ازيك عامل ايه اهلا بيك مره تانيه معاك فيصل عبد الواحد وتسجيل جديد من سلسلة ما قل وكفى
عايز افكرك بحاجه مهمه جدا النهارده احنا فى العشره الأوراخر فعلا عايزك تفتكر الكلام الى قولتهولك فى اليوم الثامن الخاص بأنت بتعبد ربنا ازاى افتكر حقيقه ان ربنا مولاك و ان انت عبده و ان انت عبد خلقك عبد له و افتكر الحقيقه دى و انت بتعامل ربنا و انت بتصلى لربنا و انت بتقوم لربنا و انت بتدعى لربنا و بمناسبه الدعاء ادعى اقول ايه يا فيصل
بص كل شخص له دعاءهو الأنسب ليه لأن كل شخص استحاله يكون زى الثانى فى طبعا ابتداءات للدعاء حاجات تبدا بيها و تنهيه بيها زى الصلاه على سيدنا محمد و الحمدلله لله و الثناء على ربنا و انت فعلا عارفها لكن اتكلم مع ربنا انت عبده وهو مولاك اتكلم معاه بالطريقه دى و الدعاء هيطلع لوحده ده اصدق دعاء ممكن يطلع اصدق من اى حاجه ممكن تتعلمها لان ده فعلا هيبقى طالع من جواك بدون ما فيصل عبد الواحد او حد غيره يعلمك
الحاجه المهمه الى عايز اتكلم عنها النهارده و انت اكيد عارفها بردو بس هنخصصها كعاده و سنه عن سيدنا محمد عليه الصلاة و السلام سيدنا محمد قال انه كان يتوب فى اليوم سبعون مره و فى روايه ثانيه مائه مره و فى روايه ثالثه سبعون و اكثر فالمهم جزئيه الاستغفار دى انت اكيد اكيد بيتكلموا عن قوة الأستغفار و بيفيد فى الدنيا و فى الآخره و بيمحى الذنوب و بيعمل حاجات كتير جدا سواء من ناحية الطاقه فأنا والله مش متابع حد بالأسم بس متوقع ان اكيد ناس اتكلمت عن الحكايه دى و اكيد انت بتقعد على الفيس بوك كتير او بتقعد قدام التليفزيون قدام البرامج الدينيه الى بتتكلم عن الجزئي هدى فأنا مش عايز اضيع وقتك فى الكلام عن فائده الاستغفار هاقولك بس عن فائده واحده منه مظنش تكون سمعتها فى مكان تانى مش بقول كده عشان اقولك ان انا اول حد اقولها بفضل الله الى انا بتكلم عنه بيبقى انا اول حد قولته مش بحب اقلد حد او اخذ حاجه من حد
لكن بقولك مش هتبقى سمعته فى مكان تانى عشان حاجه قويه جدا فى فضل الاستغفار هاقولك عليها قبل الى احنا هنعمله
الكفار او المشركين او الناس الى كانوا موجودين حوالين سيدنا محمد عليه الصلاة و السلام من بالغ استهوائهم بيه حتى الكلام ده فى سورة الأنفال قالوله لو كلامك صح انا حتى هتكلم باآيات اكثر عشان تبقى الشواهد مقنعه ( اللهم إن كان هذا هو الحق من عندك فأمطر علينا حجارة من السماء آتنا بعذاب أليم ) بيقولوا يارب لو كان الكلام ده صح و الرجل ده الكلام الى عنده ده هو الحق فأمطرنا بحجارة من عندك
فسبحان الله الآيه الى بعدها احنا بنسمعها كتير اوى و مبنفكرش فيها الى بيتكلم هنا مين يا جماعه الى بيقول أمطر علينا حجارة من السماء (الكفار ) او غير المسلمين عامة يعنى بيقولو لو كان يارب الكلام ده صح أمطر علينا حجارة من السماء
ربنا رد على طول قال ( وما كان الله ليعذبهم و انت فيهم و ما كان الله معذبهم و هم يستغفرون ) الى بيتكلم زو ما قولنا غير المسلمين او المشركين طيب هل دول بيستغفروا ؟ لأ مبيستغفروش
طيب نفهم من كده ايه
نفهم من كده ان فى طائفه من الناس وسطهم الى هما المؤمنين بيستغفروا فالأستغفار ده بيدفع العذاب عن المؤمنين انفسهم و عن حتى الطائفه الكبيره الى هما غير المؤمنين او غير المسلمين
لذلك سبحان الله يقال ان السيئه بتعم و الحسنه بتخص لذلك سبحان الله فى نفس السورة سورة الأنفال ربنا بيقول ( و أتقوا فتنة لتصيبن الذين ظلموا منكم خاصة ) يعنى الفتنه لو جت مش هتصيب بس الظالمين او المجرمين او الكافرين هتصيب المؤمنين معاهم كأن ربنا بيوضح بعد كده فى الآيه الىبعد كده فى نفس السورة بيقول ان سبحان الله رغم الكلام الى بيقوله الكفار دول فبعض منهم بيستغفر فلذلك ده دفع عنهم العذاب ( وما كان الله لمعذبهم و انت فيهم و ما كان الله معذبهم و هم يستغفرون ) فالأستغفار حتى مش بيفيدك انت الاستغفار بيفيد حتى الناس الى مبتستغفرش الى حواليك
انا عارف انك متابع و سمعت كلام كتير عنه الأستغفار له فوايد كتير جدا جدا الكلام ده عايزين ناخده بشكل عملى انت اكيد سمعته من اكتر من حد و بتقول كلام جميل طيب نعمل ايه
عايزين نعمل زى ما سيدنا محمد عليه الصلاة و الصلاة ناخد ثواب السنه و ننتفع دنيا و آخره بأذن الله نعمل ايه ؟
بعد كل صلاة استغفر 15 مره ازاى ؟ افتح ايدك اليمين و استغفر كأنك بتسبح على عدد عقلات الاصبع الواحد لو كل صابع فى ثلاث عقلات يبقى 15 استغفار فى 5 بحوالى 75 يعنى حوالى 70 استغفار او اكثر كل يوم خلى الأستغفار عاده بعد كل صلاه و عاده كل يوم و ابتداءا من اليوم ان شاء الله طول حياتك و متعملهاش عشان تشوف اثر او عشان ربنا يجيبلك الحاجات الحلوه الى انت عايزها اعملها عشان حاجه ثانيه اهم سيدنا محمد بيقول و الحديث ده بردو ممكن تدور فى سنده حديث صحيح و موقوف فى طرق كثير ( إن المؤمن كان اذا اذنب ذنبا كانت او نكتت نكتة سوداء فى قلبه فإن تاب و نزع و استغفر و هنا سورة التوبه يا جماعه عشان اخواتنا الى بيقولو اعمل الى انت عايزه و استغفر و هتدخل الجنه شروط التوبه عشان ربنا فعلا يغفرلك الذنب ده فإن تاب و نزع و استغفر يعنى ايه ؟
خرج كده من الذنب ده عرف انه عمل ذنب و ندم عليه اتهز منه و نزع خرج من الفعل الى كان فيه ده و استغفر يعنى ايه تاب و نزع و استغفر يعنى الكلام الى بنقوله ده كله و عزم انه ميرجعش تانى ده معنى كلمه تاب يعنى اقلع عن الذنب او الفعل و معدش هيرجعله تانى استغفرت و نزعت و توبت هى دى فعلا الشروط الى ربنا هيغفرلك بيها
انما تبقى بتعمل الفعل وتستغفر ربنا عليه وفى نيتك انك تكرره تانى يعنى ده اصلا لا يليق بجلال الله سبحان الله
المهم الحديث بيقول و ان استغفر و نزع و تاب ثقل قلبه يعنى قلبه بقى اطهر فإن زاد زادت فذلك الران الى ربنا بيقول عليه فى الآيه فى سورة المطففين كلا بل ران على قلوبهم ما كانو يكسبون ... يعنى بالبلدى كده كل ما بتذنب ذنب بيتحط نقطه سوده على القلب و بتفضل تذنب تذنب لغايه ما يتطبع على قلبك و ده الى ربنا قال عليه فى سورة البقره ختم الله على قلوبهم لغايه ما بيتحط طبقه كده على قلبك اما بتسمع كلام ربنا ولعياذ بالله قلبك مبيرقش القرآن مبيزيدكش خشوع مصاحبه المسلمين بتبقى مش بتحبها فسبحان الله حتى كلمة ران فى اللغه كانو بيستخدموها فى الجيوش زمان الدرع الى بيتلبس على منطقه الرجلين و كان بيبقي سميك عشان يحمى منطقه الرجلين من الحروب كان بيطلق عليه الران
فالمهم انا بقول كده انت مش عارف انت اذنب اد ايه فى حياتك ممكن تكون اذنب انك اسأت الظن بحد ممكن تكون اذنب بأنك كذبت ممكن تكون اذنب انك جبت فى سيرة حد و انت مش عارف انها غيبه بص خدها قاعده كده الكلام الى بتقوله على حد هو ميعجبوش لو سمعه تبقى غيبه عشان تريح نفسك هتلاقي حاجات كتير فى يومك فاكرها عاديه جدا لكن هى غيبه
فأنت مش عارف اغتبت اد ايه و ظلمت من غير ما تعرف اد ايه و اتكلمت وحش اد ايه عن ناس و جبت فى سيرة ناس و اذنبت ذنوب انت مش عارفها لذلك عايزين نستغل الفرص هدى هنعمل حاجه بسيطه اوى 15 استغفار مش هياخدوا منك دقيقه او اقل دقيقه كل صلاة بأذن الله تبقى خدت عاده من عادات سيدنا محمد عليه الصلاة و السلام و تبقى طهرت النقط السوده و بأذن الله تستفيد دنيا و اخره لذلك العاده بتاعتنا النهارده تانى بعد كل صلاة استغفر 15 استغفار وزعهم على ايدك و متعملهمش بعقلك متقعدش تفكر 1 2 3 4 ودى سنه بردو عن سيدنا محمد لما شاف ستنا عائشه بتسبح على نوى التمر قالها استخدمة ايدك علشان تشهدلك يوم القيامه هنستخدم ايدينا عشان تيجى يوم القيامه هتقول كان بيستغفر و كان كذا
انا طولت عليك النهارده انا عارف لكن حبيت ان انا اجمع او اشمل على اد ما اقدر فى اقل وقت ممكن و اشوفك فى تسجيل جديد ان شاء الله
فيصل عبد الواحد