ازيك عامل ايه مره تانيه معاك فيصل عبد الواحد وتسجيل جديد من سلسلة ما قل وكفى
قبل ما ادخل معاك فى جزئيه النهارده عايز اتكلم عن نقطه توضيحيه لجزئيه امبارح الخاصه بالسماح
فى ناس كتير جدا فاكره ان انت اما تسامح معناها انك تتنازل عن حقك عند ربنا او معناه ان ربنا مش هيجبلك حقك لأ مش معنى ان انت تتنازل انك مش هتيجى يوم القيامه و ربنا يقتص ليك من الناس دى بالعكس معنى ان انت تسامح الناس الى ظلمتك معناها اكثر من حاجه منهم ان انت هترتاح فى الدنيا و منهم ان حقك هيجيلك بأذن الله فى الدنيا أسرع و منهم كمان ربنا مش هيتنازل عن حقك
فمش معنى ان انا اسامح يا جماعه اصل السؤال ده جالى هو انا لو سامحت معنى كده ان ربنا خلاص مش هيحاسبهم فى الآخره ؟ لأ
هما عملوا حاجه و الحاجه دى تضمنت ذنب فى حق حد تانى فأى استغفار مش هينفعهم الا اذا اعتذروا للشخص الى غلطوا فى حقه طبعا فى استثناءات تانيه لو شخص توفى او كده زى ما احنا اتكلمنا قبل كده بس لو انت غلطت فى حد ربنا مش هيغفرلك الذنب ده الا اذا اعتذرت من الشخص الى غلطت فى حقه و ردتله حقه لو انت كنت خدت منه حاجه يعنى حتى فى حديث ورد من اكثر من راوى او من اكثر من سلسلة مش عارف ضعفوه ليه بس لأهل العلم اسبابهم لكن ورد حتى من اربع طرق على ما اذكر طريق عن ستنا عائشه و طريق عن سيدنا أنس ابن مالك و عن سيدنا سلمان كل الطرق دول انا بس بقولك علشان لما حد يجى يدور فى الحديث ده يقولك ده حديث ضعيف او منكر انت هتفترى على النبى و الحاجات دى لأ الحديث الى هاقوله ده صحيح ليه صحيح ؟
لانه ورد عن اربع طرق ثلاث طرق منهم فى ناس روياتهم فيهم كلام و ان هما مش ثقه و كده لكن فى طريق منهم حسن و الناس قالت ليه انه حسن و صحيح و كل رواة السلسلة رواة ثقات و يعتمد على روايتهم يعنى فالحديث بيقول ( الظلم ثلاثه ظلم لا يغفر و ظلم لا يترك وظلم يغفر ) فاما الظلم الذى لا يغفر فالشرك بالله و اما الظلم الذى لا يترك فظلم الناس بعضهم بعضا و أما الظلم الذى يغفر فظلم العبد نفسه
يعنى الحاجات الى انت بتعملها حاجه من ثلاثه او الذنوب حاجه من ثلاثه اما شرك بالله و ده ربنا مبيغفروش ابدا يا أما ذنب بينك و بين ربنا قصرت فى صلاة فى صيام قصرت فى زكاة الى اخر هذه العبادات و دى براويات الحديث الثانيه الله لا يعبيء بها اصلا لكن انت هنا معلق بالمشيئه اما ان يغفر لك و اما ان لا يغفر لذلك فى القرآن ربنا بيقول ليس لك من الأمر شيء ما معنى الآيه انه يعذبهم اه و يتوب عليهم لذلك اما الآيه نزلت فى غزوة أحد سيدنا محمد طمع ان ربنا يغفر للكفار قال اللهم اغفر لقومى فأنهم لا يعلمون
المهم عشان منحدش عن الحديث و الحاجه الثالثه الى ربنا مبيغفرهاش ابدا هى ظلمك للعباد او ظلم العباد لبعضهم بعض عشان بس الناس الى بتحب تدور فى الاحاديث ورايا الحديث ده عن طريق سيدنا الحسن يعتبر اصح الطرق يعنى فالمهم مهما انت سامحت صدقنى سامح عشان ترتاح و ربنا مش هيسيب حقك عشان بس الناس تبقى مطمنه عن الجزئيه دى
ادخل فى الجزئيه المهمه بتاعه النهارده و سؤال عايز اسألهولك و تجاول بصراحه
طبعا كلنا بنقول احنا بنحب ربنا و اتكلمنا عن الجزئيه دى قبل كده لكن عايز اسألك سؤال دلوقتى هتبينلك دلوقتى انت بتحب ربنا اد ايه
الصلاة و الصوم و الحاجات ( المفروضه دى ) اذا ماكنتش مفروضه وكانت مجرد سنه او مستحبه كنت هتعملها ؟؟؟ تانى الصلاة و الصوم و الزكاة و الحج او خلينا مثلا فى الصلاة و الصوم عشان دول أقرب ليك و بتعملهم بشكل مستمر اكثر اذا مكانوش فرض و كانو سنه او حاجه مستحبه فى الدين كنت هتعملهم ؟؟؟
انا هاسيبلك انت الأجابه على الجزئيه دى و عايزك تبقى صريح مع نفسك و عشان تحدد انت واقف فين لو فى حد مثلا رايح من القاهره لأسكندريه و بينهم مثلا 300 كيلو و هو مقتنع ان بينهم 50 كيلو كل ما يعدى 50 كيلو ميوصلش هيضايق و هيزعل فأعرف انت واقف فين بشكل حقيقى عشان تعرف انت محتاج اد ايه عشان توصل للى عايز توصله
الجزئيه العمليه الى هتكلم عليها النهارده و دى بردو عاده و سنه من سنة سيدنا محمد عليه الصلاة و السلاو و دى انا جربتها بنفسي والله
سبحان الله اما بيكون عندى حاجه عايزلها حل او مش لاقى لها حل فى الوقت الحالى سبحان الله من مجرد ما بصلى ممكن لو صلاة فرض العصر او الضهر مجرد ما بدخل فى الصلاة سبحان الله الحل بيجى على تفكيرى او الحل بيجيلى سبحان الله سيدنا محمد كان ديما بيقول و احديث ده بردو كان له روايات كتير عشان اذا لقيت روايه له ضعيفه دور كويس هتلاقى روايات كثير جدا و طرق له ورد عنها بشكل صحيح ( كان اذا فزعه أمرا حذب الى الصلاة ) يعنى لو فى حاجه سيدنا محمد مش لاقيلها حل كان بيصلى
احنا خدنا الحديث ده و سمعناه اه ان الصلاة بتتقرب من ربنا طبعا بتتقرب من ربنا و بيحللك المشكله بس نسينا الجزء العملى الى هما انا تفسيري كواحد فى علوم الطاقه و قانون الجذب انا انا بصلى او انت بتصلى بندخل فى تردد تانى خالص غير الى انت كنت فيه قبل الصلاة انا شخصيا جربت كده و فى هنا رأيين
رأى سيدنا محمد عليه الصلاة والسلام ان اهو كان اما بيحتاج حل لمشكله بيفزع الى الصلاة و رأى الامام ابو حنيفه و هو مخالف تماما ومش عارف ورد عنه و قال كده ولا حاجه قيلت عنه كذبا انه ملخص القصه واحد راح له سأله انه هو خبأ كنز و نسي مكانه فبيسأله يعمل ايه فسيدنا ابو حنيفه قاله ماليش خبره فى كده بس بعد ما مشي نده عليه و قاله يا هذا صلى من العشاء او قوم من العشاء حتى الفجر فالرجل جاله ثانى يوم و قاله يا امام صليت فعلا و سبحان الله و انا فى الصلاة افتكرت مكان الكنز فأنت عرفت ازاى يا امام ان ده هيحصل قاله علمت ان الشيطان لن يتركك تصلى هو قصده ان الشيطان مش هييسبك تصلى و هيفكرك
فهنا فى رأى الأمام ابو حنيفه ان الى بيقولك الحلول هو الشيطان و لعياذ بالله و فى رأى سيدنا محمد عليه الصلاة و السلام و ده انا اميل له اكثر ان انت لما بتدخل الصلاة المشاكل بتبدأ تتحل
سواء بقى علميا ان انت بتدخل فى تردد تانى سواء ان عقلك بيكون نوعا ما غائب عن المشكله اى كان المهم ان احنا لقينا الحل عايزك تعملها عاده ابتدأ من النهارده انا يبقى عندك مشكله صلى على فكره سواء صلاة فرض او صلاة غير فرض انا جربتها فى الاثنين و صدقنى اول ما بدخل فى الصلاة و ببقى بين ايدين ربنا سبحان لله بيجى حل من مافيش من الهوا زى ما بيقولو فالعاده الى عايزك تتعود عليها النهارده انك تصلى بأذن الله او انك تخلى الصلاة هى حل المشاكل صدقنى هتستفيد دنيا و آخره بأذن الله و عايز أكد عليك بس ابدأ المفروض تكون بدأت فعلا بس عايز أكد عليك
اجتهد فى قيام الليل صلى بعد العشاء اربع ركعات على طول الى هو النصف الأول من قيام الليل و بعد كده مثلا بعد الساعه 12 بتوقيت مصر طبعا و اى حد بيسمعنا من مكان تانى يراعى فرق التوقيت ما بينه و بين الفجر فالمهم قبل الفجر بحوالى 3 ساعات صلى النصف الثانى من قيام الليل او التراويح عشان يبقى فى النصف الأخير من الليل طبعا انت عارف فضل ده و مش عايز اتكلم نه كتير
فبس اجتهد فى الصلاة النهارده خدها يوم بيوم ومتشوفش ان انت لسه قدامك 9 ايام تصلى خدها يوم بيوم بس خدها ان الى عليك تصليه فكر كده الى عليك تصليه هو النهارده فقط و اما يجى بكره نفس الحكايه اذا بصيت ان لسه ليك مثلا اذا انت عارف ان انت هتعيش مثلا سنه و افاض عليك بعلمه وعرفت انك هتعيش السنه الى جايه كلها و قعدت تفكر تقول ياه انا لسه هصلى السنه الى جايه دى كلها الى هما الخمس فروض يعنى مش هتعمل حاجه انما انت عشان بتاخد الحكايه يوم بيوم بتصلى الحمدلله فنفس الحكايه مع التراويح و قيام الليل خدها يوم بيوم متبصش لكتله ال9 ايام دول مع بعض فأرجو مكنش طولت عليك و نعيد تانى على الجزئيه الخاصه بتاعه النهارده مش هتكلم عن المراجعه بتاعه امبارح الجزئيه الخاصه بالنهارده انك تصلى عشان تحل المشاكل بأذن الله و تجتهد شويه فى قيام الليل هنقسمه اربع ركعات بعد العشاء على طول و باقى التروايح الى هما الاربعه و الشفع و الوتر هنصليهم فى الثلث الأخير من الليل بأذن الله
ارجو مكنش طولت عليك مره تانيه و اشوفك فى تسجيل جديد ان شاء الله
فيصل عبد الواحد