك اما تشوف ناس بتغلط رغم ان انت نصحتهم فخلاص هما احرار سبهم يعملوا الى هما عايزينه انت اولا و اخيرا انت ليك حياتك انت بس و هما ليهم حياتهم هما بس ربنا هيسألهم هما
فأنت حد سألك على حاجه او اثنين او ثلاثه و انت بينتله الأسهل و الايسر له و مهو مع ذلك اختار الصعب خلاص دى حاجه راجعه ليه
سيدنا عبد الله ابن عمر راح لسيدنا محمد بيقوله يا رسول الله اوصنى .. ان هو يعنى فى قوة و كده و يقدر يقوم كتير و يصوم كتير .. سيدنا محمد سهل عليه و قاله صوم يوم و بعد كده قاله انا فيا قوه قاله صوم يومين و بعد كده انا فيا قوه اكثر قاله طيب صوم ثلاثه لغايه ما يعنى ان هو هيصوم تقريبا الشهر كله و يقوم الليل كل الأيام فسيدنا عبد الله ابن عمر اما كبر فى السن ندم انه مخدش رخصه سيدنا محمد الحديث طويل فقاله انت مش هتقدر على الكلام ده و خد الرخصه دى و خليك فى السهل سيدنا عبد الله صمم و قال لأ عايز الأصعب و كده فسيدنا عبد الله بن عمر بلسان حاله قال يا ليتنى اخذت رخصة رسول الله
فبس متخليش العظمه تاخدك و خاصة حكايه عدم الاستمرار دى منتشره اما تاخد حاجه كبيره اوى و تعملها مره و اتنين و تقف هتبقى لا طايق تعمل الكبيره الصعبه ولا طايق تعمل السهله
فالأول خد الحاجه اليسيره الى هتديك الثواب و تأديلك العمل و تخليك تستمر بأذن الله
فبس العاده الى هناخدها النهارده هى اختيار الايسر و التسهيل على الناس و عدم اجبار الناس على الاختيار ده
ارجو ان شاء الله تكون السلسله دى تقريبا هما 28 حلقه و الحلقه التمهيديه يعنى هما 29 حلقه و حلقة بكره ان شاءالله هى الخاتمه ارجو انى اكون كنت ضيف خفيف عليك و ارجو انى اكون مكنتش ممل معاك و ربنا يكون قدرنى و افادتك و لو ليوم واحد بس
و اشوفك ان شاء الله فى تسجيلات جديده
فيصل عبد الواحد
ما قل وكفى امير نفسك دوت كوم