ازيك عامل ايه اهلا بيك مره تانيه معاك فيصل عبد الواحد و سلسلة ما قل و كفى التسجيل ال 26
النهارده هتكلم عن حاجه هتزعل منى ناس كتير جدا (الشيوخ) و الناس الى بتحب الشيوخ دى
هى حاجه سيدنا محمد عليه الصلاة و السلام وصانا بيها و فكره هو مكنش بيعملها بس وصانا بيها جدا
الى هتكلم عليه النهارده هى صلاة الاستخاره
طيب يا فيصل انت اتجننت سيدنا محمد مكنش بسستخير ؟؟ !! اه
الحديث الى بيقول كان رسول الله يستخير و يعلمنا الأستخاره إالى اخر الحديث حديث مالوش أصل دى رقم واحد
رقم 2 سيدنا محمد مكنش محتاج يستخير سيدنا محمد كان مع الله على طول فالمهم و مع ذلك سيدنا محمد كان بيوصى الصحابه انهم يستخيروا كل يوم و فى كل شأن لأن اولا و اخيرا احنا مافيش وحى بيجيلنا و اولا و اخيرا احنا مش رسول الله عليه الصلاة و السلام فسيدنا محمد شرعلنا الاستخاره دى و قالنا نلتزم بيها على اد ما نقدر
و على فكره الاستخاره فى حاجات كتير جدا هتعملها مش هتبقى منطقيه بالنسبالك يعنى مثلا انت صليت على حاجه و باين اوى ليك ان الخير فى الاختيار اليمين مثلا بس ربنا ان شاء الله دلوقتى هنفهم الاستخاره و العلامات بأذن الله بس ربنا قالك لأ فى الشمال فتبقى انت مش فاهم خالص بس سبحان الله مع الوقت ربنا بيبنلك فعلا ان انت كان عندك حق ان انت تسمع كلامه و على فكره ده بفضل الله بستخير ربنا فى كل حاجه فى اقل الحاجات بأذن الله و ده اهم سبب للى انا فيه حاليا بأذن الله
و ده بردو اسباب ان انا بعلن عن كورس و ارجع أجل فيه لأن بستخير ربنا ان انا انزله النهارده ربنا لا يريد بستخير ربنا مثلا انى اعمل حاجه معينه مثلا اسجلك كورس او اعمل حاجه معينه و انزلك شيء جديد و ابقى جهزته خالص و خلاص خلص بس ربنا بيشاء حاجه تانيه انا مش عارف الحكمه فين بس واثق فى ربنا بديلك المقدمه دى عشان هعيدهالك تانى بعد ما نخلص
النهارده صلاة الاستخاره ناس كتير جدا و شيوخ كتير للأسف مع احترامى الكامل ليهم افتوا فيها بغير علم ,.. بغير علم؟؟؟ اه بغير علم
انا مش بهاجم حد بس فى كلام بيشكك المسملين فى نفسهم و الناس مش ناقصه يعنى
يعنى فى حد قال الاستخاره دى دعاء قد يقبله الله و قد لا يقبله ّّ!!! لا اله الا الله
و حد تانى قال ان انت لازم تصليها بعد العشاء
مع كامل احترامى ليهم طبعا و بالنسبه للشيوخ انا مبرفضش حد بالكليه ممكن اكون برفض حد 99% و اجتهاداته كلها غلط بس اخد منه معلومه تفتح قدامى باب جديد ف مش برفض حد 100% يعنى
نيجى بقى لموضوع النهارده نستخير ربنا ازاى ؟؟
الموضوع بسيط جدا
اول حاجه مثال السفر انت عايز تسافر مثلا لدوله او جالك شغل فى دوله فبتستخير ربنا على احد الأمرين ان انت تسافر او متسافرش تستخير ربنا مثلا ان انت تسافر فبتنوى النيه ان انت تصلى ركعتين لله من غير فريضه يعنى ايه ؟ يعنى مش و انت بتصلى المغرب كده بعد ما تخلص تقوم قايل دعاء الاستخاره لأ ركعتين منفصلين و صليهم فى اى وقت المهم بس ميكونوش فى الاوقات الى مكروه فيها الصلاة الى هو زى الوقت بعد صلاة العصر لقبل المغرب او وقت شروق الشمس الى هو بعد الفجر
فبتصلى ركعتين عاديين جدا و مبتصليهمش لا بسورة الكافرون ولا بسورة الأخلاص و لابحاجه خالص صليهم بأى حاجه انت عايز تقراها و بعد ما تخلص صلاة بتدعى دعاء الاستخاره
" اللهم انى استخيرك بعلمك و استقدرك بقدرتك ... الى اخر الدعاء
و انت فى نصف الدعاء بتقول " اللهم ان كنت تعلم ان هذا الامر و تسمى الأمر يعنى مثلا لو مثال النهارده السفر يبقى سفرى الى كذا او مثلا زواجى من فلانه او الى اخر الأمثله خيرا و تكمل دعاء و بردو عند جزئيه شر بتسمى الأمر بتاعك و تكمل دعاء و بعد ما تخلص صلاة تنوى و ده تانى غلط الشيوخ قالو ان انت بعد ما تخلص صلاة مبتعملش حاجه لا انت بعد ما خلص صلاة تنوى ان انت تمشى فيه بمعنى بعد ما خلصت استخاره تنوى ان انت تروح الدوله دى
طيب انوى ازاى تعمل خطوه بمعنى ترد على الاميل الى جالك الى فيه الاوفر ده تكلم الشخص الى جابلك الشخص ده تبدأ مثلا تشوف اجراءات التأشيره المهم انك تبدأ تاخد خطوه هتبدأ تبان لك علامات ان انت تكلمل ولا متكملش
مثلا جيت تاخد خطوه تجهزالتأشيرة لقيت الباسبور بتاعك فجأه ضاع مثلا دى علامه
جيت تكلم شخص المسؤل قالك بدل ما كنت متفق معاك على مرتب معين و المرتب ده بقى اقل دى علامه انك متروحش
فالعلامات كتير و عايز اقولك على حاجه مهمه مهما كنت انت متمسك بالحاجه صدقنى الخير فى الى ربنا هيوريهولك عن تجارب شخصيه كتير اوى
كذا مره عندت للأسف مع الأستخاره و ربنا بينى ان انا اعمل حاجه و عملت عكسها
مش بحب كلمه ندمت بس هيبقى احسنلى كتير جدا لو كنت سمعت كلام ربنا سبحان الله ربنا بينبلك الطريق و انت حر
و على الجانب الثانى لما ربنا يقولك امشى يمين و انت مش فاهم تمشى يمين ليه هيبانلك فى الاخر صدقنى عن تجارب شخصيه كتير جدا
حاجات كنت عايز اشتريها و ربنا أرادش و جتلى بعد كده هديه
سفر كنت عايز اسافرله و ربنا مأرداش و بعد كده الى كنت عايزه جالى لغايه عندى
شخص كنت عايز اعمل معاه شغل و ربنا مأرادش رغم انه كان عارض عليا اوفر جامد جدا و بعد كده بان ان هو شخص بتاع مشاكل فالمهم الامثله كتير جدا
متخليش الايجو بتاعك ان انا عايز دى و مافيش غيرها يخليك ان انت اولا و اخيرا ربنا مش هيخسر حاجه انت الى هتخسر
انا عارف ان الحكايه صعبه انك تسيبى الشخص ده او انك تسيب السفر ده او انك او انك
على فكره انا شخصيا كان جالى موضوع السفر ده من زمان اوى من قبل ما ابدأ تدريب من حوالى اول ما بقيت مدرب او متخصص فى الى انا فيه حاليا من حوالى 4 سنين و جالى اوفر اسافر دوله معينه و ابقى مدير شركه تدريبيه هناك و استخرت ربنا و كان اوفر اى حد يشوفه ميترفضش مرتب خيالى و تسهيلات خياليه و استخارت ربنا و ربنا مأرادش و سبحان الله بحمد ربنا جدا انه مسهلهاش
فبس استخير ربنا و خدها عاده انك تستخير على أقل حاجه صدقنى هتبقى مطمن اوى ان ربنا ايده معاك و ان ربنا مباركلك فى الحاجه دى سواء عايزها او شاكك او او
طبعا فى حاجات تانيه و تفاصيل تانيه بس مش عايز اطول التسجيل انا عايز ابسط عليك على اد ما اقدر متقتنعش بحته الاحلام الاحلام ملهاش اى علاقه خالص دى حديث نفس حتى لو ايجابى او سلبى اقتنع بس ان انت تاخد خطوه و ابدأ كده مع الوقت هتبدأ تفهم ربنا عايز يقولك ايه
يعنى مثلا ساعات هيبان اختيار ثالث ممكن تكون مستخير على خيارين و ربنا مع الاحداث هيبينلك اختيار ثالث
المهم ابدأ من النهارده تخلى دى عاده عندك و استخير ربنا على الى ان شايفه و الى انت حبه و صدقنى هتاخد ثواب كبير اوى لو انت حاجه حاببها جدا و سبتها عشان ربنا قالك متعملهاش
والله انا مش بحب احلف كتير بس انا بقول كده عشان اخليك تصدق الحكايه دى
ربنا هيعوضك خير مكنتش تتخيله فبس
ارجو مكنش طولت عليك
اشوفك فى تسجيل جديد ان شاء الله من سلسلة ما قل وكفى
فيصل عبد الواحد